لعبة زوجى

انا عاوزك تسبينى وتمشي عيشي انتى والأولاد لوحدكم وانه هفضل هنا 

دا كلام جوزي ليا 

كنت شابه صغيره احب الدنيا ومقبله عليها وكلى امل وتفاؤل وتقدم لى الكثير من العرسان فانا جميله لحد ما ووالدى ميسور الحال والحمدلله مشهود لنا انا واخوتى بحسن الخلق فاخترت منهم ما اختاره قلبى والقلب وما يريد وتمت خطوبتنا  كنا متفاهمين وكل مادى نتقرب من بعضنا اكثر واكثر ومرت فترة خطوبتنا وكانت اسعد ايام حياتى وجاء وقت الزفاف وقررنا ان نسكن في بيته الذى جهزه لامر الزواج  رغم ان والدى عرض علينا شقه فى برج قد بناه ليكون لكل منا انا واخوتى شقه خاصه بها ولكن اصر زوجى على ان نعيش فى بيته ولا يعيش فى مكان ليس خاص بيه وفعلا تزوجنا ومرت الايام والحمدلله عايشين فى سعاده واستقرار وزادت سعادتنا عندما علمنا اننى حامل وسوف ياتى ولى العهد الاول وانجبت  وكان ولد وبعدها بسنتين انجبت بنوته عسوله وكان عيشين فى ساعده حتى يوم حدثت سرقه فى البيت المجاور لنا وكان السارق سوف يقتل جارتنا واولادها لولا ستر ربنا اصيبت جارتنا على راسها وخاف السارق وهرب وكانت حادثه حديث المنطقه فبصراحه انا خوفت على اولادى وعلى نفسى لان ظروف شغل زوجى انه قد يبات فى العمل وكتت ابات انا وطفلى الصغار وحدنا ليالى عديده فظللت الح على زوجى ان ننقل لنعيش فى الشقه التى عرضها والدى علينا وكانت هذه بداية تغير حياتى فقرر زوجى ان ينتفع بالبيت فقرر ان يؤجره فقد اجره لاكثر من مره فترات مختلفه فمنهم من يؤجره بالسنه ومنهم من يؤجره فتره قليله لحين ما ينتهى من تجهيز سكنه الفعلى حتى يوم اجره احد الاشخاص لمدة عام بايجار كبير وكان زوجى سعيد هذه المره ولكن لم يفرح كثيرا فبعد اكثر من شهر علم ان هذا الرجل دجال ويستغل البيت فى هذا الامر فذهب اليه ليطرده ولكن انتهى الامر بمشاحره كبيره ولكن دون فائده فخاف من المسؤليه فذهب الى القسم وقدم بلاغ فى الدجال وانه عاوزه يترك البيت لانه يستغله فى الدجل والشعوذه ولكن لم يستطع اثبات ذلك وقال الدجال ان زوجى بيتبلى عليه عشان يخرجه من البيت وان بينهم عقد ايجار ولم يستطع اخراجه الا بعد انتهاء المده فانتظر زوجى بفارغ الصبر انتهاء المده ليتطرده وفعلا انتهت المده واسرع فى طرته ولكن لم ننسى هذا اليوم الذى خرج فيه هذا الدجال من البيت فقد قال له امام الشارع كله مش انت خرجتنى من البيت ابقى ورينى هتستفاد بيه ازاى بعد كده فقال زوجى اللى تقدر عليه اعمله واقفل زوجى البيت فتره وقرر بعدها ان يؤجره مره اخرى ولكن سمعت البيت سبقته فقد وقفت حال البيت لما حكى عنه من قصص نتيجة ما قاله الدجال وانه كان يقوم فيه باعمال واسحار وهو قد يكون بيت ملعون او مسحور الان فلم يوافق احد على تاجيره فعندما ياس زوجى من امر ايجار البيت قرر ان نعود نحن للعيش فى البيت ونؤجر الشقه ولكن بينى وبنكم انا خفت وقولت له ابدا انا اروح واعيش هناك تانى وخاصة بعد اللى سمعته ده كله فقال انت ايه الجهل ده انتى هتعملى زيهم   فقولت لو قولت ايه مستحيل ارجع اعيش فى البيت ده ازاى اسيب المكان الراقى ده واروح اعيش فى المكان البيئه ده راح قال طب انتى حره خليكى عايشه هنا بس انا لازم اروح اقعد هناك شويه عشان اثبت للناس هناك ان كل الكلام ده فارغ عشان اقدر ااجره تانى حرام يفضل مقفول كده وقفلته هتثبت الاشاعات عليه وهتوقف حاله طول العمر وبكده هكون خسرت البيت 

فقولت انت حر اعمل اللى انت عاوزه وراح وانا واولادى فضلنا فى الشقه وريته ما راح حصل اللى كنا خايفين منه وهو ان زوجى من يوم ما راح البيت وهو حاله اتغيير عدى اول يوم ولم يتصل على ولم يرد على عندما اتصل عليه فاقولت يمكن كان مشغول فى الشغل ورجع متاخر تعبان فعدى يومين ولم يتصل وهذا لم يكن من عادته فاتصلت عليه على تليفون الشغل عرفت انه مرحش الشغل بينى وبنكم قلقت غريبه دى المهم قولت الصبح هتصل عليه لو مردش اروح اشوفه وفعلا اول ما النهار طلع فضلت ارن عليه ما فيش اى استجابه لبست وروحت على البيت اشوف هو فى ايه وصلت البيت فضلت اخبط ماردش عليا وبعدين افتكرت ان كان فى نسخه من المفتاح فى شنطتى بس كنت ناسيه فتحت الباب وكان مفيش حد فى البيت بقيت بدور عليه وانا بنادى لحد ما افتكرت انه مش فى البيت بس بفتح غرفة النوم لقيته قاعد على السرير ومقرفص رجله ودافس وجه بين رجليه فقولت مالك فلم يرد فاخدته فى حضنى وشويه قومته واخدته على الحمام وحطيت راسه تحت المياه وشربته كوب ماء وقعدته فى الصاله وحاولت ان اخليه يتكلم فضلت اقوله مالك قال لى سبينى وامشى انا خلاص هموت ومش عاوزكم تشفونى وانا بموت فقولت موت ايه ياحبيبى بعد الشر عليك وبعدين هو فى حد بيعرف هو هيموت امتى دا بس انت نفسيتك تعبانة شويه من قاعدتك فى البيت الكئيب قوم معايا فقال لا بقولك انا هموت سبينى وامشى وابقى ارجعى لما اموت عشان دتفنونى فقولت انت ايه اللى بتقوله ده انت ايه اللى حصلك قوم معايا فهب فيا وبرق لى بعيونه بشكل غريب لم اراه به من قبل وهو يقول قولتلك امش وسبينى مافيش فايده انا ميت ميت المهم بينى وبنكم انا خوفت من شكله وانا اصلا كنت مرعوبه وانا دخله البيت انا صحيح انسانه متعلمه ومابعتقدش فى الاشياء دى بس الوسواس برده عمل شغله معايا قومت وسبته لما لقيته مصر على قعدته فى البيت وانه هيفضل منتظر الموت هنا لان هو حلاص ميعاد موته جه على كلامه المهم مشيت ورحت لوالدى حكيت له قولت يمكن يدلنى اتصرف ازاى فقال لى لازم نعرضه على دكتور نفسي يمكن قعدته لوحده فى البيت ده وهو بيكدب على نفسه انه مش خايف وهو جواه مرعوب اثر على نفسيته فقولت بس هو لحق دا كل اللى قاعدهم فى البيت يومين بس معقوله يومين يعملوا فيه كده لا انا حسه ان فى حاجه غلط فقال بس اسمعى الكلام لازم دكتور يشوفه وفعلا اخذنا دكتور نفسى معانا ورحنا البيت لقيته رجع تانى على نفس الوضع قاعد على السرير بنفس المنظر فقولت اتفضل يادكتور اهو على الحال ده بقاله ثلاث ايام وهو لم يرفع وجه ليرى من بالغرفه حتى فحاول الدكتور ان يتحدث معاه فيرد ويقول جايبين دكتور ليه خلاص مافيش فايده من الدكاتره انا ميت ميت فقال له الدكتور طب ايه عرفك انك ميت هو انت كشفت عند دكتور وقال لك كده قال لا وهكشف ليه وانا عارف انى ميت فقال طب ايه اللى مخليك متاكد كده قال انا عارف ومتاكد وياريت تسبونى بقى فقال الدكتور طب مش اللى عارف انه هيموت المفروض يعمل خير كتير ويصلى الفروض عشان يروح لربنا راضى عليه فقال بس انا خلاص عرفت انى هموت وكده مش هيتقبل منى حاجه فقال له من قال لك كده الكلام ده غلط فقال اللى قال لى قال لى ملكوش دعوه اطلعوا بره وراح مبرق بعينه زى المره اللى فاتت وفضل يزعق اطلعوا اطلعوا فقام الدكتور وطلعنا بره وقال اننوا متاكدين ان الحاله دى من ثلاث ايام بس فقولت ايوه انا متاكده هو فى حاجه انا مكسوفه اقولها فقال لا اتفضلى اولى انا لازم اعرف كل حاجه فحكيت ليه عن موضوع الدحال اللى كان فى البيت والمشاجرات اللى حصلت بينه وبين جوزى وتوعده بالشر هل ممكن ده يكون فعل دجال فقال دا حضرتك باين عليكى متعلمه هو ده كلام برده كل شئ وليه سبب وان شاء الله هنعرف السبب ونعلجه بس دلوقتى انا هبعت اثنين تمرجيه متخصصين ياخدوه للمستشفى وفعلا وصلوا ونقلوه رغم اعتراضه ومقاومته وفضل فىةالمستشفى فتره كبيره ولكن دون تحسن ودون القدرة على اقناعه بان موضوع موته اللى قرب ده مش حقيقى وان محدش يعرف هيموت امتى لحد ما قال حاجه غريبه حصلت له. تابع

الجزء الثانى