الجزء الثانى طريقتى لقلب حبيبتى

 انا بتقدم لوظيفة الصيدلي اللى حضرتك واضع الإعلان الخاص بيها على الصيدليه تحت 

وقف الكلام فى حلق ملك واتحرجت وعادت للداخل وهى فى قمة الاحراج

والد ملك نظر لملك :فى حاجه ياملك كنتى بتقولى حاجه ولكنه لم يجدها مازالت موجوده فعاد ونظر لسيف 

طب كويس يا ابنى انا خلاص كبرت وفعلا محتاج صيدلي يكون مساعد لبنتي هو انا كنت افضل تكون صيدلانيه بس الخيره فيما اختاره الله 

أعطى سيف له أوراقه لينظر بها 

خرجت ملك بس احنا يا بابا عاوزين صيدلانية مش صيدلي 

سيف:ودا هيفرق فى ايه انا جى اشتغل حضرتك مش جى اعاكس وبعدين الراجل زى الست مش ده كلامك زى ما سمعت عن 

حضرتك انا شخص والحمدلله واخد شهادتى بتقدير امتياز وعندى خبره وحكمك الوحيد عليا لما تشوفى شغلى 

لسه ملك هتتكلم 

والدها سبقها بالكلام والله يا بنتى انا شايف انه عنده حق نجربه فتره ونبقى نحكم عليه انا يابنتى كبرت ومابقتش جمل البهدله دى وانتى عندك تحضير الماجيستر والدكتوراه ومش هتبقي فاضيه لي معظم الوقت وانا منتظر ومستحمل بقالى فتره ومافيش صيدلانيه واحده جت حتى زمايلك اللى قولتى هتبقى تجيبي حد منهم اللى اتجوزت وقعده فى البيت واللى مشوارها بعيد عن هنا ومارضتش تيجى تشتغل معانا 

لسه ملك هتتكلم 

والدها :خلاص بقى يا ملك قولنا هنجربه ولو ماعجبناش شغله هنمشيه 

قرب سيف من ملك وقال ماخلاص بقى ياملك ولا اقول له انك عكستينى وانى كنت جى اطلب ايدك مش اطلب شغل 

مش كفايه هسيب صيدليتى وهاجى اشتغل هنا عشان اكون جنبك

ملك :ها انت بتقول ايه 

والدها :فى حاجه يا ملك 

سيف:لا ابدا يادكتور مافيش هى بتقولك انها موافقه 

توكلنا على الله ربنا يجعلنا وش خير على بعض 

وقرب من ملك ولا ايه  ياوش القمر 

ملك بنرفزه انا مش موافقه يابابا وانت حر بقى وانا داخله انام 

ودخلت على غرفتها لتنام 

تانى يوم الصبح نزلت لتفتح باب الصيداليه وانحنت لترفع باب الصيدليه 

فوجدت الباب يرفع معها بسهوله على غير العاده لتنظر بجانبها لتجد سيف يقولك صباح الورد على اجمل ورده 

ملك:وبعدين معاك بقى على فكره انا الكلام ده ما بيكلش معايا 

سيف:بقى بذمه فى دكتوره تقول مابيكلش دى لغة دكتوره دا ولا صابي اهوجى 

ملك:ايه اللى مصحيك بدري كده معقوله عشان تعاكس 

سيف:لا اعاكس ايه ظلمتينى انا ابن ناس وماليش فى المعكسات والكلام الفاضي ده انا قايم بدري عشان اكل عيشي 

انا جي استلم شغلى من الدكتوره القمر زميلتي 

ملك :والله انا شاكه انك دكتور فى دكتور يمشي يعاكس بنات الناس فى الشارع 

سيف:لا عندك حق ماينفعش اعاكسهم فى الشارع اعكسهم فى الصيدليه احسن 

ملك؛ممكن تبطل الكلام ده وتتفضل افهمك شغلك 

سيف:حاضر يادكتوره اتفضلى انا رهن اشارتك وكلى اذان صاغيه 

وهى توضح له البرنامج اللى على الكمبيوتر اللى شغالين عليه ومتسجل عليه كل الادويه 

وهو ينظر لها طوال الوقت ولا ينظر ولو ثانيه واحده لشاشه الكمبيوتر 

ملك:لا دا انا هطلع للدكتور اقوله ينزل يشوف له حل معاك انا مش فاضيه للدلع ولعب العيال ده 

وفعلا طلعت ونزلت والدها له بحجة انها رايحه على الكليه تستعير بعض المراجع من مكتبة الجامعه تساعدها على الاعداد لدراستها

نزل والدها وبدأ يوضح لسيف كل الامور الخاصه يالصيدليه 

والدها:تشرب ايه ياسيف انا هطلب قهوه اطلبلك معايا 

سيف :اه ياريت يا دكتور 

وجلسوا يستريحوا ويستحوا القهوه 

سيف:هى الدكتوره ملك مالها عصبيه كده وحاسس انها واخده موقف منى 

الدكتور:لا دى ملك مافيش أطيب منها هى بس بصراحه كده بتكره صنف الرجاله بصفه عامه 

سيف؛الرجاله بصفه عامه طب الحمدلله يعنى الموضوع مش شخصي يعنى بس وليه ده كله 

الدكتور:بسبب اللى حصل لاختها الكبيره من زوجها الله يسامحه 

معيش اختها فى عذاب وتحكم وغيره وهى مستسلمه وعايشه عشان اولادها 

فهى كل ماتشوف البهدله اللى اختها  فيها والنكد اللى عايشه فيه ديما  تحلف ما هى متجوزه طول حياتها ابدا ومن يومها وهى بترفض تقابل اى عريس لمجرد المقابل حتى ورافضه فكرة الارتباط دى تماما لما امها هتموت من الخسره عليها 

وخلصوا شرب القهوه

الدكتور:بيتهيء لى انت عرفت كل حاجه دلوقتى هطلع انا استريح وانت بقى استلم شغلك 

سيف:تمام يا دكتور اتفضل حضرتك 

بعدها بكام ساعه رجعت ملك للصيدلية 

سيف اول ما دخلت: مبروك ياعروسه 

ملك:مبروك على ايه 

سيف:انا طلبت ايدك من الدكتور وهو وافق واتفقنا على كل حاجه وعلى  المواعيد

ملك:بس انا مش موافقه وبابا ازاى يوافق من غير مايرجع لى وياخد راي انا طلعه له لما اشوف ازاي يعمل كده واعمل حسابك تنسى خالص موافقة والدى

وسابته وطالعه لوالدها.تابع 

الجزء الثالث