قلبي ينفطر

ايه طلبه ايدي لجوزك !!!!

 وقفت صفاء متفاجئه ومزهوله من طلب سمر وهى تعيد الكلام

هو انا اللى سمعته ده صح ولا ولا انا سمعت غلط

سمر:لا اللى سمعتيه صح انا بطلب ايدك لجاسر جوزى 

صفاء:انا مش مصدقه كلامك معقوله حضرتك بتطلبي منى اتجوز جوزك مش غريبه دى انا مش فاهمه 

سمر:دا رد جميل والدتك عليا والدتك ليها دين كبير فى رقبتي وقبل ما تتوفى وصتنى عليكى وانا مش عارفه ارد الجميل ده ازاى وبعد تفكير طويل فى الظروف اللى انتى عيشه فيها مالقتش غير الحل ده عشان الدين والوصيه اللى فى رقبتي 

صفاء:ايوه بس بردو مش لدرجة انك تزوجيني جوزك لا طبعا وانا ما ارضاش اشاركك فى زوجك لا دا قرار غريب منك وصعب اوى 

سمر:والدتك اول ما جيت فى الشقه اللى قصادكم دى اتعرفنا على بعض واتصاحبنا رغم أنها اكبر منى سنا وانا كنت زي اختها الصغيره  

وفى يوم وقبل  ما يجى ميعاد ولادتي الطبيعي تعبت فى البيت وجوزى وقتها كان تعبان تعب شديد وراقد بدون اى دخل واحنا زي ما انتى عارفه مقطوعين من شجره ومالناش اى حد 

وهى لما سمعت صريخي جت بسرعه ودخلت واخدتنى وجريت بيا  على المستشفى ووقتها الدكتور قال ان ولادتى متعسره ولازم ولاده قيصري مبكره ما اترددتش واتصرفت فى التكاليف ودفعتها عشان هى كانت عارفه الظروف اللى بنمر بيها وان انا بعت دهبي وكنا بنصرف منه  وبعدها المستشفى قررت ان الطفله لازم توضع فى حضانه تنفس صناعى بمبلغ وقدره فى اليوم الواحد وكانت هى محتاجه اكتر من خمسة عشر يوم وراحت باعت  دهبها ودفعت مبلغ  كبير تحت الحساب واتقذت حياتى وحياة بنتى ويومها اتخنقت مع والدك الله يرحمه بسبب اللى عملته ده وكنت السبب فى خراب بيتها ورغم ده كله ما اترددتش لحظه فى مساعدتى بعد كده فى حاجات كتير وظروف كتير صعبه مريت بيها وهى اللى جابت  شغل لجوزى ومواقف كتير كانت معايا فيها اكتر من اللى ممكن كانت تعمله اختى الكبيره  لو كان ليا اخت  

ومانساش لما كنت معاها قبل ما تموت وهى هتموت من المرض مره ومن خوفها وقلقها عليكى مره وهى بتوصينى عليكى ومسكت ايدى وقالت ابوس ايدك ياسمر اعتبري صفاء اختك دى مالهاش حد غيري فى الدنيا ومش هوصيكى عليها اوعى تتخلي عنها ياسمر خليكى معاها وجنبها ديما انتى عارفه يعنى ايه بنت زي دى تعيش لوحدها وانتى عارفه الظروف دلوقتى بقت صعبه ومش زي الاول المعاش اللى سابه والدها قليل جدا ودى واحده لسه عاوزه تتجهز عشان تقدر تتجوز 

وانا رديت عليها وقولتلها ماتقلقيش عليها دى اختى عمري ما اتخلى عنها ابدا 

وانتى ياصفاء السنين مرت عليكى والظروف بتسوء اكتر واكتر ومافيش حد أتقدم ليكى لحد دلوقتى وانا اسفه يعنى انتى كبرتى عن السن المعتاد للزواج  وفرص زواجك قلة واخر مره اللى زاد وغطى الشخص اللى اتهجم عليكى وانتى داخله شقتك ودفعك داخل الشقه وكان عاوز يعتدي عليكى لولا ستر ربنا والجيران انقذوكى 

صفاء:وانتى عرفتى ازاى اللى حصل ده 

صحبتي اللى فى الشارع هى اللى اتصلت عليا وحكت لى وقالت لى ما ينفعش تسبوها عايشه لوحدها فى الشقه من بعد ما سابتوا الشارع ونقلتوا انتى عارفه المنطقه هنا والشباب البايظ اللى فيها وعارفه ظروفها الصعبه وفكرتنى بوعد امك عليا  اللى انا اصلا ما كنتش نسيته بس ماكنتش عارفه اتصرف ازاى لانى مش مقتنعه بأن مبلغ مالى كفايه وابقى كده وفيت بوعدى والدين اللى عليا 

صفاء:بس مهما كان بردو مش لدرجة انك تجوزينى لجوزك 

سمر:انا راضيه ياستي وبيتهيء لي انك ماعندكيش مانع ولا ايه تابع

الجزء الثانى