الجزء الرابع من فرح

 

واخدت متعلقاتى وذهبي بس لحظي النحس اتسرق 

مازن ضحك:اتسرقتى انتى ايه يابنتى منحوسه كده ليه 

قومى معايه يالا

انا:بس مش هشتغل رقاصه يامازن

مازن:انتى لسه هتنقي تشتغلي ايه يافرح 

يافرح الدنيا ما بترحمش اللى تقدرى عليه مدى ايدك وخديه بدون تفكير وسيبك من اى كلام تانى 

دانتى دلوقتى حتى مش معاكى اي أوراق ليكى تقدمى بيها فى شغل 

فرح:هطلع بدل فاقد 

مازن:ايوه عندك حق طلعي بدل فاقد بس ده هيعوز وقت وفلوس يافرح

فرح:معلش استحملنى شويه يامازن وانا اول لما اخد فلوسي وحقي من امى هعوضك بجد صدقنى مش هتندم

مازن:مش لما تبقى تطولي منهم حاجه 

انا:ايه مش هطول منهم حاجه ازاى مش فاهمه

 وانت تعرف امى منين عشان تقول انها مش هتدينى حاجه

مازن:لا اقصد على كلامك عليها ليا لما حكيتي ليا 

انتى نسيتى ولا ايه انك حكيتي لي حكايتك كلها دى الشخصيه اللى حكيتي لى عليها دى ما يهمهاش غير نفسها وبس انتى متأكده انك بنتها مستحيل ام تتصرف كده مع بنتها 

انا:اه بس تفتكر امى مش هتدينى حقى لا مش معقوله 

وايه طبعا امى امال مين يعنى 

مازن:الله واعلم 

وعلى العموم انا عينى ليكى اللى انتى عوزاه 

انا تحت امرك 

الفكره بس ان نسرين طول ماهى شيفاكي قاعده كده وانا بصرف عليكى هتفتكر ان فى حاجه بينى وبينك ومش هتسكت انتى شوفتيها بنفسك

انا:طب اعمل ايه يا مازن هو انا كنت وجدت شغل وما شتغلتش 

وايدى على كتفك هات لى الشغل وانا انزل من الصبح 

دا انا حتى اخدت الذهب وحاجتى من غير ما اقول لامى واديهم اتسرقوا هما كمان انا عارفه ايه الحظ ده

مازن:الحظ ده بايدك تصلحيه 

انا:ازاى يعنى مش فاهمه

مازن:طوعى نسرين بس وكل حاجه هتتظبط ومش بس ساعتها الحظ هيتظبط لا دى حياتك كلها هتتظبط 

وتعيشي بقى ياستى وتعيشينا معاكى 

انا:تانى يامازن هتكلمنى فى الموضوع ده انا مش هشتغل رقاصه 

مازن:طب هقولك 

انتى عارفه دول حتى قالوا لنسرين خليها تيجى تشتغل فتره مؤقته كسد خانه عشان فى ظروف خاصه بالرقاصه اللى شغاله معاهم واعتذرت عن الفتره القادمه والوقت ضيقك لازم يتصرفوا فى بديل ليها عشان حال المحل مايوقفش اول ماتنهتى الظروف وترجع 

 وقتها زي ماتحبي اتصرف حبيتى تكملى كملى او لو حبيتى تسبيهم وتمشي امشى

 دول عرضين مبلغ كبير اوى فى الفتره القصيره دى دا غير النسبه اللى هتاخديها من دخل الكازينو

انا:طب ما تشغل نسرين مكان الرقاصه دى بدل ما الشغلانه عجباك اوى كده 

مازن:ياريت دى هى تتمنا بس المشكله هما وضعين مواصفات للرقاصه ومستوى مش هيتنزلوا عنه عشان هى وجهة المحل ولا يمكن يتنازلوا عنها 

وبعدين وهى نسرين تيجى جنبك ايه انت ياقمر دا المدير من يوم ما شافك وهو نازل زن على نسرين 

انا:لا يامازن مش هقدر لا 

مازن:انتى حره

يالا بينا بقى لما اشوف هعمل ايه مع نسرين 

وبمجرد اننا وصلنا عند الشقه وجدت نسرين واقفه على باب العماره 

ايه اللى جابها تانى دى هنا يامازن هى بنفسها قالت مش جايه هنا تانى 

وبعدين انت هتفضل تبعزق فلوسك على كل حد تشوفه سواء تعرفه او ماتعرفوش ولا ايه 

انا خلاص شوفت مستأجر للشقه اللى فوق وهيجى من وراها مبلغ كويس جهازى أولى بيه وكل مليم معاك انا اولى بيه ولا انت مش ناوى تتجوز فى سنتك دى ولا ايه 

لا تكونش فاكرنى تسليه وبتتسلى بيا وهترمينى ولا ايه 

 وهى اللعبه الجديده البديله ليا 

  لا ياحبيبى انت ماتعرفش انا ممكن اعمل فيك وفيها ايه

مازن:اوعى بس من الطريق وخلينا نطلع نتكلم فوق بدل الفضايح اللى فى الشارع دى 

نسرين:فضايح انت لسه شوفت فضايح انت ولا هيه طب ايه رايك بقى البنت دى لو طلعت سلمه واحده فوق هصرخ واليم الناس عليكم واقول ظبتطكم فى موقف مخل للاداب مع بعض 

 

وابقى خلى بقى الأدب اللى هى عايشه لى فيه ينفعها 

مازن:خلاص بقى يانسرين هي هتسمع الكلام بس خلينا نطلع شقتنا ونتكلم 

وبص لى مش كده يافرح 

انا سكت 

نسرين:يعنى هتشتغل وتصرف على نفسها وتدفع إيجار الشقه ولا هتفضل رمياها عليك كده ومافيش دم 

انا:هو انا لقيت شغل ومااشتغلش 

نسرين:انتى هتتبطرى على النعمه هو فى احلى من شغلة الفنانه انتى تطولى بلا خيبه صحيح أقرع ونزهى 

انا: لا انا ماشيه ولفيت ومشيت 

جرى ورايا مازن تعالى بس يافرح اسمعيني صدقينى انك تشتغلى فنانه احسن كتير ليكى من الشارع دا الشارع ده ما بيرحمش ودلوقتي خايفه تتنزلى عن القليل الشارع هيجبرك تتنزلى عن الاكتر اسمعى منى دى فتره مؤقته ولما تبقى تاخدى حقك من امك والظروف تتظبط وقتها اتصرفى زى ما انتى عاوزه حد عارف امك اللى حكيتي لي عليها دى هتعمل معاكى ايه وهتديكى حقك ولا لا ولا انت تعرفى اللى هيتجوزها ده عمل معاها ايه ما يمكن قدر يضحك على عقلها واخد اللى وراها وامامها 

 اسمعى كلامى وتعالى 

واخدنى من ايدى واعادنى وكأنه منومنى ومخدر أعصابي 

وعدت للعمارة مره اخرى 

ومازن يقول لنسرين خلاص هى اقتنعت وسعى بقى خلينا ندخل 

وصعدنا ودخلنا الشقه وجلست وجلست نسرين بجانبى وهى تقول لى ما تزعليش منى انا بس ما بحبش البنات الخيبه اللى مش عارفه مصلحتها بكره تجربي وتشوفي بنفسك ووقتها هتدعيلى على النعيم اللى هتعيشي فيه حد عارف يمكن حد من المنتجين ولا المخرجين اللى بيسهروا عندنا يشوفك ويعجب بيكى وساعتها يبقى طاقة القدر اتفتحت ليكى وتبقى نجمة سينما قد الدنيا وساعتها بس ابقى افتكرينا

ونسرين عماله تتكلم وانا فى دنيا غير الدنيا بفكر فى الدنيا الغريبه دي اللى عامله زى المرجيحة يوم فوق ويوم تحت 

وخلتنى تحت تصرف واحده زى دى

وفجأه نزلت دموعى على خدى دون أن أشعر

وقومت دخلت غرفتى 

ونسرين كانت قايمه داخله خلفى 

مازن :سبيها تستريح وابقى عدى عليها 

وانتى ماشيه على الشغل وهى هتنزل معاكى 

وفعلا عدت عليا وهيا ماشيه وبتقول لى يالا 

انا:بلاش بالله عليكى يانسرين انا كل اللى عوزاه منكم تتحملوني شويه لحد ما اخد حقي وبعد كده هديكم اللى عاوزينه 

نسرين بغضب؛وبعدين انتى بتاخدينا على قد عقلنا ولا ايه هو لعب عيال قومى يالا وصدقيني مش هتندمى قومى

خلينا نوصل قبل ميعاد ورديتى عشان ادخل معاكى للمدير ونتفق على كل حاجه

انا:امرى لله بس على فكره الموضوع هيكون مؤقت لحد ما الظروف تتصلح 

نسرين:اه طبعا ان شاء الله يالا بقى هنتأخر 

قومت معاها ومشينا وزى المره اللى قبلها اول ما دخلنا 

داخلنا على مكتب المدير واول ماشفنى 

قام وقف 

المدير:اهلا وانا اقول المكتب نور ليه اتارى القمر نزل وجه عندنا 

اخيرا اقتنعتي انا مش فاهم انتى كنتى خايفه من ايه دا الف واحده غيرك تتمنى تكون مكانك يابنتى دا الكازينو ده مخرج اكبر وأشهر الفنانات بكره تفتكرى كلامى ده 

يا سالم هات لى نسخة عقد للفنانه الجديده 

سالم :بسم الله ماشاء الله ايه الحلاوه دى كلها اختيار موافق يابروف هى دى اللى هتكتسحهم كلهم 

المدير؛اتحرك ياسالم وبلاش الشويه بتوعك دول اتحرك يا بنى ادم وهات العقد

انا نظرت لنسرين عقد ايه انا هشتغل لفتره مؤقته زى مافهمتك 

انا مش همضي على عقود 

المدير:لا ازاى بقى هو لعب عيال ولا ايه الكازينو بتعانا كازينو محترم لازم اللى يشتغل فيه يكون بعقد على الاقل سنوى طبعا حفاظا على حقوقك قبل حقوق الكازينو وبعدين دى حاجه شكليه كده ياستي وقت ما تحبي ما تشتغليش معانا انتى حره هو احنا هنغصبك على الشغل ولا ايه يانسرين 

دى حتى نسرين نفسها معمولها عقد معانا امال ايه ما تتكلمى يا نسرين 

نسرين:ايوه يابروف هتمضي على العقد طبعا 

ما اى شغل لازم يبقى فيه عقد امال هتضمن حقوقها ازاى يعنى 

سالم احضر العقد واعطاه للمدير وهو بيقول الف مبروك عليكى يابرنسيسه 

المدير طبعا نسرين قالت ليكى على الأجر وغير نسبتك من الايراد والله انا عملك زى فنانه محترفه دا ولا الاكازيون والله ومش خساره فيكى امضي يا برنسيسه على رأى الولد سالم 

خطفت نسرين العقد والقلم من يد المدير واعطتهم لي وهى بتتكلم جنب ودنى امضي ابوس ايدك دى فرصه مش هتتعوض ومسكت ايدى ومدته للعقد امضي ماحستش بنفسي غير اما مضيت 

وبعد ما ماضيت سالم تعالى معايا يا برنسيسه لما اوريكي غرفتك وبعد كده تجهزي عشان اوريكى غرفة التمرين والمدرب بتاعب واعرفك على الفرقه 

وهو بيكلمنى وانا فى دنيا تانيه مرعوبه من الدنيا الجديده اللى داخله عليها 

وخرج وفاكر انى خرجت وراه 

وانا خارجه بعد ماركزت فى كلامه سمعت نسرين باشا ما تنساش عمولتى الشهريه انا كمان 

المدير:لا مش ناسي طبعا دا انتى حلاوتك كبيره 

عدى ياستي على الحسابات قبل ما تستلمى ورديتك وانا هتصل عليهم يالا 

نسرين:تسلم يابروف 

وخرجت انا ومشيت خلف سالم وانا عندى احساس وكأنى امه انباعت فى سوق النخاسه واتقبض ثمنى وزاد الامر حرقه بداخلى وحسره على نفسي 

وسرت خلف سالم ووصلنى لحد غرفتى وفتح باب الغرفه وقال ادخلى غيري ملابسك دى والبسي ملابس الشغل وهرجع ليكى عشان اخدك اعرفك على مدربك وباقى الفرقه 

وسابني وخرج وقفل باب الغرفه وراه 

وانا فضلت انظر داخل الغرفه على الاكسسورات والفساتين والملابس والمكياجات وصور الرقاصه اللى قبلي اللى ملئه الغرفه وغيره ونظرت للمرأه وقولت لنفسي خلاص يافرح بقيتى رقاصه على اخر الزمن ولسه بفكر 

خبط سالم على الباب وقال خلاص يابرنسيسه ولا ايه 

انا:لا لسه شويه حاضر 

وغيرت ملابسي وخرجت وجدته واقف على الباب يالا بينا يابرنسيسه 

وطول ماهو ماشي يمدح أدى البرنسيسات ولا بلاش 

هى دى الفنانات اللى على حق وظل فى وصلة المدح لحد ماوصلنا لغرفة التدريب وعرفني على الفرقه والمدرب 

وعدى اليوم الأول فى التدريب والتعارف 

والمدرب لما عرف ان دى اول مره ليا كان متفهم الامر وبدأ معايا وحده وحده

 وبصراحه طريقته معايا سهلت الامر عليا كثيرا وخففت من وطأة الامر عليا لانى كنت ميته من الخوف 

وبدات الأمور تسير بالتعود والخوف والرهبه تزول مع الوقت 

ومرت الايام وكنت بدأت انسى امر امى بعد ان ذهبت لها اكثر من مره وكانت كل مره تتحجج لى بشيء وتتهرب منى 

حتى يوم كنت راجعه من الكازينو على غير العاده وقولت اعدى على امى يمكن اوصل معاها لأى حل 

بس لما وصلت لهناك اتفاجئت بالعمرى ما كنت اتخيله واللى خلى كل حاجه حدثت لى مرت أمام عينى كشريط الفيديو 

فقد سمعت عندما دخلت مدخل العماره صوت يشبه صوت مازن نازل من أعلى فوقفت مكانى اترقب مين اللى نازل ده فلمحت مازن فعلا نازل ومعاه كرم اول مالمحتهم اتدريت منهم تحت بير السلم

وكان واضح ان كرم بيوصل مازن لحد تحت لأنهم وقفوا فى مدخل العماره يتكلموا 

 وسمعت

مازن بيقول لاكرم ايه ياعم الموضوع طول اوى معاك انت مش عارف تسلك مع الست اللى فوق دى ولا ايه هو ماخلش عليها دور الحب والغرام اللى دخلت بيه عليها ولا ايه

(انا اول ما سمعتهم بيتكلموا على امى شغلت موبيلى على تسجيل فيديو وحاولت على قد ما اقدر اسجل كلامهم صوت وصوره 

على أمل انى اكشفهم أمام امى بس الصدمه كانت أكبر من كده 

لما سمعت بقيت الحوار لدرجة ان الدنيا لفت بيا لما سمعت باقى حوارهم ومابقتش قادره أقف على رجلى )

كرم:دى ست مش سهله زى ما كنا متوقعين 

مازن:اكيد طبعا مش سهله يا ابني دى عاوزه تاكل حق المسكينه فرح بنت جوزها رغم ان جوزها كاتبها على اسمها عشان وفاة والدت فرح وهى بتولدها عشان كانت كبيره فى السن وكانت تعبانه 

قال ايه صبر ومارداش يسجلها على اسم امها واتجوز واحده علطول كان عارف انها ما بتخلفش عشان يكتبها على اسمها والبنت ماتحسش انها ياتيمه كان فاكر ان اللى هيتجوزها وخصوصا عشان ما بتخلفش هيكون عندها ضمير وهتصون السر وهتصون بنته ما يعرفش اللى فيها الله يرحمه بقى باينه كان تفكيره على قده 

 واتفقت معانا نبعدها عن طريقها لحد ما تتمكن من كل حاجه وتشوف طريقها لوحدها وتيأس من أمرها تماما

 تفتكر اللى تعمل كل ده هتكون سهله انك تقلبها بالسهوله دى 

كرم:طيب ياعم ما تقول لنفسك 

مازن:بس انا لازم انبهك لحاجه

 على فكره نسرين مش قادره تصبر اكتر من كده انا عمال اصبر فيها وهى غيرانه من القرشانه اللى فوق دى وخايفه لتاخد على العيشه المرتاحه معاها وتنساها 

كرم :قولها عاوزه ايه تانى ما عندكم سبوبه بتقسموها انت وهى انا سيبلكم البنت اللى اسمها فرح دى تتمصلحوا بيها واللى بقدر اسلكه ببعت ليها اول باول زعلانه ليه بقى .

بقولك ايه انت ابن عمها يامازن صبرها بكلمتين هى بتسمع لكلامك قولها هانت وكأنى مسافر اكونى لى قرشين اهو كل فى الاخر ليها برضو

مازن:ماشي يا عم كرم بس تعرف انا مش صعبان عليا فى الليله دى كلها غير اللى اسمها فرح دى اتبهدلت اخر بهدله والبنت بصراحه زى القمر وطلعه من عينى 

كرم:ايه انت استحليت البنت ولا ايه ولا اكمنك دوقتها مره حنيت ولا طبيت وحبتها ولا ايه ياعم روميو

على العموم اهى عندك ياعم لو قدرت توقعها فى حبك حلال عليك هى البنت مزه وتستاهل برضو بس طبعا الكلام ده يبقى بعيد عن المصلحه 

يالا اتكل على الله بقى وماتنساش تكلم نسرين كلمتين وهديها لحسن دى مجنونه وممكن تقلبها على دمغنا كلنا 

ومشي مازن ورجع كرم طلع فوق وانا ما بقتش قادره أقف على رجلى من اللى سمعته والدنيا أصبحت تدور بيا 

 وبقيت اتذكر كل اللى حصل لى من يوم وفاة والدى حتى هذه اللحظه وبدات اربط الأحداث التى حدثت لي وافهم مدى غبائي واعتقادى ان اللى بيحدث لي ده مجرد حظ سيء بس فعلا لو ربطت الأحداث كان لازم افهم ان كل اللى كان بيحصلى ده مدبر لى ومؤمره حقيره من مجموعه حي*وانات

تماسكت وقومت وقفت وخرجت من العماره ولم اصعد فلم استطع الصعود ومواجهة الامر 

وسيرت بالشارع لا ادرى إلى أين اذهب فلم اتحمل مواجهة احد منهم وكنت قد قررت أن ابحث عن شقه اخرى اعيش بها وابعد عن الناس كلها الناس كلها أصبحت وحوش مفترسه.

ولكن عدت وفكرت ان اظل كما أنا حتى لا يشعر احد بمعرفتى بشيء  

حتى اتدبر امرى وارى ماذا سأفعل وكيف اعيد حقوقى التى استحوزت عليها زوجة ابى 

والتى لا أعلم كيف قام والدى بتمليكها كل شيء وترك لها التحكم فى كل شيء واحسست ان الامر به شيء غير طبيعى وقد تكون لجأت للتزوير او اي حيله لا ادرى بها 

فقررت اول حاجه اعملها اذهب لمحامي لافهم منه ما يجب عليه فعله ولكن أجلت قيامه بأى تصرف لحين انتقم منهم جميعا 

وأول امر قومت بشراء خط تليفون جديد 

وبدات ارسل منه رسائل لكرم من على الماسنجر اشككه فى ان فى علاقه محرمه بين نسرين ومازن وهو كان كل اللى عليه طب انت مين وعرفت ازاى الكلام ده 

وانا ما كنتش برد عليه بس لما لقيته مش مقتنع بكلامى قولت له انا شخص ساكن فى نفس العماره وسمعتهم بودانى وشوفتهم بعينى مش هقدر أوضح ليك اكتر من كده 

لحد ما فى يوم بعت له انه لو عاوز يتأكد من كلامى يعدى على شقة مازن النهارده الساعه ٤ عصرا زى ما سمعتها وهى بتقوله انها هتجيله فى الوقت ده ومش هتخسر حاجه لما تعدي عليها كانك معدى عادى اهو حتى تتأكد من كلامى واستريح من الشك اللى جواك 

وفعلا انا اتصلت على نسرين يومها انى عاوزاها هى ومازن فى موضوع مهم اصل جي لى عقد كويس فى مكان تانى وعاوزه اخد رايكم قبل ما اخد قرار وهما قالوا ممكن يتحملوا الشرط الجزائي اللى فى العقد القديم 

ونشوف هنتصرف ازاى وانى هنزل لمازن على الساعه ٣.٥وانا نازله رايحه على الكازينو ياريت تعدى علينا فى الشقه ضرورى وفعلا اتقابلنا زى ما اتفقنا 

ونزلت فى الميعاد لشقه مازن وقولت له انا كنت عاوزه اخد رايك انت ونسرين فى عقد شغل جى لى ونسرين زمانها جايه 

ما انا ماليش غيركم اخد رأيه اول ما تيجى نسرين هقولك على البنود وكده وتقولوا لى رايكم 

واحنا بنتكلم نسرين خبطت على الباب قام مازن فتح ليها الباب

 

نسرين:خير ادينى جيت ياستي زى ما انتى عاوزه خير وعقد ايه الجديد ولسه بدري هلى العقد الاولاني وبعدين هو الكازينو قصر معاكى فى حاجه 

انا:طب اقعدى خدى نفسك بس ونتكلم 

بقولكم ايه انا هدخل اعملنا شاي لحسن انا لسه قايمه من النوم وعاوزه افوق 

فين يامازن المطبخ 

شاور مازن على المطبخ ودخلت عملت الشاى وخرجت بالشاي ليهم وهما قاعدين جنب بعض وعملت انى رجلى اتعرقلت فى السجاده ووقعت الصانيه عليهم الاثنين والشاي مازال ساخن واجاركم الله على صراخهم وفزعتهم والمهم وهما بيقولوا بصراخ ايه اللى عملتيه ده وانا كل اللى عليا انا اسفه طب أجروا بسرعه على الحمام صبوا عليكم مياه 

وانا هطلع اجيب ليكى حاجه يانسرين تغيريها انا اسفه وكان الوقت قد حان وخرجت وتركت الباب مفتوح وهما دخلوا وهم يتخلصون من الملابس التى سقط عليها الشاي من السخونيه وما أصابهم منها 

وبمجرد ان صعدت للأعلى كان كرم قد وصل ودخل ليسمع صوت بالحمام ويدخل ليرى منظر مازن وهو خالع معظم ملابسه فقال 

له فين نسرين

مازن اتفزع من دخلت كرم عليه رغم انه لم يأتى لشقته منذ قدوم فرح كما اتفقوا

مازن:فى إيه مالك

كرم:بقولك فين نسرين ودخل احد الغرف فوجد نسرين جالسه خالعه بعض ملابسها ومنتظره قدوم فرح بالملابس التى صعدت لتحضرها لها ولكنه فهم انها منتظره دخول مازن عليها فظل يضرب فيها وهو يس*بها ويلع*نها فدخل عليهم مازن وهو يسأل 

فى ايه بس يكرم وبيبعده عن نسرين 

كرم :اخرج مطوه من جيبه وضعن بيها مازن 

وسقط مازن على الأرض ونسرين تصرخ وتقول انت ايه اللى عملته ده انت فاهم غلط بس كرم كان فى دنيا تانيه لما شاف مازن غارق فى دمه على الأرض 

وانا كنت منتظره بره ودخلت بعد كده عليه وقولت له كده انا اخدت حقى منكم كلكم سلام وهو ينظر لى مذهول و غير مصدق انى انا اللى عملت فيهم كده وتركتهم وخرجت وسبت المكان كله ومشيت

 ورجعت لزوجة والدى وفرجتها على الفيديو وسمعتها كل الحوار اللى دار بين مازن وكرم وقولت ليها هترجعى لى حقى بالذوق ولا اطعن انا بالتزوير وأقدم الفيديو ده للنيابة والمحامي يشوف شغله وتتسجنوا كلكم دا ان كان المحامى ما اتصرفش اصلا

وعلى فكره حبيب القلب هيسبقك على السجن لانه قتل مازن عشان كان فكره بيخونه مع زوجته الأولى

انا مش فاهمه ازاى حد يأمنك على امانه وتخونى انتى الامانه بالشكل ده انتى ايه مش بنى ادمه طب حتى دا انتى اللى مربيانى يعنى انتى كنتى فى مقام امى ايه ماصعبتش عليكى لحظه لما تجردينى من كل حقوقى وترمينى لكلاب السكك ينهشوا فى لحمى وتتفرجي عليا وهما بيلعبوا بيا ويضحكوا عليا ويشتغلون اسوء استغلال وانتر عادى جدا عايشه فى خير والدى 

على العموم المحامى زمانه اخد الإجراءات اللازمة 

زوجة والدى:لا محامى ايه خلاص انا هرجعلك كل حاجه صدقينى 

بس بلاش السجن ارجوكى انا معترفه انى مزوره وكدابه بس خلاص هرجعلك حقوقك كلها هرجعلك كل حاجه 

انا؛وهترجعى لى شرفي اللى اتاخد ولا سمعتى اللى ضاعت ولا مستقبلى اللى ضاع ولا حياتى هترجعي ايه ولا إيه 

حاجه واحده بس اللى هتخليني ما اسجنكيش واخلى المحامى يوقف الإجراءات اللى مشي فيها

هى:ايه هيا

انا:تتنزلى أمام المحامى عن كل حاجه سواء ان كانت من حقك أو من حقي واخدتيها بالتزوير والغش وتسيبي البيت ده زى ما دخلتيه بجلبيتك انتى ما تستحقيش مليم واحد من فلوس الراجل اللى امنك على بنته وانتى خنتى الامانه اسوء خيانه يا اما كده يا اما السجن افضلك وبينى وبينك انا السجن ليكى عندى افضل عشان يطفي النار اللى جوايه منك بس انا عامله حساب لكلمة ماما اللى كنت بقولها ولكل لحظة حنيه ورعاية شوفتها منك ولو كانت حتى من وراء قلبك دا انتى محرومه من الضنى والخلفه المفروض يكون قلبك احن قلب عليا بس واضح ان ربنا حرمك من النعمه دى لأنك ما تعرفيش قيمتها وماتستهيليهاش

هى:حاضر هعمل اللى انتى عوزاه بس ارجوكى بلاش السجن وفعلا المحامى مضاها على تنازل عن كل شيء سواء من حقها او من حقى وهى اغتصبته بدون وجه حق وعدت لحياتى من جديد.انتهت حكايتى يارب تكون عجبتكم وياريت اعرف رايكم فى التعليقات واللى حابب يقرأ روايه جديده يضغط هنا

اختيار روايه اخرى