الجزء الثانى من رواية نسمه فريسة الحب

وفعلا جه ميعاد كتب الكتاب اللى اتفقوا عليه و كتبوا الكتاب

 بس حصل مصيبه غيرت كل تخطيطهم ما جاسر مش هيتخلى بسهوله عن السبوبه الحلوه اللى راحت منه

 فى يوم وسيف عند نسمه فى بيتها فى نفس الشارع 

اتصلت والدته وهى بتصرخ الحقنا ياسيف 

سيف :فى ايه ياماما مالك

والدته:سيارتك ياسيف النار ماسكه فيها معرفش من ايه والناس راحت عليها فى الأرض اللى مركونه فيها عشان تحاول تطفى فيها

سيف:ايه بتقولى ايه 

نسمه وماماتها فى ايه ياسيف ايه اللى حصل

سيف قام يجرى وهو بيقول السياره مسكت فيها النار شقى عمرى راح 

وجرى على السياره وعقبال ماراح كانت السياره اتدمرت فضل واقف أمامها مصدوم والناس حواليه الله يعوض عليك يابنى 

وهو بيقول حصل ازاى ده والنار دى جت ليها منين 

الناس الله واعلم يا ابنى هى مره واحده كده لقينا النار مسكه فيها يمكن حد رمى عقب سجارة من غير ما ياخد باله مسكت فى الغطاء بتاعها وبا حاجه انت لازم تعمل محضر لو شاكك فى حد وربنا يعوض عليك فضل واقف أمامها مش عاوز يتحرك والدته اخدته فى حضنها وقالت فداك يابنى مادمت انت بخير بالدنيا كلها وربنا يعوض عليك 

ونسمه كانت واقفه حتى والدتها التعبانة نزلت معاها وقربوا منه وقالوا الله يعوض عليك 

بص ليهم سيف انا مش زعلان عشان السياره انا زعلان عشان فلوس العمليه 

والدت نسمه :كل شيء نصيب يابنى وانا ماليش نصيب اعمل العمليه الحمدلله على كل شيء 

نسمه:لا ما متقوليش كده العمليه هتعمليها هتعمليها 

سيف:وده ازاى مش فاهم 

نسمه:مش وقته الكلام ده ياسيف 

سيف :لا دا وقته اوى ولازم افهم قصدك 

نسمه:انا مش هقف اتفرج على والدتى وهى بتموت انا لو وصلن أضحى بنفسي هضحى عشان والدتى

سيف:وانت نفسك مش ملكك دلوقتى لوحدك يانسمه بقى ليكى شريك فيها 

نسمه:نكمل كلامنا بعدين ياسيف احنا فى الشارع انت تروح دلوقتى تعمل محضر عشان يشوفوا هل اللى حصل ده بفعل فاعل ولا ايه 

سيف:انا مليش أعداء يوصل بيهم الاجرام لكده دا انا الكل هنا بيحبونى من كبيرهم لصغيرهم 

والدت سيف :بردو ياسيف لازم تعمل محضر 

سيف:يعنى المحضر هيرجع اللى راح انسي يا امى انسي 

والدته:اسمع الكلام ياسيف وروح أعمل محضر الناس المؤذيه كتير يابنى حد عارف يمكن يوصلوا للى اتسبب فى حرقها ويجيبوا منه تعويض وبا حاجه

سيف:باستهزاء تعويض حاضر با امى هروح اعمل محضر 

وراح على أقرب قسم عشان يعمل محضر 

ونسمه رجعت هى ووالدتها للبيت 

والدت نسمه:ايه يانسمه الكلام اللى قولتيه لسيف ده ايه يا بنتى وكنتى تقصدى بيه ايه 

نسمه:والنبي يا ماما انا مش عاوزه اتكلم فى الموضوع ده مع حد 

والدت نسمه:ايه بتفكرى ترجعى ترقصي ولا ايه 

 يانسمه يا بنتى احنا مش وش الكلام ده بلاش فضايح وبعدين دى تبقى قلة اصل منك يا بنتى تجاه سيف 

نسمه:يوووووووه انا دخله انام تصبحي على خير يا امى 

والدت نسمه:ربنا يسترها عليكى يابنتى الحمل تقل عليكى وانتى مش وش بهدله

تانى يوم سيف فضل قاعد فى غرفته وقافل على نفسه وكان منتظر ان نسمه تيجى توسيه وتكون جنبه فى وقت زى ده 

بس اللى حصل ان نسمه هى كمان كانت قاعده فى غرفتها ومحتاره اعمل ايه هسكت وافضل اتفرج على والدتى وهى بتموت ولا اتخلى عن سيف اللى كان ناوى يقف جنبى وارجع اشتغل زى ما كنت ناويه 

ورجعت قالت لنفسها وهو انتى كنتى قادره تشتغلى الشغلانه دى اوى وهترجعى تقولى ليهم ايه بعت ما جريتى وسبتيهم ولسه بتفكر سمعت تليفونها بيرن مسكت التليفون وهى فاكره ان سيف اللى بيرن بس لقت اللى بيرن هو جاسر 

فضلت متردده أنها ترد لحد ما قفل وشويه سمعت والدتها وهى بتتوجع وتعبانه من زعلها على اللى حصل جريت على غرفة والدتها لقتها تعبانه اوى جريت اتصلت على الدكتور كشف عليها وعمل ليها اللازم وبعد ما خرج من الغرفه 

نسمه :امى عامله ايه يادكتور وايه اللى حصل ليها

الدكتور :والدتك عاوزه راحه تامه ومتابعه لحد ما تعملى ليها العمليه وانا شايف ان من الأفضل والاضمن أنها تتنقل للمستشفى عشان تكون تحت الملاحظه والرعاية 

نسمه؛حاضر يادكتور كل شيء هيتعمل ان شاء الله حاضر 

بعد ما الدكتور مشي دخلت نسمه تتطمن على والدتها وكانت نامت من مفعول الحقن اللى الدكتور اعطاها ليها 

ودخلت نسمه بعد كده لغرفتها وقفلت عليها الباب وفضلت تبكى 

وشويه ورن التليفون تانى وكان جاسر مره اخرى 

مسكت التليفون وفتحت الخط 

الو

جاسر:ايه هو الجميل عشان اتكتب كتابه خلاص مش هيرد على رجاله تانى ولا ايه 

نسمه :مالوش لازمه الكلام ده يا جاسر عاوز ايه 

جاسر:ابدا هعوز ايه انا عاوز مصلحتك ومصلحت والدتك المسكينه اللى بتموت أمامك وانتى بايدك تنقذيها وبدل ما تنقذيها قاعده تتفرجي عليها وهى بتموت دا انتى يابنتى شغلتك اللى عاوزك تشتغليها دى هتخليكى تعلجيها وتدخليها احسن المستشفيات ولو فتحتى دماغك وبشاطرتك ممكن تخلى زبون من زباين المحل يعملها العمليه وترجع تبقى زي الفل 

نسمه:قصدك ايه انت اتجننت ايه عاوزنى ابقى ركيلام كمان 

جاسر :يابنتى انت قدامك حاجه تانيه انتى لسه مصدقه الواد اللى اسمه سيف ده انه هيقف جمبك والكلام الفاضى ده 

نسمه: انا هاجى بس هشتغل رقاصه بس سيف هعمل معاه ايه دا دلوقتى بقة جوزى رسمى 

جاسر :ولا تعملى اي حاجه انتى تيجى من غير ما يعرف وهو لما يعرف انك اشتغلتى رقاصه ايه ياعنى اللى هيعمله هيديكى كفين على وجهك والنخوه هتخده فهيرمى يمين الطلاق عليكى وخلصت الحدوته 

نسمه:خلاص انا هاجى بكره

وفعلا:تانى يوم راحت على الكباريه وكان جاسر واقف بره منتظره 

جاسر:بقولك ايه مش عاوزك تحرجينى وتصغرينى زى المره اللى فاتت لحسن يزهق منك ويرميكى بره 

نسمه:حاضر 

ودخلت وفعلا جت على نفسها عشان خاطر امها ورقصت زى ما طلبوا منها 

اخو جاسر:الله ما انتى زى الفل اهو امال ايه 

جاسر:أصلها عقلت ياكبير وعرفت مصلحتها فين 

اخو جاسر :خدها ياجاسر وعرفها على فرقتها عشان هتطلع نمره اخر السهره 

سيف استغرب ان نسمه مسألتش فيه ولا حتى اتصلت عليه تسأله عملت ايه فى المحضر ولا فى جديد ولا لا 

وحس ان فى حاجه مش طبيعيه وخصوصا انه فضل يتصل عليها وهى مابتردش اخد نفيه وراح ليها على البيت 

فضل يخبط فين وفين قامت والدت نسمه وهى تعبانه فتحت الباب 

سيف :ايه ياماما قايمه تفتحى بنفسك الباب ليه امال فين نسمه 

والدت نسمه:نسمه نزلت ياسيف من بدري مش عارفه راحت على فين و

انا خايفه عليها من امبارح وهى مش عجبانى وخصوصا لما تعبت بالليل والدكتور طلب منها انى لازم اروح المستشفى واكون تحت الرعايه وانى لازم اعمل العمليه ضرورى 

سيف:الف سلامه عليكى ان شاء الله هتكونى بخير كان نفسي اقدر اساعدك بس كله على يدك 

وفضل جالس منتظر رجوع نسمه على أمل أن تكون ذهبت لأى مشوار وستعود مباشرة ولكن طال انتظاره حتى خطر بباله ان تكون قد عادت لفكرتها القديمه ونهض فجأه وقال معقول تكون راحت للكباريه عشان تنفذ اللى كان فى دماغها 

وراح جارى على الكباريه ودخل فى البدايه كأنه زبون ليتفاجىء بيها بترقص على المسرح وأشخاص سكرانه بتترقص حواليها راح واخد زجاجه كن فوق ترابيزه وراح طالع على المسرح وهى اول ماشافته وقفت رقص وفضلت بصه ليه وهى اول ما وقفت رقص وقفت الموسيقى والكل اتجه نظره ليهم والبودى جاردات اجتهوا نحوه ليبعدوه عنها ولكنه كسر الزجاجه التى فى يده ووجها نحوهم فأمرهم اخو جاسر بتركه يأخذها بعد ان بص لجاسر وقال له مين ده قال له جاسر جوزها وبعد ان امرهم ان يتركوه يغادر بص لجاسر وقال له ماقولتليش ليه أنها متجوزه وجيه بدون علمه انا ناقص مشاكل ما الرقصات كتير 

اخدها سيف ومشي وهو فى طريق قال ليها لولا انى بحبك ومقدر ظروف والدتك اللى اتضطرتك لكده انا كان تصرفى معاكى كان هيبقى حاجه تانيه

نسمه :بقولك ياسيف انا عارفه ان تصرفى غلط وانى مستهلكش بعد اللى عملته ده بس انا اللى شيفاه انك تطلقنى وتسبني فى حالى 

سيف :وليه ما تفضليش معايا وتكونى انت ووالدتك مسؤليتى ونسعى بالحلال بدل ما انتى عاوزه تعلجيها بالرقص والكلام الفارغ ده 

نسمه:والحلال بتاعك ده تفتكر هيدخلها مستشفى تكون تحت رعايتهم وهيقدر يوفر تكلفة العمليه امتى تقدر تقول لى 

سيف:الأرزاق دى بيدى الله يانسمه وانا هسعى واحاول اعمل اللى ربنا يقدرني عليه 

نسمه:انا اسفه ياسيف انا مش هقدر استمر معاك انا عندى حياة والدتى أولى من حياتى انا نفسي 

سيف :تقصدى ايه

نسمه:طلقنى ياسيف انا عارفه انك بتحبني وان ما حدش يتحمل اللى اتسببت فيه لك الا لو كان بيحب بجد وانا عارفه انى هخسرك وانى هخسر انسان مش هيتعوض 

سيف:انا لو كنت اقدر اطلقك كنت طلقتك من اول لحظه شوفتك بترقصي فيها أمام عيوان الناس والسكرانين حواليكى والله واعلم كنت ممكن اعمل ايه تانى 

خليكى معايا يانسمه وان شاء الله ربنا هيحلها من عنده انا عشانك اشق الصخر واحفر فى الجبال 

نسمه :انا خلاص اخترت وقررت ياسيف انت لازم تطلقنى 

واول ما وصلوا عند بيتها سابته وطلعت على فوق وهى بتقوله ابعت لى ورقتى ياسيف 

وطلعت دخلت على والدته وهى بتبكى واترمت فى حضنها 

والدتها عملتى اللى فى دماغك يانسمه 

نسمه؛انا طلبت الطلاق من سيف ياماما 

والدتها:ليه بس يانسمه دا انا مصدقت انى اطمن عليكى وبعدين كن قال ليكى انى عاوزه اتعالج بفلوس حرام ترجعى عن اللى فى دماغك ده يانسمه وسبينى اموت وانا متطمنه عليكى مع سيف ماحدش بيموت ناقص عمر يابنتى اسمعى كلامى

نسمه:انا قرارى فى الموضوع ده نهائي ومش هتناقش فيه تانى وسابتها وراحت على عرفتها 

وفعلا عملت اللى فى دماغها واصرت على الطلاق لحد ما سيف بعت ليها ورقة طلاقها 

اخدت ورقة طلاقها ورجعت لجاسر وأخوه عشان يعرفوا أنها مش هتتسبب فى مشاكل تانى ورجعت للرقص تانى وفى ليله رجعل أعمال شافها وهى بترقص وكان معجب بيها ازى وجاسر لاحظ كده فقال له ايه رايك ياباشا اجبهالك لحد عندك بس طبعا لسا حلوتى هة صحيح ملهاش فى الكلام ده بس ظروفها هتخليها توافق اصل ولدتها محتاجه عمليه ضرورى ومحتاج تكاليف العمليه 

رجل الاعمال:بص هى دخلت مزاجى اوى بلغها انى تحت أمرها فى تكاليف العمليه مقابل تقضى معايا اسبوع فى الشاليه بتاعى الخاص تكون فيه تحت امرى وعمولتك انت كمان محفوظه 

وفعلا جاسر ماكدبش خبر بعد ما انهت رقصتها راح على غرفتها وقال ليها طاقة القدر اتفتحت ليكى النهارده 

نسمه:مش فاهمه قصدك

جاسر:فى راجل أعمال شافك واعجب بيكى ولما عرف حكاية والدتك قرر يعمل ليها العمليه على حسابه

نسمه:بجد ياجاسر

جاسر:ايوه بس ده مقابل انك تفضى معاه اسبوع فى الشاليه الخاص بتاعه وتكونى تحت امره ها ايه رايك بقى 

نسمه:تابع

الجزء الثالث