خادمة زوجي

 الجزء الثانى من قصة انا والسوشيال ميديا

وبعد الحاح وافقت وقولت ليها انا واخد ثلاث ايام اجازه هقضى اليومين الاولين مع زوجتى وابنى وثالث يوم هقضي معاكى وفعلا نزلت الاجازه وقضيت اول يومين مع زوجتى وابنى وكنت مقرر فعلا ثالث يوم اتصل عليها واروح ليها بس للحظ ابنى تعب الصبح وكانت حالته صعبه واخدته وجريت على المستشفى وفضلت طول اليوم فى المستشفى ومعرفتش اروح ليها وهى فضلت تحاول تبعت رسايل اوتتصل بس انا كنت عامل ليها حظر خوف من ان زوجتى تلاحظ اى حاجه ورجعت الشغل ومعرفتش اقابلها وفكيت الحظر ولقتها بعتت رساله انت عملى حظر عشان مكلمكش عشان تقابلنى هو انا هكلك قولت لها معلشى حصلى ظروف ومعرفتش اكلمك اصل كنت طول اليوم مع ابنى فى المشتشفى وزوجتى معانا طول اليوم فلقيت لهجتها اتغيرت وبتتكلم باسلوب مستفز وتقولى طب خليها تنفعك اللى خايف على زعلها دى وراحت وقفت المحادثه وعملتلى حظر قولت بينى وبين نفسى ايه المجنونه دى رحت اتصفحت شويه الفيس ونمت وعدى ثلاث ايام ولا حس ليها ولا خبر وكنت ابتديت انسى امرها لحد ما لقتها بعتتلى رساله تانى وبتقولى انا اسفه انا بجد مش عارفه عملت كده ليه بس ده ملوش عندى تفسير غير انى حبيتك واتعودت عليك وبغير عليك من زوجتك فقولت لها انت بتقولى ايه انا من الاول قولت ليكى على كل حاجه وانى متزوج وعندى طفل وبحب حياتى معاهم قالت وانا كنت فعلا بمفكرش فيك كحبيب بس باين كده انا حبيتك ومقدرش استغنى عنك وانا انسانه وحيده بجد نفسى اشوفك واقعد معاك فقولت ليها ما انا قولتلك حاضر هجيلك بس الاجازه الجايه عشان المره دى محصلش نصيب وابتدينا نتكلم كلام مختلف تماما عن بداية كلامنا فبقينا بنتكلم كأن اثنين متجوزين وبيحبوا بعض واتطور الامر بينا لاكتر من كده لكلام وصور وفيديوهات لايف كاننا متجوزين وعايشين مع بعض وانا معرفش ازاى وصل بي الامر لكده رغم انى كنت مبتكلمش معاها الا كصديقه مش اكتر وعامل حساب انى متجوز بس فعلا مفيش صداقه بين راجل وست واللى يقول غير كده يبقى بيكدب على نفسه المهم اللى حصل انها  بقت مصممه على اننا نتقابل باى شكل وفعلا عدى الشهر وجيه وقت نزولى وقالت لى بص بقى ولا تقولى تروح على زوجتك الاول ولا غيره انت تيجى عندى الاول وبعدين تبقى تروح زى ما انت عاوز المهم وافقت واول ما نزلت ادتنى عنوان شقتها ورحتلها وفتحتلى الباب وهى على اتم الاستعداد كأن واحده متجهزه لزوجها فدخلت وقولت ايه الحلاوه دى كلها دا الحقيقى احلى بكتير راحت قالت انت وحشنى اوى وراحت مرميه فى حضنى واخدتنى على غرفة نومها وحصل اللى حصل المهم بعد كده  لقتها بتقولى على فكره انا بصور افلام ثقافيه وكل اللى حصل بنا ده اتصور سواء دلوقتى او اللايف اللى حصل بنا قبل كده بينى وبينكم انا حصلى زهول انتى بتقولى ايه انا مش موافق على اللى بيحصل ده بس 

مابقتش عارف اعمل ايه قولت ليها لو ماجبتيش كل اللى سجلتيه ده انا هاقتلك وفضلت اضرب فيها فقالت على فكره كل اللى بتعمله ده مش هيجيب فايده انا اختى كانت معايا ومشيت ومعاها التسجيلات ومش بس كده دى كمان دى دخلت على صفحة الفيس بتعتك وعملت طلب صداقه لكل اصدقائك على صفحتك ومنهم زوجتك واقاربك وزملائك بالعمل ولو حصلى اى حاجه او مسمعتش كلامى هتبقى فضحتك فى كل حته وبص فى حاجه واحده ممكن تخلصك من ده كله فقولت ايه عاوزه ايه تانى قالت بص انا متجوزه واحد عجوز ومريض وطبعا عشان غنى وهو دلوقتى راقد فى غرفته مشلول بقاله فتره وانا كل يوم اصحى من النوم اقول اكيد هلاقيه مات بس مفيش فايده وانا زهقت هو صحيح مش مضايقنى فى حاجه وانا على راحتى خالص بس المشكله انه بخيل وانا متجوزاه عشان اعيش حياتى ولما لقيته بخيل قولت خلينى على زمته عشان اورثه وادينى شغاله فى موضوع الافلام دى لحد ما ربنا يخده فقولت ايوه وانا بقى دورى ايه فى القصه دى فقالت معقوله مفشهمتش قصدى قولت لا قالت لو زوجى مات وانا ورثته اكيد مش هحتاج للافلام والكلام ده وساعتها هديك التسجيلات وترجع لبيتك من غير اى فضايح قولت قصدك اقتله قالت فكر معايا نخلص منه ازاى او نعمل معاه ايه عشان اخد فلوسه فقولت دا مستحيل طبعا انا اقتل انا لو هقتل هقتلك انتى ولسه همسك فيها قالت من راى فكر احنا لو اتخلصنا منه هتترحم من الفضيحه ومش بس كده هديك المبلغ اللى هتطلبه تعيش بيه حياتك مستريح طول عمرك انما لو قتلتنى انا هتتفضح وهتتعدم على الفاضى بص انا هسيبك تفكر المهم مشيت من عندها وانا هاتجنن ومشعارف افكر اعمل ايه ورجعت لزوجتى على غير العاده فكنت اعود لها باشتياق بعد غيبه ولكن هذه المره دخلت عليها وكانى لم اراها وهى تسالنى مالك فى ايه وانا مشعارف ارد هقول ايه هقولها خونتك وفضحتى هتبقى على كل لسان ولا هقول ايه قولت لها مفيش مجرد مشاكل فى الشغل ورجعت فكرت بينى وبين نفسى انا لو قتلت هروح فى دهيه اكيد وهينفضح امرى برضه بعد كده ولو قولت لزوجتى يمكن تغضب شويه وتزعل ويمكن ترجع تسامح عشان خاطر ابننا ولو على الفضيحه قدام الناس اهى فتره وهتتنسى وخصوصا انا راجل مش ست فبعد تفكير وحيره كبيره قررت ان اعترف لزوجتى واللى يحصل يحصل بعد كده وفضلت طوال الليل افكر طب اقولها ايه وادخلها ازاى وكل ما اقرر اكلمها اتردد وعدى على اليوم وكأنه سنه لحد ما قولت هقول لها ودخلت عليها وقولت لها فى حاجه عاوز اعترف ليكى بيها وياريت تقدرى تسامحينى لان انا بجد ميهمنيش فى اللى هحكهولك ده غير انتى فقالت فى ايه قول حكيت ليها كل حاجه وهى مفيش اى كلام غير انها مصدومه ومردتش بكلمه واحده فقولت ليها انا عارف انى غلطان غلط كبير بس اللى هتحكومى بيه هعمله بس فكرى معايا اعمل ايه فقالت دى مشكلتك انت انا هاخد ابنى وهروح على اهلى وانت هتبعت لى ورقة طلاقى انا عمرى ما هقدر اعيش معاك لحظه واحده تانى وخدت ابننا وسابتنى وفضلت قاعد هتجنن من اللى اتعمل فيا لدرجة انى قولت ان لو اتصلت عليا تانى انا هروح واقتلها وعدى كام يوم واتصلت عليا قالت لى ها فكرت قولت لها بقولك ايه اعملى اللى تعمليه انا خلاص زوجتى عرفت كل حاجه ومابقتش باقى على حاجه ولو وصلت انى اقتلك هقتلك فقالت طب ما انت بتفكر تقتل اهو هيفرق ايه بقى لو قتلته وعلى العموم هسيبك تفكر فى الفضيحه اللى هتحصلك لما فيدوهاتك توصل لكل اللى تعرفه الموضوع مش سهل زى ما انت متخيل وقفلت وقولت بينى وبين نفسى اللى يحصل يحصل وعدى كام اسبوع وما اتصلتش ومفيش حاجه حصلت وبعديها اتصلت تانى فلسه هزعق فيها واقول لها متتصليش على الرقم ده تانى قالت يعنى ده جزاتى وانا اللى قولت اطمنك واقولك ان ولا فى فيديوهات متصوره ولا حاجه انا كدبت عليك عشان تضطر تساعدنى فى التخلص من زوجى بس خلاص دلوقتى مش محتاجه مساعدتك انا جوزى مات لوحده وخلصت وانا غيرت سكنى يعنى دى اخر مره تسمعنى او تشوفنى فيها تعيش وتاخد غيرها فقولت ليها خربتى بيتى الله يخرب بيتك فقالت انا مخربتيش بيت حد انت اللى خربت بيتك بنفسك محدش ضربك على ايدك انا مجرد انى قولتلك تعالى جيت اتحمل بقى قولت لها ما هو ده قول الشيطان برضه منك لله وقفلت وخسرت بيتى وابنى ولحد اليوم زوجتى مش راضيه تسامحنى وعايش لوحدى وخسرة حياتى بسبب طلب صداقه ماحدش يستهون بقبول طلب صداقه انت كده بتدخله فى حياتك بدون ماتحس.تمت