خادمة زوجي

حمل بدون هاويه

 

فى أحد عيادات أمراض نساء وتوليد

حامل انا حامل انت بتتكلم بجد يادكتور

الدكتور:هو الكلام ده فى هزار

- حامل ازاى يادكتور انت متأكد طب اكشف تانى اكيد تشخيصك غلط 

الدكتور:يابنتى انا بقالى ٢٠ سنه دكتور نساء وتوليد هغلط فى حاجه زى دى ازاى

- يادكتور حامل ازاى انت هتجننى طب اكتب لى على تحاليل عشان نتأكد انا هتجنن يا نهار اسود حامل طب ازاى

الدكتور:فى ايه يابنتى الزهول ده من الفرحه ولا ايه بظبط

- فرحه فرحة ايه يادكتور اعمل ايه انا دلوقتى وازاى ده حصل

حامل يالهوى

الدكتور؛يابنتى فى ايه هو انتى مش متجوزه ولا ايه هو الحمل ده نتيجة غلطه 

- لا متجوزه بس جوزى ميت بقاله ثلاث سنين وماحدش لمسنى من بعده ابقى حامل ازاى ازاى تقدر تفهمنى 

الدكتور:انتى ايه اللى بتقوليه ده دا مستحيل اكيد فى حاجه غلط 

بس اللى اقدر اقوله ان الرحم عندك مش بيقول كده خالص

- تقصد ايه يادكتور 

الدكتور اقصد اللى فهمتيه ان بيحصل جماع بينك وبين حد من فتره مش بعيده 

- يادكتور انت بتقول ايه لا طبعا مافيش حاجه زى كده انا انسانه محترمه وما أعملش حاجه تغضب ربنا ابدا 

ارجوك يادكتور اتأكد عيد الكشف عليا تانى ارجوك يادكتور

الدكتور:يابنتى انا متأكد ولو انتى مش مصدقانى روحى لألف دكتور غيري هيأكدوا كلامى وبعد اذنك اتفضلى عشان فى كشوفات منتظره بالخارج لو سامحتى

الدكتور نده الممرضه وقال ليها خدى المادم واعملى للمدام كارت متابعة حمل 

الممرضه:اتفضلى معايا يامدام

خرجت معاها وانا مش داريانه باللى حواليه ومش مصدقه كلام الدكتور وبسأل نفسي معقوله انا حامل فعلا  طب ازاى 

الممرضه اسم حضرتك سالى حسام الدين ؟

- هزيت راسي بايوه

الممرضه و سنك ٣٠سنه تمام 

وده اول حمل لحضرتك؟

 بردو هزيت راسي بايوه 

ورحت قايمه من قبل ما تكمل وسبتها ومشيت وهى بتنادي عليا يامدام يا استاذه دى مالها دى

وانا ماشيه بكلم نفسي حامل طب ازاى انا هتجنن هقول لخالتي ايه صحيح هى سنها صغير وقريب منى وكأننا أصحاب بس بردو الاسم خالتى وهقول لجوز خالتى ايه 

معقوله هيصدقوا انى معرفش انا حملت ازاى دا انا مش مصدقه ازاى هما هيصدقوا 

يعنى بعد ما اوونى فى بيتهم بعد وفاة والدى وبعديها والدتى ومابقاش ليا حد غيرهم افضح خالتى أمام جوزها وأهله انا خلاص مش قادره افكر حسه ان عقلي هيطير منى 

وانا ماشيه كنت معديه على كورنيش وقفت وبصيت للمياه وقولت لنفسي الظاهر ان موتى هو الحل للى انا فيه واموت وتموت معايا فضحتى 

وفضلت باصه للمياه وفكرة الانتحار مسيطره عليا بس منظر المياه وفكرة الموت حاجه مرعبه فوقتنى لنفسي وبينت لى ان انسانه جبانه وان الانتحار مش حاجه سهله 

ماقدرتش ارمى نفسي 

ورجعت سألت نفسي ازاى الحمل ده حصل ازاى وانا ماحدش لمسنى ازاى 

وفضلت الف فى الشارع زى المجنونه وخايفه اروح على البيت وخايفه من المواجهه بس حاجه جوايه قالت لى لازم تواجهى الأمر وان كان على الجنين نزليه

 ولما تعبت من كتر اللف لقتنى أمام البيت وطلعت على فوق

 وانا مش عارفه هقولهم على أمر حملى ولا هدارى ولو هدارى هدارى لحد امتى

 وفتحت الباب ودخلت كانت خالتى سلمى قاعده فى الصاله وجوز خالتى نايم 

سلمى خالتى :كنت فين ياسالى كل ده انت مش عارفه الساعه كام دلوقتى ازاى تفضلى بره لحد وقت متأخر زى كده

- مافيش كنت مخنوقه فقولت اتمشى شويه وماحستش بالوقت 

سلمى:مخنوقه من ايه

وبعدين مالك انتى كنتى بتبكي ولا ايه 

- ما اقدرتش امسك دمعتي وجريت اترميت في حضنها 

سلمى:في ايه ياسالى قلقتينى مالك 

-انا حامل ياسلمى حامل ازاى معرفش 

سلمى:حامل انتى بتهزرى 

-بهزر ايه ياريتني كنت بهزر ولا حتى بحلم بكبوس 

 انا كنت عند الدكتور دلوقتى واكد لى انى حامل اقفى جنبي ياسلمى 

سلمى:يا نهار اسود انتى بتتكلمى بجد حامل ازاى يادى الفضيحه هقول ايه لجوزى واهل جوزى لما يعرفوا يافضحتنا يالهوى يالهوى

-انا فكرت انتحر قبل ما ارجع عشان أرحمك من الفضيحه بس طلعت جبانه وما قدرتش انا خايفه ياسلمى ومش فاهمه حاجه 

سلمى:انتحار ايه بس هو الانتحار هيحل المصيبه دى ولا هيمنع الفضيحه دا هيزودها 

وده حصل ازاى ياست سالى سلمتى نفسك لمين قولى لى عشان اروح ليه يمكن يطلع عنده ضمير ويلم الفضيحه دى

-هتصدقينى لو قولتلك معرفش انا ماحدش لمسنى من بعد جوزى الله يرحمه

سلمى:انتى عبيطه يابت ولا بتستعبطينى ايه حملتى حمل شيطانى انت لسه بتدارى على اللى اتسبب فى الفضيحه دى 

اتكلمى ياسالى اتكلمى لازم تقولى مين اللى عمل كده 

-والله مابداري ولا زفت انا فعلا زى مابقولك ما اعرفش ده حصل ازاى انا كل اللى عوزاه منك دلوقتى انك ماتجبيش سيره خالص عن موضوع حملى ده وتشوفى لى دكتور يرضى ينزل الحمل ده من غير ما حد يدرى بشيء 

سلمى:وحامل فى الشهر الكام ان شاء الله 

-الدكتور بيقول فى اخر الشهر الثالث

سلمى:كل ده وانتى مش حاسه ازاى 

-يعنى انا كان هيجى فى بالى ازاى انى حامل انا كنت فاكره ان القولون عندى تعبان وهى دى حاجه تخطر على بالى دا انا لحد دلوقتى لسه مش مصدقه انى حامل 

سلمى:وانتى فاكره ان بعد ما بقى حملك فى الرابع 

 سهل انك تنزليه دا ممكن يبقى فى خطوره عليكى وتروحى فيها

-خطوره خطوره اهو حتى ارتاح ارجوكى ياسلمى ساعديني 

سلمى:حاضر حاضر انا عارفه دكتوره كويسه من الدكاتره الكتير اللى متابعه عندهم عشان احمل ما انتى عارفه انا بقالى اربع سنين متجوزه وربنا مارزقنيش باطفال 

-ربنا يرزقك ياسلمى ماكنش يبقى انتى اللى حامل وكان زمانك طايره من الفرحه بدل المصيبه اللى انا فيها دى

سلمى:ياريت ياسالى ياريت 

وسكتت سلمى شويه وكأنها بتفكر ....

ورجعت قالت ايه رايك ياسالى بدل ما تموتى روح تكملى حملك وانا هقول انى حامل بالاتفاق مع جوزى ووقت الولاده نسافر تولدى فى اى بلد ونرجع ولا حد هيعرف واخد انا الطفل اكتبه بأسمى واسم جوزى ويتربى فى وسطينه ايه رايك

 

-انتى ايه الكلام اللى بتقوليه ده يا سالى انتى اتجننتى لا الطفل ده لازم ينزل دا ابن حرام ازاى اسيبه يجي للدنيا واخليه يتكتب بأسم ام مش امه ولا اب هو ابوه انا كده كده هنزله بس كل اللى نفسي اعرفه ازاى الحمل ده حصل ومن مين بس الاول اخلص من الحمل ده قبل ما بطنى تكبر اكتر من كده ويتفضح الأمر 

سلمى:يابنتى اسمعى كلامى دى فرصه وجت لحد عندنا انتى هتخلصى من فضحتك من غير ما تموتى روح دا ابنك هتموتى ابنك وانا إبان أمام اهل جوزى انى خلفت ويبطلوا يزنوا عليه انه يتجوز عليا وانا متأكده ان جوزى مش هيمانع لانه بيحبنى وهيسمع كلامى

-بقولك ايه بلاش الكلام الفارغ ده وكلمى الدكتوره احجزى عندها خلينى اخلص من المصيبه دى 

سلمى:اكلم مين دلوقتى الوقت متأخر ادخلى نامى دلوقتى وفكرى فى كلامى صدقينى لوفكرتى بهدوء هتلاقى ان كلامى اللى بتقولى عليه فارغ هو انسب حل للمصيبه دى 

-دخلت غرفتى وانا كلام سلمى خالتى بيرن فى ودانى وانى ازاى فعلا هيهون عليا اقتل ابنى بأيدى دى بردوا مهما كان روح وأذن ربنا أنها تتخلق ذنبها ايه تموت قبل ما تخرج للدنيا ما اكمل حمل ويخرج يتربى بينا و أمام عينى ويتكتب بأسمهم وخلاص

 وارجع اغير تفكرى ايه اللى بفكر فيه ده انا اتجننت لا طبعا احسن له مايخرجش للدنيا اصلا يخرج ليها ليه من حلاوتها وذنبه ايه يكون ابن حرام ويتكتب باسم ام مش امه ولا اب ابوه لا طبعا لا 

وشويه طب انا حملت ازاى مين اللى عمل فيا كده 

وفضلت اعيد كل لحظه قضتها من شهور وكل مكان رحته وكل حته قعدت فيها لحد ما بقيت هتجنن 

ومره اقول لنفسي يمكن لما بيت يوم عند صاحبتى بس ازاى ومين

 ممكن يكون حسام اخو صاحبتى خدرنى وانا نايمه بس دا اخته كانت معايا فى نفس الغرفه و اخته أكدت لى وقتها انه مسافر ومش راجع الا بعدها بيوم وعشان كده طلبت منى ابات معاها عشان خايفه تنام وحدها واخوها مسافر وابوها وامها شغالين بره البلد وهما قاعدين هنا عشان الجامعه 

وكمان فكره ان اخته قفلت الباب من جوه قبل ما ننام عشان ابقى متطمنه لا اخوها حسام يرجع فجأه ولا حاجه

 لا لا بس دا صحبتى واخوها حسام متربين ومايعملوش كده

 

ولا يمكن وقت ما كنت مسافره مع أصدقائي فى الرحله اللى قعدناها اسبوع بره البيت بس دا كنا نايمين كل بنتين فى غرفه وقافلين على نفسينا امال ايه طيب

وفضلت طب يمكن كذا طب يمكن كذا لما بيقت هتجنن ومش قادره اوصل لحاجه 

المشكله انى كنت ببيت كتير برا البيت كنت بحاول من وقت للتانى افسح مجال لخالتي وجوز خالتى يقعدوا لوحدهم من وقت للتانى بدل ما انا كتمه على نفسهم كده على طول بردو الواحد والواحده بيحبوا يكونوا لوحدهم شويه فكنت بتلكك لأى رحله فيها بيات بره او اى صاحبه تعزم عليا انى ابات معاها عشان بايته لوحدها

 وبقيت تقول يمكن وقت كذا يمكن وانا عند كذا لما التفكير اجهدنى تماما ونمت دون أن أشعر والدموع تملئ عينى 

ولم استيقظ الا على صوت زوج خالتى العالى وهو بيزعق لخالتي ويقول لها اخلصي بقى خلينى اغور لشغلى انتى عاوزه تجنينى وبعد ده كله تضيعى كل اللى عملناه على الفاضي انتى لازم تشوفى صرفه يا اما انتى حره بقى وانتى فهمانى طبعا سلام وسبها ومشي 

خرجت وانا مرعوبه يكون سلمى فضحت امرى وحكت ليه وان يكون الكلام ده كله عنى وان الصرفه اللى جوز خالتى عاوزاها تتصرفها هى موضوع حملى او انهم يطردونى من البيت

قربت من سلمى وهى بتبكى 

-فى ايه يا سلمى مالك جوزك كان بيصرخ فيكى ليه هو انتى قولتى له عن موضوع حملى

سلمى:لا طبعا يا سالى الكلام مش عنك خالص 

-امال عن ايه 

سلمى:ما تشغليش بالك ياسالى وسبينى دلوقتى انا مش قادره اتكلم

-مالك ياسلمى احنا مالناش غير بعض ان ما كنتيش تحكى لي هتحكى لمين 

سلمى:اصل مافيش جديد هو هو الموضوع اللى منكد علينا حياتنا 

من وقت ما اتجوزنا 

اهله عاوزينه يتجوز عليا عشان يخلف وبيقول لى هو مش قادر على زنهم والحاحهم وبعدين والده هدده انه هيحرمه من ورثه لو ما سمعش كلامه واتجوز عليا وخلف قبل ما يموت

 وانتى عارفه ان كل تجارة والده هو اللى تعبان وشقيان فيها وخايف لا كل التعب اللى تعبه فى تجارة والده اللى كبرت على كتافه يروح على الفاضي 

-طب وانتى ايه بايدك تعمليه دى حاجه بتاعت ربنا 

سلمى:بيقول لى ان أوافق انه يتجوز بس انا اموت ولا انى أوافق على جوازه من حد تانى 

-مش عارفه اقول ليكى ايه 

سلمى:قولى لى انك وافقتى على انك تكملى حملك زى ما قولتلك وننفذ خطتنا صدقينى هو ده الحل لكل مشاكلنا صدقينى ياسالى 

-بس ياسلمى 

 بصراحه انا فضلت افكر طول الليل فى الموضوع واستقريت ان انزله دا ابن حرام وابوه مش معروف ليه اسيبه يجي للدنيا ويتكتب باسم اب وام مش حقيقيين لا انا ابقى كده ظلمته من ظلمى ليه لو نزلته 

ولو انتى مش هتساعدينى وتشوفى لى دكتور يرضى ينزله هشوف انا 

سلمى:لا ما اساعدكيش ازاى وانتى حره القرار قرارك

شويه كده اكلم الدكتوره واحجز ميعاد ونروح 

-انا اسفه يا سلمى انا كان نفسي اساعدك بس القرار مش سهل عليا 

سلمى:ولا يهمك انا طول عمرى بختي مايل هتضطر اسيبه يتجوز 

امرى لله حظى كده

بعد كام ساعه دخلت سلمى عليا وقالت انا كلمت الدكتوره وحجزت الميعاد الساعه ٦

-تمام ربنا يستر 

...

فى العياده

الدكتوره وهى بتكشف عليا 

الدكتوره:ما الجنين كويس اهو وما فهوش اللى يستدعي انك تنزليه

-ظروف يادكتوره نصيبه كده

الدكتوره:بس دا حرام يابنتى مادام مافيش اسباب طبيه تستدعي كده

-يا دكتوره انا اللى حامل وانا اللى قرر اللى عاوزاه

الدكتوره:طيب طيب ما تزعليش كده انا لازم افهمك

وسكتت الدكتوره وكملت كشف وبعد ما خلصت سابتنى وراحت قعدت على كرسي المكتب 

قومت وروحت قعدت فى الكرسي اللى أمام المكتب وسلمى أمامى

سلمى:ها يا دكتوره هتخش غرفة العمليات دلوقتى ولا فى ميعاد تانى 

الدكتوره :ولا دلوقتى ولا فى ميعاد تانى

-يعنى ايه يادكتوره انا مش فاهمه انا عاوزة اخلص من اللى فى بطنى ده فى اسرع وقت

الدكتوره:تنزيل الجنين ده فى خطر كبير عليكى وممكن يحدث ليكى نزيف يقضي على حياتك 

-يعنى ايه يادكتوره بس مش مشكله اموت اموت مش فرقه كتير يالا يادكتوره انا جهزه

الدكتوره :اسفه لو عاوزه تنتحري انتحري بعيد عنى انا قولتلك رأى الطب وهو ده اللى عندى 

-يعنى ايه مافيش فايده ارجوكى يادكتوره شوفى لى اى حل 

الدكتوره :يابنتى ربك رايد ليه انه يشوف الدنيا سبيه وحياته ورزقه على اللى خلقه 

-قومت وقفت يالا ياسلمى الدكتوره بينها مش عاوزه تشوف شغلها ولايمكن مش عارفه 

سلمى يالا ياسالى 

بعد ما خرجنا بره سلمى ثوانى ياسالى هدخل اسألها على حاجه خاصه بحالتى وهرجعلك لحسن اتلهيت فى موضوعك ونسيت اسألها 

-يابنتى شوفى ليكى دكتوره غيرها دى باين عليها دكتوره خايبه

سلمى:انا لسه هشوف غيرها دقيقه وهرجعلك 

دخلت سلمى ودقيقتين وخرجت يالا يا سالى

سلمى واحنا ماشيين شوفتى بقى ربنا عاوز لابنك الحياه خلاص بقى ياسالى اسمعى كلامى ياعنى كويس لما نروح لدكتور وعشان الفلوس يوافق يسقطك وتموتى تحت ايده وتروحى لربنا وانتى شايله ذنب انك موتى وانتى بتموت روح

-سكت وفضلت افكر ومحتاره ومش عارفه اعمل ايه 

بس فى الاخر بصراحه اقتنعت بكلامها رغم انى عارفه انها بصه لمصلحتها هى اكتر منى بس هعمل ايه ده أفضل حل ممكن يخلى الموضوع يعدى واهو هيكون أمام عينى ومتكوب باسم ام وأب فوفقت 

بس الغريبه ان فعلا جوزها ما منعش زى ما سلمى قالت وكان كل اللى همه ان يكون فى طفل بأسمه وأهله يعتقدوا انه خلف فعلا عشان يورث وكمان يبطلوا زن على دماغه وده لفت نظرى لحاجه كنت مستبعدها حتى لما كانت بتيجى على بالى للحظات آثار الشك عندى فى جوز خالتى وقولت معقوله فى واحد يوافق يكتب طفل مش من صلبه بأسمه اكيد فى حاجه انا مش فهماها 

وخطر على بالى ان يكون هو اللى عمل فيا كده وقررت اراقبهم واتصنت عليهم عشان اتأكد قبل ما انطق بكلمه واحده 

انا عارفه انى من اول جزء حكيته من حكايتى كلكم شكيتوا في جوز خالتى ويمكن معظكم كان بيقول ايه البنت اللى على نيتها دى دى واضحه خالص بس انا صعب ان اشك بالسهوله دى لان جوز خالتى عشان يعمل كده لازم يكون متفق مع خالتى معقوله اخت امى توافق ان جوزها ينام معايا

 بس الظاهر ان كل شيء فى الزمن ده بقى ممكن عشان المصلحه الشخصيه بس بردوا خلينا مع بعض للآخر وبلاش نتسرع فى الحكم لان انا زى ما قولت ليكم انى كنت ببيت بره البيت كتير وخاصة مع صاحبتى اخت حسام وصاحبات كتير ليهم اخوات شباب واللى انا شكي بدا يتجه نحوه حسام اكتر واحد لان كل ما افتكر المرات اللى بيت فيها عند اخته واللى كنت بتفاجىء ديما انه بيجى قبل ميعاده اللى اخته بتقول لي عليه انه هيرجع فيه وكان ديما يرجع البيت تانى يوم بعد بياتى مع اخته اخر النهار والله واعلم ايه اللى ممكن يكون حصل وهقول ليكم المفاجأه اللى عرفتها وماردتش اعرف خالتى وجوز خالتى بيها عشان ما يرجعش جوز خالتى عن قراره اللى اخدوه بخصوص كتابة طفلى باسمهم

بعد ماقررت انى اراقبهم واتصنت عليهم

فى مره وانا بتصنت عليهم سمعت جوز خالتى وهو بيتكلم معاها 

اسمعوا الحوار واحكمه 

سلمى :خلاص ياحبيبى استريحت لما نفذت اللى فى دماغك وادى ياسيدى هيبقى ليك طفل باسمك خلاص خلصنا

جوز خالتى :بس كان نفسي يكون .....

سلمى :يكون ايه تانى ايه انت هتحمرق ولا ايه 

جوز خالتى:لا احمرق ايه دا انا ماصدقت 

سلمى:وادينى ضحيت ببنت اختى عشان ارضيك عارف لو جبت لى سيرة جوازك تانى هدبحك انت فاهم

انا سمعت الكلام وبقيت هتجنن لدرجة انى كنت بفكر اروح المطبخ واجيب سكينه واضربها فى قلبهم هما الاثنين بس لما سمعت بقيت الحوار تفكيري اتغير بعض الشيء 

جوز خالتى :انتى محسسانى انى نمت معاها اشحال ان كل شيء على يدك 

سلمى:وانت عاوز تنام معاها كمان يا ابو عين زايغه ايه البنت احلوت فى عينك 

جوز خالتى:احلوت فى عينى ايه هو انا لمستها ما انتى اللى كنتى بتعملى كل حاجه وكنتى بتدخلى تخدريها وتحقنيها بالسائل المنوى الخاص بى فى ثوانى قبل ما تموت الحيوانات المنويه وكنتى بترجعي تقفلى عليها الباب بالمفتاح لحد ما تقرب تفوق وتفتحى الباب قبل ما تصحه بنفسك بصراحه انا ما كنتش مقتنع ان الامر ممكن ينجح كده 

سلمى :ايوه كنت لازم ااقفل عليها لحد ما تفوق انا ايش عرفنى انت ممكن تفكر تعمل ايه 

يعنى انت عاوز تفهمنى ان الحاحك انك تنام معاها ده عشان خايف لأمر الحمل ما ينجحش بالطريقه دى ان عشان الحمل بس ولا..

انا سمعت كده وافتكرت كلام الدكتور لما قال لى ان الرحم عندك بيقول غيركده وان فى حد بيقوم بعلاقه كامله معايا يبقى لسه فى جزء فى الحكايه ناقص ياترى ايه هو.تابع

الجزء الثانى