الجزء الثانى حكاية قمر

 

مصطفى :موت ايه دا والدك قربى وتعالى حبي على ايده هو وعدنى انه هيسمحك وانا بطلب منه كمان انه يتنازل عن فكرة زواجك لابن عمك

والد قمر:بص يا مصطفى يا ابنى انا وعدتك انى هسامحها وانا راجل ما بيرجعش فى كلمته ابدا إنما هى مخطوبه لابن عمها ومش هتتجوز غيره وبلاش تدخل فى حياتنا اكتر من كده

مصطفى:بس ياحاج انا اعرف ان ابن عمها دا لا مؤخذه يعنى على قده شويه 

والد قمر:هو صحيح غلبان شويه بس ابن عمها وهيحافظ عليها وبكره يتنصح 

لسه مصطفى هيكمل كلامه 

قمر:وانا المره دى هرضى بنصيبى ومش هعصي كلامك يا ابوي انت تحت امرك 

وفعلا نزلت معاه واتجهوا الاثنين للبلد 

وبعد وصولهم مباشرة ادخلها غرفتها ونبه بعدم خروجها منها الا بعم اتمام زواجها من لبن عمها 

ولكن زاد الكلام بالبلد على هروبها واين كانت كل هذا الوقت وبدأ يزيد الكلام على انها قد تكون غلطت وفقدت شرفها خلال هذه الفتره مع الشخص اللى هربت معاه 

فقرر والدها ان تكون الدخله بلدي ليسكت كل الالسنه 

وكان ده فى كسرة نفس اكتر واكتر لقمر 

لكن اجتمعت الاخوات  البنات لعوض  كلهم واصروا على عدم موافقتهم على زواج عوض اخوهم بعد ما انتشر على سمعة قمر ابنة عمهم وقالوا هو اكمنه غلبان وعلى نيته تجوزه واحده سمعتها اصبحت على كل لسان وبعدين نفترض هربت تانى وهى على زمته تجييب العار  لينا ولا اخونا لا احنا مش موافقين على الجوازه دى انت كان واجب عليك تدفنها بالحياه بعد العار اللى جلبته ليك والعائله فى البلد 

بس كان واضح ان والد قمر كل اللى كان يهمه ينفذ وصية اخوه عشان يكوش على الميراث  كله زعق فيهم وقال انا كل اللى يهمنى هو انى انفذ وصية اخوي اللى فى تربته عشان يرتاح وبعدين اللى هسمع ينطق كلمه تانى على بنتي هقطع لسانه 

اخوات عوض :انت حر فى بنتك بس احنا كمان حرين فى اخونا وانا هنروح كلتنا لكبير البلد ونطلب منه يوقف الجوازه دى ويحمينا منك وفعلا اتلموا كلهم وراحوا اشتكوا لكبير البلد وكبير البلد راح وقعد مع والد قمر وحكم عليه بعدم اتمام الجوزاه دى مادام اخواته مش موافقين ولمح بالكلام اللى اتقال على بنته وانه لو مكانه كان تواها 

وكان كلام كبير البلد وقعه على والد قمر  كالصاعقه وثار بركان غضبه فدخل على قمر بغرفتها ونزل ضرب بها عجبك كده ياللى جيبالى العار اقتلك بايدى دى بقى بعد ما بقاش ليكى فايده أدى الجوازه وقفت ونص الميراث راح اعمل فيكى ايه وكمل ضرب فيها وهى مستسلمه تحت يده لم تصرخ او تبكي حتى 

 حتى سقطت على الأرض فتركها ملقاه على الأرض وخرج ولم يهتم بسقوضها او ان أصابها مكروه او لا 

وكان اي حد يفكر يدخل ليها كان والدها يمنعه ويقول سبوها ان شاء الله تموت ونرتاح من عارها 

لكن الوحيد الذي لم يسمع لكلام والد قمر ودخل بالقوه كان عوض ابن عمها فوجدها ملقاه على الأرض فاقده الوعى ومصابه فى رأسها فحملها وجرى بها إلى الوحده الصحيه التى بالبلد وقام بوضعها أمام الدكتور ليكشف عليها فعندما كشف عليها قال له كويس انك جبتها دى لو كانت اتسابت كده كانت ماتت وقام الدكتوره باسعافها 

وظل عوض ابن عمها الوحيد الذي بجانبها حتى استعادت عافيتها وعاد بها عوض الدوار 

وادخلها غرفتها واتجه الى والد قمر ليطلب منه اتمام زواجه من قمر فاخبره والد قمر ان اخواته غير موافقين على زواجه منها وانهم ذهبوا لكبير البلد واشتكونى له واتى لى وامرنى بعدم اتما زواجك من قمر 

عوض:انا هتصرف 

وخرج وسابه واتجه لاخوته البنات وقال لهم انا عاوزكم فى كلمه عند عمى 

فسألوه بخصوص ايه 

فقال تعالوا هناك وانتوا تعرفوا وعندما وصلوا أخذهم ودخل لعمهم واجلسهم وقال لهم انا ما حبتش اطلب ايد بنت عمى من غيركم عشان انتوا اخواتى الكبار بس ده مش معناه انكم تتحكموا فيا وتاخدوا قرار مصيري يخصني من غير ما ترجعوا لى صحيح انا غلبان وعلى نياتى بس دا مش معناه انى عبيض وماعرفش مصلحتى وانا بطلب ايد قمر منك ياعمى امامهم كلهم ومنتظر ردك 

قامت اخته الكبيره وقالت بس هى مش موافقه عليك وهربت عشان ما تتجوزكش ايه هتتجوزها غصب عنها إياك من قلة البنات ولا ايه عاوزه تهرب منك وتجيب ليك العار 

دخلت عليهم قمر مين قال انى مش موافقه عليه دا عوض راجل وهو الوحيد اللى وقف جنبي وانا موافقه عليه يكون رجلى 

عوض:اهو موافقه اهى فى حاجه تانى 

سكت اخواته ورجع عوض طلب ايدها تانى من والدها 

والد قمر:وانا طول عمرى اتمنا ده بس لازم اخواتك يرجعوا لكبير البلد ويوافق هو كمان بس هما فضلوا قاعدين ساكتين 

عوض قال ليهم قوموا امامى حالا على دوار كبير البلد وشخط فيهم قوتلكوا قوموا وهو انا مش راجلكم ولا ايه ولا انتم مستصغرنى إياك 

قاموا معاه وفعلا تم زواج قمر من عوض 

بس من تانى يوم طلبت قمر من عوض ان ما يسبش ميراثه فى ايد والدها وان يطالبه بميراث والده 

وفعلا اتفاجىء بعوض داخل عليه وطلب منه ميراثه وقال له لو كل ميراثي ماجنيش هحكم بينى وبينك كبير البلد 

وفعلا قدرت قمر تخلى عوض ياخد ميراثه من والدها وفضلت تخطط قمر لأخذ الميراث كله وبيع الارضى ونصيب عوض واخدت الفلوس وعوض وهربوا وتركوا البلد معا وعاشت قمر فى العاصمه كما كانت تتمنى ولكن مع عوض وقامت بشراء شقه وعمل مشروع كبير واصبحت الان من أصحاب اكبر المشاريع هى وزوجها عوض

وانتهت حكاية قمر