الجزء الرابع من ريتاج تتأرجح على الامواج
جلسوا جميعا فى اماكنهم وهم يقولون الحمدلله
وريتاج فى بالها الحمدلله وهى تترقب الامر وتنظر لوجوهم جميعا دون أن يشعر بها احد
وقامت وقفت مادام الحمدلله اطمنتوا على وسام بيه يبقى امشي انا بقى
جاسر:لا تمشي فين انتى هتفضلى هنا لحد مايفوق ونفهم كل حاجه
رجعت جلست تانى وهى تتنهد وتقول والله انا ماليش اى علاقه باللى حصل ليه ده
والد وسام يانتى ما انتى كده كده مش عارفه هتروحى على فين خليكى لما نطمن على وسام ونفهم منه كل حاجه
رهف اخت وسام:ايوه خليكى عشان كمان نرد ليكى الجميل ده لو لا انتى كان الله واعلم ايه اللى حصل لوسام
والدة وسام :ايوه فعلا ماينفعش تمشي الا لما نرد جميلك دا انتى انقذتي ابنى الغالى
ريتاج ؛انا مش عاوزه حاجه بس هفضل لحد مايفوق واطمن عليه معاكوا
جاسر:كمان عاوزين تكرموها وتردوا الجميل طب دلوقتى وسام يفوق وتشوفوا ان هى السبب فى اللى هو فيه ده كله تانى يوم فاق وسام واول حاجه سأل عليها البنت اللى جابتنى هنا فين اوعوا تكون مشيت
رهف: موجوده موجوده استنى هروح اجبهالك مارضيتش تمشي الا لما تطمن عليك
راحت جبتها فى ايدها ودخلت عليه ادي ياسيدى منقذتك
نظر وسام ليها وقال انا متشكر جدا يا ....
صحيح انتى اسمك ايه
رهف:اسمها ريتاج تعرف انه اسم جميل اوى
وسام:ممكن اطلب منك طلب ياريتاج
ريتاج :تحت امرك
وسام:تسيبي لى تليفونك وعنوانك
ريتاج:انت نسيت ولا ايه انا قولتلك انت ماعيش تليفون
وسام:اه صح معلشي بقى اعذريني
خلاص سيبي عنوانك
ريتاج :للأسف ومافيش عنوان برضو اصل انا لسه نازله من البلد واول حاجه قبلتها كانت حضرتك واتبهدلت بهدله يالا بقى نعمل الخير ونرميه البحر المهم انى اتطمنت على حضرتك وبقيت بخير الحمدلله ووسط اهلك ادعى لى انا بقى اكون بخير سلام
ولفت ظهرها وماشيه
وسام محاولا النهوض :انتى رايحه على فين ماتسبهاش تمشي ياماما
والدته واخته:حاضر حاضر مش هنسبها تمشي بس استريح انت
واتجهت رهف اقعدى ياريتاج احنا مش قدم وسام بيه
والد وسام:سيبك من ده كله قولى الاول من اللى عمل فيك كده
وسام: دول شوية حراميه ومدمنين طلعوا عليا واخدوا السياره وكل حاجه ورغم انى سبت ليهم كل حاجه الا ان واحد فيهم صمم ياخدونى معاهم وفعلا اخدونى معاهم ونزلوا ضرب فيا وواحد قال دا لازم يموت لحسن يبلغ عنا وراح ضربني بالنار ورمونى فى المكان اللى ريتاج وجدتنى فيه
دخل عليهم الظابط ووسام بيتكلم وكمل السؤال
وماتعرفش اى حد فيهم او شوفت حد فيهم قبل كده
وسام لا اول مره اشوفهم
الظابط:طب تقدر توصفهم
والد وسام مش مقتنع بكلام وسام وحاسس ان فى حاجه مخبييها وسام
بس ما اتكلمش وانتظر لما الظابط مشي واصبحوا وحدهم واعاد سؤاله مره اخرى ها قول لى بقى مين اللى عمل كده وما تقوليش حراميه والكلام الفاضي ده انت بتعمل شغل انا معرفوش ولا ايه
وسام:ياريت يا بابا نكمل كلامنا بعدين لحسن انا تعبت من أسألة الظابط
رهف اخدت ريتاج وقالت ليها انتى بقى تروحي معايا ايدى فى ايدك مش هسيبك انا مش قد وسام
ريتاج:واضح انك بتعزي اخوكى وسام اوى
رهف:تعرفى رغم انه حاد وجاد وصعب فى تصرفاته بس راجل ويعرف الأصول وحنين اوى من جواه تعرفى انا نفسي عريسي يكون زيه كده بحب شخصيته اوى
مش زى جاسر تحسيه كده مش فارق معاه حاجه وتفكيره ضيق ومابيسكتش ديما يعند فى كل حاجه بس اقولك طيب برضو والاثنين معتصمين عن الزواج وعايشين حياتهم بالطول وبالعرض
اقتحم جاسر حديثهم فجأه وقال .تابع
تعليقات
إرسال تعليق