الجزء الثالث من العفريت الوسيم

 

حنين:طب استريحوا الأول والبنات تدخل تجهز حاجه تكلوها 

هما :لا احنا داخلين نلبس المايوهات احنا واكلين اسناكس واحنا فى الطريق 

ودخلوا يلبسوا 

حماده قال لحنين انا عاوز اروح انزل معاكم البحر وطيف قالت وانا كمان 

وحنين قالت انا كنت هقعد اجهز ليهم اكل بس عشان خاطرك يا طيف هنزل معاكم ويارتها ماوفقت

دخلت غيرت حنين ولبست لبس البحر 

واخدت طيف فى ايدها وحماده معاها وخرجوا كلهم 

وفضلت حنين تلعب مع حنين وحماده على الشاطيء فى اول المياه وباقى الشله اول ما شافوا البحر دخلوا البحر كلهم وتعمقوا فيه قليلا 

وشويه وحازم اتجه لحنين وقال ليها ايه هتقضي الوقت كله معاهم وانا ماليش شويه 

حنين:طب ما تخليك معانا هنا فى بداية البحر 

حازم:هنا فين يا حنين انتى بتهزرى بقولك ندخل نعوم شويه مع بعض 

حنين:اخاف اسيبهم لوحدهم وخصوصا طيف لحسن تدخل المياه والمياه تسحبها ولا حاجه

حازم:انتى خلفتيها ونسيتها خليها مع اخوها بره المياه 

حماده خد اختك واطلع بره المياه العبوا على الرمل شويه عشان هاخد منكم حنين شويه 

حماده اخد اخته وخرجوا وقعدوا على الرمل وظلوا يلعبوا 

وحازم مسك حنين من ايدها ودخل بيها البحر وظلوا يلهوا ويمرحوا ويسبحوا ويتسابقوا واتلهت حنين معهم تماما

وشويه حماده عاز يدخل الحمام فنبه على طيف انها تظل تلعب فى مكانها ولا تتحرك حتى يعود من الحمام وتركها وذهب 

ولكنه بعد أن عاد نظر مكان ما تركها لم يجدها ظل يبحث عنها بالقرب من المكان الذي تركها فيه فلم يجدها بدا يبكى وينده عليها حتى لاحظ احد الاشخاص كان جالسا بعيد عن المكان قليلا خوفه ولهفته وانه يبحث وينادى على بنت ضائعه منه فسأله انت بتدور على بنت صغيره 

حماده:اه اختى طيف كنت سايبها قاعده هنا 

الشخص:انا كنت قاعد بعيد شويه ولحظت ان فى شخص اقترب من بنت صغير كانت جالسه هنا وبص يمين وشمال ما وجدش حد معاها اخذها رغم أنها ما كنتش راضيه تمشي معاه بس انا اقولك يمكن حد يعرفها وهى عاوزه تقعد شويه ولا حاجه تعالا نلحقه هو لسه ماشي من هنا 

حماده اول ما الشخص شاور ليه جرى أمامه والشخص راح وراه وفعلا شافوا الشخص اللى اخذ طيف بس كانوا بعاد عنه وطيف عماله تعافر وهو شايله ورايح ناحية سياره 

وضع الشخص طيف فى السياره وأغلق الباب عليها اسرع حماده والشخص ليلحقوا به قبل أن يتحرك ولكن بمجرد اقترابهم من السياره قد فر الشخص هاربا بالسياره 

فحفظ الشخص الذي مع حماده رقم السياره وحماده سقط على الأرض وظل يصرخ ويبكى على طيف 

فقال له الشخص انتوا أهلكم فين لازم دلوقتى نلحق نبلغ الشرطه ونعرف مين صاحب السياره دى 

قام حماده من على الأرض وعاد آلة الشاطيء وظل يشاور وينده على حنين ومن معها 

لاحظ احد البنات التى من شلة حنين وذهبت لحنين تنبها بأن حماده ينادي عليها 

خرجت حنين مسرعه وحازم خلفها وهو متضايق ويقول انا عارف طلعوا لينا من أنهى دهيه دول 

وصلت حنين واول ما اقتربت وشاهدته يبكى 

قالت له وهى فى لهفه أين طيف 

حماده:شخص اخدها وانا فى الحمام ووضعها فى سيارته وهرب

حنين :ازاى تسبها لوحدها

الشخص الذى كان مع حماده :مش واقته يا استاذه انا اخدت رقم سيارته ولازم نلحق نبلغ الشرطه بسرعه عشان ننقذ البنت قبل ما يعملوا فيها اى حاجه

كان قد وصل حازم إليهم وهو يقول فى ايه ايه اللى حصل 

حنين:طيف اتخطفت يا حازم قولتلك خلينا معاهم هنا

حازم:وهو انا كنت اعرف ان الحرامى واقف على الشاطيء 

الشخص:بقول لحضرتك لازم نبلغ دلوقتى حالا 

اصل انا كنت سمعت عن قصه كده خايف لتكون اللى خطفها عشان كده 

حنين :طب اتفضل معانا نشوف أقرب قسم نبلغ وتفهمني حكاية ايه دى 

الشخص:اصل سمعت ان فى عصابه هنا مكونه من كام فرد بيخطفوا البنات الصغيره وبيعطوها لاشخاص متخصصه فى فتح مقابر الفراعنه للاستيلاء على الآثار 

حنين:هما تخصص ايه بظبط متأخره فى الأطفال المخطوفه ولا فى الآثار 

الشخص :فى الآثار بس المشكله انهم معتقدين ان لازم يقدموا طفله قربان للجن عشان الجن يتركهم يفتحوا المقبره ويأخذوا محتوياته

حنين:ينهر اسود هة فى ناس كده يا حبيبتى ياطيف 

حماده:يعنى هيموتوا طيف اختى وظل يبكى 

حازم:ما تقلقوش ان شاء الله هنلاقيها وهتكون بخير 

حنين:يارتنى ما سبتك ياطيف يارتنى ما كنت وافقت على خروجك اصلا 

وصلوا إلى القسم وعملوا محضر بما حدث واخذوا رقم السياره

وقالوا هنكشف عنها بس على الله ما تكنش سياره مسروقه 

والظابط قال لحنين انتى والدتها 

حنين سكتت شويه و قالت لا بس زى والدتها والدتها متوفيه 

طب والدها فين 

حنين:برضو متوفى 

الظابط بعد ما اخذ كل البيانات :طلب صوره لطيف يرفقها بالمحضر 

حنين قالت له للأسف مافيش صوره ليها ورجعت سألت حماده معاك صوره لطيف قال ليه لا 

الظابط :طب احنا هنبعت نكشف عن صاحب السياره ونتأكد ان 

ما فيش بلاغ بسرقة سياره بالبيانات دى 

اتفضلوا حضراتكم واحنا هنقوم بالازم 

حنين؛بس نرجوا ان يكون فى اسرع وقت عشان نصل للبنت قبل ما يحدث ليها اي مكروه 

الظابط:اكيد طبعا 

ولسه خارجين افتكر حماده ان طيف طلبت منه انه يصورها بتليفون حنين وقت ما اخدوه يلعبوا بيه 

حماده:ايوه افتكرت فى صوره كنت صورتها لطيف على تليفونك 

حنين أدخلت على الصور وفعلا وجدت صوره لحنين 

أخبرت الظابط بأنها لديها صوره لها على التليفون فطلب منها إرسالها له على تليفونه وهو هيتصرف 

وخرجوا من القسم وحماده مازال يبكى هو احنا هنسيب اختى طيف ونرجع من غيرها انا عاوز اختى 

حازم؛طب احنا بأيدينا ايه يا حماده كا احنا بلغنا القسم وهما اكيد هيتصرفوا 

حنين:بس انا كلام الاستاذ خوفنى على طيف وفعلا ماينفعش نفضل منتظرين كده احنا لازم نشوف اى تصرف تانى 

حازم:ايه اللى ممكن نعمله يعنى 

الشخص :كان لسه راجع معاهم وقال ليهم انا اعرف حد هنا يعتبر مسؤول عن المكان ممكن يقدر يساعدكم بس انا هدلكم على مكانه وهسبكم انا كفايه كده انا جيت معاكم بس عشان البنت صعبانه عليا وحبيت اساعد إنما أنا مش هروح المكان اللى فيه الشخص ده عشان مكان خطر

حنين:كتر خيرك ادينا عنوانه بس واسمه واحنا هنروح 

حازم:نروح فين انتى مش سامعه انه قال انه مكان خطر 

حنين:تفتكر حياة طفله ما تستهلش اننا نخاطر عشانها 

انا هروح والله حابب تيجى معايا وماتسبنيش اروح مكان زى ده لوحدى يبقى اشكرك مش حابب انت حر 

حازم:انتى مصممه ياحنين

حنين:ايوه مصممه

حازم:امرى لله لما اشوف أخرت ده كله 

قولى يا استاذ مين ده اللى ادتنا اسمه وعنوانه وشغال ايه بظبط 

الشخص:دا حاجه زى ما بيقولوا كده إمبراطور المنطقه مافيش حاجه ممكن تحصل الا بعلمه هو غالى شويه فى اللى بيطلبه بس مضمون 

حنين:تمام

وفعلا حنين اخدت بيانات الشخص ده وراحت هى وحازم وشاب اخر قرر يذهب معاهم وحماده صمم ان يذهب معاهم 

ويدوب وصلوا للمكان 

والخوف ملىء قلوبهم لدرجة ان حازم قال لحنين يا بنتى تفتكرى فى حد فى المكان ده ممكن يساعد دا مكان واضح عليه انه خطر 

حنين:مالك يا حازم خايف من ايه المفروض اكون انا اللى خايفه 

وبعدين دا احنا جيين قصدينهم فى مصلحه

حازم؛انا مش خايف على نفسي انا خايف عليكى انتى دا مكان شكله لبش واحنا اللى جيين ليه بنفسنا 

وبعدين افرضى هما اللى وراء خطف البنت ساعتها هيعملوا معانا ايه 

حنين:ياريت يكونوا هما اللى خطفنها على الاقل نتطمن عليها ونشوف ايه طلبتهم ونديها ليهم 

ولسه حازم هيرد عليها وفجأه كان حواليهم شخصين حاجه كده مفتولة العضلات 

حنين اتفاجاة بيهم وارتمت فى حضن حازم ورجعت ركزت وجمعت قواها وهما كمان تماسكوا بس ماكنوش قادرين يتكلموا من منظرهم ومنظر المكان المرعب

الشخصين مين انتوا وايه اللى جبكم هنا

حازم حاول يتماسك :احنا احنا 

شخص منهم بزعيق:انتوا مين 

حازم:احنا جايين ليكم فى خدمه واللى تطلبوا 

شخص منهم:ومين اللى دلكم على هنا انطقوا

حنين في ايه حضرتك بتزعق فينا كده ليه حد حب يخدمنا لما شافنا وقعين فى المصيبه دى فقال مافيش غير عير ايه 

اسمه ايه

حازم:الإمبراطور

حنين:اه الإمبراطور 

قاب لينا مافيش غيره اللى هيقدر يخلص لينا الموضوع ده 

الشخصين:موضوع ايه ده اللى عاوزين الإمبراطور فيه

حنين:بنتى اتخطفت 

الشخصين بزعيق ومين اللى قال اننا بنخطف عيال انتوا اتجننتوا جيين لحد الإمبراطور عشان تقولوا ليه انه خطف طفله 

حازم:ومين قال كده احنا جيين عشان هو الوحيد اللى يقدر يساعدنا فى رجوعها من اللى خطافها لان احنا عرفنا انه كبير المنطقه هنا وماحدش يقدر يعمل كبيره ولا صغيره الا بعد اذنه 

احد الشخصين قال للاخر فتشهم

بدا الشخص الاخر يفتش حازم وصديقه وبعد أن انتهى اتجه لحنين ليفتشها 

حازم لا ما ينفعش تفتش دى 

الشخص ماشي ونده بنت يا سيكه تعالى يابت فتشي الانسه دى

سيكه: كله تمام 

الشخصين:

امشوا أمامنا 

ودخلوا لشخص قاعد على كرسي وحاوليه صبيانه اللى بيخدموا عليه

الامبراطور:مين دول يالا انت وهو وعاوزين ايه

احدهم:دول عاوزينك فى مصلحه يا كبير 

الامبراطور:وشوفت بطايقهم يالا 

احدهم:لا لسه ياكبير 

الامبراطور:طلعوا بطايقكم 

حازم خرج بطاقته واخد من صديقه اللى معاهم بطاقته

وحنين قالت انا ماعيش بطاقه 

الإمبراطور:ولله يهمك ياجميل

حازم:وايه لازمته داه كله احنا جايين فى مصلحه وعرفنا ان ما فيش غيرك اللى يقدر يخلصها

الامبراطور:انت متسألش هنا وكمان الرد على قد السؤال والطلب

حازم لسه هيقول احنا فى مدرسه ولا فى قسم ولا ايه 

الامبراطور: انت سامع 

حازم:سامع 

الإمبراطور:ولا يا حنكش شوف البطايق بتاعتهم ليكون حد منهم مدسوس علينا من الحكومه يالا

حنكش:لا يا كبير كله تمام 

الامبراطور:ايه المصلحه والكلام يكون فى الملخص 

حازم:ايه الملخص ده

الامبراطور:يعنى ادخل فى الموضوع بأختصار 

حازم:من الاخر كده احنا لينا طفله مخطوفه وأهل الخير دلونا انك الوحيد اللى تقدر تساعدنا وتخلص الموضوع ده وطبعا كله بتمنه واحنا من غير ما تفهم غلط كده عارفين انك ما بتحطفش عيال بس انت اللى تقدر ترجعهم لو حصل واتخطفوا 

الامبراطور:طب انت عارف من الاول كده اتعابى كام قبل اى تفاصيل 

حنين:احنا المهم عندنا البنت ترجع قبل ما يحدث ليها اى ضرر اصل بصراحه كده يامعلم سمعنا ان ممكن يكون حد خطفها عشان يوردها لشخص بيفتح مقابر عشان الآثار والكلام ده وانه بيقدمها كقربان للجن حارس المقبره 

الامبراطور:من الاخر كده انا باخد ٢٠٠ الف وكاش قبل تسليم البنت بمجرد انى ابلغكم ان وصلنا للبنت يكون المبلغ عندى وتدونى عنوانكم وفى نفس اليوم هتلقوها دخله عليكم 

حازم:كتير او يا معلم 

الامبراطور :يبقى طلبكم مش عندى 

حنين:خلاص انا موافقه بس ارجوك اتصرف بسرعه 

الامبراطور :تمام قولوا لى بقى التفاصيل يعنى اسم البنت وصورتها وعندها كام سنه واتخطفت منين بظبط وهل حد منكم شاف اللى خطفها اى معلومه عندكم قولوا لى عليها 

وبعد ما اخد كل حاجه 

الامبراطور:ولا يا كوله 

كوله:ايوه يا كبير 

الامبراطور :خد صورة البنت دى والبيانات دى وخد اجراءاتك بسرعه كده وتيجى لى بالخبر الأكيد 

حنين:واحنا معانا رقم السياره اللى ركبها الشخص ده 

الامبراطور:معلش اصلك ماتعرفيش الكار كويس مافيش اي عمليه بتتعمل تكون بسيارة الا مسروقه يعنى رقمها ولا له لازمه 

حنين:انا قولت يمكن يفيد بحاجه 

الامبراطور :يالا يالا ياكوله انا منتظر الرد 

كوله:ماشي ياكبير 

الامبراطور :طب اتكلوا انتوا وسيبوا عنوانكم وتليفونكم وانا هكلمكم 

حنين:احنا هنستنى يا معلم 

الامبراطور:لا معلش امشوا انتوا وسيبوني اشوف شغلى

مشيوا 

اخر اليوم اتصل عليهم الامبراطور وقال .تايع

الجزء الرابع