الجزء الثانى من الدكتوره والصعيدي

  

وفعلا قرر يصبر عليها 

اخر اليوم اتملى الدوار بأهل العريس وأهل العروسه وبنات عائلة العريس جايين يتفرجوا على بنت البندر الدكتوره اللى الكل بيتحدث عنها 

نزل سالم وجد والدته جالسه وحواليها أهلها تركتهم واتجهت نحوه وقالت له طمنى ياولدي 

سالم :اتطمنى يا حاجه  وبعدين نتكلم 

والده:اهلا بالعريس اهلا كله تمام يا ولدى 

سالم:كله تمام يا حاج 

ورغم انه يرد عليهم بنبره حزينه الا انهم صدقوه 

والدته؛امال وين العروسه ليه منزلتش محروجه ولا ايه 

سالم:نازله يا حاجه نازله 

ثم نظر سالم لوالده وهو يقول ابوي انا رايد اكمل تعليمى يا ابوي 

وكان فى نزلة ورد 

قام ابو سالم وقف فاجئه تكمل تعليمك ليه ياولد انت ناقصك ايه 

ان كان على الشهادات اشترى ليك الف شهاده ياولد 

سالم:لا ي ابوي انا مش عاوز اشتري شهادات انا عاوز انا اكمل تعليمى انت تدري كويس انى كان بدي اكمل تعليمى لولا انك اصريت انى اتفرغ وامسك الشغل معاك بس دلوقتى اخويا الصغير كبر ويقدر يشيل عنى شوي واكمل انا تعليمى يا ابوي 

نظر والد سالم لورد وهو يتحدث لسالم إياك عاد يكون حد عايرك بقلة تعليمك ياولدى الراجل مايعبوش غير جيبه وكلمته على بيته وشيء تانى انت تعلمه كويس ياولدى إنما تعليم ايه وكلام فارغ ايه ما متعلمين كتير ومعاهم اكبر الشهادات و شغالين تحت ايدك ياولدي وشغالين عندك إياك تحس حالك صغير أمام حد ياولدي انت كبير واكبر من الكل وغصب عن الكل 

وبرضو ياولدى اذا كنت مصر على كده انت حر يا سالم يا ولدى 

وطى سالم على يد ابوه وقبلها وهو يقول اشكرك يا حاج 

والدة سالم اول ما شافت ورد :تعالى يابتى بدر يابنات بدر منور شايفين عروسة سالم والدي يابنات 

التفت البنات حوالين ورد يسلموا عليها ويهنوها 

وامسكت والدة سالم يد ورد وتجلسها بجوارها 

وهى تقول اقعدى ياورد يابتى ريحى هنا اقعدى 

وشويه وهما جالسين جه أهلها واول ما والدة ورد دخلت من الباب اسرعت ورد ناحيتها وارتمت بحضنها وهى تبكي 

وبمجرد ان امها سلمت على أهل سالم 

اخدت ورد امها وصعدت بها لغرفتها 

واول ما قفلوا الباب عليهم 

والدتها:عملتى ايه ياورد يابنتى انا طول الطريق وانا حطه ايدى على قلبي انا قولت اول ما هيعرف ان عندك الظروف هيقلب الدنيا بس غريبه الأمور عادي يعنى انتى عملتى ايه مع سالم 

ورد:هو اتعصب شويه فى الاول وبعد كده سابني ونام الظاهر انه قلبه طيب ومش زي ما بيقولوا انه صعب وجاهل وقلبه قاسي 

تصورى ما جبش سيره لحد لحد دلوقتى على رغم ان عفاريت الدنيا كانت ركباه من موقفى معاه لا وايه نازله لقيته بيقول لابوه انه عاوز يكمل تعليمه 

والدتها:طب يا بنتى مابينه انسان كويس اهو وبيحبك 

ورد:لا يا ماما انتى عوزانى بعد تعليمى ده كله وانى بقيت على بعد خطوتين من حلمى انى اكون دكتوره ومش اى دكتوره كمان 

اجى وادفن نفسي هنا يا ماما لا 

وبعدين بيحبنى ازاى دا احنا ماشوفناش بعض غير من وقت ما اتفقوا على جوازنا كان يوم مشئوم انا عارفه ازاى ابويه وعمى يوافقوا على راميتى دي 

والدتها :يعنى كنتى عوزاهم يعملوا ايه يستنوا لما اخواتك يتاخدوا فى الرجلين وياخدوا منهم بالتار دا انتى فديتي اخواتك ياورد وبلاش ياورد يابنتى تكونى السبب فى عداوة العائلتين تانى احنا ماصدقنا ان بحر الدم ده وقف 

ورد :انا هعمل اللى اتفقنا عليه هستحمل لحد ما اخواتى يسيبوا البلد ويسافروا بره زى ما واعدونى وساعتها مش هيفرق معايا حد تانى كلها شهر  وامتحاناتهم تخلص ويسافروا لخالى بره وساعتها هطلب الطلاق 

فجأه فتح سالم الباب عليهم و دخل وهو بيقول  بقى الموضوع كده يعنى بتنيمينا وبتضحكى على الرجاله كلها طب ايه رايك ان اخواتك انا اللى هاخد التار منهم بأيدى  وسبهم ومشي

صرخوا الاثنين  

والدتها اجري ياورد الحقيه وحيله بكلمتين يمكن يهدى ليعمل بتهديده عشان خاطر اخواتك ياورد يابنتي

ورد :طيب يا ماما بس هقول له ايه بس بعد اللى سمعه 

والدتها :اى حاجه ياورد بس الحقيه وخلاص اجري 

نزلت ورد مسرعه وجدت سالم جالس على كرسي وسط الجالسين ووجه يملئه الغضب 

والده:مالك ياسالم فى ايه تانى 

سالم:مافيش يابوي 

والدته:مافيش ازاى يا ابني انت مش شايف نفسك 

سالم:الهانم ....

وقبل ما يمكل كلامه اتجهت ورد نحوهم وسبقته بالكلام 

يرضيك ياعمى سالم مش عاوزنى اكمل تعليمي ويضيع مستقبلي 

نظر سالم لها باستغراب وسكت 

والده:وانتى ياورد هتحتاجى التعليم فى ايه انت جوزك راجل مقتدر ويصرف على بلد مش بيت 

ورد:ياعمى التعليم مش بس عشان الفلوس لا دا مكانه واحساس بوجودي 

ونظرت لسالم كنت عوزاك ياسالم فى كلمتين 

سالم:لا كلمه ولا كلميتن كل شيء بينا انتهى 

والدته:فى ايه يا ابني مش للدرجه دى الكلام اخد وعطى وانتى ياورد اسمعى كلام جوزك 

ورد :حاضر هسمع كلامه تعالى ياسالم بقى 

والدته:روح يا سالم معاها يمكن فى حاجه مهمه 

قام وطلع معاها ودخلوا غرفه وقفلوا على نفسهم 

سالم:فى ايه تانى ما لعبتك اتكشفت واخواتك انا اللى هاخد بالثار منهم 

ورد؛انا مش هنكر ان كل هدفى انقذ اخواتى بس انا ماخدعتكش انا لا قولتلك بحبك ولا كدبت عليك وجوزنا من الاول لهدف وقف التار والكلام الفاضي ده 

سالم:بس انا بحبك واتجوزتك مش عشان موضوع التار ده خالص 

وكان بدي تكونى انتى كمان حسيتي بحبي وقررتي تكملى حياتك معايا بس اتضح لى انك غشاشه ومخادعه 

ورد:كنت عاوزني اعمل ايه وانا حياة اخواتى مهدده كنت ارفض واضحى بيهم 

سالم :ورد انا مش هقدر اعيش مع واحده مش ريدانى غصب عنها

ورد:واخواتى 

سالم:اوعدك أن مش هيحصل حاجه ليهم انا اصلا ماليش فى الثأر والكلام ده 

ورد:طب اتحمل الفتره الصغيره اللى فاضله لحد ما اخواتى يسافروا ارجوك انا ماضمنش لو اطلقنا ممكن اي حد من عائلتك يتهور وياخد الثأر من اخواتى 

سالم:مابقاش فارق معايا 

 وفتح باب الغرفه ونزل وسابها ورجعت ورد لغرفتهم 

والدتها:عملتى ايه ياورد انا حطه ايدي على قلبي من وقتها 

ورد؛الظاهر ياماما انى كنت غلطانه فى حكمى على سالم دا طلع انسان شهم تصوري وافق نفضل متجوزين لحد ما اخواتى يسافروا عشان احافظ على حياتهم

والدتها:ما تستهدى بالله ياورد وبلاش الطلاق والكلام ده دا بين شاب مايتعوضش 

ورد:وحلمي ياماما لا صعب 

والدتها:يووو انتى حره بقى ياورد انا ماشيه بقى سلام خلي بالك من نفسك 

ورد:سلام يا ماما 

تجنبها سالم وكأنها غير موجوده بالبيت 

وجهت ورد كلام له 

فرد انتى اللي ليكى ان الوقت يمر واخواتك يسافروا وده اللى بينى وبينك غير كده مافيش اي حديث بنا 

ورد:ايوه بس كده كل اللى فى البيت هيحس بأن فى حاجه مش طبيعيه 

سالم:أمامهم هتكون الأمور طبيعيه إنما بينا وبين بعض انا مش عاوز اسمع حسك 

ورد:انا اسفه يا سالم انا بجد ماقصدش اجرحك او اضيقك ارجوك اعذرني 

سالم:خلاص بقى قفلي على الموضوع ده لحسن بينرفزني

ورد:طب مش هتنام 

سالم:ماتشغليش بالك بيا انا هخرج بره فى الجنينه شويه 

ورد:دلوقتى انت ناسي ان المفروض اننا عرسان جداد 

عاوز اللى يشوفك يقول ايه 

سالم:ماتحفيش الكل ناموا نامى انتى كمان 

خرج سالم بره وبيتمشى فى الحديقه 

سمع صوت همس من بعيد قرب دون أن يشعر به احد ليسمع ابن عمه بيقول لوالده انا مش لادد عليا موضوع الصلح ده انا لازم اخد بتارنا احنا بقينا مسخه بين العائلات 

والده:اصبر ياولد شوي لحد ما الموضوع يهدى بلاش دلوقتى بكده هيبان اننا كنا بنيمهم وأننا احنا اللى عملنا كده 

ابن عمه :مايبان اللى يبان خلينى ارفع راسي بين الخلق انا جي عشان ابلغك باللى هعمله ومش هقبل بأي رفض انا بكره عشي هتبع اخو ورد الكبير وهخلص وسابه ومشي 

وراجع والد سالم للدوار وجد سالم واقف :انت بتعمل ايه هنا وايه اللى مخليك سايب عروستك فى وقت زي ده ونازل 

سالم:سيبك يا أبا من الكلام ده ايه اللى سمعته من ولد عمى ده هو عاوز ياخد بالتار امال كل اللى عملناه ده ليه 

والد سالم:يا ابنى احنا مش قادرين نرفع عينا فى عين الخلق واللى عملناه ده كنا بنرقد ليهم عشان مايهربوش من البلد بنكسب وقت يعنى 

سالم؛طب واللى فوق دى هيبقى موقفها ايه بعد كده تقدر تقول لى انت ناسي انها بقت زوجتى 

والد سالم:ماتغور فى دهيه انت باقى عليها ليه دى حتى رفعه انفها للسما وماحدش عجبها 

سالم:لا يا أبا انا ماقدرش اغدر بانسانه وخصوصا انها بقت زوجتى انا هقف لابن عمى 

والد سالم:هتفضحنا إياك وتضيع كل اللى خططنا له انت تطلع للى فوق دى وتنسى الامر ده خالص ومالكش دعوه به عاد 

طلع سالم ودخل الغرفه وهو مش عارف يعمل ايه يقول لورد تحذر اخواتها ما كده هيضيع كل شيء وهيصغر والده بين الخلق ومن غير ما ياخد بالتار وهيطلقها بردو وما هينوبوا غير فضح امر والده 

 ورد كانت مازالت صاحيه :تحب تيجى تنام على السرير وانام انا على اي حاجه لو مش جايلك نوم بعيد عن سريرك 

سالم:قولتلك نامي انتى ياورد 

هو اخواتك هيسافروا امتى 

ورد:لسه شوي انت لحقت زهقت 

ماردش سالم عليها وظل شارد يفكر يتصرف ازاى فكر ينزل عشي الغد يمنع ولد عمه وفعلا راح له وحاول يقنع فيه لكن أبن عمه راكب راسه وسابه ومشي 

ما وجدش غير ان يبلغ زوجته تحذر اخوها  جاسر لكن ماوجدش وقت ان يروح ليها عشان يبلغها تحذره فأتجه خلف ابن عمه يمكن يقدر يمنعه ولكن كان قد اختفى عن نظره فقرر يذهب إلى بيت اخو ورد ليحاول تحذيره هو بأن يهرب لأى مكان الفتره دى 

وفعلا وصل اليه واتجه اليه ليوقفه ويحذره ولكن كان قد وجه ابن عمه ليصوب على اخو ورد وضغط فعلا على الزناد وكان فى نفس الوقت الذي وصل فيه سالم لاخو زوجته فاصابته هو وسقط على الأرض فتفاجىء جاسر اخو ورد بالأمر ونظر جاسر ناحية الذي فعل ذلك فشهد ابن عم سالم وهو يهرب فحمل سالم وهو بيقول فى ايه وليه ابن عمك عمل كده 

سالم :الحمدلله انى لحقتك اتجه جاسر إلى أقرب مستشفى ودخل به وسلمه للاستقبال ودخل سالم غرفة العمليات 

وظل جاسر واقف يفكر واستوعب انه هو اللى كان مقصود من كلمة سالم 

اتصل جاسر على ورد واخبرها بما حدث أتت ورد لمستشفى وهى هتتنجن على سالم وظلت منتظره وكان الخبر قد وصل لوالد سالم فأتى هو أيضا وظل غير قادر على الوقوف خوفا على سالم  حتى خرج الدكتور وقال الحمدلله الاصابه مش خطيره وهيبقى كويس ماتقلقوش 

اتجه جاسر لوالد سالم :ازاي ياعمى ابن اخوك يعمل كده هى مش كانت قاعدة رجاله ولا ايه 

ورد:خلاص ياجاسر ما سالم فداك بنفسه خلاص 

والد سالم: عندك حق يا جاسر يا ابنى وربنا كان هيعاقبنى بأبنى بس الحمدلله ربنا ستر 

وبعد ما اتعافى سالم واصبح بخير وسافر اخوات وارد 

وكانت ورد نسيت اتفاقها اللى كان بينها وبين سالم 

سالم:عاوزك ياورد فى كلميتن فى غرفتنا 

واخدها ودخل بيها 

سالم:بصي يا بنت الناس بيتهيألي انى وفيت بواعدي واخواتك فى امان دلوقتى وجه بقى وقت التنفيذ 

ورد:تنفيذ ايه 

سالم:الطلاق انتى نسيتى ولا ايه 

ورد:بصراحه اه نسيت وعوزاك انت كمان تنسى وتسامحنى انا زوجتك وتحت امرك ارجوك ياسالم انسى بقى انا عرفت كويس اوي انى لو لفيت الدنيا كلها مش هلاقى راجل احن ولا ارجل منك 

سالم:ازاى هتعيشي يادكتوره مع واحد فى مستوى تعليمى 

ورد:تعليم ايه انت شخصيتك عندى بالف شهاده والف دكتوره انسى بقى خلينا نبتدي النهارده انا عاوزه نقضي شهر العسل فى مكان هادى تختاره انت ها هتودينى فين 

نظر سالم لورد نظرة تعجب 

فقالت ورد خلاص بقى انسى بقى 

ابتسم سالم وقال افضل مكان هادى هو غرفتنا وقفل الباب .وانتهت

الجزء الثالث غدا