ليتنى رضيت

يابابا اشمعنا الشاب ده رغم انه فقير وليه عاوز تساعده فى جواز اختى انا مستغرب موقفك بصراحه وماتنساش حضرتك انى اولى بالفلوس دى وان العريس هو المسؤل عن توفير الشقه والفرش مش والد العروسه 

انا محمد عندى ٢٣ سنه والدتى توفت من ٣ اعوام ولدى اخت ووالدى وكنا نعيش ونحب بعضنا وجاء يوم وتقدم شاب  الى اختى وكان شاب محترم ومتعلم ولكن كان غير ميسور الحال ولكن تمسكت بيه اختى وكذلك ابى وقرر والدى أن يساعده ويقف بجانبه وكنت استغرب موقف ابى ولما يفعل ذلك ولكن قولت لنفسى قد رأى فيه والدى أنه شخص سوف يصون اختى وهذا ما يهم والدى وكان والدى لا يترك شئ اختى تطلبه منه إلا وقد نفذه وكنت أقول لوالدى ليه كده المفروض أن العريس هو اللى يحضر الشقه ويجهزها وحضرتك جبتلهم شقه واجهزتها وبتفرشها رد وقال لى اهم حاجه أن اختك مبسوطه وانا بصراحه مكنتش موافق على كده بس والدى كان بيقطع معايا الكلام فى الموضوع ده وكان ممكن نقفل الكلام بأنه يزعق معايا ويقول لى ملكش دعوه المال مالى وانا حر فكنت بزعل واسكت لحد ما اتجوزوا ووالدى واقف معاهم وعامل لاختى مصروف كبير وبرده كان رده ملكش دعوه المهم انا سكت وعدت الايام لحد ما والدى جه فى يوم وتعب ولقيته وانا معاه فى الحجره اللى فى المستشفى اللى فيها بيقول لى انا عاوزك فى حاجه مهمه قولت له مش وقته يابابا قال لى لا وقته انا تعبان قوى وحاسس أنى خلاص دى اخر أيامى المهم قولت له اتفضل قول يابابا قال لى هقولك على حاجه انا عملتها بس ما تناقشنيش فيها لانى مش هرجع فى كلامى ومش هينوبك غير تعبى وبس قولتله قول يابابا قال لى انا كتبت لاختك ٣/٤ الثروة ولك الربع وانا ممكن كنت ماقلتلكش بس انا قولت اقولك عشان متتعبش اختك او تتهمها بالتزوير وتخش معاها فى محاكم انا عاوزك تكون جنب اختك ولسه هقول انت ازاى تعمل كده وبزعق فيه بسبب كلامه من غير ما احس لقيته بيقول لى انت عاوز تموتنى ما انا قولتلك انا مش هرجع فى كلامى مهما تعمل قولتله طب قول لى انت بتعمل كده ليه قال لى كده وخلاص من غير أسباب وياريت توعدنى انك ماتعاديش اختك وتبقى نعم الاخ ليها قمت سبته وخرجت من الاوضه من غير ما ارد عليه  

فنادى على فظننت أنه سوف يرضينى ويرجع فى كلامه ولكن فجأت أنه يقول لى اياك تعمل حاجه ترجع تندم عليها فضحكت بسخريه وقولت فى بالى انت كبرت وخرفت وقررت أن أذهب إلى المحامى بتعانا اتأكد من كلام بابا ليا يمكن يكون بيخرف من المرض وفعلا ذهبت إليه فى مكتبه ولكن كانت المصيبه أن الكلام حقيقى ومن فتره كبيره كمان وانا لا اعلم شئ فقولت للمحامى انا مش هسكت وهحجر عليه دى مش عمايل ازاى يخلى فلوسى وحقى يروح لراجل غريب انا مش هسكت المحامى قال لى بلاش تخسر والدك والدك لو عرف موضوع القضيه دى هيموت فيها قولت له من غضبى يموت ولا يروح فى دهيه ده هو كده اللى هيموتنى ولسه همشى المحامى قال لى انت مصر على موقفك ده قولت اه قال لى طب اجلس معى وانا هفهمك انا مكنش ينفع اقول ليك ووالدك كان مأكد عليا مااقول لك لأنه هو بنفسه ماكنش عاوز يقولى بس وهو بيقولى على الوصيه قولت له بس كده حرام وانت صحيح حر فى مالك بس ليه تحرم ابنك من حقه قال لى هقولك ليه بس متقولش لحد إلا لو شئ ضرورى جدا حياه او موت وانت مصر تعادى ابوك واختك وده ممكن يموت ابوك فا انا هقولك كل حاجه انت اصلا مش ابن الراجل اللى بتقوله ياولدى انت ابن واحده كانت سكنه فى عمارت والدك  وماتت وهى بتولدك وابوك الحقيقى هى كانت قالت  لهم أنه مسافر وهمه مشفهوش خالص بس كان معاها عقد جواز فعلا وفضل مخليك معاهم على أمل أن حد يسأل عليك بس لحد دلوقتى محدش يعرف عن اهلك حاجه ولما الموضوع طول وحدش سأل عليك والراجل اللى هو بتقوله ياولدى وزوجته كان مرت عليهم السنين ولم يرزقوا بطفل فضغطت زوجته عليه أن يكتبوك بأسمهم ويأخذوك ابن لهم حتى رزقوا بعد ذلك بأختك ولم يتخلوا عنك وظلوا يعتبرونهم ابن لهم لعلك تكون بجانب اختك فى يوم من الايام فقولت له انك تكذب فقال لى اذهب وتسأل الغفير اللى فى العماره وهو هياكدلك كلامى  فتركت المحامى وذهبت إلى الغفير لعلى يقول لى انه كاذب ولكن  أكد لى ايضا الكلام فتاكدت انها الحقيقه وعلمت لماذا يفعل ابى كل ذلك وذهبت إلى والدى وقولت له  أنى اشكرك على مافعلته معى طوال هذا الوقت وانا لا اريد شئ من مالك ويكفينى انك اعطيتنى اسمك وربيتنى وابنتك سوف تكون فى عينى فرد على اعلمت قولت له لقد قال لى المحامى كل شئ وانا اسف على كل مافعلته معك وارجوك لا تكتب لى شئ واعطى ابنتك حقها كله فأنى ذقت طعم اخذ حق الغير فقال لى لا انا لن اخبر اختك وانت لا تخبرها وظل اخا لها واقبل ما اعطيتك فأنا نفسى راضيه بذلك وهذه وصيام امك أن أعطيك مايكفيك ومات والدى وأخذت المال ولم يتغير نصيبى من المال ولكن تغير طعم المال لدى فلم احس بمتعته وقولت ياليتتى رضيت بنصيبى  ولم اعلم الحقيقه وأحس أنى اخذت حق اختى ولكنى فعلت بوصيت والدى واحافظ على اختى واصبحت والدها والدتها.انتهت

شكرا علق أن اعجبتك.