الجزء الثانى من حكايتى مع اختى

 

 لدرجة ان مها كانت بتقول ليكون معمول لكم عمل طب انا وبقى وجهى قبيح ومحدش بيقدر يبص فى وجهى ولايفكر يرتبط بيا انما انتوا بقى ايه اللى بيحصل معاكوا ده فقولنا كل شئ نصيب وانتى مالك ما انتى زى القمر والف واحد يتمناكى فقالت قمر هو فين ده قصدكم قمر محروق فقولنا ما تقوليش كده وخدناها فى حضننا ونمنا وقررنا لازم نعمل لها العمليه فبقينا نشتغل ليل ونهار لحد ما فى يوم لقينا افتتاح مستشفى خاص كبير وان قسم التجميل بها عامل خصومات كبيره على عمليات التجميل فا اخدنا صوره لمها ورحنا قابلنا الدكتور المسئول عن قسم التجميل ولما اتكلمنا معاه تفهم الامر وقال عشان دى اول عمليه وعشان ظروفكم الخاصه المستشفى هتعمل ليكم خصم خاص فشكرنا الدكتور وفهمنا موقف مها وخوفها من العمليات والمستشفيات بصفه عامه وان احنا عاوزين نعملها لها مفاجاه واننا هنمضى له عن اى اقرارات عاوزها وتفهم الدكتور الامر ورحب بيه على انه يساهم فى فرحتها معاهم واسرعنا وبكل فرحه الى البيت وقولنا دى فرصه كبيره لازم نتصرف نجهز مبلغ العمليه وفعلا جمعنا كل اللى ورانا واللى قدمنا حتى اللى كنا مدخرينه عشان جوازنا وجرينا على الدكتور وحجزنا للعمليه وحددنا ميعاد ولما جه الميعاد كانت المشكله فى ان نودى مها المستشفى وفعلا رحت لمها وقولت ليها انى تعبانه وعاوزه اروح اكشف واسماء عندها شغل مهم مش هتعرف تيجى معايا وفعلا رضيت وراحت معايا وكانت اسماء منتظرانا فى المستشفى وموضبه كل حاجه مع الممرضه ولما وصلنا عملت انى طلبت عصير من الكفاتريه اللى بالمستشفى وخلينا الممرضه تحط المخدر فى العصير وفعلا عقبال ماشربنا العصير كانت مها فى دنيا تانيه ومافاقتش الا وهى على السرير وقامت مخضوضه وهى بتصرخ وتقول وجهى جراله ايه تانى ايه اللى حصل فى وجهى انا مش شايفه حاجه هو فى ايه ولسه هتوضع يديها على وجها اسرعنا وامسكنا ايدها وقولنا لها ماتخافيش انتى كويسه انتى بس عملتى عملية تجميل عشان ترجعى قمر تانى فقالت عملية ايه انتوا عملتوا فى ايه حرام عليكم دا انا مش شايفه فقولنا ماتخافيش دا بس الشاش مغطى على عينك اهدى صدقينا انتى كويسه وكلها فتره قليله وهتشوفى قد ايه انتى بقيتى قمر فضلت تبكى وتقول يارب مشعرفين بتبكى من الفرحه ولا من الخوف فقولنا لها بتبكى ليه مالك بدل ما تفرحى وهى ما بتردش وتبكى وتقول يارب سامحنى انا عارفه انى ما استهلش انك تسمع دعائي يارب واحنا يابنتى مالك فى ايه دا ربنا كبير وهى مافيش على لسنها غير يارب وفعلا جه الوقت اللى الدكتور محدده عشان يشيل الشاش ونعرف نتيجة العمليه واللى كان الدكتور ماكدهلنا بس كنا عاوزين نشوف بعنينا وخاصة مها اللى كانت مش مصدقه انها ممكن ترجع زى ما كانت واول ما الدكتور شال الشاش كاننا اول مره نشوف مها من ساعة الحادثه ومها اول ما شافت نفسها فى المرايا مابقتش مصدقه وتقول انا دى انا معقوله رجعت تانى جميله وتوضع ايديها على وجهها وتحسس عليه كانها كانت عاميه وفتحت وقالت معقوله انتوا عملتوا ده كله عشانى معقوله وقامت جريت ودخلت فى حضننه وفضلت تبكى وتقولنا سامحونى ارجوكم سامحونى عشان اقدر اسامح نفسى ووضت على رجلينا ابوس رجليكم سامحونى فقولنا فى ايه فقالت انا المجرمه انا ما استهلش منكم حبكم دا كله انا اللى كنت بطفش عرسانكم انا اللى كنت بسؤ سمعتكم واشوه صورتكم انا استاهل كل اللى عاوزين تعملوا فيا حتى لو شناقتونى واحنا فى زهول تام مش مصدقين كلامها وهى ارجوكم سامحونى ردوا عليا رحنا زقنها فى الارض وسبناها ومشينا وهى فضلت على الارض تبكى وتقول ارجوكم سامحونى ورجعنا على البيت واحنا بنكلم نفسينا معقوله اختنا تعمل فينا كده معقوله تكون سبب تعاستنا وعذابنا وتسؤ سمعتنا معقوله واحنا اللى ضحينا بكل حاجه عشان نعيد ضحكتها وابتسامتها معقوله الوقت اللى كنا بنفكر فيه ازاى نسعدها هى كانت بتفكر وتدبر عشان تضيعنا وتعذبنا وتكسر قلبنا ولقينا مها دخلت الشقه فكل واحده مننا دخلت غرفتها وقفلت على نفسها وهى تخبط ارجوكم اسمعونى انا نفسى مش عارفه عملت كده ازاى الحقد عمانى ارجوكم سامحونى انا عارفه انكم مش طايقين تشفونى او تسمعونى بس انا مليش غيركم وكنت خايفه تتجوزوا وتسبونى لوحدى انا لو كنت سبتونى كنت هموت 

  على العموم انتوا لو ماسامحتونيش انا هسيب البيت وهامشى واريحكم منى ومن حقدى انا عارفه انى ما استهلش اعيش بنكم بس ارجوكم سامحونى فى يوم من الايام يمكن مانشوفش بعض تانى ولما ما لقتش حد رد عليها مننا قامت وخرجت ومشيت وسمعنا الباب اتقفل بينى وبنكم انا حنيت وقولت فى بالى هتروح فين دى بس لكنى ما تحركتش من مكانى اللى عملته فينا كان مجننى ومقسى قلبى عليها اوى بس اسماء لقتها بتخبط عليا وبتقولى افتحى دى مشيت بجد انتى هتسبيها دى مهما كان برضه اسمها اختنا ودى بنت هتروح فين وتيجى منين لحسن تعمل فى نفسها حاجه فقولت دى جبله وحقوده ومبتحبش غير نفسها وتخاف تعمل فى نفسها حاجه بس اسماء قالت لا بجد انا خايفه عليها قومى نشوفها راحت فين قلبى ما طوعنيش وقومت معاها ونزلنا جرى على تحت ندور يمين وشمال ونسال جيرنا اللى فى الشارع حد شفها ماشيه هنا اوهنا قالوا ماشوفنهاش وتليفونها كانت سيباه من وقت العمليه فى غرفتنا وماخدتوش معاها وفضلنا ندور ونتصل على كل اللى تعرفهم يقولوا لا مش عندنا  

لحد ما الليل ليل علينا رجعنا من غيرها والقلق هيجننا ياترى راحت فين وفضلنا طول الليل صحين وقلقنين ليكون عملت فى نفسها حاجه لحد ما نمنا من التعب وماحسناش بنفسينا الا وجرس الباب بيرن ودخلت جارتنا اللى فى اخر دور سالناها انا واسماء فى صوت واحد هى مها عندك قالت اه متقلقوش قالوا دا احنا بندور عليها من امبارح وما جاش فى بالنا خالص انها طلعت عندك قالت معلش انا كنت هنزل اقول لكم امبارح بس هى طلعت وفضلت تبكى طول الليل وما كنتش فهمه منها حاجه وكل ما اقول لها طب اخواتك عرفين انك هنا تقول لا بس ما تعرفهمش انى هنا وانا هبات عندك لحد ما افكر هعمل ايه بس انا سبتها لما هديت وقعدت معاها وفهمت كل حاجه وانا نازله اقولكم انا عارفه انها غلطت غلط كبير ومش هقدر ادافع عنها بس كل اللى هقدر اقوله انها ندمانا فعلا وهى ملهاش غيركم لازم تسامحوها وتعيش فى رعايتكم انما هتخلوا الشيطان يسيطر عليكم زى ما سيطر عليها هتخسروها وهتخسروا نفسكم فاقولنا البيت دا بيتها زى ما هو بيتنا وماينفعش تسيبوا وتمشى فقالت طب كانت هتعمل ايه هتقعد معاكم وانتوا مش طيقنها فقولنا هى اللى عملته ده قليل فقالت مش هنعيد تانى خلاص سامحوه انا هطلع اجبها وارجوكم قبلوها كويس وطلعت جابتها واول ما دخلت جريت ودخلت فى حضننا وفضلت تبكى وتقول انا مليش غيركم فى الدنيا دى وانا ظلمتكم كتير بس انا هعترف للكل انى انا كنت انسانه انانيه وحقوده وهعترف بكل حاجه وهصلح كل اللى كسرته حتى لو ده هيغير نظرت الناس ليا ويمكن يكره الكل فيا بس انا خلاص مش هيهمنى نفسى تانى انا عرفت ان سعادتى فى سعادتكم ورغم ان قولنا لها خلاص اللى فات مات وانسى الا انها راحت للكل اللى سوءت صورتنا قدمهم واحد واحد واعترفت ليهم انها هى اللى كانت بتعمل كده عشان تفشل العلاقه عشان كانت مش عاوزه اخوتها يتجوزوا ويسبوها وفعلا واحد من اللى كانوا اتقدموا لاسماء رجع واتقدملها تانى واعتذر وقال الذنب مش ذنبى وتفهمت اسماء الموقف وقبلت اعتذاره ونحن الان نعد لاتمام فرحها ادعولها ربنا يتم ليها على خير وادينا اهو بنقرص ركبتها عشان نحصلها فى جمعتها ادعولنا وربنا يفرح كل القلوب ويريح كل بال ولو جابب تبدا روايه جديده اضغط هنا👇👇👇.

اختيار روايه اخرى