الجزء الثانى والاخير من جلب الحبيب

  

والغريب ان بعد عودة تاليا لمنزلها وجدت امر غريب وغير متوقع وجدت حازم واقف أمام منزلها 

اول ما شافته هى وسلمى وقفوا مزهولين وينظرون لبعضهم 

سلمى :هما لحقوا معقوله بالسرعه دي دى حاجه تجنن بجد 

تاليا:هو كده يعنى جى لحد هنا تحت تأثير الجن الخادم ليهم يا مامي انا خايفه 

سلمى؛خايفه من ايه مش ده اللى كنتى عوزاه اه جيه يا ستي لحد عندك يالا باي انا همشي انا بقى مابحبش اكون عزول سلام

تاليا:استنى ياجبانه ماتسبنيش 

سلمى بعد ان ابتعدت قليلا :سلام 

اقتربت تاليا من حازم فى خطوات بطيئه واتجه لها حازم عندما رآها 

تاليا:حازم خير اكيد حاجه مهمه اللى تخليك تيجى لحد البيت كده 

حازم:بصراحه اه وانا ماحبتش اقولهالك فى التليفون ممكن نقعد فى اى مكان هادى نتكلم 

تاليا:اه اوى اوى 

حازم؛طب يبقى اسمحى لى اعزمك على مكان انا بحبه اوى 

واتجهوا لكافتريا على البحر وجلسوا 

حازم ؛بدون اى مقدمات انا بحبك يا تاليا وحاسس انك انتى كمان بتبادلينى بنفس المشاعر 

تاليا:بتحبني 

وبينها وبين نفسها يا نهار ابيض دا بين الموضوع بجد ولا ايه 

حازم:اه بحبك واتمنى يكون بنا خطوه نعرف فيها بعض اكتر 

وانا ما قدرتش اعترفلك بحبي الا لما اتاكدت من مشعرك تجاهى 

تاليا:واتاكدت من ده ازاى 

حازم:لا دا سر بقى المهم انا صح ولا لا 

تاليا:ايوه صح وبحبك فعلا من زمان المهم انت بتحبني فعلا ولا سحر ولا ايه بظبط انا مش فاهمه حاجه 

حازم:اذا كان سحر فهو سحر 

تاليا:سحر ازاى يعنى 

حازم:سحر عيونك ياقمر اللى من اول ما جت فى عيونى اتسحرت بيهم وقلبي صابه سهم هواكى

تاليا:لا دا كده كتير انا خايفه 

حازم:خايفه من ايه مني 

تاليا؛ها لا انا بتكلم عن حاجه افتكرتها ماتشغلش بالك 

حازم:طب مادام انا بحبك وانتى بتحبينى انا هاجى أتقدم ليكى انا حبيت بس اتأكد من مشاعرك قبل ما ادخل البيت رسمى 

تاليا قامت وقفت :تتقدم ليا ليه 

حازم:أتقدم ليه ازاى يعنى 

تاليا:اقصد تمام تمام ماشي بس سابني امهد فى البيت واخذلك ميعاد من بابا 

حازم:خلاص ماشي مالك مرتبكه كده ليه 

ايه رايك نقوم نتمشى شويه 

تاليا:زى ماتحب 

حازم اثناء سيرهم اشترى ورده من بائع الورد وقال لتاليا الورده دى لاجمل ورده فى الدنيا تعرفى أن عينى مش شايفه غيرك رغم كل الناس اللى حوالينا دول 

تاليا:كده كتير عليا انا كان نفسي فى كلمه واحده منك اسمع كل الكلام ده لا دا السحر فعلا عامل مفعوله انا هتجنن بجد مش مصدقه 

وفى اخر اليوم غادرت تاليا وحازم يقول لها هنتظر تليفونك اول ما تحددي ميعاد مع والدك 

تاليا اول ما ابتعدت عن حازم اتصلت على سلمى 

تاليا:مش هتصدقى اللى حصل يا سلمى 

سلمى:ايه اللى حصل لدرجة انى مش هصدقه 

تاليا ؛تعرفى لما سابتك وجدت  مين منتظرنى عند المنزل 

سلمى:ايه حد من المكان اللى رحناه بيرجع ليكى الفلوس اللى دفعتيها مثلا 

تاليا:هما دول هيرجعوا حاجه خدوها انتى ايه بتحلمى لا طبعا 

سلمى :امال ايه 

تاليا؛وجدت حازم هو اللى منتظرنى تخيلى دا بين معول السحر ده فعلا دا حاجه غريبه بجد بس تعرفى على رغم ان ده اللى كنت بتمناه من زمان بس انا خايفه من اللى سمعته من الشيخ وموضع الجن اللى متسلط عليه وان ده كفر وزواجنا هيكون زنا لان زواجه ده مش باردته ورضاه 

سلمى:خلاص بقى انسي الموضوع ده يا تاليا اكيد لا دول سافروا شكلهم كانوا نصابين 

تاليا:يا سلام امال ايه اللى قلب حال حازم كده وخلاه يحبني فجأه 

سلمى:يمكن بيحبك من زمان بس كان محرج يعترف ليكى 

تاليا:طب واجمعنا اتشجع دلوقتى بعد ما اتفقنا معاهم على جلبه ليا 

سلمى :صدفه عادى يعنى كبري دماغك يا تاليا وبعدين مش ده اللى كنتى بتحلمى بيه خلاص بقى انسي وعيشي مع حازم وانبسطي 

تاليا:طب وكلام الشيخ عن ان زوجنا هيكون باطل ده لا انا مش مرتاحه 

وعادت تاليا للمنزل وعندما نامت حلمت بكبوس بأن حازم جى ليها وهو معصوم العين ومتكتف من يده ومجرور لها عنوه بواسطة شخص ضخم  وتم القائه امامها واول ما إزالة ما على عينه وفكت قيده تفاجىء بها وظل يصرخ وهرب من امامها 

 فقامت من الحلم مفزوعه وهى تبكى انا ايه اللى عملته ده معقوله ده كل ده لازم ينتهى 

تانى يوم اتصلت على حازم وقالت له انا مش موافقه 

حازم:طب ليه يا تاليا وانا متأكد انك بتحبينى وانا بحبك ليه تحرمينا من بعض ليه 

تاليا كانت هتعترف له بس ما قدرتش 

وقالت له اهو كده وخلاص احنا مش لبعض وقفلت معاه الخط 

وعادت وحدثت نفسها انا لازم انسى حازم ده خالص لدرجة انها اتجهت لوالدها وقالت له انا موافقه على العريس اللى كنت جايبه وماكنتش موافقه عليه 

والدها:وايه اللى غير موقفك كده فجأه 

تاليا :ابدا يابابا اكتشفت انى كنت غلطانه 

اتصلت عليها سلمى 

ففاجئتها تاليا وقالت انا رفضت حازم ووافقت على العريس اللى كان بابا جيبه 

سلمى؛انتى مجنونه يابنتى والله ايه الجنان ده ليه تعملى كده 

تاليا :اللى عملناه ده كان غلط معقوله ارغم واحد على جوازى دا انا حتى حلمت وحكت لها الحلم 

سلمى:يابنتى دى تخاريف عقلك الباطن 

ااقفلى ااقفلى انتى هتجننيني 

قفلت معاها وبعدها بقليل رن جرس الباب اتجهت تاليا وفتحت الباب فوجدت حازم امامها وقال انا جى اخطبك من والدك غصب عنك 

تاليا :انا مش مستغربه انك تيجى هنا رغم انى رفضتك ما انت ياعينى مش واعى باللى بتعمله 

حازم:ليه مسحور ولا ايه 

تاليا:ايوه مسحور 

حازم:مسحور بيكى اكيد صح

تاليا :ايوه وانا اللى عملتلك السحر بأنك تحبنى 

حازم:طب ما انا عارف 

تاليا :عارف يا سلام بتتريق انا بتكلم بجد

حازم:والله عارف بجد بس ازاى انتى تفتكرى ان السحر اللى جابنى لحد هنا انا بحبك يا تاليا وبحبك من زمان واتفأجئت لما سلمى جت ليا وقالت لي انك بتحبينى فأنا قولت ليها طب ما تقوليش ليها انك عرفتينى بحبك عشان ما تتحرجيش وقررت أن انا اللى اجى لحد عندك واعترف ليكى بحبي وادينى هنا اهو بعترف ليكى بحبي وعاوز اتجوزك سحر ايه وكلام فاضي ايه كل شيء بيد الله وارادته ولو أنفقت مال الدنيا على ان يالف قلب أحد ليحب احد مستحيل الا ان اراد الله وتزوجوا وحرمت تاليا ان تذهب لهؤلاء الناصبين والدجالين. تمت