الجزء الثانى من لعبة زوجى

 

ودون القدرة على اقناعه بان موضوع موته اللى قرب ده مش حقيقى وان محدش يعرف هيموت امتى لحد ما قال حاجه غريبه حصلت له قال انا حد كل شويه بيكلمنى مش شايفه ويقولى انت بتشتغل ليه وعايش عادى كده ليه انت ماتعرفش انك خلاص هتموت قوم قوم جهز تربتك اللى هتندفن فيها يبقى اكيد انا هموت خلاص عرفتوا بقى انى هموت ورجع للسكوت تانى المهم الدكاتره غلبه معاه وفضل فتره على دا الحال دون تحسن والهاتف ده عمال يزيد معاه وحالته بتسوء اكتر واكتر لدرجة ان بدء مايرداش ياكل ويقول هاكل له ما انا خلاص هموت لحد ما حد اشار علينا ان نسال حد له فى مواضيع السحر والاعمال وفعلا روحنا لكذا حد لحد ماحد قال الدجال اللى كان فى البيت عامل سحر فى البيت اللى يحاول يقعد فيه بيسلط عليه جن يعمل فى كده وممكن لو استمر على كده الشخص اللى اصيب بالسحر ممكن ينتحر فسالناه طب ازاى نتاكد من كده وازاى نخلص من السحر او العمل ده فقال حد يروح البيت هيلاى اخرام صغيره فى اماكن متفرقه محدش يقدر يشوفها الا لو ركز كويس يجيب الورق المبروم ومحشور بداخلها  وفعلا والدى راح رغم انى كنت خايفه عليه بس والدى كان شخصيه عقلانيه جدا قال لى انا هروح عشان اثبت ليكم ان كل ده كلام فارغ وان هو تعب نفسى المهم راح والدى وفضل يبحث فعلا فوجد خروم بحائط احد الغرف التى كان جالس فيها زوجى فاخرجها كلها وهو مش مصدق ان كلام الراجل طلع صح وبدء يتهز من جواه لدرجة ان مجرد ما اخرج هذه الاوراق اسرع خارج البيت لقد دخل الخوف قلبه وعاد لنا بالاورق التى اخرجها وذهبنا الى الرجل وقال خلاص كدم سيبوا الورق ده انا عارف هعمل فيه ايه وكده خلاص زوجيك مش هيجيلوا الهاتف ده تانى وفعلا بعدها بدء زوجى يتحسن ولم يعد للامر مره اخرى وعاد وعاش معنا واصبح يطل على البيت من وقت لاخر لان لم يجرء احد على تاجيره الا زوجى فمازال يذخب هناك ويجلس فيه من وقت لاخر واستقرت الامور مره اخرى وعادة الحياه هادئه مره اخرى ولكن لم يطل الامر فكنت جالسه فى يوم وزوجى فى العمل سمعت احد يطرق الباب فقومت لافتح  فوجدت رجل يقول هل هذا بيت كذا وقال اسم زوجى فقالت ايوه خير فقال زوجك كان واخد منى فلوس ومش راضى يدفعها بيقول انه معهوش وانا قولت اجى لحد تبعه قبل ما اقدم ايصال الامانه ده للنيابه فبصيت فى الاصيل لقيت ان فعلا ماضى على مبلغ مش قليل فقولت له طب ممكن تيجى بعد ثلاث ساعات يكون زوجى جه ونشوف الموضوع ده واوعدك انك تاخد فلوسك فقال خلاص مافيش مشكله بس خلى الصورة بتاعت الايصال معاكى عشان لو عاوزة توريها لحد تاكيد يعنى ومشى اتصلت على والدى يجى يحضر معايا الموضوع ده انا مش فاهمه حاجه وجه والدى وبعديها بساعه جه زوجى فوالدى اخد منى صورة ايصال الامانه ووراه لزوجى وقال له هى دى امضتك اللى على الايصال ده فقال ايوه بس الغريب بقى انه قال انه مش فاكر حاجه عن الفلوس دى فوالدى قال ازاى يعنى خلاص يبقى مش امضتك ونسيبه يودي الايصال النيابه وسعاتها هنعرف فقال بس ده خطى انا متاكد بس بجد انا مش فاكر انى اخدت الفلوس دى ولا ودتها فين فقررنا ان لما يجى الراجل نفهم هو فى ايه بالظبط المهم شويه والراجل جه  وعاوز فلوسه فانقوله هو خدهم منك امتى فيقول يعنى هو مش فاكر احنا هنلف وندور على بعض هو باين كده انكم بتهزروا متسالوه هو امضته دى ولا لا فاقولنا هو مش فاكر حاجه فقال ليه عند الزهايمر انتوا هتجننونى على العموم عشان بس نخلص من القصه دى الفلوس دى واخده منى امام واحد تعرفوه كويس نجيبه ونشهده الغرييه بقى ان الراجل اللى جابه يشهد ده قربنا فعلا ونعرفه كويس لما جه قال ايوه حصل هو يومها جه وانا قاعد وقال له ها جبت الفلوس اللى كنت عاوزها فرد عليه الراجل قال ايوه بس انت هتمضى على ايصال شامل فوايد المبلغ اللى هتاخده واخد الفلوس منه ومضى على الايصال ومشى المهم لما والدى لقى ان الموضوع هايكبر وممكن تبقى فيها نيابه وحبس اتصرف فى المبلغ واداهم له  

وان نعرف حكاية الفلوس دى ايه او راحت فين ابدا كل اللى ينطق بيه زوجى انه مش فاكر حاجه خالص عن الفلوس دى وياكد على كده وعدى كام شهر ولقيت حد جى وبيقولى ان زوجك اخد فلوس منى ومش راضى يردها ويقولى انا مش فاكر اقوله ازاى يعنى طب والايصال اللى انت ماضى عليه ده يقولى امضتى بس مش فاكر حاجه عنه ومعيش فلوس عشام ادهالك محستش غير. انا بلطم وجهى تانى وبعدين بقى هو فى ايه بظبط رجعت كلمت والدى وقولت له الحقنى فاكر موضوع الايصال والفلوس اللى كان زوجى مستلفهم قال ايوه وهى دى حاجه تتنسى ماله قولت واحد تانى جى ويقولى زوجك واخد فلوس منى وبيقوله انه مش فاكر حاجه عن الموضوع ده وبرضه مش بينكر انها امضته هنعمل ايه فى الموضوع دا كمان فقال والله ينتى انا ما انا عارف اعمل ايه مع زوجك ده انا من راى لو رجع وقال نفس الكلام المره اللى فاتت نسيبه بقى للنيابه تشوف صرفه معاه فرحت بكيت وقفلت الخط وفضلت قاعده ومسنيه زوجى لما يجى واول ما جه قولت له انن اخدت فلوس تانى من حد وبتعمل ايه بيها او عى فين قال انا مش فاكر حاجه عن فلوس خالص فقولت هنرجع تانى للكلام ده على فكره احنا مافيش فى البيت اى فلوس ووالدى شال ايده من الموضوع فقال انا مش عارف ايه اللى بيحصلى ده صدقينى انا مش فاكر اي حاجه انا هموت نفسي واريحكم انا بقيت حمل عليكم وفضل يبكى قولت له خلاص نبيع البيت ونسدد المبلغ اللى عليك عشان والدى مش هيرضا يدفع اى حاجه تانى فقام جاب من الدولاب ورقه وادهالى وقعد يبكى ببص فى الورقه لقيت صوره من رهنيه للبيت اتريه راهم البيت وماينفعش يبيعه مسكت فيه واقوله ازاى وامتى يقولى برضوا مش فاكر انت هتقول لى مش فاكر انت هتجننى ورحت سبته وخرجت كلمت والدى تانى معلش يابابا تعالى انا مش عارفه اتصرف وزوجى نفسيته تعبانه خالص وشويه وجه وقال انا اعمل ايه طب فقولت له يمكن يكون موضوع العمل اللى كان حاصل ليه ده من زمان رجع تانى او عمله عمل تانى دا كمان رهن البيت يعنى ما بقاش حلتنا اى حاجه فقال هنرجع تانى للتخاريف دى قولت ما انت شوفت بيعنك المرة اللى فاتت فقال عندك حق خلاص نوديه المهم وديناه فعلا والراجل قال الراجل اللى سحرله سحرله بان يستلف فلوس ويخدها يوديها له من غيرمايسعر او يفتكر بعد كده وفضل ياخد منا فلوس بس المره دى ماقدرش يعمل حاجه وبقينا غصب عنا نسدد الفلوس عنه لما بقينه على الحديده واخدنا من والدى مبالغ مش قليله لدرجة ان بيعنا ارضه وكل ده عشان كلام الراجل ان ده كله غصب عنه وطبعا النيابه واصحاب الفلوس مش هيصدقوا الكلام ده ومش هيعذروا وهيسجنوه لحد ما فى يوم كنت راجعه من عند والدى وكان معايا اختى و

قالت لى انا قولت لحد على موضوع زوجك ده فقالوا لى حاجه بس مش هقولهالك الا لما نروح بيتكم القديم فقولت حاجة ايه ونروح بيت ايه فمسكت ايدى وقالت تعالى بس ورحنا البيت القديم عشان اشوف اللى عمر ما كان يجى على بالى وخلانى وقعت من طولى شوفت شبه عروسة المولد هى اللى فتحت الباب وزوجى نايم على كنبة الانتريه وبيقولها مين ياروحى اللى بره وايه البيت بقى متوطب من جوه واتغير كل حاجه فيه روحت زقيت الباب ودخلت وهى بتقولى فى ايه انت بتتهجمى علينا كده ليه قام زوجى وقف وقال مين مراتى فقولت هى دى العمل اللى معمولك دا انا هوريك ايام سودة وهطلع كل اللى ورتهونى على عينك ياخاين ينصاب ياحرامى واختى واقفه مزهوله هى كمان ومش مصدقه ورحت سيباهم وجريت على بره واختى واقفه ومن كتر زهولها ماجتش ورايا وروحت واخدت اولادى فى حضنى وفضلت اعيط وبعديها بساعه اختى دخلت عليا وقالت دا مايستهلش اللى بتعمليه فى نفسك ده فقولت انا مابعيطش عليه انا بعيط انى كنت مغفله ومصدقاه والايام اللى عايشهانى والذل اللى ورهونى والفلوس اللى اخدها منى ومن والدى وفلوسه اللى من حق ولادى كل ده صرفه على خيال المأته دى ازاى اى عقل يصدق الكلام ده انا هتجنن مش قادره اصدق فقالت اصله اتورط معاها انتى بعد ممشيتى جيت اجى وراكى جرى ورايه ومسكنى وقال اسمعينى فقولت اسمع ايه انت راجل انت فقال اسمعينى بس انا عارف حالة اختك دلوقتى مش هتسمعنى مهما قولت عشان كده لازم انتى تسمعينى عشان لما تهدى شويه يمكن تسمعك قولت اتفضل قول رغم ان مافيش حاجه هتغفرلك عملتك ديه فقال ان هو عمره ما كان فى باله موضوع الجواز ده خالص بس هو لما كان بيبات فى البيت من الوقت لتانى اللى اتزوجتها دى لفت عليا وبقت تيجى البيت وتخبط عليا وتفضل تدلع وتتكلم فى اى حاجه وكنت بزعقلها وانهارها عشان ما تجيش تانى بس مره مع مره ضعفت وفضلت تقولى انا زوجى مات ووحدانيه ومحرومه من الحنان وتدلع وتتمايص لما لقتنى دخلتها الشقه وفضلنا نتكلم فى الاول عادى بس انتى عارفه بقى الشيطان شاطر وانا مش نبى غلطت معاها واتاريها كانت مخططه لكده وكانت مسجله قاعدتنا دى وبعديها هدتنى انها هتخرب بيتى وتفضحنى وتخسرنى كل شئ فضلت اماطل لحد ما افكر هعمل ايه لقتها جت تانى شهر قالت لى انا حامل وهرفع عليك قضيت نسب والمحكمه هى بقى اللى تجيب لحد عندى مابقتش عارف اعمل ايه فحاولت اجمع ليها مبلغ من المال اديه ليها واسكتها بس بنت الايه اخدته ورجعت تقولى طب ده حقى طب وابنك ده هعمل فى ايه لازم نتجوز عشان الولد يتكتب باسمك فقولت اكتب عليها وبعدين اطلقها عشان الولد ملوش ذنب المهم جت وقت كتب الكتاب وقالت انا عايزه مقدم كذا ومؤخر كذا وطلبت مبالغ كبيره عشان دا حقى وحق ابنى وهددتنى لو المأءذون مشى هى هتروح على زوجتى وساعتها مابقتش عارف اعمل ايه لقتنى وافقت خوفا من الفضيحه ورجلى جت فى الخيه شويه شويه لحد ما لقتنى فى المصيده وكانت طلبتها كتير وكنت كل ما اعترض على طلبتها والفلوس اللى عاوزها تفضل تقولى هو انا مش زوجتك مش كفايه انى متزوجه فى السر لحد مابقيت اخترع امر الايصالات دى عشان ماكنتش ملاحق على توضيب البيت اللى طلبت تقعد فيه ولا على مهرها ولا على طلبتها اللى ماكنش بتنتهى وخصوصا ان اللى كان حصلى من عمل ده كنت عارف ان هيصدقوا ان ده برضوا عمل وبكده هيصدقونى بس خلاص دلوقتى انا مابقتش فارق معايا حاجه انا ممكن اطلقها وارجع تانى فقولت له وهى ممكن تصدقك اوتسامحك تانى دا مستحيل انت متعرفش انك دبحتها بسكينه برده وسبته ومشيت فبعد ماخلصت اختى الكلام قولت يعنى هو هيطلقها فقالت اختى انتى بتقولى ايه هو انتى ممكن ترجعيله تانى فقولت ليه ارجع ايه دا انا هاخد حقى منهم وقولت ليها بعد كام يوم روحى ليه وقولى له انها ممكن ترجعله بس يطلق زوجته التانيه دى بالثلاثه فقال موافق بس فى مشكله ليها مؤخر كبير وانا معيش فرجعت قالت لى كده فقولت ليها قولى ليه ان باب هيبعتله شيك بالمؤخر بس ميعاد صرفه بعد اتمام الطلاق وبعد الطلاق اصرفه واديها المبلغ المهم وافق وجه الميعاد اللى اتفقنا فيه على الطلاق وبعت اختى بالشيك اول ما استلم زوجى الشيك راح طلقها بالتلاته ووثق الطلاق عند الماءذون راح يصرف الشيك عشان يدي المؤخر لطليقته لقى ان الشيك متبلغ بيه انه ضايع فاضى وطبعا مش والدى اللى كان كاتب الشيك ولا ماضى عليه وتم رفض الشيك وهو دلوقتى محبوس عشان المؤخر وهى مطالتش حاجه من المؤخر واتطلقت واخدت حقى منهم وبردت نارى رغم ان الكل بيلمونى ان حبست ابو ولادى ايه رايكم انتوا.

العوده لاختيار روايه اخرى