الدكتوره والصعيدى
انا عارفه كويس حقوقك عليا بما انى أصبحت زوجتك بس احنا وضعنا مختلف وانا مش هسمح لك بأنك تلمسني
انتى بتقولى ايه عاد يعنى ايه يعنى وضعنا مختلف فهمينى عاد
وضعنا مختلف يعنى احنا ما ننفعش لبعض من الأصل
يا مثبت العقل والدين ثبت لى عقلى بدل ما اتهور واخنقها بيدي
هو انا حنا لسه هنشوف ماننفعش لبعض ولا ننفع هو انا جى اخطبك لسه دا انى جوزك ياهانم عارفه يعنى ايه جوزك
وبعدين تعالى قولى لى ماننفعش لبعض ليه ان شاء الله انتى من الأنس وانى من الجن ولا ايه عاد
ولا احنا مش قد المقام ولا ايه ماتفهمينى يابنت الناس فى ليلتك اللى مش معديه دى
بص انا تعبانه دلوقتى خلينا ننام والصبح نتحدث
ننام ازاى عاد انتى اتجننتى انتى نسيتى ان الليله ليلة دخلتك ولا ايه هو ما حدش فاهمك يعنى ايه ليلة الدخله ولا ايه وبيقول قال ان بنات البندر فاهمين ووعين عن بناتنا يجي يشوفوا ويسمعوا
يامدام الليله ليلة دخلتنا يعنى سهرانين لحد الصبح والعائلتين مستنين الاخبار عاد الله يهديكى خلى الليله تعدى فى ليلتك اللى مايعلم بيه الا الله دى
بقولك ايه انت عارف انى مغصوبه على الجوازه دى وانا لايمكن اسلمك نفسي انت شويه وهتطلقني انا مش هقدر اكمل معاك ولا هقدر اعيش هنا دا مستحيل
هو ايه اللى مستحيل عاد احنا خلاص اتجوزنا وانتى بقيتى مراتى على سنة الله ورسوله امال انتى اتجوزتينى ليه ووفقتى من الاول ليه
انت عارف كويس انا اتجوزتك ووفقت عليك ليه انا خوفت على اخواتى من التار اعمل ايه فى حظي الهباب المجلس العرفي شرط على العائلتين عشان يوقفوا حمامات الدم اللى مابينهم انهم يتجوزوا من بعض وحظى الأسود ان عائلتي اختارتنى انا وماقدرش اخلف اوامرهم وكمان خوفوني بأن الدور فى التار هيكون على اخواتى فاضطريت اوافق غصب عنى وانت عارف كده كويس
ولما انتى عارفه كل ده مش عاوزه الجوازه تتم للآخر ليه عاد
انتى عاوزه العائلتين يقعوا فى بعض بزياده عاد ولا ايه
انا عارفه بقى يا سالم راعى ظروفى ارجوك انا طالبه فى كلية الطب يعنى كلها سنتين واكون دكتوره وانت يدوب معاك دبلوم انا لسه امامى مستقبل وسفر لبلاد الخارج ومؤتمرات وابحاث ودراسه ومشوار كبير ماقدرش ألغى ده كله واجى ادفن نفسي هنا وراء الجاموسه
ومين قال كده يا بنت الناس ما تكملى تعليمك هنا عاد وهفتحلك احسن عياده فى احسن مكان فى البلد الله يهديكى استهدى بالله انا صابر عليكى بس عشان الأصول إنما لوفضلتى على كده عاد يبقى انتى اللى تعاديتى الأصول ويبقى وقتها عدانى العيب
ورد؛انت لو لمستنى انا هموت نفسي مادام التفاهم مش جايب نتيجه
سالم:الظاهر الذوق واللين مش هيجيب معاكى نتيجه
وقرب منها والتف ذراعيه حوالين ظهرها وضمها بشده نحوه
سالم:انا صبرت عليكى كتير واللين ما نفعش يبقى مافيش غير الغصب
ورد:ابعد ايدك عنى يا سالم واسمعنى ابقى وافهم
سالم:انا سمعت كتير وانتهى وقت الكلام هو انتى فاكرانى مش هقدر على حرمتى ولا ايه دا انا اكثر لك رقبتك حدانا الحرمه تسمع كلام جوزها وما تعصاش له امر
وشد عليها سالم واصبحت فى قبضته لم تستطع الافلات منه
ولكنها فكرت سريعا وقالت له انا كنت عارفه انك مش هتفهمنى بس انا عندى ظروف وانا قصده انا الجواز يتم فى الوقت ده عشان اكسب وقت يمكن تسمعني او أصعب عليك خلال فترة الظروف دى
ولما اتأكد سالم من ذلك اتجه الى السرير وهو يقول عليه النعمه انتى مهبوله فى واحده تظبط ميعاد دخلته فى الوقت اللى بيكون عندها الظروف فيه واضح انى ايامك معايا سودا ومطينه بطين عاد على العموم هتروحى منى فين
وشد غطائه عليه ونام وهو يكاد يشتعل غيظا
جلست ورد على كنبه فى الغرفه بفستانها حتى نام وقامت واحضرت غطاء لها ونامت على الكنبه اللى بالغرفه بعد ان غيرت ملابسها
وفى الصباح سمع سالم تخبيط على باب الغرفه
وقالت الخادمه الفطور يابيه ووضعته على الأرض خلف الباب وذهبت
قام سالم وادخل الفطور
ووضعه على منضده ثم جلس مكانه على السرير
وظل يفكر ويقول وبعدين عاد اعمل معاها ايه دى أطلقها ويبقى حديثى على كل لسان ولا اصبر عليها يمكن ربنا يهديها ولا اخدها غصب ما هى مراتى برضو
بس هخدها غصب لحد امتى معقوله هعيش معاها غصب
مافيش غير انى اصبر عليها شوي يمكن تلين وربنا يهديها بدل التسرع والفضايح دى دكتوره وعقلها كبير برضيك واكيد هتتنازل عن اللى فى دماغها ده بس المسئله مسألة وقت مش اكتر
وفعلا قرر يصبر عليها
اخر اليوم اتملى الدوار بأهل العريس وأهل العروسه وبنات عائلة العريس جايين يتفرجوا على بنت البندر الدكتوره اللى الكل بيتحدث عنها تابع
٠٠٠
ردحذف