الجزء الثالث من ريتاج تتأرجح على الامواج
وابلغه الأمن بأن ابنه جى مصاب بطلق نارى وفى حاله خطيره جدا وواضح انه نزف دم بشكل كبير وان ريتاج هى اللى جابته لحد هنا وهى دلوقتى فى غرفة مدير المستشفى بيتحقق معاها لاننا بلغنا الشرطه لان دى جريمه زي ماحضرتك عارف
والد وسام :وابنى عامل ايه دلوقتى طمنونى عليه
الامن:هو فى غرفة العمليات ومعاه افضل الدكاتره فى المستشفى ان شاء الله هيكون بخير ماتقلقش حضرتك
والد وسام: ماقلقش ماقلقش ازاى ابنى هيروح منى وتقول ليه ماتقلقش مين اللى عمل فيه كده اكيد البنت اللى جابته دى تعرف حاجه ماتسوبهاش
هى فين غرفة مدير المستشفى دى عاوزه اشوف البنت دى حالا
أخذه الأمن واوصله لغرفة مدير المستشفى
الظابط:احكى لى بظبط اللى حصل ومن غير كدب ولو ليكى علاقه فى اللى حصل لوسام قولى لي وانا اوعدك يكون موقفك كويس
بدل ما تشيلي انتى الجريمه كلها
ريتاج:والله انا ما اعرف حاجه غير انى وجدته بالحاله دى وبصراحه فى الاول خوفت لاتهم فيه وانا بنت غلبانه وماليش حد بس صعب عليا انى اسيبه فى الحاله دى ليموت ولا حاجه
فقررت اساعده وجبته لهنا هو لو انا اللى عملت فيه كده كنت هتعب نفسي واجيبه لهنا ليه بلاش ارجوكم تندمونى على انى عملت خير
دخل والد وسام من كتر رعبه على ابنه يمسك فى ريتاج ؛مين اللى عمل كده فى وسام ابني اعترفى دا انا همحيكم من على وجه الأرض
الظابط:اهدى بس يا راجح بيه من الواضح انها مالهاش علاقه باللى حصل لابنك بال بالعكس انت المفروض تشكرها انها جبته للمستشفى
راجح:انت بصدق دموع التماسيح دى وعاوزنى اشكرها كمان ابنى بيموت وهى الوحيده اللى تعرف اللى فيه ابنى ده من ايه ومين اللى عمل كده فيه ومش راضيه تتكلم اكيد تعرفهم كويس
ماتسبوهاش الا لما تعترف بكل حاجه ماتسبوهاش انا لازم اعرف مين عمل فى وسام ابنى كده
الظابط اتجه نحوه واجلسه وهدوء من روعه وقال له اهدى بس حضرتك وهنعرف كل حاجه
امر مدير المستشفى بإحضار ليمون له
واحضر الليمون واخذه الظابط واعطاه له وقال له اشرب واهدى حضرتك شويه وان شاء الله وسام هيبقى كويس بس ياريت تهدى شويه عشان عاوز اعرف من حضرتك فى اى مشاكل حضرتك واى حد سواء فى العمل أو غيره او مشاكل بين وسام وحد
هدء راجح بيه قليلا وقال هو فى بعض الأمور فى العمل مع المنافسين والشركاء بس مش لدرجة انهم يقتلوا ابنى
الظابط:حضرتك احنا اللى نحدد للدرجه دى او لا حضرتك بس قول لى كل حاجه والباقى علينا
وبدأ راجح بيه يعرف الظابط كل حاجه ممكن تفيده
وفى الاخر انا عاوز حد يطمنى على حالة ابنى
مدير المستشفى هو لسه فى العمليات اول ما يخرج هنطمن حضرتك
ريتاج:طب وانا حضرتك اقدر امشي
الظابط :لا انتى لسه هتيجى معانا نكمل كلامنا ماتقلقيش مجرد اجراءات وبعد كده هناخد بياناتك وعنوانك عشان لو عزناكى تانى
ريتاج :بس انا للاسف ماليش عنوان اسيبه لحضرتك
انا لسه نازله من بلدى على هنا ويارتني ماجيت
والد وسام:لا دى حضرتك تفضل معايا هنا لحد ما ابنى يفوق واعرف منه مين اللى عمل فيه كده قبل كده دى مش هتتحرك من هنا بعد اذنك يا حضرة الظابط
الظابط:مادام دى رغبتك تحت امرك
ريتاج جلست ووضعت وجهها على خدها وهى تقول بينها وبين نفسها كان مالى انا ومال دا كله بس
يارتنى مشيت وروحت لحال سبيلى هو انا كنت ناقصه
شويه ووصلت والدته وأخوه الأصغر واخته
ودخلوا وهما بيقولوا وسام ماله طمنونا
ريتاج اول ما شافتهم قامت وقفت من دخلتهم وفزعهم
رد عليهم راجح انتوا عرفتوا ازاى ماتقلقوش هو هيبقى كويس
كلهم فى فم واحد عاوزين نشوفه
مدير المستشفى هو لسه فى غرفة العمليات اطمنوا ان شاء الله هيكون بخير
جاسر اخو وسام ؛مين اللى جابه لهنا
مدير المستشفى :الانسه ريتاج هى اللى جابته
نظروا الجميع إليها وهى نظرت لهم دون أن تتحدث
اقتربت منها والدة وسام :مين يا بنتى اللى عمل كده فى وسام ابنى
ريتاج؛والله ما اعرف ياطنط انا وجدته بالحاله اللى هو فيها فصعب عليا جبته لهنا والله ما اعرف حاجه
جاسر:اكيد شوفتى اى حاجه ممكن تفيدنا بس خايفه ليأذوكى ولا يمكن انتى معاهم
ريتاج وهى تبكى :انا والله ابدا انا اول مره اشوفه المره دى دا انا حتى لسه نازله من البلد النهارده وما اعرفش اى حد هنا هو انا غلطت انى ساعدته وكان المفروض اسيبه ولا ايه
والدة وسام :لا يا بنتى ماتقوليش كده
كتر خيرك انك جبتيه وجميلك ده فى رقبتي
جاسر:انتى هيخيل عليكى الدموع دى دا تمثيل صدقنى يا حضرة الظابط دى اكيد عارفه كل حاجه ماتسبوهاش الا لما تقرروها
رهف اخت وسام:حرام عليك يا جاسر كتر خيرها انها جابت وسام لهنا كان ممكن تسيبه وتمشي ادعى بس ربنا يخرجه بالسلامه
جاسر:والله انتوا طيبين بس نطمن بس على وسام وانا ليا تصرف تانى معاها
نظرت له ريتاج بخوف وجلست
وظلت منتظره فى غرفة مدير المستشفى بناءا على طلب راجح لحد ما دخل الطبيب اللى بيجرى العمليه لوسام
كلهم اتجهوا نحوا ويسالوه طمنا يادكتور
نظر الدكتور ليهم وقال .تابع
تعليقات
إرسال تعليق