الجزء الخامس من رواية خادمة زوجى

  

فوقفت أمام باب مكتب جاسر والضيوف بالداخل بعد ان يأست من ايجاده ولا ادرى ماذا أفعل وماذا سيفعل بي جاسر عندما يعلم بالأمر ولكنى جعت قواي لادخل واخبره حتى يتصرف سريعا قبل أن يبتعد فتحت الباب وانا ارتجف من الخوف وقولت جاسر بيه حازم اختفى مشعارفه راح فين والمشكله انا باب الفيلا كان مفتوح والبواب كان مشعند الباب 

قام جاسر من وسط ضيوفه وهو يقول انتى بتقولى ايه حازم فين 

سلمى:والله انا كنت سيباه على الارجوحه وكان بيتمرجح ومبسوط دخلت احضر له الطعام اللى جهزته له ما اخدتش دقيقه رجعت ماوجدتش 

جاسر:دورتى كويس فى كل مكان بالفيلا 

سلمى:ايوه دورت 

جاسر:انتى عارفه لو حازم طلع بره الفيلا وتاه انا هعمل فيكى ايه انا هقتلك وفضل يدور بكل مكان بالفيلا ولم يجده 

طلع يجري على الشارع الذي أمام الفيلا 

قابله البواب :فى حاجه يا بيه 

جاسر:انت كنت فين يازفت وسايب الباب مفتوح ليه 

حازم مش موجود فى الفيلا باينه خرج

البواب:انا كنت بجيب اللى حضرتك بعتني اجيبه

جاسر :انت لسه هتتكلم معايا  غور دور فى الاتجاه ده وانتى تعالى دوري فى الاتجاه ده 

وضيوفه واحنا نشوف الناحيه دى واتجه هو لاتجاه اخر وظلوا يبحثوا فى كل مكان ولكن دون جدوى لم يجدوه 

عادوا جميعا دون أن يجده احد امسك جاسر سلمى من ذراعها بقسوه وعصبيه مفرضه وقال لها ايه الاهمال ده انا هوديكى فى داهيه لما انتي مش قد المسؤليه جايه تشتغلى ليه ضيعتى ابنى 

ودفعنى اسقطنى على الأرض 

بكيت لا أعلم من قسوة وتصرف جاسر معى ام من زعلى وخوفى على حازم فجاسر معذور اي حد مكانه كان هيعمل كده 

وظل يصرخ في ويقول وديتى ابنى فين دا مايعرفش اي حاجه لا هيعرف يقول اسمه لحد ولا مكانه ولا اي حاجه منك لله 

وأثناء صراخه في تفاجئنا جميعا بصوت البواب وهو خارج من غرفته  بعد ان عاد لها ليغير ملابسه واحضر بطاقته الشخصيه  ليذهب مع جاسر لاقرب قسم شرطه لعل يجدوا له صرفه ويجدوا حازم 

ويقول البواب يا جاسر بيه حازم هنا اهو يا جاسر بيه حازم هنا اهو 

اسرعنا جميعا لغرفة البواب لنجد البواب واقف أمام دولابه وفاتح الباب ليحضر جلباب يرتديه وبداخل الدولاب حازم يجلس خلف الجلباب 

أخرجه جاسر واخذه فى حضنه 

فذهبت إليهم للاخذ حازم انا ايضا فى حضنى لخضتي الشديده عليه لانفاجىء بياسر 

يصرخ في انتى تغورى من هنا مش عاوز اشوف وشك تانى انتى انسانه مهمله وانا ما قدرش استأمنك على ابني تانى يالا غورى كنتى هتضيعى ابني انا مش هستنى لما تضيعه المره الجايه 

نظرت للارض وتركتهم وذهبت 

والبواب يقول لجاسر بيه هيا مالهاش ذنب دا غصب عنها يا بيه الشهاده لله هى ما بتشيلش عنها من عليه 

شخط فيه جاسر اسكت انت راخر كلكم طينه واحده مهملين 

البواب:وانا مالى بس ياسعادة البيه 

تركه جاسر وحمل حازم على ذراعه ودخل به الفيلا 

وخرجت انا خارج الفيلا ولا ادرى إلى أين اذهب كيف سأعود مره اخرى للشقه واكيد أخذها المعلم واجرها لغيرى واخد العفش ثمنا للايجار المتأخر فإنا لم أعد له من وقتها وجلست لا ادرى إلى أين سأذهب حتى .تابع 

الجزء السادس

العوده