ريتاج تتأرجح على الامواج

اه يارجلى مش قادره امشي خطوه كمان اعمل ايه بس يا ربي اروح فين واجى منين دلوقتى الوقت اتأخر 

منك لله يامعلم سطوحى انت السبب فى اللى انا فيه ده قال ايه يا ادفع ايصالات الامانه اللى مضانى عليها كل شهر ثمن ايجار الشقه اللى كنت عايشه فيها يا اما يتجوزنى ابو ثلاثه اتجوزته عقربه ادينى سبت له البلد كلها عشان يرتاح خلى المأذون بقى اللى هيجيبه عشان يتجوزنى يجوزه واحد من رجالته بقى يتمم بيه الزوجه الرابعه

ياترى لما مش هيلاقينى ويعرف انى سبت له البلد كلها هيعمل ايه ياترى ممكن يقدم الايصالات للنيابة ويبلغ عنى ولا هييأس من امرى ويتهد ويسكت 

واثناء حديث ريتاج مع نفسها سمعت صوت نباح الكلاب وقد تأخر الوقت فتملكها الرعب وظلت تبحث عن اى مكان تحتمى به وتنام فيه حتى الصباح فوجدت مبنى مهجور مهدوم معظمه وباقى منه  بعض الأجزاء فقررت ان تتجه له لتبات فيه وتحتمى به حتى الصباح 

ولكن بمجرد ان اقتربت من هذا المكان سمعت صوت انين وتوجع وتألم 

اتفزعت وخافت فى اول الامر وقررت أن تبتعد عن هذا المبنى لتبتعد عن اى مشاكل ولكنها أعادت تفكيرها وقالت ليكون حد تعبان ومحتاج مساعده وبمجرد ان ذهبت لترى من الذي يتأنن لتجد شاب ملقى على الأرض فاقد الوعى و غارق فى دمه فصرخت ووقفت متسمره بمكانها وهى تقول يا نهار اسود هو انا كنت ناقصه ياترى من اللى عمل فيه كده ده دا واضح عليه شاب ابن ناس من ملابسه الفاخمه وايه اللى جابه هنا فى المكان الغريب ده 

اعمل ايه ياربي ولسه بتفكر سمعت أصوات أشخاص تقترب من المكان فدخلت مسرعه لتختبىء بالداخل بجانب الشاب وهى ترتعش من كثرة الخوف ليكون دول اللى عملوا فيه كده وجيين يتأكدوا انه مات (تلطم وجهها وهى تقول) يانهار اسود يانهار اسود لو شافونى اكيد هيقتلونى انا كمان ويرمونى جانبه 

اقترب منها صوت الاشخاص وفجأه تأوخ الشاب وعلي صوته قليلا

فأسرعت ريتاج ووضعت كف يديها على فمه حتى تخفي صوته حتى لايسمعه الاشخاص التى تتحدث بالخارج 

فسمعت صوت الاشخاص وقد بدى قريبا جدا منهم وواضح لايفصل بينهم سوى جدار 

واحدهم يقول احنا ندخل المكنه بتاعتنا نلف لينا سيجارتين ونسحب شمتين ونشوف لينا مكان بعد كده نكمل فيه السهره

فقال الاخر ماشي وقرروا الدخول .تابع

الجزء الثانى