الجزء الثالث حب بالقطار

 

سمر:خلاص حاولى انتى توصلي ليه وتفهميه اللى تاليا بتعمله 

سندس:هى الزفته دى ماديانى فرصه وبعدين معقوله هيصدقني وهيكذبها دا واضح انها واكله عقله على الآخر دي مش سهله خالص 

سمر:وانتى هتستسلمى بالسهوله دى مش تدفعى عن شغلك وعن حبك 

سندس:لا طبعا انتى ماتعرفنيش 

سمر:يعنى هتعملى ايه 

سندس:بكره لما ارجع هبقى احكى ليكى اللى عملته 

سمر:بس حرصي منها لاتسبب فى طردك من الشغل خليكى ذكيه 

وبلاش التصرف بغضب وغيظ من غير تفكير 

سندس ؛ماتخفيش عليا 

وفعلا تانى يوم تاليا اديتها شغل كتير تقريبا معظم شغل اليوم كالعاده 

بعد أن انتهت من الشغل انتظرت نزول تاليا كما تفعل كل يوم كالعاده انها بعد ان تتركها تقوم بعظم الشغل تنزل تعدي على زميلها فى الأقسام الأخرى تجلس معهم يتسامروا وياكلوا او يشربوا اي حاجه مع بعض وترجع تاخد منها الشغل اللى خلصته وتدخل بيه لعادل كأنها هى اللى قامت بكل الشغل 

انتهزت الفرصه سندس وانهت الشغل سريعا وتاليا مع زمايلها واستأذنت بالدخول على عادل فأذن لها بالدخول 

عادل:الله امال فين تاليا 

سندس:تاليا تحت مع زميلها وهى كانت قايله لى ان لازم اخلص كل الشغل ده ضرورى عشان حضرتك محتاجه بسرعه 

فلما وجدتها اتأخرت تحت زي العاده قولت لتكون حضرتك منتظر الشغل وانا كنت خلصت الشغل من بدري 

اتفضل حضرتك الملفات اهى كلها خلصت 

اخد عادل الشغل منها ونظر فيه 

 عادل؛ انتى اللى عملتى كل الشغل ده لوحدك معقوله ده 

سندس:ايوه حضرتك انا اللى عملاه وحضرتك مستغرب ليه كده 

ما انا اللى بعمل معظم الشغل من يوم ماجيت 

بس انا مابحبش اتعدى تاليا وادخل بالشغل لحضرتك عشان مهما كان هى مديرتي  برضو 

عادل:مديرتك ازاى يعنى  انا المدير هنا هى زميلتك بس كل الحكايه انها  هى الأقدم منك بس مش اكتر 

فأكيد لازم هى اللى توجهك وتشغلك 

بس من هنا ورايح كل واحده فيكم تدخل لى بالشغل اللى عملاه

انا شيفك انك تقدري تشيلى شغل زيها 

سندس:انت تؤمر حضرتك بس ياريت حضرتك اللى تبلغها بكده عشان زي ماحضرتك قولت هى اقدم مني ومش حابه ازعلها 

عادل :طب خلاص انا هبلغها اتفضلي انتى كملى شغلك

خرجت سندس وهى فى قمة ساعدتها واحساسها بأنها انتصرت لنفسها وعادت وجلست مكانها 

شويه وطلعت تاليا واتجهت مباشرة نحو سندس 

تاليا:ها خلصتي الشغل 

سندس اه خلصته 

تاليا :فين هو ورهونى 

سندس:عادل بيه اخده 

تاليا:وانتى ازاي تتعدينى وتدخلي لعادل 

وقبل ماترد سندس عليها خرج عليهم عادل 

ايه كنتى فين يا تاليا انا خرجت ماوجدتكيش واخدت الشغل إللى كنت عاوزه من سندس بس تعرفى برافو عليكى علمتيها بسرعه 

واصبحت ممتازه فى شغلها لا بجد برافو عليكى يعتمد عليكى 

ونظر لسندس بابتسامه خفيفه  

فهمت سندس قصده وانها كانت مفهماه انها ماتعرفش اي حاجه فى اى حاجه 

تاليا بأحراج اه طبعا ما انا قولت لحضرتك ماتقلقش انا هعرفها كل حاجه 

عادل:طب ابقي خليها تدخلى بالشغل اللى بتكلفيها بيه عشان ازودها من خبرتى انا كمان خلينى اساهم انا كمان فى تعليمها واساعدك بدل ما يبقى الحمل كله عليكى و لا ايه 

تاليا:حضرتك تؤمر حضرتك الخير والبركه واللى معلمنا كلنا 

ونظرت لسندس نظره كانت عاوزه تأكلها لولا وجود عادل 

دخل عادل مكتبه مره اخرى 

تاليا نظرت لسندس :بقى كده ماشي انتى اللى جنيتى على نفسك 

انتى بتلعبينى وبتتحدينى وانا قبلت التحدي واوعدك انك مش هتطولى معانا كتير 

اوعى تكونى فاكره انك كده انتصرتى لا انسي 

اتفضلي شايفه الكام شانون دول اللى مليانين اكلاسيرات دول  عاوزه توضبيهم وترتبيهم وفقا للتواريخ 

وسابتها ومتجها ناحيه مكتب عادل 

ورجعت لفت ليها اه وماتنسيش تبقى تدخلى تعرفيه انك وضبتيهم 

ورجعت خبطت على باب مكتب عادل ودخلت 

وظلت بالداخل وقت طويل وفجأه انفتح الباب وخرجت تاليا وهى تضحك بصوت عالى وتنظر لسندس من فوق لتحت وتشاور لها بيديها وتقول اتفضلي 

امسكى العنوان ده 

سندس؛عنوان ايه ده 

تاليا:دا عنوان مكتب عميل هتروحي ليه هتجيبي من هناك شيك لحامله ومستندات مهمه

سندس:بس هو انا من شغلى اجيب حاجات زي كده من بره الشركه انا المفروض شغلى داخل الشركه وبس 

تاليا:دى اوامر عادل بيه اصله بيقول ان ده ورق مهم وشيك لحامله لازم اللى يجبهم حد موثوق فيه وهو عمل اتصلاته بيهم وعرفهم انك انتى اللى هتروحي ماتنسيش تاخدى بطاقتك الشخصيه معاكى 

سندس:بس 

تاليا:ايه تحبي ادخل اقول له انك بتعصي اوامره ومش عاوزه تنفذي كلامه 

سندس:نظرت لها بعيظ 

لا وعلى ايه ماجتش من مشوار هروح كلام عادل بيه أوامر 

واخدت الورقه اللى بها عنوان 

تاليا:تعدي الصبح بدري قبل ميعاد الشغل هنا تجيبه الحاجه وتيجى على الشركه عشان محتاجينهم بدري بالفرع

يالا كملى اللى كنتي بتعمليه 

نظرت سندس لها بغيظ وتركتها واتجهت تنهى الشغل اللى بتعمله

وقبل ان يخرج عادل من مكتبه للمغادره 

اتجهت تاليا لسندس وقالت لها 

تقدري تمشي عشان مأمورية بكره ماتنسيش لازم تكونى من بدري بالمكتب هناك اتفضلي 

سندس نظرت ليها بأستغراب وكأنها بتقول لها ايه الحنيه دي قلبك عليا اوى 

واتجهت لكرسيها اخذت شنطتها وغادرت الفرع

عادت لبيت عمها 

دخلت كالعاده غيرت ملابسها واتجهت للمطبخ تساعد بنت عمها فى تجهيز الاكل 

سمر:ها عملتى ايه احكي لى 

حكت سندس ليها اللى عملته 

سمر :يا بنت الايه دا انتي طلعتي عفريته 

سندس:انا مش قولتلك انا مش هسكت .بس

سمر:بس ايه فى ايه 

سندس:تاليا بعتانى مأمورية انى اذهب لمكتب فى عماره اجيب شيك وملف من هناك ودى مش شغلتى 

سمر:طب ووفقتى ليه 

سندس:قالت لى ان دى أوامر عادل وماحبتش احسسه انى متضايقه من اوامره وخصوصا ان تاليا هتستغل كلامى وهتزود من عندها وتضيقه منى 

سمر:ان شاء الله خير ماتبقيش قلوقه كده يالا جهزي السفره زمان عمك ومرات عمك جاعوا 

سندس:ومين سمعك انا ميته من الجوع انا كمان 

خرجت جهزت السفره واكلوا 

ودخلت سندس غرفتها نامت عشان تقدر تستيقظ بدري وفعلا من بدري استيقظت سندس 

وارتدت ملابسها ونزلت واتجهت للعنوان اللى مكتوب فى الورقه 

دخلت العماره بحثت عن بواب للعمارة لتسأله عن المكتب ولكن لم تجده فصعدت للدور وفقا للعنوان المكتوب ولكن عندما وصلت للدور وجدت باب شقه لا يظهر عليه هيئة المكتب ترددت قبل رن جرس الباب لاحساسها بأمر مريب غير مريح 

وسألت نفسها معقوله ده مكتب 

وفكرت ترجع ولكن قالت طب مش هتخسر حاجه لو رنيت الجرس واسأل يمكن يكون غلطت فى الدور أو العماره 

رنت الجرس وبمجرد فتح الباب قام الشخص الذي فتح الباب بسحبها للداخل وهى تصرخ 

فكان ذلك من تخطيط تاليا لتوقعها فى شر أعمالها 

 والتى بعد ان أخبرت سندس بالذهاب لهذا العنوان عادت تاليا لمكتب عادل ودخلت له وقالت له بكل لؤم وخسيه أدى اللى بتدافع عنها خرجت سمعتها بتتفق مع واحد تقابله فى شقه مفروشه قبل ميعاد الشغل ولو حابب تتأكد انا سمعتها وهى بتتملى منه العنوان اللى هتقابله فيه تحب تشوف بعينك

وكانت فعلا واقفه هى وعادل فى الشارع أمام العماره وشافوا سندس وهى داخله العماره 

تاليا:ها صدقتنى لما قولتلك دى بنت مش مظبوطه اهى طلعت زي ما انت شايف 

عادل انا هطلع اشوف طلعه فين دى 

امسكته سندس تطلع فين مالك محروق عشانها كده ليه هو بخليك تظبط مراتك دي حتة موظفه ولا تسوي وبعدين هتطلع تظبطها بصفتك ايه

 اصبر شويه لما نشوف ااكدلك ازاى

 بعدها بشويه نزلت سندس وهى تلملم ملابسها وتحاول إقفال زاراير فستانها وتبكي وتنظر يمين وشمال وشاورت لتاكسي وذهبت 

وبعدها بثواني نزل شاب مهرول خلفها وهو يقفل أيضا زارير قميصه ويتدعي أنه ينادي عليها ويقول سندس سندس رايحه فين اسمعينى طيب ليصوروا لعادل انهم يعرفوا بعضهم ولكن حدث خلاف بينهم 

فقالت تاليا ها صدقتنى بقى 

عادل:ماكنش باين عليها 

تاليا:مش دى اللى قولت عليها دى باين عليها بنت غلبانه 

عادل:البنت دى ماينفعش تفضل فى المكتب ثانيه واحده انا مش هضيق اشوف وشها 

ابتسمت تاليا ابتسامه خبيثه 

وعادت سندس لبيت عمها وهى تبكي وملابسها المبهدله 

سمر شافتها داخله على غرفتها وهى تبكي دخلت عليها مالك ياسندس فى ايه ومالك متبهدله كده ليه ايه اللى حصل

سندس:الحقينى ياسمر انا مش قولتلك انا مش مرتاحه انا اتبهدلت خالص

سمر:فى إيه يا سندس فهمينى ايه اللى حصل وايه اللى عمل فيكى كده 

سندس:موضوع المكتب ده كان فخ من تاليا واتاري دى شقه مفروشه وفيها شاب اول ما فتح الباب شدنى للداخل بدون اي مقدمات واتهجم عليا بكل وحشيه 

سمر:وعملتى ايه اوعى يكون ...

سندس:يكون ايه...

 لا الحمدلله قدرت أفلت منه واهرب بس اتبهدلت خالص ومش قادره اتلم على اعصابي انا اول مره اتعرض لحاجه زي كده 

سمر:الحمدلله انها جت على قد كده بس تفتكري الشيطانه دي كانت تقصد ايه من كده 

تفتكرى دا كان مجرد تهديد وقرصة ودان ولا ايه كان غرضها 

سندس:معرفش انا مش قادر اسمع اسم الذفته دي هى وصل بيها الاجرام والس*فاله للدرجه دي 

انا عقلي بيقول لى اول ما ادخل عليها الشركه اخنقها بأيدي دي اللى تستاهل الشنق دي 

سمر:ارتاحي انتى بس يا سندس وخلينا نفكر نعمل ايه انتى لازم تبلغى عن الشقه دي 

سندس:هبلغ اقول ايه ما انا اللى رحت ليه برجلى لحد عنده 

سمر:مش تاليا كانت كتبه الورقه اللى فيها عنوان الشقه بخط ايدها 

سندس:بس وهي فين الورقه دي دي وقعت من ايدي اول ماشدنى للداخل 

سمر:خلاص والحمدلله انتى ماحصلش ليكى حاجه وانا من رأي تسيبي الشغل ده وتدورى على شغل غيره لحسن البنت دي واضح انها مصيبه سوده 

سندس:هو بالساهل كده ادور على شغل تانى دا احنا مصدقنا لقينا الشغل ده انتى ناسيه ظروفنا وبعدين ما هو ده اللى هي عوزاه وليه استسلم ليها بالسهوله دي واخسر عشانها شغلى وحبي انا اول مره قلبي يدق ويختار ويشاور على اللى هو عاوزه اسيبه بالسهوله دى واسيب كل حاجه بسببها لا مستحيل 

سمر:انا بدأت اخاف عليكى ياسندس انا قلبي مش مرتاح 

على عموم انتي ريحي كام يوم وبعد كده نشوف هنعمل ايه 

سندس:لا اريح ايه انا الصبح لازم اروح شغلى عادى 

سمر :طب انا هسيبك تنامى وترتاحى شويه 

خرجت سمر من الغرفه وقفلت الباب خلفها 

تانى يوم ذهبت سندس لشغلها 

ودخلت عادى كأن مافيش حاجه حصلت 

بس مش قادره تنظر فى وجه تاليا ومش قادره تتكلم معاها 

تاليا:ايه كنتى فين وايه اللى غيبك امبارح انتى مش عارفه ان عندنا شغل مهم

سندس كان هاين عليها تقوم تمسك فى رقبتها وتخنقها على برودها ده 

لكن تماسكت وقالت كنت تعبانه شويه وماقدرتش اجي 

وأثناء كلامها خرج مازن واول ماشاف سندس قاعده نظر لتاليا وتجاهل سندس تماما كأنه لم يراها 

وقال لتاليا هاتى لى ملف الحسابات وتعالى وياريت من هنا ورايح انتى اللى تدخلى لى بأي ملف اطلبه حتى لو مش انتى اللى عملاه 

ورجع دخل المكتب وقفل الباب وراه بشكل مستفز

حاولت سندس تفهم هو فيه ايه بس مافهمتش وحاولت تجلس لكن ماقدرتش 

راحت تجاه باب المكتب ولسه هتخبط عشان تدخل اتجهت تاليا ناحيتها وقالت هو انتى ايه مابتسمعيش ولا معندكيش دم انتى ماسمعتيش عادل قال ايه مش عاوز حد يدخله غيري 

سندس:بقولك ايه انتى بذات تسكتي خالص كفايه اللى عملتيه 

تاليا:عملت ايه ان شاء الله انتى بتغيري الموضوع ليه 

سندس:انا مش بغير الموضوع انا لازم ادخله عشان افهم سببه ايه موقفه ده ما اكيد فهمتيه حاجه غلط عنى كالعاده 

ما ده مش بعيد على أخلاقك بعد اللى عملتيه معايا والشقه اللى بعتيني ليها اتوقع منك اي حاجه 

تاليا :انا مش فاهمه حاجه من اللى بتقوليها وشقة ايه اللى بعتك ليها انتى بينك اتجننتى 

سندس:ايه الوقاحه والبجاحه دي هتنكري يجبانه 

صوتهم أصبح عالي 

سمع صوتهم عادل وخرج من مكتبه وقال فى ايه انتوا صوتكوا عالى كده ليه 

تاليا:مافيش يافندم الهانم عاوزه تعصي اوامرك وتدخل ليك رغم انك قولت ان ماحدش يدخلك غيري 

عادل:اقعدى يامدام سندس مش مدام برضو ولا ايه اقعدي ونفذي التعليمات بدل ما اديكى جزاء 

ولا اصلا مش فارق معاكى ما اكيد الشغل معانا دخله اقل 

لسه هتقوله سندس انا مش فاهمه كلامك وموقفك ده 

زعق فيها اتفضلي بدل ما افصلك خالص وانا شايف ان ده أفضل

رجعت سندس ودمعتها على عنيها جلست على الكرسي وفجأه قامت اخدت شنطتها وسابت المكان وخرجت 

رجعت على البيت ودخلت غرفتها وهى تبكي وحاسه بجرح كبير رغم أنها مش فاهمه ليه موقف عادل بس اللى متأكده منه ان اللى وراء الموقف ده اكيد تاليا بس ياترى فهمته ايه 

عرفت سمر برجوع سندس من شغلها استغربت من رجوعها بالسرعه دي 

دخلت عليها الغرفه وجدته نايمه هلى سريرها تبكي 

سمر:ايه اللى حصل ياسندس مالك 

سندس:انا خلاص لازم اسيب الشغل ده انا مباقتش قادره استحمل خلاص 

سمر:يعنى هتسيبي تاليا تغلبك وتاخد منك كل حاجه 

سندس:ماتنسيش انها بتدافع عن حاجه هي شايفه انها من حقها وانا الداخيله عليها 

سمر:بس ده اكل عيشك وحبك 

سندس:حبي دا حب من طرف واحد ومحكوم عليه بالموت وماكنش من حقه يتولد اصلا 

انا هكتب استقالتى وانتى ياسمر ابقى وديها انا مش هقدر اروح المكان ده تانى 

وفعلا كتبت سندس الاستقاله وتانى يوم اخدتها سمر وذهبت للفرع سألت القراش على مكتب تاليا أخذها الفراش ودخل لتاليا وقال لها الاستاذه عاوزه حضرتك 

سمر:انتى تاليا سكرتيرة ا.عادل 

تاليا:ايوه اامرى 

الفراش :تشربي ايه حضرتك

سمر :لا شكرا

انا بنت عم سندس ودى استقالتها 

الفراش:ليه بس دى ا.سندس شخصيه محترمه وطيبه خالص 

تاليا:اسكت انت ..وروح شوف شغلك

ورجعت نظرت لسمر 

استقالتها هى لحقت وماجتش قدمتها بنفسها ليه 

سمر:بصراحه ماطقتش تيجى 

بس انا عاوزه اقولك حاجه واقفه فى زورى 

تاليا:قولى لحسن تخنقك وتروحى فيها مش ناقصه اصل ضحايايا كتير 

سمر:انك تحاولي انك ترفديها وتقطعي عيشها اهو ممكن نبررها بأنك بتدافعي عن الصيده بتاعتك 

إنما تخدعيها تبعتيها لشقه.على انها مأمورية عشان تكون فريسه لحيوان متوحش كان ممكن يغتصبها ويضيعها وينهي مستقبلها وحياتها 

كنتى هتعيشي وضميرك مرتاح

تاليا :هي اللى وقفت قصادى وحاولت تتحداني وانا اللى يتحداني 

انسفه من على وش الأرض وبيتهيء لي هى اتعلمت وفهمت كده كويس 

سمر:مبروك عليكى البجاحه والنداله بامتياز لو سامحتى امضي الاستقاله دى من ا.عادل خلينى امشي لحسن انا مش طايقه اقعد هنا دقيقه واحده 

تاليا:يا سلام من عنيه دا منى عينى

واخدت الاستقاله ودخلت لعادل تمضيها

الفراش بعد ما دخلت تاليا كلم سمر خساره يا استاذه والله ليه تمشي وتسيب شغلها واكل عشها 

سمر:هنعمل ايه بقى فى ولاد الحرام 

الفراش:لا حول ولا قوه الا بالله 

وسابها وخرج 

شويه وخرجت تاليا اتفضلي إخلاء الطرف اهو اتفضلي قبل ما تتخنقى وابقى عدي على الحسابات خدى حسابها 

اخدتها سمر منها وسبتها ونزلت للحسابات 

وتانى يوم كانت سندس بتجهز شنطتها ومقرره ترجع بلدها وبعد أن انتهت من تجهيز شنطتها وودعت عمها وزوجته وودعت سمر فقالت سمر لها لسع بدري على ميعاد القطار اللى حجزه فيه 

سندس انا هعدي على محل ملابس اجيب طقم لاختى الصغيره اللى كنت وعدها بيها هى مالهاش ذنب فى اللى انا فيه زمنها منتظره الطقم زى ماوعدتها سلام

ونزلت سندس واتجهت على المحل 

وبعد ذلك اتجهت للقطار وجلست بكرسيها للتفاجىء باللى بيقول ليها لو سامحتى الكرسي ده بتاعى 

رفعت وجهها وهى لا تصدق الصوت التى سمعته ولكنها تفاجئت انه صوت عادل فعلا 

عادت ونظرت للارض رغم فرحتها الا انها لم ترد عليه 

فعاد كلامه بقول لحضرتك الكرسي ده بتعاى 

فقامت من على الكرسي وتركته 

فأتجه خلفها وهو يقول انا اسف انا ظلمتك

انا عرفت كل حاجه الفراش دخل لى وحكى لى كل اللى سمعه من تاليا وهى بتتكلم مع سمر بنت عمك وعرفت انها هى اللى دبرت ليكى موضوع الشقه دى ولما وجهتها اعترفت بكل حاجه 

وانا لولا أن امرك يهمنى ما كنتش اتضيقت من حاجه زي دي وكنت قولت انا ليا شغلك وبس ودا امر شخصي وماليش علاقه بيه

بس انا كان قلبي بدأ يميل ليكى ولما تاليا أخبرتني بأمر ذهابك للشقه الغيره دبت فى قلبي والغضب عمى عينى 

ومابقتش عارف انا بعمل ايه 

على فكره انا فصلت تاليا ووظيفة السكرتيرة أصبحت بدون سكرتيره 

ارجوكى انا حاسس بذنب تجاهك لانى ظلمتك اسمعى لى اكفر عن ذنبي 

وأثناء حديثه والتى لم ترد بكلمه عليه سندس 

سمعوا صوت صفير القطار لينبه بالتحرك 

عادل:هتنزلى ولا افضل انا معاكى 

اخيرا نطقت سندس تفضل معايا ازاى اتفضل انزل 

اتحرك القطار 

لا مش نازل اهى فرصه اتعرف على الاسره الكريمه 

سندس:تقصد ايه بلاش هزار انزل قبل مايسرع القطار 

جلس عادل على الكرسي وقال الكرسي ده بتاعى شوفى كرسيكى فين 

سندس:يعنى فاكر اننا اتقابلنا فى القطار اول مره 

عادل:طبعا هو اللى يشوفك مره يقدر ينساكى 

واتحرك القطار 

سندس؛وعاوز تتعرف على الاسره الكريمه ليه فى حد يعزم نفسه عند حد 

عادل:اه لما يبقى ناوي يكون واحد منهم 

تتجوزيني 

سندس:جواز علطول كده 

عادل:لا مافي فترة خطوبه ودلع وكده يعنى فى الاول وبعد كده الجواز 

قولتى ايه 

بشرط مايكونش فيه سكرتيره غيره لا فى البيت ولا فى الشغل 

عادل:احنا هنغير من اولها 

سندس؛لما كنت بغير عليك من اول ما شوفتك واحنا مافيش بينا حاجه مش هغير عليك وانت زوجى 

قولت ايه 

عادل :موافق ياستي امري لله 

سندس:يا سلام 

وفعلا تم زواجهم واصبحت سندس زوجه له فى البيت وسكرتيره فى المكتب 

انتهت قصتنا  اللى حابب يقرأ قصه جديده يضغط هنا