دفاع عن الشرف

 

اوعى ايدك من عليا فى ايه انا وثقت فيك وجيت معاك 

انتى اللى فى ايه ماتفوكيها كده شويه مالك

لا ونبى بلاش يا جاسر انا جيت معاك عشان وثقه فيك ارجوك سبني امشي ارجوك سيب ايدى ياجاسر انا بدأت اخاف منك 

جاسر سيب بقى مالك ياجاسر ايه اللى جرالك انا اللى غلطانه انى جتلك 

جاسر:انتى اللى مالك يا سالى انا بحبك وعاوزك يا سالى 

سالى بصريخ يعنى ايه عاوزنى اوعى سابنى 

جاسر لوى ذراعها ورماها داخل الشقه بعد ما كانت فلتت منه وجريت على باب الشقه ورجع قفل الباب واتهجم عليها وهى تصرخ وتعافر

 وخلاص حست ان الكلام معاه ما بقاش منه فايده وان جاسر كان ناوى ليها على النيه دى من الاول 

فضلت تحاول بكل ما فى جهدها تبعده عنها تمد ايدها فى كل حته حواليها يمكن ايدها تطول اى حاجه تنجد نفسها بيها 

وجاسر كل اللى همه انه ينول مراده ويسلبها اعز ما تملك 

وهى بكل اللى تملكه من جهد وقوه بتحاول تدافع عن شرفها وعن عرضها 

وفضلت تتوسل لجاسر بدموعها وصرخها يمكن تصحى فيه المرؤه ويتركها لحال سبيلها لكن دون جدوى وظلت يديها تبحث على نجدتها التى لم تحصل عليها بصراخها واستنجادها حتى طالت يديها احد التحف الموجوده بالشقه وامسكتها ونزلت بها على راسه فسقط على الأرض غارق فى دمه 

قامت تلملم ملابسها التى مزقها محاولا ان يصل لعرضها 

والتفت حول نفسها مذعوره وتنظر إلى جاسر وهو غرقان فى دمه 

وفتحت الباب وفرت إلى خارج الشقه ومن شدة رعبها وخوفها وقفت لحظات تبحث عن مكان النزول حتى وجدته و نزلت إلى اسفل العماره ومنها إلى الشارع 

وعادت إلى بيتها وفتحت الباب ودخلت الشقه واسرعت إلى غرفتها قبل ان يشعر بها احد ودخلت غرفتها وقفلت على نفسها وجلست على السرير منكمشه فى نفسها ومذعوره وأمام عينها منظر جاسر وهو غرقان فى دمه وظلت تبكي 

ولم يمر الكثير من الوقت حتى سمعت احد يخبط على الباب ويسأل فى واحده شابه ساكنه فى الشقه هنا ولسه دخله من دقايق كنت عاوزاها ضرورى لو سمحت 

وقفت سالى خلف باب الغرفه مرعوبه مين اللى بتسأل عنى دى وعاوزه ايه منى انا اول مره اسمع الصوت ده 

والدها نده عليها تعالى ياسالى فى واحده بتسأل عليكى 

غيرت سالى ملابسها وخرجت ليها

واستنت لما والدها دخل وقالت ليها انتى مين 

الست قالت ليها انا شوفتك

سالى :مش فاهمه تقصدى ايه وشوفتينى فين 

الست:انا شوفتك لما قتلتى جاسر فى شقته وهربتى 

سالى قامت وقفت : وطى صوتك انتى ايه الكلام اللى بتقوليه ده انا معرفش حد بالاسم ده وانا ماقتلتش حد انتى شكلك ست مجنونه اتفضلى من هنا 

الست:بلاش الثقه الزايده اوى دى طب اتفرجى على الفيديو ده وبعد كده ردى عليا 

مسكت سالى التليفون وبصت شافت الفيديو وهى بتخرج من باب الشقه وكانت لسه مسكه التحفه اللى ضربته بيها وعماله تبحث عن مكان النزول ولما حست بالتحفه لسه فى ايدها رمتها ونزلت جرى على تحت

وراحت الست شده منها التليفون وقالت ها ايه رايك قتلتى جاسر ولا لسه مصره تكدبى 

سالى:هو مات 

الست:ايوه مات والشرطه والنيابه مليين العماره وقلبين الدنيا 

وطبعا انت بتسألى نفسك انا ليه مابغلتش عنك وسلمت الفيديو ده للشرطه صح

سالى :ايوه صح ليه 

الست:بصي ياعسل 

اولا لان جاسر ده كان شريك ليا فى شفة الدعاره اللى فاتحينها وهو كان بشاطرته وشبابه ووسامته وكلامه المعسول كان بينزل الشقه بالبنات اللى هربانه من أهلها واللى انضحك عليها وانسلب منها شرافها واللى مرميه فى الشارع وملهاش اهل او هو يضحك عليها ويجرها للرزيله يعنى كان شاطر وحرك وبيظبطنى بس فى الآونة الاخيره طمع وبقى كل شويه عاوز يزود نسبته فى المكسب اللى البنات بتدخله وانا مابحبش الطمعين واديكى انتى ريحتينى منه 

ثانيا انا بعده وخصوصا اليومين دول محتاجه معايا بنات زياده عشان الضغط والطلب علينا كتير وكمان عاوزين وجوه جديده

فأنا لقيت انك فرصه بالنسبه لى 

سالى:تقصدى ايه بأنى فرصه بالنسبه ليكى 

الست:لا بقولك ايه خليكى مفتحه كده 

اقصد انك تيجى تشتغلى عندى فى الشقه يا اما الفيديو تانى يوم هيكون بالنيابه 

سالى:انتى مجنونه بقى انا عملت كده عشان احافظ على نفسي اجى لحد عندك واشتغل فى شقه دعاره امشي اطلعى بره

قامت الست وشدت تليفون سالى من ايدها وسجلت رقمها عليه ورنت منه عليها وقالت ليها هديكى فرصه يومين تفكرى وبعدها هكلمك يا اما يا اما

سلام

سالى وقفت مذهوله هتتجنن اعمل ايه ورجعت دخلت غرفتها وهى مش عارفه تتصرف ازاى 

واتصلت على صحبتها هدى 

الو ايوه ياهدى الحقينى انا قتلت جاسر

هدى:ايه انتى بتقولى ايه انتى اتجننتى يابنتى 

سالى:انا قتلته ياهدى قتلته

هدى:حصل ازاى ده 

سالى :السافل كان عامل لي كامين وقال لى هنعدى نجيب حاجه من شقته وهنروح نقعد فى اى مكان هادى 

قولت له ماشي ولما وصلنا قال لى تعالى اطلعى معايا بدل وقفتك فى الشارع 

طلعت معاه ولما وصلنا للشقه قولت له انا هقف بره وادخل هات الحاجه اللى هتجبها 

قال لى لا تقفى فين الجيران يقولوا ايه لما يلقوكى واقفه كده أمام باب الشقه واللى طالع واللى نازل ادخلى بقى يا سالى انتى خايفه منى ولا ايه 

قولت له لا ابدا شدنى من ايدى ودخلنى ويدوب دخلنا ولقيتلك واحد تانى اتقلب مره واحده عليا وما بقتش عارفه اعمل ايه لحد ما بحسس بأيدى جه فى ايدى تحفه ضربته بيها على راسه وحصل اللى حصل

هدى:يخربيت عقلك وحد شافك

سالى :ما هى دى المصيبه 

بعد ما دخلت الشقه حد خبط واتارى واحده شافتني وصورتنى وانا خرجه من شقته وعاوزانى اشتغل معاها فى الدعاره وانا هتجنن مش عارفه اتصرف 

شورى عليا ياهدى ابوس ايدك شوفى لى حل 

هدى:انا جيالك طب انتى عرفتى حد من أهلك

سالى :لا انا خايفه اقول ليهم

هدى:طب انا لما اجى هتصرف واعرفهم انا جيه مسافة الطريق

هدى وصلت وفتحت سالى ليها واخدتها على غرفتها 

هدى:مين اللى هنا والدك ولا والدتك 

سالى:والدى والدتى راحت تزور اخويا الكبير

انا خايفه اوى ياهدى اعمل ايه 

هدى:لازم والدك يعرف عشان يتصرف معانا 

وراحت على الباب عشان تنده على والدها عشان تحكى له 

فتحت الباب وبتنادى على والدها  

سالى:استني بس ياهدى تعالى وشدتها لجوه وقفلت الباب 

هدى؛ايه فى ايه

سالى:اصبري خلينا نفكر الاول مع بعضنا هو انتى فكرك يعنى لما والدى يعرف هيسمى عليا ما هيكسر رقبتى 

وبعدين هنقول له ايه

هنقول له انى كنت طالعه مع شاب شقته عادى كده 

وهو هيستقبل الكلام عادى ويقعد يفكر معانا اكيد لا طبعا اقعدى

 بس

 امال انا متصله بيكى ليه عشان نفكر مع بعض مش عشان تيجى تقلبي الدنيا عليا 

هدى:ادينى قعدت هنفكر فى ايه 

سالى:مش عارفه بس الاول هعمل ايه مع الزفته اللى جايه تساومنى يا اما اشتغل عندها فى الشقه يا اما هتبلغ عنى وتسلم الفيديو للنيابه انا عارفه طلعتلى من أنهى دهيه دى انا ماشوفتش حد شافني خالص 

هدى:هو انتى وقتها هتكونى وعيه للى حواليكى 

سالى :على رايك دا انا كنت فى عالم غير العالم وما كنتش شايفه امامى

بس انا كنت بدافع عن شرفى ياهدى يعنى دفاع عن النفس صح ياهدى صح

هدى:هو صح بس انتى طلعتى معاه لحد شقته برضاكى يعنى انتى روحتى لحد شقته بنفسك ازاى هتقولى انك كنتى بتدفعى عن نفسك الكلام ده لو مش فى شقته او فى سبب معين لوجودك فى شقته 

سالى:تفتكرى .ما انا هحكى على حصل بظبط واكيد هيصدقونى 

هدى:بصراحه مش متأكده بس دى وجهة نظرى واكيد هيسألوا عن سبب منطقى لوجودك فى شقته وإثبات للسبب ده كمان 

 

سالى :يعنى ايه هيشنقونى ياهدى 

هدى:هى مش هتوصل للشنق بس الموضوع مش سهل دا قتل يا سالى عارفه يعنى ايه قتل

سالى:هو انا جيباكى تطمنيني ولا تخوفيني اكتر من الاول ونبى ياهدى تفكرى لى فى حل 

هدى:انتى معاكى نمرة الست دى 

سالى :اه ادتهانى بس ليه 

هدى:اكلمها استعطفها ولو حتى نديها فلوس ولا الغويشه الدهب اللى معاكى دى وتبقى تقولى ضاعت ولا اي حاجه المهم ناخد منها الفيديو ده ونضمن سكوتها 

سالى:تفتكرى هترضى دى ست شرانيه 

هدى:اهو نجرب يمكن توافق 

سالى اتصلت عليها وقالت خدى كلميها انتى انا مش قادره اكلمها

وفتحت الاسبيكر عشان تسمع

الست:الو

هدى :الو ايوه

الست:كويس انك اتصلتى علطول اكيد وفقتى انا كنت عارفه انك هتوافقى ماهو حبل المشنقه مش سهل بردو

هدى:انا مش سالى اللى معاكى انا صاحبتها احنا تحت امرك فى اللى تطلبيه بصي هى معاها غويشه دهب ايه رايك تاخديها وتدينا الفيديو وتسبيها فى حالها 

الست:انت عبيطه يابت ولا بتستعبطينى غويشة ايه وكلام فاضى ايه 

هدى:هنتصرف ليكى فى مبلغ معاها كمان حرام عليكى دى مستقبل بنت

 

الست:انا كنت فاكره أنها متصله عشان وفقت 

بس الظاهر انكم فكرنى بهرج معاكم 

بصى ياعسل انتى بقى 

 بلغيها أنها لو بكره ما جتش واستملت الشغل يبقى على اخر النهار هتلاقى النيابه عندها ويبقى مبروك عليها بقى حبل المشنقه وابقى خلى شرفها وقتها ينفعها 

سلام 

ولا بقولك ما تيجى انتى كمان معاها اهو حتى تشجعيها 

هدى:تصدقى انت ست سا*فله 

الست ضحكت ضحكة سخريه وقالت شهادتك دى وسام على صدرى سلام يأموره 

هدى بعد ما الخط اتقفل قالت لسالى ايه الست دى 

دى ست واط*يه 

سالى :انا هعمل ايه دلوقتى وبكره ايه اللى عوزانى اروح ليها استلم الشغل دا انا قتلته عشان احافظ على شرفى اروح ابيع نفسي وشرفى بايدى لا دا مستحيل 

ما تقولى حاجه ياهدى فكرى معايا هعمل ايه فى المصيبه دى

هدى:والله ما انا عارفه حاجه تحيير انا قولت هيطلع عندها شوية انسانيه بس واضح انها حيوانه 

بس انتى لازم تعرفى حتى والدتك ممكن يكون عندها حل 

سالى:حل ايه بس اللى هيكون عندها انا امى ممكن تقع من طولها اول ما نحكى ليها وممكن تروح مصوته وفضحانى

 وبعدين انتى كل اللى على لسانك اقول لاهلى اقول لاهلى انتى مستعجله على نهايتى 

هدى:مابصراحه كده الموضوع اكبر مننا وانا مش عارفه ايه اللى ممكن نعمله 

احنا كل اللى أمامنا حل من الاثنين يا اما هتروحى للست وتطوعيها 

يا اما نقوم محامى و تسلمي نفسك وتحكى كل اللى حصل بالتفصيل وانتى نصيبك بقى 

إنما أنا مش شايفه حل ثالث دا على قد تفكيرى 

سالى:طب انا لو سلمت نفسي هيصدقونى وهيسبونى 

هدى:والله بقى اللى يرد على السؤال ده حد يكون محامى 

سالى:خلاص ايه رايك نروح لمحامي ونحكي له كل حاجه وهو اللى يشور علينا وحتى نقول له اننا بنسأل لحد نعرفه مش لينا 

هدى:خلاص ماشي بس انت معاكى فلوس اكيد هيعوز فلوس للاستشاره القانونيه دى 

سالى:وده هيعوز كام راخر 

هدى:مش عارفه 

وهما بيتكلموا والدت سالى رجعت 

سالى :ماما شكلها رجعت وممكن تدخل علينا دلوقتى تفتكرى اقول ليها ولا ايه انا خايفه اوى 

هدى:انا من رأى تقولى ليها وتنبهي عليها ما تقولش لوالدك لحد ما نشوف صرفه 

سالى:تفتكرى هتسمعنا بهدوء ومش هتقول لوالدى انتى عارفه والدى عصبى ازاى دا ما بيتفهمش 

دخلت عليهم والدت سالى 

والدت سالى:ازيك ياهدى 

هدى:ازيك ياطنط

والدت سالى:ايه مالكم كده مش طالع ليكم حس دا حتى والد سالى مايعرفش ان هدى هنا وفكر ان سالى قاعده لوحدها

 فى حاجه ولا ايه

هدى:بصراحه اه ياطنط فى حاجه

والدت سالى :فى ايه 

هدى:سالى واقعه فى ورطه ومش عارفه تعمل ايه 

والدت سالى:وارطت ايه كفى الله الشر 

هدى:اوعدينا بس انك ما تقوليش لوالدها ونفكر مع بعض بعقل وهدوء

والدت سالى :طيب بس قولى فى ايه تعبتى اعصابى 

واول ما هدى حكت اللى حصل واول ما قالت إن جاسر مات ومن غير متسمع بقيت الموضوع وان فى ست شافت وصورت لسالى وبتساومها

والدت سالى صوتت.تابع

الجزء التالى