الجزء الثالث كن خطة ضياع

الجزء السادس من قصة خطة ضياع

الظابط:امال ايه مالك مرتبك كده ليه وبتفكر فى اللى هتقوله 

مازن:لا ابدا ولا مرتبك ولا حاجه انا زعلان بس عليها ومأثر فيا اللى حصل ليها 

الظابط :لا معلش تماسك وتعالا على نفسك واتكلم 

مازن ماحسش بنفسه غير وهو بيقول الحكايه بدأت لما كنت قاعد فى شقتى وجرس الباب رن فتحت الباب ماوجدتش حد بس وجدت ورقه على الأرض  

وجدت مكتوب فيها لو امر خطيبتك يهمك وحابب تعرف هى فين دلوقتى ومع مين فى شقه لوحدهم روح دلوقتى على العنوان ده 

دخلت غيرت ملابسي ونزلت على طول على العنوان اللى مكتوب فى الورقه وطلعت على الشقه اللى رقمها كان مكتوب بس وجدت باب الشقه مفتوح على آخره 

وقفت وكنت مش عارف اعمل ايه فضلت ارن الجرس رغم ان الباب مفتوح بس ماحدش رد دخلت ولسه هتكلم سمعت صوت انين وتوجع دخلت شويه وجدت روقه على الأرض وشكلها متبهدله تماما والدم على أماكن متفرقه عليها اتأكدت انها لسه عايشه وحملتها ونزلت وجبتها على هنا 

الظابط:وما شوفتش اى حد هناك او حد شافك والعماره مافيهاش بواب ولا ايه 

مازن:لا ما شوفتش حد ووقت ما كنت هناك ماشوفتش بواب ماعرفش هى فيها بواب ولا لا 

الظابط:دا كل اللى عندك متأكد انك ما نستش حاجه ولا تناسيت حاجه 

مازن:انا قولت لحضرتك كل اللى حصل انتوا لازم تمسكوا اللى عمل فيها كده لازم

الظابط:ان شاء الله طب تفتكر مين اللى كتب ليك الورقه دى وهى فين الورقه دى 

مازن ارتبك :ها اه كانت معايا ومثل انه بيبحث عنها فى جيوبه وقال بينها سقطت منى 

وبعد استجواب طويل واسئله كتيره 

الظابط:اه طيب على العموم شكرا بس انت هتستنى معانا شويه لحد ما روقه تفوق ونتكلم معاها شويه 

مازن:اه تمام انا تحت امرك انا كده كده قاعد معاها مش هسيبها 

الظابط:طب انت تعرف تليفون حد من أهلها او عنوان ساكنها 

مازن:تليفون لا انا معرفش غير رقم تليفونها بس اعرف العنوان 

الظابط:طب اكتبه فى ورقه واديه للعسكري ده وهو هيتصرف 

كتب مازن العنوان واعطاه العسكري 

عدى ساعه ووالد روقه دخل المستشفى وهو مذعور ومرعوب على بنته وداخل على الدكتور روقه بنتى فين وهى عامل ايه طمنونى ارجوكم وانا عاوز اشوفها 

دخل والدها مع الدكتور وهو يسأل الدكتور بنتى مالها يادكتور وايه اللى حصل ومين اللى عمل فيها كده

الدكتور بنتك كانت بين الحياه والموت والحمدلله ربنا قدرنا نسعفها وحالته حاليا مستقره بس ياسفنى اخبرك انها تعرضت لاغتصاب كمان وفقدت عذريتها 

والد روقه نظر للدكتور وقال ايه انت بتقول ايه يادكتور وكان وصل عند روقه قرب منها ومسك ايدها وبرك على ركبته من هول الخبر وظل يقبل يديها وهو يبكي بقلب محروق 

ورجع نظر للدكتور وقال ومين الكلب اللى عمل كده مسكوه 

دخل عليهم الظابط وقال حضرتك والد الأنثه 

والد روقه:انثه هى فين الانثه دى انتوا لازم تمسكوا الحيوان ده وتعدموه لا تسلمهولى اخنقوا انا بايدى مسكتوه ولا لسه 

الظابط:اتأكد اننا هنمسكه هنمسكه بس ياريت حضرتك تهدى عشان تقدر تساعدنا اننا نمسكه

الظابط:بنتك كانت على اى خلاف مع حد او كان فى اى مشاكل بينها وبين اى حد حتى لو مشكله صغيره واخر وقت كلمتك فيه او شوفتها فيه كان الساعه كام بظبط وظل يتحدث معه فتره طويله 

ومازن بالخارج يحدث نفسه ايه اللى انا عملته ده انا ليه ما قولتش الحقيقه انا ليه طاوعت الزفت اللى اسمه قاسم ده وكدبت ماهو السبب فى المصيبه دى انا هدخل للظابط واقول كل حاجه وفعلا اتجه للغرفة وفتح الباب ليعترف بما حدث ولكنه سمع والد روقه وهو يقول انتوا لازم ياحضرت الظابط تمسكوا المجرم ده واى حد له علاقه باللى حدث لابنتى وتشنقوه فى ميدان عام 

مازن سمع كلام والد روقه وحرقت قلبه عليها اتلجم تماما ولم يتحدث 

فسأله الظابط فى حاجه افتكرت حاجه عاوز تقولها لى 

مازن نظر لوالد روقه وغير تفكيره قال لا ابدا انا كنت عاوز اتطمن على روقه 

الدكتور نظر لوالد روقه وقال دا الشاب اللى احضر بنتك للمستشفى لولا انه احضرها فى الوقت المناسب كان الله واعلم ايه حصل ليها 

والد روقه:متشكر يا ابنى انت أنقذت روحى 

هو انت تعرف روقه 

مازن:ايوه ياعمى انا زميل روقه واكيد هى حكيت لحضرتك عنى هى كانت بتقول لى انها ما بتدريش عن حضرتك حاجه 

والد روقه:ايوه فعلا هى حكيت لى عنك كتير وكانت ديما بتشكر فيك وتقول لى انك شاب محترم وراجل 

طب احي لى يا ابني ايه اللى حصل لروقه ومين عمل فيها كده 

لسه مازن هيعيد القصه اللى فبركها 

سمعوا صوت روقه فاقت وبتبكي وبتقول انت جيت يابابا شوفت اللى حصل لى لس انا فكراهم كويس 

الظابط:كويس اوى احكي لى بقى انا كل حاجه 

وبدات روقه تحكى اللى حصل من وقت اللى راحت تطلب مهندسه ديكور وطلبتها بالاسم لحد ما فاقت على شخص نايم معاها ومقطع هدومها ولما استوعبت اللى بيحدث صرخت وظلت ماسكه فيه وتضرب فيه لحد ماضربها بشيء على رأسها وماحستش بالدنيا من بعدها 

الظابط:طب كنتى تعرفى حد منهم او شوفتى حد منهم قبل كده 

روقه:لا دى كانت أول مره اشوفهم بس فاكره شكلهم واعرف اوصفهم كويس او واطلعهم من وسط مليون ورجعت تبكي مره تانيه بكاء هستيري

الظابط:كلام جميل بس احتمال كبير وان ما كنش مؤكد انهم مغيرين شكلهم عن شكلهم الحقيقي 

على العموم احنا هنروح الشقه دى ونشوف بتاعت مين وان شاء الله هنجبهم هنجبهم 

ونظر لمازن وقال ماتسافرش لاى مكان لأننا هنعوزك تانى 

مازن:حاضر يا فندم تحت امرك 

ونظر مازن لروقه الف سلامه عليكى ياروقه ان شاءالله يمسكوهم وباخدوا حقك منهم 

والد روقه:حقها انهم يتشنقوا وأمام عنينا 

مازن:اه اكيد طبعا 

طب انا اتطمنت عليكى انا همشي بعد اذنك ياعمى 

والد روقه:اه اتفضل ياحبيبي ومتشكر يا ابنى مره تانيه انك أنقذت روقه فى الوفت المناسب وجبتها على المستشفى 

 

مازن:على ايه ياعمى 

روقه:ايه هو انت اللى انقذتني يا مازن وجبتني هنا

سكت مازن وماردش 

والد روقه :اه ياروقه هو ربنا يجزيه خير باين عليه زي ما حكيتي ليا انه راجل وجدع

روقه:وانت عرفت منين مكانى يامازن وانى موجوده فى الشقه دى والعنوان ده 

مازن:ها .....هبقى اقولك بعدين يا روقه لحسن انا مستعجل دلوقتى اتصلوا عليا وقالوا لى ان والدى تعبان شويه 

وعشان كده دخلت اتطمن عليكى قبل ما امشي المهم دلوقتي انى اتطمنت عليكى وبعدين انتى المفروض ترتاحي دلوقتى يا لا سلام

وتركها ومشي 

والد روقه نظر ليها وهى شارده وبتقوله غريبه ازاى عرف مكانى واللى حصل لى 

فقال لها يا بنتى ربنا بعته ليكى عشان بيحبنا لولا هو الله واعلم كان ايه جرالك انت لو كان جرالك حاجه انا كان زمانى انتهيت انا كمان 

روقه:وهو انا كده يعنى مجراليش

 انا حياتى انتهت يابابا انتهت

 ياريتني كنت موت ولا اللى انا فيه دلوقتى 

والد روقه:قدرك يابنتى وده اختبار من ربنا لازم تتقبلي الامر وبعدين اللى حصل ليكى ده غصب عنك انتى ملكيش ذنب فيه وماحدش يقدر يلومك عليه  

والك*لب ده مسيره ياخد عقابه 

سندت رأسها على صدره وقالت انا خايفه اوى يابابا ومرعوبه انا كرهت الدنيا دي والناس اللى فيها انا شايفه كل اللى حواليه وحوش وخايفه اوى منهم 

والدها :ولا تخافي ابدا ياقلبي

انا هنزل دلوقتى هروح للظابط اشوف وصلوا لايه حقك لازم ناخده واشوف الك*لب ده بيتعدم أمام عينى هو ده اللى هيبرد نارى وبس 

وفعلا وصل للقسم بس وجد ظابط اخر فسأله ايه الاخبار انتوا لازم توصلوا للك*لب ده لازم تعدموه

الظابط:ما تقلقش حضرتك هنوصل له هنوصل المسأله مسألة وقت مش اكتر 

والد روقه:

طب انتوا روحتوا الشقه اياها وعملتوا تحريتكم عنها وعن صاحبها اكيد ده هيوصلك لحاجه اكيد 

الظابط :طبعا عملنا ده كله بس للاسف صاحبها مسافر من قبل الحادث

 والبواب رغم انه انكر انه اجر الشقه لحد خوفا من المسؤليه لانه أجرها دون علم صاحب الشقه وبطريقه غير رسميه 

بس بالضغط عليه اعترف انه أجرها ثلاث ايام لواحده بس للاسف ما اخدش منها اى اثبات شخصيه وماعرفناش نوصل لأى حاجه غير لمواصفاتها اللى اخبرتنا بيها المجنى عليها بس ده موصلناش لأي حاجه للاسف 

والد روقه:يعنى ايه حق بنتى هيروح كده بدون عقاب 

الظابط:لا طبعا هنوصل ليهم يعنى هنوصل 

قولت لحضرتك كلها مسألة وقت مش اكتر 

مازن ترك المستشفى واتجه إلى قاسم وحاتم ليفهم ماحدث 

دخل عليهم الاثنين وامسك بهم وقال لهم فهمونى انتوا ايه اللى عملتوه ده ضيعتوا الانسانه اللى قلبي اختارها وهى ايه ذنبها يحصل ليها ده كله و كل ده ليه وحصل ازاى 

قاسم:ايه بلغت عنا وجى توقعنا فى الكلام ولا ايه هو مش كل حاجه حصلت باتفاق معاك 

مازن:هو انا لو بلغت عنكم كان زمانكم قاعدين كده وبعدين هو ايه اللى اتفقت معاكم عليه انتوا مجانين انا ما اتفقتش على اى حاجه معاكم حرام عليكم ضيعتوها

حاتم:صحيح اللى حصل كان بدون علمك بس كله كان عشانك 

قاسم:بقولك ايه اللى حصل حصل والله صعبانه عليك اهى عندك اتجوزها وصلح الغلط ولا انت حر 

مازن:يعنى ايه اللى حصل حصل انا لازم افهم 

ازاى ده حصل وليه عملتوا فيها كده 

حاتم:احنا ماكنش قصدنا كده خالص بس بيننا سلمناها للك*لب ده على صنيه من فضه واحلوت فى عينه وخصوصا انها ما كنتش فى وعيها وكانوا فى شقه مع بعض لوحدهم اى حد معندوش قلب مكانه كان عمل فيها كده وخصوصا ان البنت فرصه وتتاكل اكل 

مازن:والله انتوا اللى كل*اب ووحوش وايه اللى خلاكم تسلموها له حرام عليكم انتوا ايه مش بني ادمين 

حاتم:احنا كان كل قصدنا نرويهالك فى صوره تكرهك فى الزواج نعملك ايه انت اللى غبي زواج أيه اللى انت عاوز تتجوزه احنا قلبنا عليك 

مازن:قلبكم عليا انتوا كل اللى يهمكم مصلحتكم انا بعد ما تنتهى المصيبه دي ماليش دعوه بيكم خالص وهتنتهى اي علاقه بينا 

قاسم:خلاص ياعم فى دهيه يعنى احنا اللى هنموت عليك غور ياعم دا انت حتى عيل جبان مالك مرعوب كده ما تجمد شويه 

ولسه ماخلصش كلامه 

وجد الظابط داخل وهو بيقول كده كويس اوى انا كنت عارف انك عارف حاجه وخايف تتكلم وعشان كده ورغم انى كنت شاكك فيك بس ماردتش اخدك معايا على القسم وكنت متأكد انى بمراقبتك هوصل للى انت مدريه و احنا ما كناش عاوزين اكتر من كده 

مازن اتفاجىء وقال انا كنت هقول كل حاجه بس كنت عاوز اتأكد من اللى حصل وافهم كل حاجه عشان ما ظلمش حد 

الظابط شاور للعسكري اللى معاه وقال ليه خد الاثنين دول على البوكس وهو بيرد على كلام مازن اه مفهوم مفهوم

ورجع نظر لمازن وقال انا هعتبرك شاهد وانك انت اللى متفق معايا بس ده مش عشانك 

لانك دريت عليا وده وحده يخليك شريك معاهم فى اللى عملوه

مازن:امال هتعمل كده ليه و عشان ايه 

الظابط:عشان تصلح غلطتك وتستر على البنت الغلبانه دى اللى ملهاش ذنب والا ....

مازن:حضرتك شايف كده بس مش انا اللى عملت فيها كده 

الظابط:لا اللى عمل فيها كده مش هينفع نسيبه دا أمره انتهى خلاص إنما أنت اساس كل اللى حصل 

وبعدين انت شايف حاجه تانيه ولا ايه ما كل اللى حصل ليها ده بسببك وبسبب صحبة السؤ اللى ملموم عليها 

مازن:لا ابدا شايف اللى حضرتك شايفه 

وتركه الظابط ومشي وهو بيقول له مش هوصيك ولا تحب اجيب رجليك فى الموضوع افضل   

ومازن بيحمد ربنا من جواه ان الظابط ما اخدوش معاهم 

وظل يفكر فى كلامه على انه يتجوز روقه 

ورجع على منزله ودخل غرفته يفكر فى ما حدث دخلت عليه والدته وسألته مالك يامازن قافل الباب على نفسك ليه وماخرجتش من وقت ما رجعت 

فحكى لها ماحدث 

والدته:وانت بقى بتفكر فى ايه عاوز تصلح غلطه مش انت اللى عاملها طب هما غلطوا وهياخدوا عقابهم واللى اعتدى عليها والله بقى هو اللى يصلح غلطته إنما أنت ايه ذنبك انت بس ضميرك كان مش مرتاح عشان كنت مداري الحقيقه اللى انت عارفها إنما دلوقتى خلاص الحقيقه ظهرت وكل واحد وهياخد عقابه 

مازن:طب واللى جرى لورقه بسببي وبسبب غباء اصحابي 

والدته:وانت مالك دول شوية أغبياء وهياخدوا جزائهم بتحمل نفسك ذنب انت ماعملتوش ليه وليه تاخد واحده مش عذراء حتى لو بتحبها زي ما انا حاسه وحتى لو كان غصب عنها انت بس دلوقتى صعبانه عليك والسكينة سرقاك بس بعد كده هتندم الموضوع صعب يا ابني مش سهل زي ما انت فاكر

مازن :تفتكري يا أمي يعنى ذنبها مش فى رقبتي 

والدته:لا طبعا وانت مالك يا ابنى هو انت قولت ليهم يعملوا كده 

مازن:بس انا اساس الموضوع كله ولولا اني دخلت حياتها ماكنش

جرى ليها اي حاجه وانا بحبها  

والدته:ذنبك مش ذنبك بتحبها ولا ما بتحبهاش انا مش موافقه عن الجوازه دى انت باينك اتجننت 

داخل والده وهما بيتكلموا وصوت والدته عالى

والده:فى إيه مالكم 

والدته:تعالا شوف ابنك باينه اتجنن عاوز يتجوز واحده مش عذراء قتل عشان اصحابوه اتسببوا فى فقد عذريتها 

مازن:يا بابا بس انا السبب فى اللى حصل ده وانا كده كده كنت ناوي أتقدم ليها اصلا 

وأثناء كلامهم سمعوا جرس الباب بيرن 

فتحت الخدامه 

وندهت والده 

خرج والده ومازن خلفه ووالدته وجدوا الظابط واقف فى غرفة الاستقبال 

الظابط:ها يامازن فكرت فى اللى قولته ليك

على فكره انا جي النهارده ودي قبل ما اقفل أوراقي

والده:انت جي تهدد ابني في بيتى هو الزواج بالغصب

الظابط: عارف ان الزواج مش غصب بس دا ما يشغلنيش انا كل اللى يهمنى واجبي وبس وان اللى غلط يتحمل غلطه صحيح انا مش قاضي عشان احكم بس انا اخدت قرار تركي لمازن على مسؤليتى الشخصيه ووفقا للى املاه عليا ضميري وان حبس مازن او اللى عملوا الجريمه صحيح يحقق العداله بس دا مش هيرجع البنت زي ما كانت ولو مازن مش ناوي يعمل اللى قولت له عليه هدخله فى القضيه وخصوصا ان أصحابه مصرين على ان كل اللى حصل بالاتفاق وبمعرفة مازن يبقى انا ماعنديش غير اختيار من الاثنين يرضي ضميري انا خلصت اللى عندى سلام

وتركهم ومشي خرج مازن وراء الظابط 

ووالده بينده عليه 

والدته:خلاص سيبه يتجوزها انا مش عاوزه اخسر ابني ويدخل السجن 

وفعلا وعد مازن الظابط بتنفيذ كلامه واتجه لوالد روقه وطلب ايدها منه 

وكانت روقه مبسوطه جدا ان اللى حدث ليها ماغيرش موقف مازن تجاهها 

وبعد أن تعافت روقه أقاموا حفل الزفاف وأثناء جلوسهم فى الكوشه عادت وسألت روقه مازن الا صحيح انت عرفت ازاى اللى حصلي وعرفت مكانى ازاى وانقذتني 

مازن:ها ...ما تنسي بقى ياروقه ما بحبش سيرة الموضوع ده 

روقه :لا بجد قولى بس ومش هجيب سيره تانى 

مازن:لا مش هقولك ويالا عشان بيشاوروا لينا عشان نقوم نرقص 

وشد ايدها وقاموا يرقصوا .انتهت قصتنا يارب تكون عجبتكم

اللى حابب يقرا روايه جديده يضغط هنا 

اختيار روايه اخرى