الحلقه الخامسه و الاخيره من جزء 2 الطفل الكبير

 

فقولت له سيف انت هتنام فقال ايوه انا تعبان ومرهق من الفرح فقولت مش هتقعد معايا شويه فقال لى الصبح فسكت وقولت يمكن مرهق وتعبان من الفرح عادى بسمع كتير عن كده ورحت نمت انا كمان صحيت الصبح ملقتش سيف جنبى قومت دورت عليه فى الحمام ملقتوش دورت فى الدور كله مفيش راح فين ده هو ايه اللى بيحصل ده معقوله يكون مش فاهم ايه متطلبات الزواج ايه ده المهم نزلت ادورعليه فى الدور اللى تحت فسمعته بيتكلم فى التليفون وبيقول فى اخر المكالمه ينفع كده انت مشعارف ان امبارح كان الفرح وان كان المفروض استلم من اسبوع على العموم خلاص تمام اسافر النهارده تمام سلام وقفل الخط وبص لقانى وراه فقال صباح الخير يايسمين فقولت صباح النور سفر ايه اللى هتسفره النهارده ده فقال اطلعى جهزى شنطة ملابسنا عشان انا عامل ليكى مفاجأه فقولت مفاجأة ايه فقال ما لو قولت مش ختبقى مفاجأه اطلعى بس جهزى الشنطه فقولت والله انت هتجننى فقال لى الله يسامحك فاحسيت انه هيزعل فاختها بضحك وقولت ادينى ياسيدى هجهز الشنطه لما نشوف مفاجاتك المهم جهزت الشنط ونادى البواب اخدهم وقال يالا بينا بس هطلع اسلم على ماما فقولت له خدنى معاك طلعنا وسلمنا عليها ونزلنا ركبنا السياره ومشينا وانا فى بالى بقول لما اسوف اخرتها معاك المهم فضلنا ماشين بالسياره ساعان نضحك ونتكلم بس انى اعرف رايحين فين او ايه هى المفاجأه المهم فالاخر وصلنا لمكان من اجمل الاماكن اللى ممكن الانسان يشوفها شاليه جميل مجهز بكل ما يمكن ان اتخيله واكثر وكل الشرف اللى فيه مطله على البحر منظر مريح جدا للنفس وقال لى اتفضلى يا امرتى المكان ده ملكك انتى وانا فضلت ان نبتدى فيه شهر العسل بس الله يسمحه بقى المهندس اللى متفق معاه يسلمنى الشاليه من اسبوع فات حصل عنده ظروف طارقه خلته اتاخر فى تسليمى الشاليه بس لما قال لى اقل وقت ممكن اسلمك فيه ميعاد بعد الفرح بيوم فقال لى والله غصب عنى وطبعا كنا حددنا معاد الفرح ومكانش ينفع ااجل فقولت مش مشكله اهو اليوم الفرح نستريح من تعب الفرح وامامنا الايام كتير فقولت اه منك هتجننى فقال طبعا انت عقلك راح فى حته تانيه خالص فقولت انا ولا جه فى بالى اى حاجه انا اصلا بمفكرش فى الحاجات دى فقال والله طب يالا بقى كفايه تاخير لحد كده فقولت على فين فقال على عشنا الجميل غرفة نومنا يالا بقى لاحسن انا صبرى نفذ وطلعنا وكانت اجمل ليالى عمرى وصحيت الصبح على ابتسامته وهو بيقولى اصحى بقى ياعروسه بلاش كسل فقول ما صحيت قال لى صباحيه ورد ياوردتى فقولت ربنا يخليك ليا فقال انا هخلى عمرك كله شهر عسل ياعسل ومرت الايام والحمدلله دلوقتى معانا ولد وبنت وعايشه احلى ايام حياتى بجد انا ربنا كرمنى بسيف ووالدته ودلوقتى اولادى اللى بقوا كل حياتى واخويا الحمدلله تم علاجه واشتغل وبندور له على عروسه لو عندكم عروسه ليه. 

اسبكم بقى وانا اسفه طولت عليكم ربنا ياسعد ايامكم سلام.

العوده لبدايه الروايه