الجزء الرابع من حكاية روقه

 

وبدأت روقه تلوم نفسها على طريقتها مع حازم ولكن بعد فوات الأوان 

ومرت الايام كما هو الوضع حتى يوم تفاجئت  سمر بحازم واقف أمامها ويقول لها وادى اختك روقه اتخطبت عرفتى بقى انى مش فارق معاها ولا البنات فارقين معاها 

سمر قامت وقفت: ازاي وانا بكلمها كل فتره وما جبتش لى اى سيره مين قالك وعرفت ازاى 

حازم:معقوله ما تعرفيش وما قلتش ليكى دا انتى اختها 

سمر:صدقنى انا اول مره اسمع الكلام ده منك انت متأكد من كلامك ده وعرفت ازاى 

حازم:اختى امبارح كانت فى مول بتشتري حاجات اتفاجئت بروقه وبنتها  ومعاهم راجل اول مره تشوفه داخلين محل فى المول وبالصدفه البنت سابتهم جوه المحل ووقفت تلعب بره اختى ندهت عليها وسألتها مين اللى مع امك ده 

البنت قالت ليها دا هيبقى بابا

اختى قالت ليها هيبقى بابا ازاى يعنى هما اتجوزوا

بنتى قالت ليها مش عارفه ماما قالت لى كده قالت لى أنهم دلوقتى مخطوبين وبعدين هيبقى بابا 

هو بابا فين ياعمتو قولى ليه يرجع انا بحبه هو

اختى:حاضر يا حبيبتى بس انتى ما تقوليش لمامتك انك قولتى لى حاجه عشان اعرف ارجع بابا ليكم 

بنتى قالت ليها حاضر حاضر مش هقول ليها حاجه

اختى سبتها ومشيت 

سمر:شوف البت بقى كل ده وما تجبش سيره ليا ليه هو انا هكره ليها الخير بس تفتكر ليه ما قلتش ليا عن موضوع خطوبتها ده ولا يمكن البنت كانت بتقول اى كلام وخلاص

حازن:لا الموضوع حقيقي وانا هقولك ليه هى ماقلتش ليكى 

سمر:ليه بقى يا ناصح 

حازم:عشان لو قابلتينى واتكلمتى معايا ماتقوليش ليا انها هتتجوز 

عشان مقطعش عنها الفلوس اللى ببعتها ليها او اخد اى تصرف 

سمر:معقوله يكون تفكره كده 

حازم:عرفتى بقى انها ما بيهمهاش غير مصلحتها ممكن بقى نشوف احنا كمان مصلحتنا وهى عرفت تخبى عليكى وانتى اللى خايفه تخبى عنها اننا هنرتبط ببعض 

سمر؛انا هبقى اكلمها بس هقول ليها عرفت منين انا مش عاوزاها تعرف انى بشوفك وبتكلم معاك

حازم:لسه برضو بتعملى ليها حساب يابنتى دورى على نفسك زيها 

سمر:اكلمها وافهم منها هي خبت عليا ليه 

وفعلا اخر اليوم سمر اتصلت على روقه وفضلت تتكلم معاها وتحاول تعرف منها هي فعلا بتجهز لانها تتجوز ولا 

فضلت تقول ليها ايه ياروقه مافيش حاجه كده ولا كده مافيش حد أتقدم ليكى ولا انتى قافله الموضوع ده اصلا 

سمر:لا طبعا انا هفضل مع اولادى انا ما بفكرش فى الزواج دلوقتى 

يابت انا بتكلم بجد اصلى سمعت انك هتتجوزى 

روقه:وانتى سمعتى منين

 مين اللى قال ليكى 

سمر:مش مهم مين قال لى بس لو الكلام ده بجد انتى خبيتى عليا ليه هو انا اكره ليكى الخير 

روقه:بصراحه كده خوفت تشوفى حازم وتتكلمي معاه وتقعى أمامه بالكلام انى اتجوزت فيقطع عنى المبلغ اللى بيبعته مصاريف لأولاده وانا محتاجه المبلغ ده عشان بناتى هيعيشوا مع والدتى فى شقتنا وهدى المبلغ اللى بيبعته لوالدتى تصرف عليهم منه مين اللى هيرضى يتجوز واحده معاها اربع بنات ويصرف عليهم ويشيل مسؤوليتهم 

روقه:طب وانتى اكدتى له الكلام ده

 وهو قال ليكى هيبعت الفلوس تانى 

سمر:هأكد له ايه هو انا كنت اعرف حاجه وبعدين هو كل اللى همك انه هيستمر فى إرسال الفلوس ولا لا 

روقه:يوو ياسمر اه كل اللى هممنى الفلوس هو مش حق بناتى ولا عاوزاني اخسر كل حاجه 

قولى بقى جاب سيره عن انه هيبعت الفلوس لبناته ولا لا وبعدين هو عرف منين صحيح انى ناويه اتجوز 

سمر :ما قلش اى حاجه عن موضوع الفلوس ولا عن انه عرف ازاى انك ناويه تتجوزى

روقه:طب وبعدين كده كل حاجه هتبوظ لو بطل يرسل النقود لبناته خطيبى هيسبنى ووقتها مش هعرف اصرف عليهم منين وهنتشرد كلنا ارجوكى ياسمر لو رجع ليكى عشان يتأكد منك قولى له انا سألتها قالت لى مافيش الكلام ده خالص هو فى حد هيتجوز واحده فى دلها اربع بنات 

وبعدين هو شاغل نفسه بيا ليه هو ليه بناته بس هو مش طلقني خلاص 

سمر:يعنى انتى نستيه خلاص ومبقاش فارق معاكى 

روقه:هو انا عندى اختيار تانى غير كده ما انا لازم اشوف حياتى انا كمان 

سمر:يعنى مش هتزعلى لو عرفتى فى يوم انه  اتجوز 

روقه:ليه هو اتجوز 

سمر :لا انا بسأل عادى 

روقه:لا مش فارق معايا 

سمر :ربنا يعملك الخير ياروقه

روقه:مش هأكد عليكى تانى اوعى تأكدي له انى هتجوز خلاص ياسمر 

سمر :خلاص ياروقه سلام 

قفلت سمر معاها الخط وقعدت تفكر وبعدين فى اللى انا فيه ده انا هتجنن انا ايه اللى عملته فى نفسي بس ما الرجاله كتير رايحه تتنيلى وتحبى جوز اختك وبعدين معاكى ياسمر 

تانى يوم رجع ليها حازم ها يستى اتأكدتى من كلامى ممكن بقى نشوف حالنا احنا كمان انا بحبك ياسمر وبقولهالك للمره الالف 

صدقينى خلاص اختك شافت حالها ونسيت اللى فات انسي بقى انتى كمان انا لو مش متأكد من حبك ليا ماكنتش رجعت ليكى تانى 

سمر:خلاص ارجع ياحازم وامسك الشغل تانى وادينا فرصه لحد ما روقه تتجوز وحياتها تستقر وأفضل ابعت ليها مصاريف البنات عشان جوزتها تتم وتستمر وانا ياسيدى هضيف معاك فى المبلغ اللى بترسله ليهم 

حازم:ومين قالك انى هسمح لحد يصرف على بناتى لا طبعا انا هفضل اصرف عليهم لحد اخر يوم فى عمرى هى الفكره ان ما كنتش هتفرق انى ببعت وانا متجوز روقه او وانا مطلقها مادام فى الحالتين انا بعيد عنهم وروقه كل اللى هممها الفلوس ومصلحتها وبس وانا ولا فارق معاها وغير كل ده وده انى بحبك ياسمر وده الأهم 

نتجوز بقى ياسمر قولى ماشي خلى قلبي يرتاح 

سمر: انت متأكد من حبك ليا ياحازم وانك عمرك ما هتندم على الزواج منى فى يوم مهما هحصل 

حازم:اكيد طبعا متأكد انتى بعد ده كله لسه بتسألى متأكد من حبي ليكى ولا لا

سمر : وانا موافقه يا حازم اننا نتجوز وانا عرفت دلوقتى بعد مكالمتى مع روقه ازاى اريح قلبي وضميرى فى نفس الوقت

حازم:مش فاهم قصدك ايه بأريح قلبي وضميرى فى نفس الوقت 

سمر:ما تشغلش بالك انت مش المهم عندك انى اوافق على جوازنا 

حازم:يعنى اعتبر كلامك ده موافقه على جوازنا 

سمر:ايوه

حازم:قام وحملها بين ذراعه وظل يلف بيها وهو مش مصدق نفسه من الفرحه بحبك ياسمر 

سمر:وانا كمان بحبك ياحازم بحبك اوى 

وحددوا ميعاد فرحهم وقبل أن يحن ميعاد الفرح بأيام 

وصل لروقه طرد بريد من الخارج

فتحت روقه الطرد وجدت به جواب وعقد استغربت 

فتحت العقد وقرائته لتجد ما ازهلها ولم يخطر على بالها ابدا 

فقد وجدت بالعقد انها هى وبناتها أصبحم شركاء لسمر بمتجرها ولسمر حق إدارة المتجر فلم تستوعب ما وجدته بالعقد ففتحت الجواب لتجد

روقه اختى وحبيبتي لقد خاننى قلبي قبل أن يخونك واوقعنى فى حب حازم دون أن أشعر او احس حتى دون أن افكر بوعى فقريه جنبى فى محنتى وأصعب اوقاتى ومعاملته الراقيه لى جعلتني أقع فريسه فى شباك الحب ولكن مهما كان فأنتى اختى ولأن احساسي بان هذا الحب ليس من حقى وانى حرمتك من زوجك فوجدت أن ما يضمن لكى حياه كريمه انتى وبناتك أن يكون متجرى ملك انتى وبناتك ولى فقط حق الاداره واخذ نسبه شهريه من ربح المتجر موضحه بالعقد المرفق مع الجواب وبهذ اكون كل ما فعلته اننا قومنا بصفقة تبادل فسامحينى فما حدث ليس بيدى 

صحيح جواب سمر كان مفاجأه غير متوقعه للجميع 

ولكن ما حدث بعد ذلك كان هو الاغرب فقد وصل سمر جواب من روقه صباح يوم حفل زفافهم 

فتحت سمر الجواب وجدت فيه 

 اختى العزيزه سمر كفى عليكى عقابا على خيانتك لى انكى تنازلتى لى عن المتجر وأصبح ليس لديكى حق الا فى إدارته وأصبح ملكى انا وبناتي 

فأصبح واجب على ان اعرفك ان حازم اتصل عليا بعد وفات زوجك وقال لى ان سمر اختك بتحاول توقعنى فى حبها 

قولت ليه ايه الهزار البايخ ده 

قال انا بتكلم بجد 

فقولت له انت بينك اتجننت او اكيد فاهم غلط انا اختى عمرها ما تعمل حاجه زى كده لانها محترمه ومتربيه وعمرها ما تخون اختها وتحاول تخطف جوزها واكيد انت اللى حاولت معها ولكنها صدتك 

فقال لى بكره الايام تثبتلك انى مش بكدب عليكى لما نتجوز

قولت له انت مجنون 

 فراهن معى انه قادر على ان يوقعك فى حبه ويستولى على مالك كله

 وقال لى حتى بناتك أولى بالمال ده هى هتعمل بيه ايه لوحدها ولا عندها عيل ولا غيره 

فقولت له والله لو اختى قلبها وضمرها طوعها ان تخون اختها يبقى تستاهل اللى تعمله فيها وفى الحاله دى يبقى فعلا بناتى أولى بمالها 

واديه فعلا كسب الرهان وخلاكى تنازلتى عن مالك دون اى تعب او جهد منه لمجرد انك سقطتى فى شباك حبه وبكل سهوله قررتى انك تاخدي زوجى وتحرمى بناتى منه وعلى فكره انا كنت عارفه انه طلقنى عشان قدر يوصل لقلبك وانه قرب يكسب الرهان 

وانا ما كنتش مصدومه انه طلقني اكتر من صدمتى فيكى

بس انا بعت الجواب ده ليكى عشان قولت كفايه عليكى العقاب ده وحرام تدبسي فى الزواج من الخاين اللى عندك اللى اسمه حازم فقولت أحذرك منه وانا حقى وحقى بناتى وصلنى مقابل خيانتك وكده تمام 

ولو لسه حبه تتجوزيه اشبعى بيه سلام يا اختى العزيزه

كانت سمر تقرأ والدموع تنزل من عيونها ومسكت الجواب وفركته بيديها من كتر الغيظ وقالت طب والله لادفعك الثمن غالى ياحازم بقى انت تعمل فيا كل ده 

وانتظرت عندما حان وقت الحفل والجميع حضر والمأذون وكل من يعرف حازم من اصدقاء او بينه وبينهم اي صله 

وقبل أن يقوم المأذون بأي شيء 

قامت سمر وسط المعازيم 

ووجهت ندائها لحازم وسط الجميع وقالت 

حازم حبيبي فى كلمتين عاوزه اقولهم ليك أمام الجميع قبل كل شيء 

حازم ياترى عاوزه تقولى ايه يا حبيبتى 

سمر :عاوزه اقول انك انسان كداب وخاين 

ازاى كنت هصدقك فى لحظه انك بتحبنى ومش طمعان فيا وفى فلوسي ينصاب ياحرامى 

حازم واقف مصدوم :فى ايه يا سمر مالك وايه الكلام اللى بتقوليه ده انتى اكيد اتجننتى 

سمر :اتفضل اطلع بره ومش عاوزه اشوف وشك تانى انا بس حبيت اجمع كل اللى تعرفهم عشان يعرفوا حقيقتك كويس وماحدش ينخدع فيك تانى 

وصرخت فيه اطلع بره يا كل*ب

وظلت تصرخ فيه وهو يحاول ان يفهم منها سبب ما تفعله ولكنها لا ترد عليه وظلت تصرخ فيه اطلع بره وغير من وشي مش قادره اشوفك 

لدرجة ان بعض الموجودين ابعدوه من أمامها 

فخرج وتركها وهو يقول انا مش فاهم مالها دي واضح انها اتجننت

وبعد هذا الموقف حاول حازم ان يصل او يتصل على سمر ليتحدث معها عن ماحدث ولكنها لم ترد عليه ولم تعطيه فرصه ليتحدث معها او يقابلها حتى يأس منها 

وظل يبحث عن عمل ولكن كل من كان له صله به كان موجود فى حفل زفافه الذى لم يتم وبعد ما حدث فيه من سمر أصبح الجميع خائف من ان يوافق على عمله معهم ليكون خائن فعلا كما قالت سمر ويخونه فى عمله 

واتسددت الدنيا فى وجه حازم فعاد من السفر وترك سمر وكل شيء خلفه 

ومرت الايام وحن حازم لبناته وبيته فذهب إليهم ليراهم وبدأ يتردد عليهم ومع الوقت بدأ يتحدث مع روقه حتى وقف أمامها فى أحد المرات وقال لها انا غلطت وانتى كمان غلطتي صحيح انا كان غلطى اكبر وعشان كده انا بتأسف وعاوز نرجع لبعض ونلم شملنا وبناتنا يعيشوا وسطنا 

روقه :وانا موافقه اننا نرجع لبعض يا حازم بس بشرط 

حازم:شرط ايه ياروقه 

روقه:العصمه تبقى فى أيدى انا ما اضمنكش ممكن ترجع تطلقني وترميني عشان اى حوار تانى 

حازم :لما وجد ان روقه مصره وانه لو موافقش هيتحرم من بناته بعد ما خسر كل شيء 

وافق وبعد ما وافق واتجوزوا فعلا والعصمه اصبحت فى ايدها 

ارسلت روقه لسمر جواب اخر 

وصل الجواب لسمر وعندما علمت ان الجواب من روقه وقبل أن تقرأه قالت لنفسها عاوزه ايه تانى منى ياروقه مش مكفيكى لوم فيا ولا مكفيكى اللى اختيه 

فتحت الجواب فوجدت على فكره ياسمر انا عاوزه اقولك ان حازم ماكنش متراهن معايا ولا حاجه ولا انا كنت اعرف اى حاجه عن اللى بينك وبين حازم الا من جوابك وان انا بعت وقولت ليكى كده عشان اعرف ارجع اللى اخدتيه منى واعرفك ان مش من حقك انك تختارى تبادليني فى زوجى والد بناتى مقابل المال وحتى من غير ما تعرفينى او تخيرني لان دى فى كل الأحوال خيانه

 صحيح انا كنت بتمنى ان حالتنا تتيسر وان اقدر اصرف على بناتى وكويس واعيشهم احسن عيشه بس اكيد مش المقابل ان يتحرموا من ابوهم لان مافيش حاجه تعودهم عن والدهم وانا بعت حازم عندك لثقتي الكبيره فيكى واكيد من حقى ان اشجع زوجى ان يشوف مستقبله فى اى مكان على العموم اللى حصل حصل انا بعتلك مع الجواب تنازل عن الشراكه اللى عملتيها انا ماقدرش اصرف على بناتى من مال حرام مش متسامح فيه انا بس حبيت اديكى درس صغير 

نظرت فى الظرف وجدت فعلا التنازل 

جلست مكانها وهى تبكي وتقول لنفسها انا اسفه ياروقه ماكنش قصدى 

وبعدها بفتره قامت سمر إرسال مبلغ مالى كبير لورقه 

واتصلت بعدها عليها واول ما ردت عليها

سمر:انا اسفه ياروقه انا اسفه والله غصب عنى ارجوكى سامحينى 

روقه بقت تسمع دون أن ترد 

سمر:انا عارفه انك بتسمعينى انا حولت ليكى مبلغ على الحساب اللى حازم كان بيحولك عليه أجرى محل كبير انتى وحازم وجهزوه وانا هشحن ليكم بطائع من عندى بأسعار ارخص بكتير من السوق عندكم وعلى فكره انا مسامحه فى الفلوس دى واعتبريها بتاعتكم وعشان تحسيها انها حقكم فعلا اعتبرينا شركه فى المحل ده والربح بالنصف انتم بعملكم وانا برأس مالى وربنا يكرمك ياقلب اختك ويهنيكى بحياتك 

وقبل ما تقفل لعدم رد سمر عليها 

سمر :اه مش هتبركى لى حتى قبل ما اقفل مش حد من الموردين اللى بتعامل معاهم اتقدملى وحفل زفافنا بعد شهر هبقى ابعتلك دعوه لازم تيجوا عشان ما يحسش انى لوحدى وانا ماليش غيركم 

روقه:مبروك ياسمر ياحبيبتى الف مبروك ربنا يتم ليكى بخير وفعلا أجروا المحل وجهزوا وقبل حفل الافتتاح كان حفل زفاف سمر وأرسلت لهم الدعوات وكل ما يخصهم من أوراق السفر وذهبوا جميعا لها حتى لا تشعر انها لوحدها وتم الحفل وأثناء الحفل تم تشغيل موسيقى رقص سلو وقامت روقه وحازم يرقصوا بجانب سمر وعريسها الذين بدأوا بالرقص .وانتهت حكاية روقه يارب تكون عجبتكم  اللى حابب يقراء قصه جديده يضغط هنا