ووصلوا عند شقة ندى واحمد رن الجرس فتحت نعمت الباب ودخل وساب ورده بره وقال ليها هعرف ندى بس انك جايه تقعدي معاها شويه عشان يدخل احمد ويلاقي المفاجأه اللى ماكنتش على البال ولا على خاطر إللى احمد ما بقاش عارف يفرح ولا يزعل من المفاجأه دى واللى ورده هتعرف بيها معاه
اول ما احمد شاف ندى وجد هلى عينها شاش ملفوف حوالين رأسها
احمد:فى ايه ندى ايه اللى لفاه على عينك ده
ندى:ادعيلي يا احمد ان العمليه تكون نجحت ويتحقق حلمى واشوف الدنيا تانى واشوفك يا احمد
احمد :عمليت ايه انا مش فاهم حاجه
ندى:معقوله مافهمتش ولا من فرحتك مش قادر تصدق لا صدق يا احمد انا من فتره قليله اتصل عليا اخر دكتور كنت متابعه معاه بعد ما لفيت على دكاتره كتير هنا وبره ومل كنش فى حد يوصل لحل لعينى لحد اتصال الدكتور ده واللى كان مفاجأه ليا أعادت لى الأمل فى الدنيا والحياه تانى قال لى ا.ندى بعد اذنك انا عاوز حضرتك تعدى عليا بكره ضرورى فقولت له فى ايه يا دكتور قال لى فى دكتور من بره فى زياره لمصر لحضور مؤتمر طبي وانا عرضت عليه حالتك وكل تفاصيلها لانه كان بيتكلم فى المؤتمر على علاجه لحالات مماثله ليكى كتيرة بطريقه هو اللى بيجريها ولما شاف حالتك أكد انه قادر على إجراء عمليه ليكى ونسبة نجاحها كبيره جدا وده اللى كنت مخبياه عليك واللى كانت نعمت بتلمح لي بس حبيت اصبر لما اتأكد عشان ما تعش الأمل معايا ويطلع على الفاضي وعشان اتأكد من مدى حبك وتمسكك بيا والدكتور بعد إجراء العمليه أكد لى نجاحها بس انا مش هطمن الا لما اشيل الشاش ده واشوف بنفسي دا يمكن حتى لما اشوف بنفسي ما صدقش
احمد:وامتى هتروحى للدكتور عشان تشوفى نتيجة العمليه ندى:النهارده اخر النهار
احمد:ربنا يفرح قلبك ياروحي وتكون العمليه ناجحه ان شاء الله
وسرح شويه وهو بيفكر طب وهعمل ايه مع ورده دلوقتى يعنى يوم ما اسمع خبر حلو زى ده اسمعه وورده معايا دلوقتى لو ندى بقت بتشوف هتقول لى خلاص حجتك انتهت يبقى ما فيش لازمه للزواج منها مادام فتحت
ندى:مالك يا احمد انت مش فرحان ولا ايه
احمد:لا ازاى طبعا فرحان دا اجمل خبر سمعته فى حياتى
بقولك يا ندى تعرفى مين معايا بره
ندى:مين
احمد:مش انتى كنتى شرطه ان لازم عشان نتزوج ان ورده تعرف
ندى:اه فعلا ولسه عاوزه كده
احمد:ورده عرفت وطلبت منى تقابلك وهيا بره دلوقتى
ندى:بس انا مش مستعده لمقابلتها دلوقتى هقول ليها ايه انا هتحرج اتكلم معاها ايه الموقف المحرج ده
احمد فى باله امال لو عرفتى أنها لو عرفت انك احتمال كبير تفتحي هتقلب الدنيا والله انا ما بقتش عارف اعمل ايه اللى يحصل يحصل بقى انا زهقت
احمد:فى حاجه عاوز اقولك عليها
ندى:قول
احمد:ينفع ما تجبيش سيره أمامها عن موضوع العمليه دى
ندى:ليه يا احمد ما مسيرها هتعرف كده كده لا مش هينفع لو جت سيرة الموضوع مش هعرف اكدب
احمد:بقولك ايه انا هدخلها لحسن هيا واقفه من بدرى بره وربنا يستر
طلع احمد قال لورده تعالى ادخلى دخلت ورده وندى طلعت وهيا بتحسس المكان
احمد:ندى.. ورده كانت عاوزه تتكلم معاكى شويه وانا هسبكم عشان تتكلموا مع بعض براحتكم
ورده:اه كده افضل برضو
ندى:اه اتفضلى اقعدى يا ورده
ورده:تعرفى انك جميله اوى يا ندى احمد معرفش يوصفك ويديكى حقك كفايه
ندى:دا بس من ذوقك واضح انك انسانه ذوق وجميله كتير وانا بثق فى ذوق احمد بس تعرفى اخر حاجه كنت اتصورها انك تطلبى تقعدى معايا واضح ان شخصيتك قويه كمان وواثقه من نفسك جدا وعارفه انت بتعملى ايه وعاوزه ايه
ورده:لا دا انتى مش بس جميله دا كمان ذكيه بس تفتكرى كنت هعمل ايه الظروف هيا اللى وضعتنى فى الموقف ده انى اقابل واقعد مع ضرتى وارضه بيها غصب عنى عشان ظروفها وشهامة احمد انه مابيحبش يتخلى عن حد محتاج له وبيصون الامانه ودى اكتر حاجه بحبها فيه
ندى:انتى هتقول لى عن شهامة احمد ورجولته طول الوقت وهو جنبي وما بيستحملش عليا الهوا عمره من وقت ماعرفته ماسبنى لا فى كبيره ولا صغيره ديما معايا فى فرحي وحزنى
ورده بغيظ :انا اسفه ما اختش بالى مالها عينك كفى الله الشر ملفوفه ليه كده هيا حصل فيها حاجه تانى
ندى ردا على غيظها:لا ابدا دا انا عملت عمليه فى عينى وبتمنى من ربنا أنها تكون نجحت ورجعت اشوف تانى
وقفت ورده ايه وندهت على احمد ...احمد احمد
اول ما دخل احمد راحت عليه واخدته على جنب بعيد عن ندى
ورده :ما هى هتشوف ايه امال ما قولتش لى ليه تانى يا احمد بتخدعنى وبتخبى عليا
احمد:صدقينى انا لسه عارف زي زيك
ورده :يا سلام انت هتفضل تستخف بيا كده علطول ارحمنى بقى وحتى لو لسه عارف يبقى لو فتحت كده مش هتتزوجها زى قولتلى لما سألتك واكدت عليا صح يا احمد
احمد:مش وقته الكلام ده لما نشوف بس ايه النتيجه ونتكلم بعديها
ورده:هو احنا لسه هنتكلم بقولك ايه هيا كلمه واحده لو العمليه نجحت ترجع معايا وتنسى ا.ندى دى خالص انت فاهم يا اما وقتها بقى ما تلومش عليا
احمد:ربنا يسهل نشوف بس نتيجة العمليه
ورده:يا لا انا عاوزه امشي من هنا انا مش طايقه اقعد هنا تانى واعمل حسابك انا هروح معاكم عند الدكتور
احمد:طب ما دام هنفضل لحد ما نروح للدكتور معاها خلينا قاعدين هنا لحد الميعاد
ورده:ليه هو انت مش عندك شقه نقعد فيها ولا ايه وبعدين انا لازم انزل اشترى اي حاجات عشان اوريهم لوالدى ولا انت نسيت
احمد: حاضر حاضر استنينى عند الباب
اتجه احمد لندى وقال لها انا هنزل مع ورده نشترى شوية حاجات وهنرجع على ميعاد الدكتور عشان نروح مع بعض
ندى:ماشي يا احمد اتفضل
اخد احمد ورده ونزلوا
ورده:احمد زى ما اتفقنا
احمد:خلاص بقى ياورده قولنا نأجل الكلام فى الموضوع ده دلوقتى
احمد بينه وبين نفسه ايه العمل دلوقتى ياربي انا خلاص قربت اتجنن كل ما احلها تتعقد تانى
ورده:هنروح فين دلوقتى
احمد:ها اه هنروح محلات ملابس مش انتى قولتى له هتشترى ملابس ليكى
ورده:اه
احمد:طب خلاص يالا بينا
راحوا على المحلات واختارت ورده كذا حاجه كده ودخلت البراوفه تقيس وتشوفهم عليها وتخرج لأحمد وتقوله ها ايه رايك فى ده واحمد جميل وعامل نفسه مركز معاها بس احمد باله مشغول ايه العمل دلوقتى صحيح ان ندى تفتح دى حاجه تفرحنى بس انا ايه اللى خلانى اكذب على ورده واقول ليها ان لولا أنها عمياء ما كنتش فكرت اتزوجها ادينى وقعت فى شر اعمالى وانا بحب ندى ومش هقدر اسيبها سواء فتحت او لا هعمل ايه مع ورده لو ندى فتحت اكيد هتتمسك بالكلمه اللى قولتها صحيح الكدب ما لوش رجلين بس انا ما كنش قصدى ان اكدب عليها انا بس كنت بحاول أهديها امال كنت ههديها ازاى وانا كان يخطر على بالى ان ندى ممكن نظرها يرجع ليها
ورده:احمد احمد ايه بقالى ساعه واقفه أمامك وبقولك ايه رايك ايه سرحان فى ايه بالك مشغول بالسانيوره طبعا لا بقولك ايه انا الكلام ده ما يفعنيش تكون معايا وبالك فى مكان تانى لا ما تجننيش
احمد:بالى فين بس ياورده ما انا معاكى جميله او العبايه دى ايه رايك تبقى تلبسيها يوم الصباحيه هتبقى تحفه عليكى بجد
ورده:بجد يا احمد حلوه عليا طب وايه رايك فى دى
احمد:الاثنين حلوين ما دام انتى اللى هتلبسيهم
ورده:احمد ارجوك متندمنيش على اليوم اللى حبيتك فيه انا بقيت خايفه منك بقيت حاسه انك مش احمد اللى اعرفه
احمد:ايه لازمة الكلام ده دلوقتى احنا فى ايه ولا ايه ها اخترتى ايه تانى ما تفرجينا كده على البيجامات
ورده : لا ان اتحرج البسهم أمامك انا هختار ومش هوريك حاجه
احمد:يابت دا انتى بقيتى زوجتى امال بقى هتعملى ايه يومها
ورده :بقولك ايه قفل قفل خلى كل شيء لوقته
احمد:طب اختار معاكى هو مش انتى هتجبيهم عشان تلبسيهم لى
ورده:خلاص تختار معايا ماشي انا حاجه تانيه لا
احمد:ماشي
واختاروا كذا حاجه واتمشوا شويه وراحوا اتغدوا فى مطعم وبعد ما خلصوا قالت له تعالا بقى فرجنى على شقتك اللى هنا وراحوا مع بعض ودخلوا الشقه
ورده:الله شقه جميله اهى وجاهزه امال قولت لوالدى أنها مش جاهزه ليه وان اقعد مع اهلك طبعا عشان خاطر الست ندى هى كانت هتقعد معاك هنا لو اتجوزتوا
احمد:لا كنا هنقعد فى شقتها
ورده:واضح انها غنيه ووالدها سايب ليها كتير طب ما دام كده بص انا هغير الانتريه ده وهجيب هنا ركنه والغرفه دى ...وراحت سكته ورجعت قالت انا هعيش هنا يا احمد فى الشقه دى سواء نجحت و ندى فتحت وطبعا ما اتزوجتهاش او ما فتحتش واتزوجتها
احمد:زى ما انتى عاوزه ياورده
وفضلوا شويه لحد ما ميعاد ندى مع الدكتور قرب
احمد:ها لسه مصره انك هتيجى معانا عند الدكتور
ورده :اه طبعا ايه فيها مشكله دى ولا حاجه
احمد :لا ابدا .طب يالا عشان نروح ليها عشان الميعاد قرب
ورده:انا جاهزه يالا
نزلوا وراحوا لندى كانت ندى جاهزه واخدوها ومشيوا وراحوا عند الدكتور ودخلوا غرفة الكشف وندى قعدة على سرير الكشف والكل واقف مترقب وندى عماله تقرأ قرآن وتقول ادعيلي يا احمد والدكتور شال الشاش وبيقول لندى فتحى عينك ها طمنينى وندى فتحت عينها وسكتت شويه وفضلت تلف بعينها خلال الغرفه والكل مترقب
احمد:ها ياندى طمنينا قامت وقفت واتجهت لأحمد
ندى: انا شيفاك يا احمد شيفاك شيفاك انا مش مصدقه نفسي
الدكتور :الف مبروك
نعمت اتجهت لندى مبروك ياست ندى الف مبروك وراحت مزغرطه
ندى:انا عاوزه مرايا بسرعه عاوزه اشوف نفسي جريت التمرجيه وجابت ليها مرايا فضلت تبص على نفسها ياه اخيرا رجعت اشوف الف حمد وشكر ليك يارب الف حمد وشكر كان نفسي اشوف بابا اوى وفضلت تبكي
احمد: الله يرحمه مش وقت بكاء ياندى احنا النهارده يوم عيد وفرح
ورده وقفه مساهمه ومش بتتكلم
ندى بصت لورده:انتى ورده مش كده
ورده:مبروك يا ندى الف مبروك
وراحت مقربه عليها وحضناها
ندى:الله يبارك فيكى بتبركيلى من قلبك ياورده
ورده:اه طبعا وبعدين مش هيبقى من قلبى ليه ما خلاص انتى ربنا كرمك بأعادة بصرك وانا ربنا كرمنى بأن احمد بقى ليه انتى دلوقتى ياندى خلاص مش محتاجاله واحمد كان عاوز يتزوجك عليا عشان كنتى صعبانه عليه بسبب انك كنتى عاميه والحمدلله انتى خلاص رجعلك بصرك يعنى ما بقاش فى داعى لزواجه ليكى
ندى:ايه اللى بتقوليه ده يعنى عشان ربنا أنعم عليا ورجع لى بصري عاوزه تحرمينى من نعمه تانيه وتبعد عنى احمد دا انا اكتر حاجه مفرحانى انى رجع لي بصري انى شوفت احمد اخيرا جيه انتى عاوزه تحرميني منه بالسهوله دى حرام عليكى هو انا ماليش حق افرح زى اى حد
واحمد واقف ما بيتكلمش خالص
ورده :حرام عليكى انتى ليه عاوزه تاخدى واحد من زوجته انا ليه واحده تشاركنى فى حبي و حلم حياتى ما الرجاله كتير اشمعنا زوجى انا ياريت بقى تبعدى عن جوزى وتخرجى من حياته تماما
ندى:بصت لأحمد انت ساكت ليه عجبك الكلام اللى بتقوله ورده ده
ورده قبل ما احمد يرد وبكل ثقه :احمد كان مقرر من زمان وكلامه معايا هو اللى قولته ليكى مش كده يا احمد قولها عشان نخلص بقى من الموضوع ده
ندى:ما تتكلم يا احمد انت فعلا عاوزنى اخرج من حياتك
احمد فى صدمه لورده :لا طبعا انا ماقدرش استغنى عنك ياندى
ورده اتصدمت صدمه كبيره لم يخطر ببالها ولو لحظه ان يقول كده وبكل صراحه ومن الزعل والحسره وكتم احساسها بكسر خاطرهاونفسها وان احمد خذلها بالشكل ده حست ان فى دم نزل عليها رغم ان مش ميعاد الدوره الشهريه سابتهم بدون رد أو اى كلام كأن الكلام وقف فى حلقها واتجهت إلى حمام لتجد حدوث نزيف وحاولت وضع مناديل لايقافها وحاولت ان تتمالك نفسها لتخرج وتترك المكان وتذهب ولكن خرت قواها ولفت الدنيا بيها وسقطت بمجرد خروجها من الحمام راتها احد التمرجيات أخبرت احمد وقالت ليه الانسه اللى كانت معاكم وقعت مغمى عليها أمام الحمام جرى احمد وحملها وسأل هل فى هنا كشف غير العيون قالت له التمرجيه اه فى عياده دكتور نساء فى الدور الأعلى صعد بيها احمد وكشف عليها الدكتور وفوقها وبعد ما عمل الازم ليها طلب منهم ان لازم تعمل بعض التحاليل والفحوصات
احمد:فى ايه يا دكتور هيا مالها
الدكتور:هي اتعرضت لصدمه وحزن شديد سبب ليها كده بس ده مش العادى بس خلى التشخيص لبعد التحاليل وتكملة الفحوصات
ورده اول ما حست انها قادره توقف :انا ماشيه معلش يادكتور اصل انا مش هنا وهبقى اتابع مع دكتور فى بلدى
الدكتور:زى ما انتى شايفه لس واجبى انى أأكد عليكى بلاش تهملى الموضوع وتتابعى فعلا مع دكتور فى بلدك
ورده:حاضر يادكتور
وقامت عشان تمشي
احمد:استنى ياورده اوصلك يالا ياندى بعد اذنك يادكتور
نزلوا وراء ورده فى الشارع واحمد مسك ورده من
ورده:انت ملكش دعوه بيا خالص وياريت تبقى تطلقني وأربعون ببعض
احمد:اصبري ياورده مش هينفع تمشي لوحدك
ورده:صرخت فيه ابعد عنى مش عاوزه اشوف وشك ولا اسمع صوتك كل كلامك كدب فى كدب ارحمنى بقى وسبنى فى حالى انت ايه ما بتزهقش انا راجعه لاهلى هما يشوفوا حل معاك
وسابته مشيت
رجع احمد لندى
احمد:معلش ياندى كان نفسي نحتفل مع بعض بالمناسبه الحلوه دى بس انا لازم ارجع معاها عشان اشوف حل وبعدين لو رجعت لوحدها هتبقى مشكله سلام
وراح وراها وهو بيمد بسرعه وينادى عليها فى الشارع
احمد:ورده استنى يا بنتى
ورده:ابعد عنى بدل ما اصوت فى الشارع والم عليك الناس
احمد :طب اوصلك من غير ما نتكلم
وفضل ماشي جنبها من غير ما يتكلم لحد ما وصلوا لحد البلد
واول ما وصلوا
احمد:ورده تعالى عندنا نتكلم
ورده ماردتش عليه ودخلت منزلها
احمد دخل منزله وهو بينفخ
الحاجه:فى ايه يا احمد مالك
احمد:اقولك ايه ياحاجه الأمور اتغيرت خالص وما بقتش عارف اعمل ايه وزمان ورده قالت لوالدها كل حاجه
الحاجه:يالهوى انت بتقول ايه
احمد:اعمل ايه بس
الحاجه:ليه ايه اللى حصل ما كانت وفقت وسكتت
احمد:اصل انا كنت قايل ليها ان لو ندى بتشوف عمرى ما كنت هفكر اتزوجها عليكى كلام كنت بقوله عشان أهديها
الحاجه:طب وايه المشكله فى كده
احمد:اصل ندى فتحت
الحاجه:انت بتتكلم بجد يا احمد ندى رجع ليها بصرها
احمد:ايوه ياحاجه بتكلم بجد
الحاجه:طب يا ابنى انت كده مالكش حجه انت تروح لورده دلوقتى قبل ما تتكلم مع عمك ولا والدتها ويحصل مشاكل وتقول ليها ان فكرة زواجك من ندى دى خلاص شيلتها من دماغك
احمد:انتى بتقولى ايه يا حاجه انتى بتتكلمى زيها كده ليه
الحاجه:ما دى الأصول يا احمد انت كنت بتشفق على ندى وهى عمياء انك تسبها وتتخلى عنها إنما هي دلوقتى خلاص أصبحت بتشوف زيها زى اى واحده تانيه وتقدر تعتمد على نفسها فى أمور حياتها يبقى ايه الداعى من زواج واحده تانيه على ورده وتجيب لينا المشاكل بلاش طمع لان الطمع بيضيع كل شيء يا ابنى
احمد:بس انا بحب ندى بجد وما قدرش استغنى عنها انا بحسها بنتى مسؤله منى بحب ملامحها وابتسامتها حتى غضابها بحبها كل حاجه فيها بحبها يا حاجه بحبها
الحاجه:طب وورده والمشاكل اللى هتحصل من وراء زواجك من ندى
احمد:ورده منكرش انى حابب حبها ليا وتمسكها بيا رغم كل اللى اتسببته ليها عشرتها من ايام طفولتها ذكريتها معايا حبيت فيها ان عنيها مش شايفه غيرى طول عمرها تفتكرى هو القلب ممكن يحب اثنين يا حاجه
الحاجه:لا يا احمد الا انت فيه ده طمع مش حب انت عاوز تاخد كل حاجه من غير ما تخسر اى حاجه وده مش صح يا ابنى الطماع بيضيع منه كل حاجه فى الاخر اسمع كلامى يا احمد وسيب ندى لحياتها ونصيبها هى دلوقتى أصبحت قويه بنور عينيها اللى رجع ليها وورده دلوقتى مراتك على سنة الله ورسوله
الحق يا ابنى خد قرار قبل ما يضيع كل شيء منك حرام انت كده معذب نفسك ومعذب ورده اللى ما نابهاش من حبك غير عذابها ومعلق ندى معاك واكيد هي كمان محتاره ومتعذبه زيكم
احمد قعد على كرسي بجانبه ووضع وجهه بين يداه
احمد:انا ما بقتش عارف اعمل ايه انا كمان تعبت وتفكيرى وقف تماما
شويه ورجع الحاج والد احمد من بره واول ما دخل ليهم الغرفه
الحاجه؛تعالا احضرنا يا حاج
الحاج :فى ايه يا حاجه
الحاجه:ندى البنت اللى احمد عاوز يتزوجها على ورده رجع ليها بصرها
وورده عرفت ومصممه ياهيا يا ندى
الحاج:طب دا كده ربنا حلها من عنده
احمد:ازاى يا حاج
الحاج:مادام بصرها رجع ليها يبقى خلاص ملهاش لازمه انك تتزوجها وسبها يابنى لحالها وهو ده اخر الكلام والأصول كفايه بقى بهدله لبنت عمك انت ايه عاوز تخربها علينا كلنا ما تنساش ان ورده دلوقتى على ذمتك وحقها تدافع عن حياتها وبصراحه ما حدش يقدر يلومها فى اى حاجه فى الحاله دى انت اللى هتبقى غلطان
احمد:انت كده يا حاج بتصعبها عليا اكتر واكتر بس انا بحب ندى ومش هقدر اسبها وابعد عنها
وشويه وسمعوا الحاجه والدة ورده داخله بصوت عالى
الحاجه:يادى المصيبه جالك كلامى يا احمد اهى قالت لوالدتها
احمد قام وقف مفزوع منتظر دخول والدت ورده
والدت ورده:الحقنى يا احمد بسرعه الحقنى يا حاج
احمدوالحاج :فى ايه يا حاجه
والدت ورده:معرفش فى ايه ورده من ساعة ما رجعت قولت ادخل اجهز ليها حاجه تأكلها وهى كانت حابسه نفسها فى غرفتها قولت يمكن هتنام شويه ورجعت اخبط عليها ما بتردش والحاج بره مش هنا ومش عارفه اعمل ايه تعالا بسرعه اكسر الباب
احمد قبل ما تخلص كلامها جرى على منزل ورده وطلع كسر باب الغرفه وجد ورده على السرير مغمى عليها وفى دم تحتها افتكر فى الاول أنها انتحرت بس بص على ايدها مالقاش اي أصابه راح شالها واخدها على أقرب مستشفى
ودخلها لغرفة الكشف
الدكتور بعد ما كشف سأل النزيف ده اول مره
احمد:لا يادكتور دى تانى مره
الدكتور:هى هتبقى كويسه وانا هعمل اللازم بس فى تحاليل لازم تتعمل
احمد:اه فعلا الدكتور اللى كشفت عنده قال كده برضو
الدكتور:طب الدكتور اللى كشفت عنده قالكم حاجه
احمد:لا قال نشوف بس التحاليل الاول
الدكتور :معاه حق. فى معمل تحليل فى المستشفى هنا
احمد:خلاص يا دكتور شوف اللى مطلوب تعمله واعمله وانا هنزل الحسابات اسيب مبلغ تحت الحساب
احمد:هو حضرتك شاكك فى حاجه خطيره
الدكتور:الحقيقه ايوه بس برضو نشوف التحاليل الاول
الدكتور :امر الممرضه تبعت حد من المعمل ياخد العينات المطلوبه للتحاليل اللى كتبها ليها وقولى ليهم أن الدكتور مستعجل على التحاليل دى
وفعلا جيه حد خد العينات اللازمه وهى فضلت على السرير وتحت رعاية الدكتور لحد ما فاقت واستوعبت الامور
وكان وصلت العائله كلها تقريبا
ووقفين فى الغرفه حوالين ورده
ورده اول ما قاقت وبصت حواليها
ورده:فى ايه انا هنا ليه وانتوا متجمعين كده ليه انا حصلى ايه
احمد راح قعد جنبها
احمد:مافيش حاجه انتى اتخضيتى كده ليه شوية تعب وهيروحوا لحالهم مش كده يادكتور
الدكتور:ان شاء الله
ورده : ابعد عنى انت ايه تقتل القتيل وتمشي فى جنازته
والد ورده:فى ايه ياورده ازي تكلمى جوزك بالشكل ده
انت مزعلها ولا ايه يا احمد
احمد:لا ابدا ياعمى شوية دلع بنات انا اقدر ازعلها وياستي حقك عليا
ورده لسه هتدفعه بعيد عنها و هتتكلم وتقول له بطل التمثيل ده بقى
دخلت الممرضه
الممرضه:المعمل بعت نتيجة التحاليل يادكتور
الكل سكت ومترقب نظرات الدكتور فى التحاليل
وشويه كلهم قالوا طمنا يادكتور خير
الدكتور خير ان شاء الله ايه رايكم نسبها ترتاح ونخرج نتكلم بره هو مين المسؤل عنها والدها واحمد قالوا انا
الدكتور قال ليهم طب تعالوا نتكلم فى مكتبى وياريت الباقى يخرج ويسبوها ترتاح شويه
والد ورده واحمد راحوا مع الدكتور
والباقى انتظر فى الاستقبال
اول ما الدكتور دخل المكتب وهما وراه
احمد:طمنا يادكتور فى ايه انت قلقتنا
الدكتور :احنا لازم نشيل الرحم عشان فى ورم خبيث
احمد ووالد ورده فى صدمه انت بتقول ايه يادكتور
الدكتور:مش انا اللى بقول التحاليل هيا اللى بتقول وانا كنت شاكك من الاول بس قولت نتأكد من التحليل زى ما كان الدكتور اللى قبلى برضو شاكك بس ما حبش يوضح حاجه الا بعد التحاليل لان ممكن الورم يكون موجود بس حميد
و انا الواضح امامى أنها مش متزوجه
احمد:بس كاتبين الكتاب
الدكتور:انا شايف المهم دلوقتى انك تعجل فى الزواج عشان ممكن نأجل عملية إزالة الرحم دى لعام او اكتر شهور قليله عشان تقدر تخلف وتجيب طفل يصبرها على الموضوع ده
احمد قعد مكانه ووالدها كل اللى على لسانه لا حول ولا قوه الا بالله
وكان والدت احمد ووالدت ورده جم وراهم وسمعوا الكلام وهما واقفين على الباب ووالدت ورده فضلت تبكى وتقول ياحظك القليل يابنتى ووالدت احمد اخدتها فى حضنها وتصبر فيها
وبعد ما استوعبوا الأمر ورضوا بالأمر الواقع مسحت والدتها دموعها ودخلت على ورده
ورده اول ما شفتها
ورده:فى ايه يا ماما مالك كده انتى كنتى بتبكى ولا ايه والدكتور كان عاوز بابا فى ايه
والدت ورده:مافيش ياورده
ورده:مافيش ازاى لا فيه حاجه
والدت ورده:هو كان بيقول ان نعجل بزواجك انت واحمد عشان ...
ورده:عشان ايه هموت ولا ايه
والدت ورده:بعد الشر عليكى اصل بيقول لازم...
ورده :لازم ايه ياماما
والدت ورده: لازم نشيل ليكى الرحم
ورده:انتى بتقولى ايه ياماما وفضلت تبكى
دخل والد ورده فى ايه ورده بتبكى ليه
ورده:هو الدكتور قال انه لازم يزيل لي الرحم
والد ورده:بتقولى ليها ليه يا حاجه دلوقتى بس هو ده وقته
سكتت والدتها وفضلت تبكي هيا كمان
والد ورده:راح على ورده واخدها فى حضنه وقال ليه قدر ربنا يابنتى والحمدلله ان لسه أمامك فرصه انك تخلفي انتى ان شاء الله تشدى حيلك كده ويومين ونعملكم فرح كبير وان شاء الله ربنا يعوض عليكى خير وتخلفى لينا ولى العهد وبعدها وجوده زى عدمه يابنتى بس انتى متزعليش نفسك والله واعلم يمكن ربنا يشيل عنك ربنا قادر على كل شيء
ورده بصت لوالدها وكل الكلام اللى كانت ناويه تقوله عن احمد كتمته جواها وسكتت وقالت فى بالها الظاهر كده ان القدر لا مفر منه انا لو أطلقت من احمد اضمن منين ان حد تانى يتزوجنى والحق اخلف قبل ما الدكتور يقرر انى ازيل الرحم
دخل احمد عليهم وهو بيقول عامله ايه دلوقتى ياورده
ورده ماردتش
والد ورده:يا احمد يا ابنى انت سمعت كللم الدكتور طبعا معايا
احمد:ايوه ياعمى سمعت
والد:ورده وانا مش عاوز اضيع اي لحظه فيها فرصه ان بنتى تجيب فيها طفل انتوا لازم يكون فرحكم فى أقرب فرصه
احمد:اللى تشوفه ياعمى
ورده ساكته تماما دون اى كلام
والد ورده:احنا هنعمل ليكم فرح هنا وهتاخدها تعيش معاك هناك الظروف دلوقتى اتغيرت ماينفعش تسابها هنا لازم تكون معاك أطول وقت ممكن
احمد:اللى تشوفه ياعمى
ورده:انا مش قادره اسمع حاجه انا عاوزه اقعد لوحدى عاوزه ارتاح
والدت ورده:تعالا ياحج نسبها ترتاح شويه وكملوا كلام بره
والد ورده:خلاص تعالا يا احمد نكمل كلام بره
خرجوا وقعدت ورده وحدها تبكي ليه كده ياربي انا عملت ايه عشان يحصل لي كل ده هو عشان انا كنت عاوزه احمد لى لوحدي وكنت عوزاه يتخلى عن ندى فى عز احتياجها لى هو ده مش من حقي ان يكون زوجى لي وحدى ولا دي انانيه مني يارب ارزقنى بالذريه الصالحه وشيل عنى واشفينى يارب وفضلت تبكي
واتفق والدها واحمد على إقامة الفرح بعد يومين وخرجت ورده من المستشفى وقد أوصى الدكتور على ان تتناول الادويه بانتظام ويتم عمل متابعه دائمه وان لا تتعرض لأى صدمات او حزن اواجهاد شديد وخصوصا ان حدث حمل
وحاولت ورده بعد ان خرجت من المستشفى ان ترضى بالأمر الواقع وتعيش أيامها زى ما ربنا أراد لها وأصبح كل همها ان ربنا يرزقها بطفل
وتم الزفاف واخذ احمد ورده معه وعاد إلى القاهره ليعيشوا فى شقته
وحاول احمد ان يخفف عليها الأمر وحاول جاهدا ان يحسن معاملته معها وقام بايجار غرفه بفندق فى مدينه ساحليه واخذها واقضى ثلاث ايام هناك لتكون بمثابة شهر عسل ويجعلها تغير جو ويحسن من نفسيتها وفعلا كان لهم تأثير السحر على نفسيتها وصحتها وقضوا ثلاث ايام كانت ورده سعيده فيهم جدا وكذلك احمد وعندما عادوا وعاد احمد لعمله وبدأت ورده توضب الشقه وتعمل على القيام بالتغيرات التى فكرت فى عملها اول مره أتت فيها للشقه وبدأت فى كتابة ما تريد احضاره بالشقه ليحضره احمد
احمد وهو عائد من عمله ذهب إلى ندى وجلس معها وحكى لها كل ما حدث وعلمت بمرض ورده وقالت له واجب انى ابقى ازرها
ورغم ان احمد كان لا يريدها ان تذهب خوفا ان تضايق ورده الا انه سكت وقال يمكن ده يقربهم من بعض وبلاش أوضح من دلوقتى ان في حساسيه بينهم وقالت له انا هبقى اروح ليها بكره وانت فى الشغل
احمد:خلاص اللى تشوفيه بس تعرفى انك وحشتينى اوى
ندى:يابكاش ياعنى عاوز تفهمني انك افتكرتني اليومين اللى فاتوا دول ولا ورده كانت واكله عقلك على فكره انا بحبك وبغير عليك بس انا مش انانيه وده حقها
احمد:الكلام ده من قلبك يا ندى مش كلام بتحاول تدارى بيه غيرتك
ندى:لا بجد دا حقها فعلا وانا زى ما كنت بحب فيك وقفتك جنبى وانا محتاجالك بردو حبه وقفتك مع ورده لأنها فعلا محتاجالك دلوقتى وكمان انا شايفه ان نأجل زوجنا شويه لحد ما نفسيتها تستقر وزى ما انت قولت ان الدكتور قال بالاش تتعرض لصدمات واحزان
احمد:الكلام ده مالوش غير معنيين
ندى :ايه هما
احمد:اما انك بقيتى ما بتحبنيش زى الاول ولما رجعلك بصرك مالقتنيش انا الإنسان اللى بتتمنيه وخايفه تصارحيني بكده وده شيء ممكن يقتلنى
ويا اما انك انسانه قلبك كبير جدا وفعلا بتحبى لغيرك اللى بتحبيه لنفسك وده اللى لمسته فيكى من اول ماعرفتك وعرفته فيكى لما كنت مصره انى اعرف ورده أنى هتزوج عليها
ندى:ازاى يجي فى بالك انى مابقتش بحبك دا انت حياتى دا انت الأمل اللى عايشه عشانه انا بحبك يا احمد ومافيش حاجه فى الدنيا ممكن تغير حبك فى قلبى وإياك تفكر فى كده تانى لو عاوز نتزوج دلوقتى انا كمان منتظره اللحظه دى بفارغ الصبر بس انا اكتر انسانه عارفه يعنى ايه تتصرف تصرف يساعد حد فى محنته وانا كل اللى اقصده ورده مش حمل شيء يصدمها بعد اللى هي فيه ده على الاقل لما ربنا يكرمها وتبقى حامل ساعتها المحنه اللى فيها دى يقل تأثيرها عليها
احمد:ما تعرفيش ياندى حبك فى قلبي زاد ازاى بعد الكلام اللى قولتيه ده انتى انسانه ما فيش زيك فى الوجود لو كان فى ملائكه بتعيش على الأرض يبقى اكيد انتى كنتى منهم
ندى:ما تبلغش اوى كده اى واحده عاشت اللى عشته كان هيبقى تفكيرها كده
ندى:ويالا قوم روح ليها بلاش تحس انك اتأخرت عليها عشان كنت كل ده معايا
احمد:ما تخلينى شويه انتى وحشانى اوى
ندى:استحمل شويه يا احمد المسأله مسألة وقت
احمد:ماشي يا ملاكى سلام
احمد رجع الشقه وجد تغيير كبير فى الشقه وورده مستنياه واول ما دخل استقبلته بقبولات وقالت له وحشتنى وقعدوا أكلوا مع بعض وقالت له فاكر اول مره جينا فيها الشقه قولت عاوزه اعمل فيها ايه احمد قال ليها اه فاكر فقالت خد بقى الورقه دى مكتوب فيها كل اللى محتاجه فى الشقه وانا عاوزه نوضب غرفة الأطفال من دلوقتى على مزاجى لان حاسه ان ربنا هيكرمنى واحمل الشهر ده
احمد: ايه الثقه فى عطاء ربنا ده ان شاء الله ربنا هيرضيكى
ورده:ربك كريم وديما بيعوض الإنسان اللى بيرضى بقضائه وانا رضيت بقضاء ربنا
احمد:ربنا يحقق كل أحلامك ياورده ويارب اقدر اسعدك
ورده:انا ما بقاش عندى اي حلم الا ان اكون ام قبل فوات الأوان وكل حاجه تانيه تهون
احمد:فهم قصدها وانها بتلمح انها مرغمه على موافقتها أنها تعيش معاه رغم انه هيتزوج عليها
سكت وماردش وشويه
احمد:فكرينى كده ناويه تعملي ايه فى الشقه
ورده فضلت تقول له هنجيب هنا كذا وهنعمل هنا كذا
وفضلوا يتكلموا ويساعدها فى بعض الحاجات فى الشقه كانت عاوزه تنقلها بس معرفتش لوحدها وبعد كده دخلوا ناموا
تانى يوم
ندى راحت لورده ورنت الجرس
ورده فتحت الباب وجدت ندى أمامها
ورده:احمد مش هنا فى الشغل
ندى:انا عارفه ان احمد مش هنا انا جيه اقولك الف سلامه ايه مش هتقولى لى اتفضلى
ورده:اتفضلى
ندى:انا عرفت انك كنتى تعبانه فقولت واجب عليه انى اجى ازورك واقولك الف سلامه عليكى وانا عاوزه اقول ليكى حاجه انا لما حبيت احمد واتعلقت بيه ما كنتش اعرف انه يعرفك وانك بتحبيه وانا بجد يا ورده لو ما كنتش بحبه بجد وكنت اقدر استغنى عنه انا كنت بعدت عنه بس صدقينى زى ما انتى بتحبيه وغصب عنك مش قادره تبعدي عنه انا كمان بحبه وغصب عنى مش قادره ابعد عنه انا فكرت كتير اسيبه عشان ما اكونش سبب لزعلك وحزنك بس والله ماقدرتش انتى اكتر واحده عارفه ان الحب مش بأيد حد انا لو مش حسه بالذنب تجاهك ما كنتش جيت لحد عندك اتكلم معاكى
ورده :ولا تحسي بالذنب ولا غيره انا خلاص نظرتى للدنيا اتغيرت وانا حلمى دلوقتى اتغير انا كل املى دلوقتى اكون ام قبل فوات الأوان
ندى:ربنا يحقق املك ويرضيكى
انتى ما تعرفيش كلامى معاكى ريحني قد ايه وخلانى طلعت كل اللى جوايه ويارب يكون ليه تأثير عليكى بالراحه انتى كمان انا ماشيه وشكرا انك استقبلتينى وجيتى على نفسك وسمعتينى .
ونزلت ندى
وبعد فتره حست ورده بتعب
خدها احمد وراحوا للدكتور اللى متابعين معاه فى القاهره
الدكتور بعد الكشف :من هنا ورايح عاوزين راحه تامه ونوم فى السرير لمده متقلش عن ثلاث شهور
ورده:ليه يا دكتور فى جديد ولا ايه
الدكتور:اه ياستى فى احمد جديد هيشرف الف مبروك
ورده:قصدك انى حامل يا دكتور صح
الدكتور:ايوه طبعا قصدى انك حامل الف مبروك
ورده :قامت وقفت من الفرحه وعاوزه تتنطط
احمد :مسكها انتى بتعملى ايه الدكتور بيقول مش عاوزين حركه انتى مش سامعه
ورده:اه صحيح نسيت نفسي من فرحتى مش قولتلك يا احمد ربنا كريم واللى بيرضا بقضائه بيكرمه اخر كرم انا فرحانه اوى يا احمد
الدكتور :زى ما قولت عاوز راحه تامه لحد ما الحمل يستقر تماما
احمد:هى هتفضل ملازمه السرير لحد ما ربنا يقومها بالسلامه يادكتور
ورده:مش عاوزه توصيه يا دكتور دا انا ماصدقت
ونزل احمد وورده من عند الدكتور وورده هتطير من الفرحه واحمد يزيد على فرحته بأنه سوف يكون اب فرحة ورده وان ربنا جبر بخاطرها ويدعى ان ربنا يتمم على خير
احمد:ورده انتى من هنا ورايح تقعدى فى سريرك وكل حاجه تيجى لحد عندك وابقى كلمى والدتك تيجى تقعد معاكى على قد ما تقدر لحد ما اتصرف واشوف واحد تيجى تخدمك
ورده:انت فرحان انك هتبقى اب
احمد:اه طبعا وفرحان اكتر ان ربنا جبر بخاطرك
ورده:بجد يا احمد انت فرحان عشانى انا متشكره اوى يا احمد على اهتمامك بيا وبفرحتى انا هكلم والدتى تيجى تقعد معايا بس حاول تتصرف فى اسرع وقت عشان والدتى زى ما انت عارف ست كبيره وتعبانه ماتتحملش خدمتى ومش هينفع تسيب بابا لوحده والبيت فتره طويله
احمد:فاهم ربنا ييسر ما تشليش هم كل هيتدبر ان شاء الله
ورده: يارب يا احمد يتم لى على خير
احمد تانى يوم وهو راجع من الشغل عدى على ندى
وقال ليها ان ورده حامل واتفاجأ بفرحتها
ندى:بجد يا احمد ما تتصورش فرحتى ان ربنا جبر بخاطرها قد ايه
احمد بص ليها :انتى انسانه جميله اوى ياندى
ندى:انا دوقت الحرمان من البصر وعرفت ان الحرمان من اى نعمه شيء صعب جدا والنعمه اللى الإنسان محروم منها بتعمى عينه عن كل النعم اللى حواليه وبتخليه مش عارف يعيش واللى يدوق الحاجه بيحس بغيره لما يدقها
احمد:دا عشان انتى انسانه قلبك ابيض المهم انا فى حاجه كنت عاوز اطلبها منك لحد ما اتصرف
ندى :قول يا احمد عاوز ايه كنت عاوز نعمت تيجى تقعد مع ورده عشان الدكتور مش عاوزها تقوم من على السرير الكام شهر اللى جيين دول ووالدتها ست كبيره مش هتقدر على خدمتها وترك بيتها وهيا ملهاش اخوات بنات ومافيش حد من قرايبنه هيقدر يسيب بيته ومسؤلياته ويجى يقعد معاها واللى هيستحملها يوم مش هيستحمل التانى
ابتسمت ندى:وقالت نعمت ياسيدى اتخطبت وخطيبها عاوزها تسيب شغلها عندى وكلها كام يوم وتمشي وانا هقعد لوحدى بعد كده
احمد:خلاص هانت ياندى كلها فتره قليله ونكون مع بعض طول العمر
بس العمل ايه دلوقتى فى موضوع ده طب ما تعرفيش بنت تقعد معاها
ندى:ياريت دا من الصعب انك تلاقى بنت كويسه وامينه فى الايام الصعبه دى بس ما تشلش هم انا هتصرف
احمد:هتتصرفى ازاى يعنى
ندى:سبها على الله ربك هيحلها انا عشانك اعمل اي حاجه انا عمرى ما انسى وقفتك جنبى فى عز احتياجى إليك
احمد:ايه لازمة الكلام ده احنا اللى بنا حب مش جمايل ومساعده وانا ان كنت بتكلم معاكى فى الموضوع ده لانى بحب اتكلم معاكى فى كل شيء يخص حياتى وبحبك تشركينى فى كل حاجه
ندى:انا عارفه يا احمد والله وده شيء بيسعدنى وبيخلينى احاول اكون معاك فى كل شيء واكون سندك زى ما كنت ومازلت سندى
وجت والدت ورده وقعدت مع ورده فتره ليست بقليله واحمد غلب فى ان يجد واحده تجلس معاها لكن كان ديما يجدها اما مهمله او مش امينه وغير ذلك وولدت ندى لكبر سنها ومرضها واحتياج بيتها ليها مشيت وسابتها لأحمد واحمد بقى محتار لدرجة انه قرر ياخد اجازه من عمله لحين يجد حل
وأثناء احد المرات التى كان يذهب فيها لندى أخبرها بأنه ما بقاش عارف يعمل ايه وانه بيفكر ياخد اجازه تانى من عمله رغم ان ده هيضره فى عمله لكتر الاجازات اللى اخدها الفتره اللى فاتت
فقالت له ندى انزل شغلك بكره عادى وانا هتصرف
احمد:طب فهمينى هتعملى ايه
ندى :بكره تعرف
احمد:والله ما فاهم حاجه بس بكره من النهارده مش بعيد
تانى يوم رن جرس الباب على ورده وقامت ورده فتحت الباب
اتفاجأت بندى أمامها
ندى:ازيك ياورده
ورده:ازيك اتفضلى
ندى:انا جيه عاوزه اطلب منك طلب وياريت تفكرى فى الرد بعقلك مش بغريزة الأنثى وانا بمتنى انك تقبلى اللى هقولك عليه رغم انى عارفه ان الوضع هيكون صعب عليكى وغريب بس صدقينى ده أفضل حل ليا وليكى
ورده:انا مش فاهمه حاجه وايه المقدمه الكبيره دى
ندى:لأنك هتستغربى من طلبى
ورده:طب اسمع طلبك الاول
ندى:انا قعده لوحدى وهموت من الوحده بعد ما نعمت سابتنى وانا مابحبش اكون لوحدى وكمان بخاف من القعده لوحدى
وانتى محتاجه حد يكون معاكى الفتره اللى جايه لحد ما ربنا ياخد بايدك وتقومي بالسلامه وانا زى ما انتى عارفه ماليش حد وكان نفسي يكون ليا اخت وانتى تقريبا زى مالكيش اخوات بنات
ورده:لحد دلوقتى انتى ما قولتيش طلبك برضو وكل اللى قولتيه ده مجرد مقدمه للى عاوزه تقوليه
ندى:معقوله ياورده ما فهمتيش قصدى لحد دلوقتى
ورده:لا انا مش مصدقه اللى فهمته
ندى:ليه ياورده فيها ايه لما اجى واكون معاكى انتى تكوني لي ونس وانا اكون جنبك ونكون زى الأخوات انا طول عمرى كان نفسي يكون لى اخت وفكرى كده بالعقل بدل ما نكون ضراير بمعنى الكلمه ونتقاسم احمد واحمد يبقى محتار ما بنه يرضى مين ويزعل مين لانه اكيد هيكون جى على واحده فينا ليه ما نكونش مع بعض ونعيش مع بعض واحمد يكون معانا احنا الاثنين
ورده:انتى عاوزه تيجى تعيشى معانا هنا انتى واعيه لكلامك ده انتى فاهمه يعنى ايه اشوف زوجى مع واحده غيري أمام عينى يضحك ويتكلم وينام معاها انتى بتفكري ازاى
ندى:ياورده ما هيكون زوجى انا كمان وهشوف نفس اللى مش قادره تشوفيه بس انا بفكر بعقلى مش بقلبي ولا بغريزتى كأنثى انا بفكر بدل مانكون نقمه وحمل على احمد وممكن من الحمل عليه يكرهنا احنا الاثنين ونخسر ساعدتنا احنا الاثنين ليه ما نتفقش ونكون سند ليه ونبقى سبب سعادته بدل تعاسته فكرى ياورده صدقينى اللى بقوله ده رغم صعوبته بس دا افضل حل لينا كلنا
ورده:افكر في ايه انا ماقدرش على اللى بتقوليه ده صعب عليا اوى انا مستغربه بصراحه من موقفك ده
ندى:ليه فكرى معايا كده كلها فتره ونتزوج انا واحمد ووقتها احمد هيكون حقنا احنا الاثنين وانتى محتاجه انه يكون جنبك ديما خصوصا فى الفتره اللى جايه وانا حبي لأحمد مخليني افكر ازاى اكون سند ليه بدل ما اكون حمل عليه كفايه انى كنت حمل عليه طول الفتره اللى كنت فيها عمياء وهو كان معايا فى كل حاجه وعمرى ما اثر معايا ابدا وانا شايفه احمد خايف عليكى وقلقان عليكى ومحتار يعمل ايه عشان يكون حد جنبك يشوف طلباتك ففكرت ان مافيش غير الحل ده ان نكون مع بعض
ورده سكتت وكأن فى حاجه جت فى بالها
ندى:صدقينى ساعات كتير بنضيع حاجات كتير مننا بسبب اننا بنحاول نتمسك بالمألوف ونبعد الغير طبيعى بس اوقات كتير الغير طبيعى ده بيكون افضل حل للجميع
ورده بعد صمت وتفكير :ندى انا هوافق بس مش عشان انى مقتنعه بالفكره لان الفكره نفسها جنون وخاصة أنها من بنت بس تفكيرك ده خلانى احس انك انسانه متصالحه جدا مع نفسك انسانه ممكن يعتمد عليها لان حفظك لجميل احمد عليكى وانك عاوزه ترديه وفى مين فى ضرتك ده يدل انى اطمن ليكى بس زى ما قولتلك انا الفكره نفسها مش قادره اعقلها او اتقبلها بس انا موافقه لشيء تانى خالص مش هقدر أبوح بيه ليكى دلوقتى بس هبقى اقولك فى الوقت اللى شايفه انه مناسب
ندى:انا ما يهمنيش سبب موافقتك المهم انك موافقه وعندك نيه صافيه لان الموضوع مش سهل ولو ما اتصرفناش بحكمه مع الظروف اللى هتقابلنه هتبقى عيشه مستحيله
ورده:كلامك ده اكيد بس ساعات بيبقى لازم نضحى بحياتنا من أجل اللى أغلى من حياتنا وانا شايفه انك انسانه قويه وتقدرى على الموقف ده بس بصراحه انا مش ضامنه نفسي فياريت تبقي تستحملينى
ندى:يعنى نفتح صفحه جديده مع بعض
ورده سكتت وكأنها مش قادره تقول اه
ندى:ايه سرحانه فى ايه بقولك نفتح صفحه جديده مع بعض
ورده:ها اه
ندى:طب ممكن بقى تيجى معايا على المطبخ وتقعدي على كرسي عشان تقولى اطبخ ازاى عشان الحق اطبخ حاجه لأحمد قبل ما يجى
ورده :انتى ما بتعرفيش تطبخي امال هتبقى ست بيت ازاى
ندى:معلش بقى مسيرنا نتعلم ياست ورده احنا من اولها كده
ورده:معلش هحاول امسك نفسي انا قولتك استحملينى شويه انا اصلا حاسه انى مش طبيعيه من اللى بيحصل ده واهلى لما حظ يجي منهم ويسألونى عنك ويقولوا لى مين ديه اقول ليهم ايه
ندى:ياستى قولى اللى تقوليه انا مش فارق معايا حاجه بس هما كده كده كانوا مسيرهم هيعرفوا انى زوجة احمد الثانيه ولا كنتى ناويه تخبي عليهم على العموم انا مش هزعل من اى حاجه تقوليها عليا ولما حد يجى ياستى اهى شقتى موجوده هقعد فيها لحد ما يروحوا تانى
ورده:والله يا ندى انا حاسه انك مش طبيعيه وهتجنينى معاكى
ندى:متشكره ياست ورده لا واضح انى فعلا هتحمل كتير ها قولى يالا اعمل ايه
بدأت ورده تقول ليها اعملى كذا وكذا لحد ما ندى خلصت وجابت من الاكل اللى عملته وقالت لورده دوقى بقى عميلى وقولى ايه رايك
ورده:ايه رأي فى ايه دا انا اللى يعتبر عمله الاكل هو عشان انتى اللى بتنفذى يبقى دا عمايل ايدك
ندى:طب حتى اجبرى بخاطرى باي كلمه
ورده:متشكرين تعبناكى معانا كويس كده انا دخله إريح على السرير شويه
ودخلت ورده غرفتها
ندى طلعت وقعدت فى الصاله وفتحت التليفزيون وقعدت تتفرج وسرحت شويه مع نفسها وقالت لنفسها معقوله ياندى اللى عملتيه ده صحيح انتى مجنونه زى ما ورده قالت ورجعت قالت عشان احمد حبيبي يهون كل شيء كفايه اني هكون جنبه علطول انا مش هتحمل قعدتى لوحدى منتظراه لما تسمح له الظروف ويجي لى واكيد اللى عملته ده هيسعد احمد ويزود مكانتى فى قلبه وشويه وجرس الباب قطع تفكيرها
خمنت انه احمد رجع من الشغل وقامت بصت فى المرايا تظبط لبسها وشعرها وكانت ورده قايمه هى اللى تفتح لأحمد لما الجرس طول شافتها وهى واقفه تتهيأ أمام المرايا لأحمد الغيره بدأت تدب فى قلبها وحست أنها مش هتقدر تتحمل أنها تشوف بعينها مقابلتهم مع بعض وفرحة احمد بأن ندى هتكون معاهم وضعت ايدها على بطنها وقالت لازم استحمل ورجعت لغرفتها تانى
احمد اول ما ندى فتحت الباب اده انتى هنا دا انا عديت عليكى هناك ملقتكيش انت هنا ازاى وبتعملي ايه
ندى :انا هنا عشان المفروض اكون هنا
احمد:مش فاهم حاجه وورده فين
ندى:ادخل وتعالا انا هفهمك ورده دخلت تستريح شويه
احمد :طب فهمينى انتى هنا ليه وازاى
ندى:انا لما قولت لى ان ورده محتاجه حد جنبها وانت مش عارف تعمل ايه ومحتار فكرت وقررت انى اجى اكلم ورده واقنعها ان نعيش مع بعض احنا الثلاثه
احمد:اللى انتى بتقوليه ده جنان ومستحيل ورده توافق
ندى:طب لة قولتلك انى كلمتها ووفقت
احمد قام وقف بجد انتى بتتكلمى بجد
ندى:اه بجد طبعا انت مش مصدق
احمد:كلمة مش مصدق دى قليله انا لو بحلم مش هيوصل حلمى لكده
ندى:بس فعلا ده حصل وطبعا كده ما فيش داعى لتاجيل زوجنا وبالعكس دا الأفضل دلوقتى ان نعجل بيه عشان اعرف اقعد معاكم برحتى
احمد:والله انت أغرب انسانه شوفتها فى حياتى مافيش حد يتحمل اللى انتى عملتيه ده
وورده وفقت ازاى هيا كمان موقفها عجيب انا داخل ليها وهرجع ليكى تانى
دخل احمد وورده عامله نفسها نايمه وهى اصلا بتبكي من اللى وضعت نفسها فيه قعد احمد على السرير جنبها وفضل يملس على شعرها ويبوس رأسها وهو بيقول انتى طلعتى انسانه عظيمه فعلا ياورده كان تصرف احمد ده له تأثير كبير عليها وبدء يهدى النار اللى كانت بدأت تشتعل جواها فتظاهرت بالصحيان وقامت وضعت رأسها على صدره وقالت له وحشتنى يا احمد
احمد:انتى اللى وحشتينى وموقفك اللى عملتيه النهارده ما تعرفيش زود حبك فى قلبى قد ايه انا عارف قد ايه ده صعب عليكى وقد ايه تضحيتك دى واوعدك انى هفضل شايل تضحيتك دى فوق راسي طول العمر بس فى حاجه لازم نتكلم فيها دلوقتى لان ده وقتها
ورده :عارفه هتقول ايه وكنت منتظرها فى انك تيجى تقولها فى اى وقت انك تكتب كتابك على ندى صح بس ما كنتش متوقعه ان هيكون بالسرعه دى
احمد:انتى عارفه انه كان هيحصل هيحصل وانه كانت مسألة وقت
ورده:اعملوا اللى تعملوا انا مبقاش فارق معايا حاجه وراحت شايله رأسها من على صدره ولفت وجهها الناحيه الأخرى
احمد فضل قاعد جنبها ومرديش يخرج ونام خلفها وضمها لحضنه لانه حس ببكائها
احمد:انا اسف على كل دمعه اتسببت فيها ليكى غصب عنى وعشان خاطرى ماتبكيش انتى عارفه ان الحزن والبكاء غلط على اللى فى بطنك
ورده :هو انا مخليني متحمله كل اللى انا فيه ده الا اللى فى بطنى وحياته اللى معرفش عشها معاه ولا لا بس انت عاوز تدبحنى وتطلب من انى متوجعش
احمد :لو عاوزه نأجل الموضوع شويه زى ما تحبي المهم بلاش البكاء ده عشان خاطر ابننا
ورده : وعلى ايه التأجيل وقوع البلاء ولا انتظاره
سكت احمد مابقاش عارف يرد عليها
احمد:طب قومى عشان ناكل انا راجع من الشغل جعان جدا
ورده:كلوا انتوا ماليش نفس
احمد:بالله عليكى ياورده ما تصعبهاش انتى لو هتفضلى كده يبقى ندى تمشي احسن
ورده :ياريت كان بايدى
على العموم انا شويه وهقوم تكون ندى جهزت الاكل روح انت
قام وسبها
وخرج لندى كانت ندى جهزت السفره
احمد:الموضوع بينه مش هينفع ورده مش قادره تستوعب الأمر والحزن والبكاء مسيطر عليها
ندى:دا اكيد يا احمد طبعا الموضوع مش سهل عليها لازم نصبر عليها ونتحمل تصرفاتها لحد ما تتأقلم على الموضوع وتاخد عليه
احمد:ربنا يستر مش باين كده خالص وبمناسبة صبرنا انا شايف ان نكتب كتابنا عند أي مأذون واسهرك سهره حلوه احتفالا بالمناسبه دي ووقت تانى يكون مناسب ابقى اعملك حفله ويكون والدى ووالدتى معانا وزميلي فى الشغل ولو حبيتى انتى تعزمى حد
ندى وانا هعزم مين يعنى هو انا ليا حد غيرك واللى انت تشوفوا يا احمد انا راضيه بيه
شويه وخرجت ورده ايه مش هناكل
ندى:الاكل جاهز يالا
وقاموا يا كلوا وفضلوا قعدين ياكلوا والكل ساكت ماحدش بيتكلم
احمد حاول أن يعمل حوار عشان يكسر الصمت ده
احمد:مين بقى اللى عمل الاكل ده
ندى:اكيد عجبك بص بقى ياسيدى الاكل ده صناعه مشتركه
احمد:ايه صناعه مشتركه دى اول مره اسمعها
ندى:يعنى ورده كانت المشرفه وهيا الريسه اللى بتوجه وانا بنفذ التعليمات يعنى من غيرها ما كنتش هعرف اعمل حاجه
ورده:بس واضح انك تلميذه شاطره
احمد:واضح ان الاثني المعلم والتلميذ شاطرين
ندى:معلش يا احمد انا محضره شنطتى وحاجتى فى شقتى بس ما قدرتش اجيبهم ياريت بكره وانت راجع من الشغل تبقى تعدى تجبهم من الشقه
وفعلا كتبوا كتابهم وسهروا ليلتها سهره ما تتنسيش ولما ورده عرفت كانت صدمه عليها فى بداية الأمر وكأنها كان عندها امل لآخر لحظه ان احمد يرجع عن قراره ومع الوقت تقبلت الموضوع
لانه أصبح امر واقع
وشويه شويه بدا يحدث حوار بينهم وخاصة ان ندى كان بالها طويل جدا وكانت عذره ورده ومتفهمه الموقف وكانت ديما مع ورده فى كل حاجه لدرجة أنها كانت بتروح معاها لمتابعة الدكتور لو احمد فى الشغل وشويه شويه قربوا من بعض وتقبلوا الاثنين الموضوع لحد ما فى يوم اثناء المتابعه مع الدكتور قال ليها انتى لازم تتحجزى فى المستشفى هنا الفتره اللى باقيه عشان نقدر نسيطر على اي حاجه ممكن تحدث ليكى لان انتى طبعا عارفه ان ظروف حملك غير الطبيعى ولازم تزيد المتابعه بصفه اكبر وكانت صحيح ولدتها بتيجى وتقعد معاها من وقت للتاني وبتبقى ندى خلال الفتره قاعده فى شقتها لان هما لحد اليوم لم يعلموا أهلها بأمر ندى ولكن لان والدتها ست كبيره ومريضه ما كنتش بتقدر تقعد معاها كتير وكانت بترجع البلد مره اخرى وكان ندى هي اللى بترجع وتكون رفيقه لها فى المستشفى واحمد كان بيعدى عليهم بعد رجوعه من العمل يقعد معاهم شويه وكان من الحين للآخر اما ندى ترجع معاه على الشقه او ندى تبيت مع ورده واحمد يروح يبيت فى الشقه وده عشان يقدر يروح شغله تانى يوم وارتاحت ورده جدا لندى اللى ما كنتش متخيله أنها هتقف جنبها كده لدرجة ان فى يوم وهما بيتين مع بعض فى المستشفى قالت ورده لندى تعرفى ياندى انا عمرى فى يوم من الايام كنت اتخيل ان يكون لى ضره ولا كنت اتخيل ان اكون قاعده وبتكلم معاها كده عادى لا وهى اللى وقفه جنبى بس طلع ان امثلت زمان دى عن تجارب وخبرات وفعلا حقيقي المثل اللى بيقول مركب الضراير سارت ومركب السلايف غارت هو صحيح دى حاله بتكون نادره بس ربنا ما بيحللش حاجه الا لو كان لهدف واتا عاوزه اقولك حاجه ياندى
ندى:قولى ياورده
ورده:فاكره اما طلبتي اننا نقعد مع بعض وانا وفقت رغم ان الامر كان صعب جدا عليا
ندى:اه هو ده يوم يتنسي اشمعنا
ورده:فكره ان قولت ليكى انى موافقه بس مش عشان مقتنعه بكده
ندى:اه فعلا قولتى كده حتى قولتى بس مش هقولك على السبب دلوقتى
ورده:بس انا هقولك دلوقتى لان انا حسيت فيكى طيبت قلبك وكنت مستنيه لما اتأكد من ده عشرتي ليكى والايام اثبتت ده فعلا انتى انسانه جميله ياندى صحيح حسيتك انانيه فى الاول وانك عاوزه تخطفى منى احمد بس دلوقتى عرفت ان كان كل هدفك يكون ليكى اهل وزوج واخت لأنك خرجتى من حرمان العمى لحرمان من الأهل والاسره وانا بعد ما اتأكدت ان اقدر اعتمد عليكى زى ما ولدك زمان اعتمد على احمد انه يخليكى امانه معاه وانه يصونك بعده واحمد قام بكده على اجمل وجه رغم كل الصعوبات اللى وجهته بس فضل متمسك بيكى وبوعده اللى وعده لولدك
ندى:انا مش فاهمه حاجه يا ورده تقصدى ايه
ورده :انا بعد ما عرفت من الدكتور انى حامل رجعت ليه من غير احمد وسألته انى قرأت ان الحمل فى حالتى ده فى خطر عليا وان ممكن يحصل لى نزيف والدكتور سكت وقتها وقال لى سبيها على الله انا عارف قد ايه ان الطفل ده مهم بالنسبه ليكى وانه ممكن يكون آخر فرصه ليكى بس كل شيء محتمل احنا بس لازم يبقى فى متابعه مستمره ودائمه وانا مش هخبى عليكى حاجه عشان ما تهمليش فى المتابعه وانا حاسه انى هموت اثناء الولاده
ندى:ليه الكلام ده بعد الشر عليكى وبعدين الأعمار بيد الله
ورده:انا مش خايفه من الموت انا بس اللى بتمناه من ربنا انى اشوف ابنى قبل ما اموت وانا بوصيكى ياندى على ابنى هو امانه فى ايدك يارب تصونيها زى ما احمد صان أمانة والدك ما هو برضو ابن احمد انا كان ممكن أوصى احمد يخلى امى اللى تربيه بس اولا امى ست كبيره ومريضه ثانيا انا مش عوزاه يتحرم من أمه وابوه عوزاه يفضل مع ابوه وفى رعاية امه الثانيه اللى هيا انتى ياندا انتى ليكى جزء فيه اللى هو من احمد هتقدرى تصونى الامانه دى ياندى
ندى:بلاش الكلام ده ياورده ان شاء الله انتى اللى هتربيه
ورده:هتوعديني ياندى انا عارفه ان مافيش زى الام وعارفه ان الطبيعي تكونى مش حبه ابنى بس انا واثقه فيكى وفى طيبة قلبك وحبك لأحمد
ندى:اوعدك ياورده انه هيكون زى ابني ما تنسيش انى اكتر واحده تحس بالإنسان اللى محتاج حد يرعاه ويصونه لانى كنت محتاجه ده فى يوم من الايام ماتخفيش بس بلاش كلام فى الموضوع ده ان شاء الله تقومى بالسلامه دا انا ماصدقت يكون ليا اخت وصاحبه حتى لو انتى ما حستيش ده تعرفى ياورده انا عمرى ما كان ليا صاحبه صحيح كنت بقابل واعرف كتير بس عمرى ما حسيت حد منهم قريب منى وقولت وحكيت ليه اللى فى قلبي .
ورده:صحيح ما كنتش متقبله الأمر ووجودك وانك تشركينى فى جوزى بس معملتك ليا وصبرك عليا وطولت بالك ووقفتك جنبى اوقات كتير خلتنى حسيتك كده برضو معاملة الإنسان الكويسه بتجبر الناس أنها تحبه
ومرت الايام وحان ميعاد ولادة ورده وقبل ما تدخل وهي على السرير الجرار لدخول غرفة الولاده ندهت على احمد وندى ومسكت ايدهم الاثنين وقالت لأحمد لو ما خرجتش يا احمد خلى بالك من ابنى وسميه احمد ومسكت ايد ندى جامد وقالت مش هوصيكى تانى ياندى على الاحمدين
ندى واحمد :ايه الكلام ده ان شاء الله تخرجى بالسلامه
ورده:ادعو لى
دخلت ورده غرفة الولاده وفضلوا اكثر من ساعه
وبدأ القلق يدخل قلب احمد وندى تقول له ان شاء الله خير متقلقش
ووالد ورده ووالدتها وقفين ملهيين فى ان بنتهم فى العمليات وماجاش فى بالهم يسألوا احمد مين اللى واقفه معاك دى افتكروها صديقة ورده عرفتها من القاهره
والكل واقف فى صمت وقلق وطلعت الممرضه بالطفل وقالت ليهم للأسف الام تعيشوا انتوا والله الدكتور عمل كل اللى ممكن بس دا عمرها هى يدوب شاورت ان عاوزه تبص على الطفل ويدوب شافته وضمته لحضنها واتوفت
احمد اخد احمد ابنه فى حضنه وفضل يبكى وورده ضمتهم الاثنين وفضلت تبكى هي كمان ووالدتها فضلت تصرخ وتبكى وساد الحزن على الجميع واحمد أعطى احمد الصغير لندى ودخل لورده وفضل يحضن فيها ويقول ليها سامحينى ياورده ارجوكى انا عذبتك كتير وبهدلتك وجيت عليكى انا انسان انانى ماكنتش شايف غير نفسي ومش سامع غير قلبي وظلمتك معايا ارجوكى سامحينى واوعدك احمد ابننا هيكون احسن انسان فى الدنيا وهحافظ عليه من الهواء ما تقلقيش عليه هيتربى كأنك موجوده
ومرت الايام وكان احمد بيحب ابنه اوى وبيرجع من الشغل يدور عليه فى الشقه ويخده فى حضنه وندى ايوه يا عم احمد ياصغير الحضن الاول ديما ليك واحمد ياخد ندى فى حضنه والحضن الثانى لحبيبتى وكانت ندى محافظه على الامانه وبتعمله بكل حب وحنان زى ما احمد حافظ عليها قبل كده وكأن الايام دول لحد ما فى يوم حست ندى بدوخه وهيا شايله احمد الصغير وكانت هتقع احمد اخد باله جرى عليها فى ايه مالك قالت مافيش امسك بس انت احمد دا الظاهر انى حامل اصل بقالى كام يوم حسه بأعراض الحمل والدوره ماجتش لحد دلوقتى
احمد:وبتقوليها كده عادى يالا بينا على الدكتور عشان نتأكد
وفعلا طلعت حامل طلعوا من عند الدكتور وهو طاير من الفرحه
وندى بتقول اخيرا انا كنت حاسه بعد التأخير ده كله ان مافيش امل
احمد:ربنا كبير تعرفى ياندى احنا نسينا حاجه
ندى:نسينا ايه
احمد:احنا نسينا نعمل فرحنا
ندى:ياسلام لسه فاكر انا لقيتك نسيت كتمت جوايه وساكته
احمد :ايه رايك يوم سبوع البيبي ان شاء الله نلبس عرائس ونتزف
ندى:ايه اللى انت بتقوله ده انت عاوزهم يقولوا علينا اتجننا
احمد:ما يقولوا اللى يقولوه انتى علمتيني نعمل اللى احنا عاوزينه واللى يفرحنا ويسعدنا وما لناش دعوه بحد ولا بأن ده طبيعى ولا غيرطبيعي المهم انه مش غلط ويسعدنا
وعدت الايام وندى ولدت بنوته جميله
واحمد قرر ينفذ فكرته المجنونه ولبس احمد الصغير بدله سوداء وبنوته فستان ابيض
وهو كمان لبس بدله سوداء وندى فستان ابيض وقلبوا السبوع لزفه لدرجة ان اللى كانوا موجودين فى السبوع بقوا مش عارفين يغنوا ايه أغانى سبوع ولا اغانى فرح واخدوا صوره جميله هما الاربعه ومرت الايام وجابت ندى بنت تانيه بقى عندهم ندى وورده واحمد واتفقوا ان يكتفوا بكده وكبروا دلوقتى وبقى احمد اخو البنات وهو اللى بيخلى باله منهم وبيحافظ عليهم ونفذت ندى وعدها بأن احمد ماحسش ابدا أنها مش امه ويمكن اللى ساعد على كده أنها كانت خلفتها بنات الله اعلم.تمت يارب تكون القصه عجبتكم وعلى فكره انا مش أنصار تعدد الزوجات خالص بس اللى عاوز اقوله ان مافيش حاجه ربنا حللها الا يكون فيها خير بأي شكل من الاشكال او انها هي الحل فى بعض الحالات والظروف.شكرا ياريت ما تنسوش التفاعل عشان اعرف عجبتكم ونبتدى المسلسل الجديد ولا لا.
تعليقات
إرسال تعليق