الجزء الرابع والاخير من العفريت الوسيم

 

حنين:احنا هنستنى يا معلم 

الامبراطور:لا معلش امشوا انتوا وسيبوني اشوف شغلى

مشيوا 

اخر اليوم اتصل عليهم الامبراطور وقال للاسف مافيش اى اخبار عن البنت دى واضح ان اللى خطفها حد جديد على الكار وعمل عمليه كده سريعه يطلع بيها بقرشين 

بس الموضوع كده يهمنى اكتر منكم لان ده يهز صورتى فى الكار 

انا عاوز اللى شاف المكان اللى كانت سيارة الراجل واقفه وقت ما وضع فيها البنت يعرفني المكان ده فين بظبط

حنين:حاضر يامعلم احنا هنقبلك 

ولما اتقبلوا ووصلوا عند المكان 

حماده قال لهم على المكان اللى السياره كانت واقفه فيه فأمر الاشخاص التى معه ان تبحث فى كل جه عن وجود اى كاميرات مراقبه خاصه بأى مبنى قريبه بالمكان

وتوصلوا إلى كاميرات قريبه من المكان واستطاع بعلاقاته طلب من صاحب هذه الكاميرات تفريغاها 

وعند مشاهدته الفيديوهات المسجله شاهد الشخص الذي قام بخطف طيف

وسأل صبيانه حد فيكم ياواد انت و هو يعرف حاجه عن الواد ده

واحد منهم ايوه يا باشا دا صبي من صبيان تبع مسؤول كبير اوى يا كبير المسؤول ده بيحتاج البنات دى عشان يقدمهم قربان للجن حارس المقابر اللى بيفتحها ويستولى على اللى فيها

حنين:يعنى ايه البنت كده مش هترجع ولا ايه 

الامبراطور: مين اللى قال كده هترجع هو انا بالعب ولا ايه بس كده الحساب هيزيد عشان انا مش هينفع اكلم المسؤول ده مباشرة عشان هينكر معرفته بأى شيء لان مهما هساومه على البنت مش هيوافق لان اللى هيجى من وراء تقدميها للجن اكتر بكتير 

حنين:ايه اللى انا سمعاه ده هيروح البنى آدم عندهم رخيصه للدرجه دى 

الامبراطور :قولتوا ايه سيبك من الكلام الفاضي ده الناس دى مش شايفين حد غيرهم على وجه الدنيا اصلا ومش شايفين ان حد ليه حق يعيش على الأرض دى غيرهم وان باقى المخلوقات الفقيره اللى حواليهم دول مخلوقين لخدمتهم وساعدتهم هما وبس 

وافقتوا على المطلوب هتصرف بطريقتى وهظبط صبيانه بمبلغ يغريهم عشان يسلكوا لرجالتى يدخلوا يجيبوا البنت ويجبوهالكم 

وياريت تاخدوا قرار بسرعه قبل ما يتصرفوا فى البنت ولو مش عاجبكم عندكم الشرطه استنوها لما تتحرك وهى هتجبلكم البنت بس فى المشمش 

حنين:يعنى عاوز كام

الامبراطور: ٣٠٠ الف ونصف المبلغ يكون عندى الصبح عشان اظبط الأمور 

حازم:كتير اوى اوى احنا اصلا مش معانا المبلغ ده

حنين:انا هتصرف 

حازم:تتصرفي ازاى

حنين:هتعرف دلوقتى

مسكت تليفونها واتصلت على سمسار كان وصل لرقمها لما لقاه مغلق فتره وقال ليها انه عنده مشترى جاهز فى اى وقت لو حبت تبيع الشاليه 

رد عليها وقال ايوه يا استاذه اكيد فكرتى وقررتى تبيعى الشاليه 

حنين:ايوه بس عندة شرط أن البيعه تتم بكره الصبح لانى محتاجه الفلوس تكون عندى الصبح

السمسار :والله هاتصل على المشترى ولو قال لى تمام هكلمك حالا وقفل 

حازم:ايه اللى عملتيه ده هتبيعى الشاليه عشان طفله مالكيش اى صله بيها ما نسيب الشرطه تتصرف وهى هتجبها 

حنين:احنا ولو اعتمادنا على إجراءاتهم هتكون البنت راحت والله واعلم ممكن لو عرفوا ان الموضوع له صله بمسؤول كبير يغطوا على الموضوع وصهينوا 

حنين:وحياتك يامعلم تشوف شغلك انت وانا هتصرف فى المبلغ علطول بس ارجوك طمنا على البنت ارجوك 

الامبراطور:من عنيا ياجميل 

 وفعلا أعطى اوامره لصبيانه يوصلوا لصبيان المسؤول ده ويعرفوا ان كانت البنت لسه على قيد الحياه ولا لا وان يوصلوا معاهم لاتفاق 

وشويه واتصل عليها السمسار وقال ليها ان المشتري جاهز وبكره الصبح هيعدي على البنك يصرف الفلوس ونكتب العقد 

وقفلت معاه 

ورجعت للامبراطور واكدت عليه ان المبلغ هيكون جاهز الصبح 

ورجعوا على الشاليه وحازم كل اللى على لسانه انا ما شوفتش كده ابدا فى حد يعمل كده يبيع كل اللى حالته عشان عشان يرجع بنت ما لهاش اى صله بيه 

احضرونا ياجماعه حنين هتبيع الشاليه الصبح عشان تدفع دية البنت اللى مالهاش اي صله بيها 

منهم اللة قال كتر خيرها ربنا يجزيها خير ومنهم اللى قال دا جنان فى حد يعمل كده طب بعد ما تبيعه الصبح هتقعدوا فين واللى قال انا عن نفسي هسافر الصبح واللى قال انا هروح ااجر اة مكان 

حنين:اللى عاوز يعمل حاجه يعملها انا مش همشي من هنا الا وطيف معايا 

حازم:انا قاعد معاكى ياحنين ومش هسيبك بس مستغرب من تصرفك 

حنين:وايه اللى كان ممكن اعمله غير كده انا لو هدفع اخر جنيه معايا عشان أفضى الطفله الغلبانه دى من ايد الذئاب المسعور دى هدفع 

حماده اترمى فى حضن حنين وهو بيبكى وقال اختى طيف هترجع تانى ولا الناس اللى خطفوها هيموتوها 

حنين :ان شاء الله هترجع يا حبيبى ماتبكيش وماتخفش 

ولسه ما خلصتش كلامها وتليفونها رن 

حازم؛مين يا حنين اللى بيرن 

حنين ؛مش عارفه رقم غريب ثوانى لما اشوف مين 

حنين فتحت الخط الو 

المتصل:ايوه انا الظابط كنا عاوزنكم بكره الصبح فى القسم عشان للاسف السياره طلعت مسروقه فعلا وصاحبها كان مبلغ بسرقتها 

وكنا عاوزين الطفل اللى كان معاكم وبيقول انه شافه وهو بيضه الطفله فى سيارته ولو فى حد تانى شافو معاه يجي معاكم عشان هيكون موجود خبير رسم الوجوه ويحاول يوصل لصوره بوصف الطفل ليه وكمان عاوزين يعرفنا المكان اللى كان موجود فيه السياره وقت خطفه للبنت 

حنين:حاضر هنعدى على حضرتك الصبح بدرى بس ياريت ما نتأخرش عند حضرتك عشان عندى مشوار ضروري الصبح أيضا 

الظابط:ان شاء الله مش هنأخرك 

وقفل الخط

حازم :ليه ما قولتيش له على الفيديو اللى توصلنا له وفيه صورة الخاطف

حنين:بصراحه كده انا قولت الأول لما اشوف مدى جديتهم وخاصة لما عرفت ان اللى وراء المصايب دى كلها مسؤول كبير خايفه لا يضحوا بالبنت لأجل هذا المسؤول الكبير وسلطاته وعلاقاته والبنت تضيع ويأيدوها ضد مجهول 

وبعدين لو الامبراطور اللى بيساعدنا ده عرف انى عرفت الشرطه بما توصل اليه وانه بيساعدنا مقابل المال ممكن يتراجع عن مساعدته لينا خوفا من أنهم يتعقبوه

وفعلا راحوا تانى يوم وتركوا حماده مع الرسام ليوصف له شكل الخاطف وادلوهم على مكان وقوف السياره عند خطف طيف 

وعادت بعدها حنين لتقابل السمسار والمشتري وفعلا 

اتفقوا على السعر واحضروا عقد البيع ليمضى المشترى والبائع وبعد أن وقع المشترى قامت حنين لتوقع على العقد 

فجأه وقف حماده وقال لا ما تمضيش انتى ما تستهليش منى دا كله انتى اكتر انسانه حنينه وقلبه طيب بعد امى يبقى ما ينفعش يكون جزاتك اننا نضحك عليكى 

كلهم قاموا وقفوا متفاجئين حنين انت تقصد ايه ياحماده بالكلام ده وتضحكوا عليا ازاى يعنى 

حماده قام مسك العقد وقطعه وقال اتفضل يا استاذ ماعنداش حاجه للبيع

السمسار ايه الكلام ده ايه يا استاذه حنين الكلام ده 

حنين نظرت لحماده انا مش فاهمه حاجه ياحماده احنا المفروض هنبيع الشاليه عشان بفلوسه نرجع اختك طيف من اللى خطفها 

حماده:طيف اختى مش مخطوفه ولا حاجه دى لعبه لعبناها عليكى 

حازم واقف مش مصدق اللى سمعه وكله نفس الكلام 

المشترى اخد السمسار ومشيوا 

حنين مسكت حماده من كتفيه وقالت له انت لازم تفهمني 

حماده؛انا هفهمك كل حاجه بس ارجوكى تسامحيني 

غصب عنى الامبراطور هو اللى غصبني على كده 

الامبراطور ازاى يعنى مش فاهمه 

حماده:انا هحكيى ليكى كل حاجه انا بعد ما والدتى اتوفت وسابتنا فضلت الف بأختى وهى عماله تبكي لحد ما لفت بكأها حد من رجالت الامبراطور وسألنى مالكم وحكيت ليه اللى حصل اخدنى للامبراطور وهناك الامبراطور علمنى السرقه والتسول تحت حمايته وانا كنت من وقت للتاني بعد نهاية وارديتى كنت بجيب طيف اختى وولد تانى فى سنى كده وندخل نقعد هنا وانزل ليها الحديقه اللى جنبكم اجيب ليها منها فكها وارجع نقعد كلنا فى الشاليه ناكل ونلعب بالجنينه لحد اليوم اللى حضرتيك حضرتي فيه اتفاجئنا بأنك بتفتحي باب الشاليه اتدرينا منك لحد ما دخلتى الشاليه من الداخل والولد اللى معايا جرى على بره ومشي وانا وطيف كنا خارجين بس طيف ساهتنى ودخلت وراكى رحت انا كمان دخلت وراها عشان اجبها بس اتحبسنا جوه عشان انتى كنت رايحه جايه فى الشاليه وبقينا كل ما نيجي نخرج تجيبى انتى حاجه وترجعى فلما جبتى الاكل طيف راحت عليه بعد ما دخلتى المطبخ تانى وقومت جبت معاها الاكل واخدت التليفون واتصلت على الوالد اللى كان معانا اعرفه انى اتحبست ومستنى فرصه عشان اهرب ورجعنا الغرفه اللى شوفتينا فيها 

ولما قاعدنا معاكى ولقيتك حنينا على طيف ما كنتش حابب ارجع 

لحد ما اتفجئت بالواد اللى كان معانا رجع وانا واقف فى الحديقه وقولت ليه انك طلعتي انسانه كويسه وعطفتى علينا وانى هقعد معاكى سبني ورجع للامبراطور وحكى له اتفجئت بيه مره تانى بس المره دى بيبلغنى خطت خطف طيف لانه اتأكد من معملتك ليها انك هتقفى جنبنا هتدفعى دم قلبك لما تفهمي انها اتخطفت وان حياتها فى خطر

حنين:بقى كل ده كان تمثليه منك ياحماده معقوله دا انا حبتكم وكنتم صعبنين عليا انا مش مصدقه ياحماده 

حماده:،ارجوكى سامحينى وانا همشي واسيبك وهقول انك اتخليتى عنا وما قدرتيش تتصرفي فى المبلغ ما هنش عليا تبيعى شاليه والدك اللى حلتك وتدفعيهم للزفت الامبراطور لام انا حسيت فيكى فعلا حنيت وحب امى انا همشي ومش هتشوف وشي تانى ولسه قايم يمشي دخل عليهم الظابط وهو بيقول ليه دريتم علينا انكم فرغتوا بعض الكاميرات اللى فى مكان الحادث 

حازم:احنا ياباشا قولنا انتوا تشوفوا شغلكم واحنا نحاول نشوف طريق تانى نمشي فيه معلش يا باشا دى روح برضو واحنا كنا قلقنين عليها فكنا متفقين مع حد تانى يساعدنا بطريقته وطبعا بمقابل هيتقضاه منا 

بس للاسف اكتشفنا فى الاخر ان اللى اتفقنا معاه ده نصاب 

وهو اس الفساد

حماده واقف هيتجنن ومش عارف يعمل ايه وبقى خايف من اللى هيعمله الامبراطور ده فيه هو واخته لما يعرف انه اعترف بكل حاجه 

الظابط:تقصد ايه يا استاذ حازم ياريت توضح كلامك اكتر 

حماده اتجه لحنين يتوسل إليها انها تسكت حازم وما يقولوش اللى حصل خوفا على اخته اللى بين ايد الامبراطور دلوقتى 

بس حنين كانت لسه اصلا مش مستوعبه اللى حصل وان كل الرعب والخوف على البنت ده كان مجرد لعبه بتتلعب عليها مردتش على حماده وسابت حازم يكمل كلامه

حازم:اتضح لينا ان الموضوع كله نصبيه وحكى له كل اللى حصل 

الظابط قال ليهم لا انتوا تيجوا معايا القسم وتحكوا لى كل حاجه بالتفصيل واخد معاه حماده وهو عمال يبكي طب انقذوا اختى من ايده واعملوا فيا اللى انتوا عاوزينه ويصرخ ونبي يا ابله حنين قولى ليهم طب ينقذوا اختى قبل ما الامبراطور يعرف اى حاجه لحسن يقتلها 

الظابط:اخد حماده معاه وحنين وحازم راحوا ورائه على القسم 

وهناك عرف الظابط التفاصيل الكامله 

وجعلها حماده يوصف ليهم المكان اللى بيه الامبراطور بالكامل وعدد الأفراد اللى بيه ونوعية الاسلحه 

واتخذ الظابط كل اللازم ليقوم بالهجوم على هذا الوكر وضبط وإحضار هذا الشخص الذي يطلق عليه الامبراطور لتحقيق معه وفعلا قاموا بالهجوم عليهم ونجحوا فى ضبط وإحضاره وجدوا طيف هناك فعلا وبعد التحقيقات اتضح انه شخص محكوم عليه باحكام مختلفه واستطاع الهروب من تنفيذ هذه الأحكام وقيامه بتذوير أوراقه الشخصيه 

وتم الحكم عليه ووضعه بالسجن لتنفيذ هذه الاحكام 

وحاولت حنين ان تنهى إجراءات بأن تكون هى المسؤوله عن حماده وحنين وان يعيشوا معها ولكن تمت الموافقه لها على طيف ولكن وضع حماده بالأحداث وكانت طيف حزينه وتبكي ليل نهار على فراق حماده لها ولكن استطاعت حنين ان تخفف عليها الأمر وان تجعلها تزوره وتراه من حين لآخر

ورغم اعتراض حازم على تحمل حنين مسؤولية طيف وابقائها معها إلا أن استطاعت حنين ان تقنعه بأنها مازالت طفله صغيره لم تتاثر كثيرا بما عاشت فيه وانها قادره على ان تجعل منها بنت تنفع نفسها ومجتمعها

وبعد فتره اتجوزت حنين حازم وظلت طيف معهم وانجبت حنين ثلاث اولاد وراء بعضهم وظلت طيف اختهم الكبيره وعملت حنين على تعليم طيف والتى وجدت فيها الذكاء والاجتهاد فكانت بنت طموحه وعبقريه وظلت طيف تزور اخوها حماده حتى خرج وعاد ليعيش معا مره اخرى وقد تخرجت طيف واصبحت دكتوره صيدليه وقاموا حنين وحازم بفتح صيدليه لطيف على ان تكون شريكه معهم بمجهودها قاموا بتشغيل حماده بالصيدليه مسؤول عن توصيل الادويه للمنازل وبدأ حماده حياه جديده ومرت الايام وجاء عريس لطيف دكتور صيدلي كان زميل لها وأثناء فرحه وهى بالكوشه مع عريسها وكانت حنين مع حازم بجانبها مالت حنين تفتكر لو كنا سبنا طيف كان هيبقى عندنا دكتور قمر كده وفرحانين بيها وباللى وصلت ليه .تمت واللى حابب يقرأ روايه جديده يضغط هنا👇👇👇

اختيار روايه اخرى