خطة ضياع

 

جواز ايه يا عم سيبك هى هتضحك عليك يالدمعتين اللى مثلتهم أمامك دول هيخلوا عليك برضو انسى وشوف غيرها 

بس انا بحبها يا قاسم وهى كمان بتحبني ونهاية الحب ده مافيش غير الجواز

قاسم :يا ابنى جواز ايه اللى عاوز تتجوزه انت اتجننت في حد يقتل حريته بايده وبعدين البنات اللى بنتعرف عليهم ونروح ونيجى معاهم دول ما ينفعوش للجواز  اسمع منى دى بتضحك عليك وتمثل عليك دور الحبيبه 

مازن:لا ياقسم اكيد انت غلطان وبعدين انا خلاص وعدتها انى هروح اخطوبها وهى حددت لى ميعاد مع والدها ولازم اروح 

قاسم:طب كلمها واجل الميعاد شويه واصبر  وأنا هثبتلك ان قرارك غلط وانها مش البنت اللى تفكر تتجوزها وكمان جواز ايه اللى تنهى بيه حياة الحريه اللى احنا فيها دى ما احنا كده كويسين ما احنا اهو لا عمرنا فكرنا فى جواز ولا غيره ولا ايه يا حاتم ما تقول له ياعم 

حاتم:بصراحه انا مش فاهم الناس الغبيه اللى تضحى بحريتها عشان جواز واسره وكلام فارغ وبصراحه كده يا مازن انا مع كلام قاسم انت مالك كده مخدوع فى البنت اللى اسمها روقه دى 

ما زى ما قال ليك كده احنا نخرج ونتمتع مع دى ودى إنما جواز ووجع قلب لا سيبك ياعم سيبك وبعدين هى عشان ياعنى منعت نفسها عنك وبتشتغلك وتقولك عيب وحرام والكلام ده هيخيل عليك دى زيها زي غيرها انت لو كنت طولت بالك عليها شويه كانت ظهرت على حقيقته وزى ما قاسم قالك ادينا فرصه نثبتلك كلامنا وان برقع الشرف والفضيله ده اللى بتخدعك بيه هيسقط مع أول اختبار مننا 

مازن:لا بقولكم ايه ابعدوا عنها مالكوش دعوه بيها دى مش زى البنات اللى تعرفوها

قاسم:لا ياحبيبي زيهم واكتر بس انت الحب اللى عميك اصل الحب أعمى زي ما بيقولوا ومادام انا واثق كده خايف ليه 

مازن:مش خايف ولا حاجه انا واثق فيها والا ما كنتش فكرت أتقدم ليها واتجوزها واديها أسمى 

بس ما ينفعش انى أراهن عليها معاكم شكلى هيبقى ايه امامها لما تعرف 

حاتم:شكلك ايه يا ابوا شكل وليك علينا ياعم لو نجحت فى الاختبار ولا هنجيب ليها سيرتك فى الموضوع عيب عليك دا احنا اخوات وكل اللى يهمنا مصلحتك ولا ايه يا قاسم 

قاسم:اه طبعا ودى عاوزه كلام وعشان تطمن انك هتكون بعيد عن الموضوع مش هنعرفك اي تفاصيل خالص الا وقت مشاهدة النتيجه تمام ياعم 

حاتم:اكيد تمام يعنى هيقول ايه دا احنا بنعمل كل ده لمصلحته دا جواز ومستقبل وحياه هو لعب عيال 

يالا اتصل يا مازن واعتذر ليها عن الميعاد لأي سبب وآجله لوقت تانى من غير ما تحدد امتى 

مازن بص ليهم وفعلا اتصل عليها واعتذر وقال ليها اصل والدى تعبان شويه فا هناجل الميعاد لأى وقت تانى نبقى نحدده بعدين لما بابا يبقى كويس سلام وقفل 

قاسم:ايوه كده ياعم ايه رايك نروح نسهر سهره حلوه كده 

بقى بالذمة عاوز تودع حياة العذوبه الحلوه دى وتروح تسلم نفسك لوحده تفضل تقولك رايح فين وجى منين يالا ياعم يالا

راح معاهم وهو ما يعرفش انه كسر قلب البنت المسكينه روقه ودخلت غرفته وفضلت تبكي حمدت ربنا انها ما كنتش لسه فتحت والدها فى الموضوع اللى كانت منتظره يرجع من شغله بفارغ الصبر عشان تعرفه ان فى حد عاوز يقابله عشان يطلب ايدها 

وشويه ورجع والدها من الشغل ودخل عليها الغرفه وهى الدموع فى عينها فسالها ايه مالك انتى كنتى بتبكى ولا ايه يا روقه ياحبيبة قلب بابا

روقه قامت من على السرير وقالت له لا ابدا يابابا مافيش حاجه وهبكي ليه وماجبتش له سيره عن الموضوع الا لما تتأكد من نية حازم هل فعلا كان ناوي يجي بس مرض والده اللى منعه ولا فى حاجه تانيه لان القلق دخل قلبها 

وبعد سهرتهم مازن قال انا همشي يالا سلام 

 قاسم قال لحاتم ها هنعمل ايه المعلم قال ايه عاوز يروح يتجوز 

ونخسر ماكينة الصرافه طب والنبي يرضيك كده يتجوز وتربطه فى البيت ولا يرضا يخرج ولا يسهر دا احنا نضيع من بعده يبقى يورينى هيتجوز ازاى 

ها عاوزين خطه ماتخرش المياه نوقع البنت دى فى شر أعمالها ونخليه يكرها ويكره الارتباط بيها او بغيرها عندك خطه

حاتم:وهو صاحبك هيغلب تعالى معايا 

قاسم:اجى معاك على فين فهمنى بس 

حاتم:بص يا سيدى هى مش البنت دى شغاله فى مكتب ديكورات 

وبتنزل مع العملاء عشان تشوف طلبتهم عشان تنفذها 

قاسم:ايوه 

حاتم:خلاص ياسيدى يبقى خلصت 

قاسم:ازاى فهمنى 

حاتم:احنا كل اللى هنعمله اننا هنشوف حد من البوابين الشمال اللى بياجر الشقه يوم او اثنين وتكون فى مكان هادى كده والرجلين عليه قليله ونعطى له مبلغ وناجر الشقه دى كام يوم 

قاسم:تمام وبعدين 

حاتم:ونجيب واحده من اللى نعرفهم من اياهم تكون قلبها جامد وتجيب واحد من معرفتها تمام 

قاسم:تمام كمل 

حاتم:البنت اللى تبعنا دى هتروح المكتب اللى روقه شغاله فيه وتطلب منهم انها عاوزه مهندسه عشان تغير ديكورات الشقه وتصر على روقه على اثاث انها سمعت انها شاطره وكده

تمام يا صحبي

قاسم:تمام وبعدين كمل

حاتم :بس هتوديها الشقه وهناك تضع ليها اي حاجه تدوخ وتسكر فى اى مشروب ولو ما ردتش تشرب ترش على وجها اي حاجه تقضى الغرض بس تكون مدروخه مش فاقده الوعي 

وتنزل بعد كده هى للغفير تبعته لأى مشوار وتسبها للشاب اللى معاها وهو ياخدها وينزل من العماره وهى سانده عليه وهو يمثل انه بيضحك واخر مسخره 

وفى الوقت ده نكون جبنا سي مازن اللى عامل فيها روميو يشاهدها وهى نازله مع الشاب ده من العماره وهى مرميه على كتفه وهو اخر روقان 

شوف انت بقى هيعمل ايه سي مازن 

قاسم:يا ابن العفريت بس ده ما فهوش مسؤليه علينا احنا مش ناقصين مصايب 

حاتم:هو احنا هنعمل فيها حاجه دى كلها مجرد تمثيليه ومش هنيجى جنبها وهنبقى نغير كلنا فى ملامحنا وما نديش لحد اى اثبات شخصيه ولا ورقه تدل علينا الفلوس بتعمل اى حاجه وكمان احنا مش هنأذيها تمام يا معلم 

قاسم:الا تمام تمام قوى بس ناقص حاجه الموضوع ده مكلف وعاوز مصاريف كتير 

حاتم:بسيطه ياعم نميل على مازن ونستلف منه بأى حجه بصراحه ما بيتأخرش علينا 

وبعدين دا احنا بنعمله خدمه ولا ايه 

قاسم:الا خدمه هو فى خدمه احسن من اننا نحميه من نفسه 

قال جواز قال

وفعلا بدأوا فى تنفيذ خطتهم واللى كانوا بينفذوها بإتقان 

وفعلا مالوا على مازن واستلفوا منه فلوس 

واجروا الشقه من بواب من الباطن من غير ما صحبها يعرف واتفقوا مع بنت من اياهم وقدرت تتصرف فى شاب من ناحيتها شمال زيها 

وفعلا البنت غيرت فى شكلها وكأنها مدام محترمه وراحت لشركة روقه وطلبتها زى ما اتفقوا معاها وفعلا راحت روقه معاها وبكل حسن نيه دون أن يخطر على بالها لحظه اى غدر 

وعندما وصلت ظلت البنت توضح لها ما تريده وتشرح لها وروقه بتسجل المطلوب وكانت البنت محضره الشراب المتفق عليه واعطته لروقه وهى مندمجه فى شغلها وشربت روقه المشروب وبدات تشعر بأنها ليست فى حاله جيده وكانت تحس وتشعر بكل شيء ولكن دون القدره على الحركه او التحدث 

ودخلت البنت للشاب الذي كان ينتظرها بالدخل لتخبره انها جاهزه وانها سوف تنزل للبواب لتبعته اى مشوار وتذهب هى وكانوا فى نفس الوقت قاسم وحاتم اتصلوا على مازن وطلبوا منه ان يحضر ضرورى على اللوكيشن اللى بعتوه له فسالهم لماذا قالوا له لما هتيجى هتعرف بس تعالا فى اسرع وقت وفعلا اخبرهم مازن بأنه سيحضر مسافة السكه 

ولكن ماحدث كان غريب  

وصل مازن إليهم وقال لهم فى ايه جايبنى هنا ليه 

فقال قاسم :انت نسين الاختبار ولا ايه

مازن:اختبار ايه مش فاهم حاجه

حاتم:اختبار روقه اللى كنت ناوى تتجنن وتخطبها نتيجة هتظهر أمامك حالا 

ولكن انتظروا كثيرا ولم تنزل مع الشاب 

مازن:فين يا ابنى انت وهو انتوا مجانين بقالنا نصف ساعه واقفين ومافيش حاجه حصلت 

وفجأه حصل حاجه غريبه قلبت الأمور كلها وجدوا الشاب نازل لوحده يلتفت يمين وشمال ثم جرى وهرب وروقه ليست معه 

.تابع

 الجزء الثانى