غرام عاجز

هو انا مش اخوكم ولا ايه انتوا ليه بتعاملونى كده اكمني عاجز

 ولا اكمنى من ام تانيه 

حرام عليكم دا انا بابا وصاكم عليا عشان ماليش غيركم من بعد ما امى ماتت 

معقوله بعد ما بابا يموت  تعملوا فى وصيته ليكم كده دا حتى لو من غير وصية بابا ليكم  دا انا اخوكم 

رد عماد الاخ الاكبر  عليه وقال مش هو راح كتب ليك انت النصيب الأكبر من الميراث وبيقول انه كده بيحميك

 خلاص خلى الميراث ينفعك بقى ياعم حازم ومش هو كتب ليك الشقه دى ادينا سيبينها ليك وماشين ومش راجعين ليها تانى  اشبع بيها 

حازم:ارجوكم ما تسبونيش انا ما اقدرش اعيش لوحدى حرام عليكم طب حتى استنوا لما الخادمه ترجع كلها كام يوم وابنها يخرج من المستشفى وترجع حرام عليكم انتوا عارفين كويس اوى انى ما بعرفش اخدم نفسي بنفسي بسبب عجز قدمى 

اختهم سالى:انا هستنى معاه الكام يوم دول حرام نسيبه كده 

كامل اخ اخر:ايه صعبان عليكى اوى ولا بتتقربي ليه يمكن يتنازل ليكى عن اى حاجه من اللى بابا كتبها بأسمه قعدتك معاه يعنى عدوتك لينا كلنا 

والله عاوزنا نرضى عنه ونقعد معاه يتنازل عن كل الميراث اللى اتكتب بأسمه واحنا نبقى نديه اللى يعيشه 

دى فلوس ابونا وامنا 

هما اللى عملوها مع بعض امه جت دخلت حياتنا وعاشت فى خيرنا على الجاهز وبعد ده كله تاخد انت النصيب الأكبر من الميراث دا بعدك

 خليك هنا لو حدك وامشي يا سالى معانا احسن ليك يالا

سالى:طيب طيب 

حازم:يعنى لو اتنزلت ليكم عن الميراث هتفضلوا معايا علطول توعدوني بكده 

كلهم نظروا لبعض و فى فم واحد اه نوعدك طبعا امال ايه 

حازم:خلاص وانا هعمل كده المهم ماتبعدوش عنى ارجوكم 

انا ماليش غيركم فى الدنيا دى 

عماد:تمام اوى كده 

انزل يا كمال شوف اى مكتب محامى قريب هات منه محامى يكتب لينا صيغة تنازل وحازم يمضي عليها وساعتها هنشيلوه فى عنينا

نزل كمال واحضر محامى وقعد كتب ليهم صيغة التنازل عن كل ما ورثه حازم 

وبعد أن انتهى من كتابته اعطاه لهم فأعطوه لحازم ليوقع عليه 

واخذه حازم ليوقعه ولكن فجأه سمع صوت يقول له انت بتعمل ايه ياحازم بتوقع على ايه

فرفع حازم يده عن التوقيع ونظر لمن يتحدث 

ونظر الجميع لمن يتحدث وسألوه انت مين انت وعاوز ايه 

الشخص:انا موكلنى والدكم انى اراعى شئون حازم وانفذ له طلباته ولازم اعرف اى خطوه هيعملها قبل تنفيذها 

عماد:ليه هو حازم طفل صغير عشان تكون واصي عليه ولا وكيل له زي ما بتقول 

الشخص:والله بقى دا تسأل فيه والدكم الله يرحمه 

إنما أنا اتوكلت بأمر واتكتب بينا عقد ودى صورته وانا باخد اجر شهرى مقابل ده وفى محامى هو اللى كاتب العقد وشاهد على كلامى ده

عماد:ايه الكلام الغريب ده وازاى بتاخد اجر شهرى ومن مين 

دا كلام كله فاضي 

سيبك منه ياحازم وامضي 

حازم نظر لاخواته ومد ايده ليوقع 

الشخص قرب منه وشد منه العقد وقال حازم مش هيوقع على حاجه ونظر فى التنازل المكتوب

 وقال وانت ياحازم ليه عاوز تتنازل عن كل حاجه ليهم 

حازم:عشان هما اهم عندى من الفلوس دى وقربهم منى ووقوفهم جنبي هيخلينى اقدر اكمل حياتى 

الشخص:وانت فاكر انك بعد ما تتنازل عن كل حاجه ليهم هيفضلوا جنبك ومعاك

حازم :ايوه اكيد هما وعدونى بكده 

الشخص:لا طبعا دول اول ما هتتنازل عن كل حاجه هيرموك فى الشارع هنا اصلا مش معترفين انك اخوهم وعشان كده والدك وكلنى اكون معاك وجنبك 

حازم:بس لو مانفذتش اللى هما عاوزينه هيسبونى وهيمشوا وانا ما اعرفش اعيش لوحدى لانى زى ما انت شايف عاجز 

الشخص:لا انت كل اللى محتاجه حد يرعاك ويكون معاك وده انا هوفره ليك لانى فعلا نشرت اعلان وظيفه طالب فيها جليسة وفى حد اتصل عليا  واتفقت انها  هتيجى هنا الساعه الرابعه عصرا عشان نقعد معاها انا وانت ولو ارتحت ليها وهى وفقت هتكون معاك وملزماك 

عماد بسخريه:ايه جايب له جليسة هو طفل صغير 

ياحازم:سيبك من المخبول ده وامضي 

الشخص :مزق الورقه وقال لهم قولت هو مش هيمضي على حاجه ولا ايه ياحازم 

نظر حازم له وقال مادام والدى وكلك بكده يبقى اكيد هو واثق فيك وشايف مصلحتى 

عماد:يعنى كده ماشي تمام اوى ابقى خليه ينفعك هو جاليسة الأطفال دى 

يالا ياكمال يالا يا سالى 

ونزلوا وتركوا حازم مع الشخص 

حازم؛هو حضرتك عرفت ازاى انهم بيمضونى على تنازل 

وكنت فين من وقتها وليه ماظهرتش غير دلوقتى 

الشخص انا احمد حامد ابن صديق والدك وكنا فى يوم قاعدين انا والدى مع والدك وكان بيحكى معانا انه قلقان وخايف عليك اوى 

من اخواتك  فأنا عرضت عليه مساعدتى ليك وخصوصا لما قال ان اختك سالى هتكون خايفه من اخوها الكبير وهتخاف تقف فى صفك فإنا اقترحت عليه فكرة العقد ده عشان يكون لى حق أتدخل واقف جنبك فوافق وكان مبسوط اوى بس قال لى ما اتدخلش الا لو اختك سالى كلمتنى انهم جيين عليك عشان كان عنده امل انهم يعتبروك اخوهم ويقفوا جنبك فمكنش انا سبب العداوه بينك وبينهم بس 

الظاهر ان ما كنش فيه فايده فيهم لان اختك اتصلت عليا وقالت وحكت لي اللى كان ناويين عليه ليك وادينى جيت والحمدلله فى الوقت المناسب 

على العموم الجليسه امامها ساعه وجايه ربنا يوفق الأمور 

وفعلا بعد ساعه جرس الباب رن ودخلت الجليسه وقالت ليهم انا جايه حسب اتفقنا فى  التليفون 

فاستقبلها احمد وقال ايوه انا اللى كنت بتواصل معاكى اتفضلي 

وبيعرفها على حازم وبيقول ليها حازم اللى هتجلسي معاه وتشوفي طلباته واحتياجاته 

صفاء الجليسه:ايه هو مش طفل صغير لا انا ما كنتش فاهمه كده 

احمد:اه انا اسف انا ما ذكرتش التفصيل على العموم احنا فيها 

نوضح كل حاجه 

صفاء؛بس .تابع

الجزء الثانى