جلب الحبيب

 

انتى بتقولى انتى اتجننتى ولا ايه معقوله اللى بتقوليه ده 

اعمل ايه يا سلمى بحبه ابن الايه بحبه وهو ولا حاسس بيا وانا خايفه حد يخده منى انا ساعتها هموت يا سلمى انا مش متخيله نفسي فى حضن حد ولا جنب حد على السرير غيره 

ايوه يا تاليا بس مش للدرجه دى دا اللى انتى بتقوليه ولا الجنان بجد معقول تعملى له عمل لا بجد انتى مجنونه انا كل ما يجى فى بالى اللى قولتيه ده ببقى مش مصدقه

الله يا سلمى يعنى طول النهار شايفه الحل امامى على التليفزيون وحلم عمرى هيضيع منى واقف اتفرج 

طول النهار اشوف اعلانات جلب الحبيب ورد المطلقه وي وي 

عوزانى اعمل ايه ما اجرب يمكن يكون فعلا والقيه بيرن جرس الباب واول ما افتح القيه واقف امامى وبيقول لى بحبك وعاوز اتجوز مش جايز يحصل يعنى معقول كل اللى بيعلنوا دول كدابين 

انا واخده رقم حد فيهم اهو ايه رايك نتصل عليهم ونروح 

يا بنتى دانتى بتتكلمى بجد بقى 

امال بهزار ايوه بجد طبعا انا هقوم اجيب التليفون بس انتى هتيجى معايا انا خايفه اروح لواحدى 

لا يا ياحبيبتى اروح فين انا ناقصه  يركبني عفريت واتعفرت ربنا يجعل كلامنا خفيف عليهم 

يووو بلاش تخوفيني انا متلصمه خليكى جدعه بقى عشان خاطرى ونبي يا سلمى ونبي 

خلاص يا تاليا حاضر أمري لله هروح معاكى ياستي اتصلي لما نشوف اخرتها فى الجنان ده 

الو ايوه مع حضرتك تاليا كنت عاوزه احجز ميعاد بعد اذنك 

بعد ما اخدت منها بعض البيانات قالت لها ينفع بكره الساعه ٤

ايوه ينفع بكره تمام 

خلاص يا سلمى ماعدنا بكره الساعه ٤ 

طب انا همشى بقى ياتاليا ونتقابل بكره سلام 

تانى يوم 

قابلت سلمى تاليا واتجهوا للعنوان وفعلا قابلوا شخصيه غريبه كده 

وبدات تسأل تاليا عن اسم حبيبها وساكن فين وشغال ايه ومجموعة بيانات 

وفى الاخر ايه المطلوب بظبط 

تاليا انا بحب حازم اوى ونفسي يحبنى زي ما بحبوا ومايشوفش غيري فى الدنيا 

تمام طلبك هينفذ بس مطلوب ١٠الاف جنيه 

ايه ١٠ آلاف جنيه مش كتير 

والله لو شايفه انه كتير خليكى افضل متعلقه فى حبال الهوا الدايب زي ما انتى 

تاليا يعنى لو اتصرفت فى المبلغ هيحبني فعلا 

الا يحبك دا هيجى لحد عندك ويطلب ايدك ومافيش حاجه هتمنعه عنك 

طب انا هتصرف فى المبلغ وهرجع تانى 

طب تمام وممكن تبعتى المبلغ مع اى حد وسيبي الباقى علينا 

خلاص تمام المبلغ هيكون عندكم بكره 

وفعلا تانى يوم بعتت المبلغ 

سلمى :بقولك ياتاليا انا دخلت على النت وقرأت عن الأساليب اللى بيستخدموها انها هتسلط عليه جن يخليه مايشوفش غيرك وان ده كفر وحتى لو جه لحد عنك وطلب ايدك واتجوزته دا هيكون زواج مشكوك فيه وممكن يكون فى حكم الزنا لان الزواج شرطه الرضا والقبول وهو بالشكل ده مجبور على الزواج وليس باختيار ورضا 

تاليا؛ايه اللى بتقوليه ده

 زنا ايه وكلام فارغ ايه وجن ايه اللى بتقولى عليه دى حاجه لها علاقه بعلم الابراج والفلك دا علم يا بنتى بلاش تخاريف

سلمى:بجد يا تاليا انا متأكده من الكلام ده لازم تسألى شيخ فى الموضوع ده دا زواج ومستقبل مش لعب عيال 

تاليا:ايه انتى مجنونه عوزانى اروح اسأل شيخ على الكلام الفاضي ده لا طبعا 

سلمى:احنا نلبس نقاب ونروح لأي شيخ موثوق فيه ونسأله كأننا بنتكلم عن واحده صاحبتنا تانيه ونفهم الموضوع احنا مش قد الكفر والزنا والكلام الكبير ده 

تاليا:انتى شايفه كده 

سلمى :ايوه طبعا مافيش غير كده 

وفعلا سألوا عن شيخ فى هذا المجال وراحوا له 

واول ما سلمى نطقت وسألت الشيخ وحكت له بس طبعا ان الموضوع يخص صديقه ليهم 

الشيخ قام وقف وهو غضبان وهو يقول استغفر الله العظيم استغفر الله العظيم 

قولوا لصديقتكم دى اوعى تفكر لمجرد التفكير فى الموضوع ده دا كفر يابنتى كفر وعلى فكره على حصل زواج وهو تحت تأثير السحر ده هيكون زواج باطل ولو حصل اى جماع بناءا على الزواج ده هيكون فى حكم الزنا استغفر الله العظيم 

خرجوا من عند الشيخ وسلمى بتقول لتاليا انا مش قولتلك صدقتى بقى 

تاليا ؛يا نهار اسود كفر وزنا انا كان عقلى فين بس 

انا هتصل عليهم اقول ليهم انهم مايعملوش حاجه 

سلمى:لا احنا نروح ليهم عشان نسترد المبلغ 

تاليا:تفتكرى هيرجعوا المبلغ 

سلمى :مادام مش هيعملوا حاجه ناخد المبلغ هيرفضوا ليه يعنى 

حاولت تاليا تتصل على الرقم لتخبرهم بعدم فعل شيء ولكن التليفون غير متاح 

فاتجهوا للمكان 

فوجدوا المكان مغلق وموضوع منشور على المكان من الخارج ان الشيخه سافرت لدوله اخرى لاستعانة احد الأمراء بها وطلبها على وجه السرعه وان لا يقلق العملاء فكل الاتفاقات ستتم كما اتفقوا معهم ولم يجدوا اى أرقام لتواصل معهم 

فعادوا وهم لا يدرون ماذا يفعلون 

والغريب ان بعد عودة تاليا لمنزلها وجدت امر غريب وغير متوقع .تابع الجزء الثانى