الجزء الثانى حب بالقطار

 

نسمه:اه طبعا ياسندس دا بيتك وانتى اختي دا اناكنت متضايقه اني ماليش اخت 

وتانى يوم اتجهزت سندس للذهاب لاستلام شغلها الجديد وعندما وصلت دخلت الاستقبال وبتسأل على الاداره اللى هتستلم الشغل فيها 

وبعد أن اخبروها انها بالدور الثانى بالمبنى وشاورا لها على الاسانسير اتجهت للاسانسير ودخلت وقبل ان يقفل الباب فتح احد الباب لتنظر وتجد شاب القطار امامها لم تصدق نفسها وظلت واقفه أمامه هائمه به وتظن انها تحلم او يتهيء لها ولم تفسح له المكان ولكن من الواضح انه لم يتذكرها حتى قال لها ممكن ادخل 

نسيت انها فى الاسانسير وبتلقائيه قالت لا ما ينفعش تدخل طبعا انا لوحدى فى البيت 

فقال بأستغراب بيت ايه يا استاذه احنا فى الاسانسير من فضلك ادخلى شويه انا مستعجل 

افاقت من ايهامها وقالت اه انا اسفه ورجعت للخلف ودخل وأغلق عليهم الاسانسير وهي مازالت لم تصدق انه هو وقف الاسانسير وفتح الباب وخرج هو وهى ظلت واقفه بالاسانسير قليلا حتى فاقت لنفسها وخرجت بعده ووقفت فى طرقة الدور لا تدري إلى أين تذهب حتى مر فراش بالدور 

فسالته كنت عاوزه ادخل لمدير الفرع فأخذها واوصلها لغرفته وشاور لها عليها وتركها وذهب  فوقفت أمام الباب وخرجت مرآه صغيره من شنطتها نظرت بها قليلا ثم إعادتها لشنطتها واستأذنت بالدخول فأذن لها وعندما دخلت تفاجئت بأن شاب القطار هو مدير الفرع 

فوقفت أمامه وتلجلجت فى الكلام 

سندس:صباح الخير انا انا ...

ووضعت يديها على مقدمت رأسها:انا ايه 

عادل شاب القطار؛انتي ايه

 انتى ايه حكايتك بظبط 

انتي طبيعيه 

وبعدين انا شوفتك قبل كده فين  ملامحك مش غريبه عليا 

سندس اتحرجت تفكره :انا لا ابدا شوفتنى فين 

انا مش من هنا انا انا 

عادل:انتى علقتى تانى 

سندس:انا مش من هنا وجايه من الفرع التانى عشان استلم الشغل هنا وده جواب استلام الشغل 

اخد عادل منها الجواب وقرائه ورجع نظر ليها انتي متأكده اننا ما اتقبلناش قبل كده 

على العموم 

وداس على جرس 

داخلت سكرتيرته بنوته كده دلوعه واخر شياكه وجمال 

ايوه اامرنى حضرتك 

عادل:خدي الانسه سندس علميها الشغل عشان دي هتكون المساعده بتاعتك بعد ما الشغل زاد عليكى 

السكرتيرة بدلع:تؤمرني 

نظرت سندس لسكرتيره وطريقتها من فوق لتحت 

وقالت فى بالها هي مالها دي انا هشتغل مساعده لدى 

السكرتيرة مشيت امامها وهى بتقولها يالا اتفضلي تعالي ورايا

 وبمجرد خروجها من الباب 

لفت اليها تاليا السكرتيره وقالت بقوليك ايه اول حاجه كده احب اوضحها ليكى البيه اللى جوه ده يخصنى انا وبس يعنى عينك تزوغ كده ولا كده يبقى الله يرحمك وخدى بالك انا هنا الكل فى الكل يعنى لو قولتله سندس ماتنفعش يبقى ماتنفعش وهترجعى لبلدك اللى جايه منها انتي منين صحيح اكيد جايه من تحت الجامو*سه اقصد من الريف مش كده ولا ايه

سندس: ماتشغليش بالك هيفرق معاكى فى ايه ده يعنى يا ..

تاليا: انا اسمى تاليا انا بس حبيت افهمك من اولها كده

سندس: لا متخافيش انا جايه اشتغل مش جايه احب 

تاليا:طب اقعدى على الكرسي ده مؤقتا لحد ما اظبط مكتب ليكى 

جلست سندس على الكرسي وهى تقول بينها وبين نفسها ايه الحظ ده انا كنت نقصاها دي كمان 

فجأه احضرت تاليا ملف ورقي كبير وقالت لها خدى الملف ده اكتبيه على الورد كله واوعى تغلطى انتي بتعرفى تكتبى على الورد طبعاولا ايه العمليه مش مستحمله كمان اقعد اعلم ا ب 

سندس :لا بعرف بس مش تدينى فكره عن طبيعة شغلى الاول

تاليا:لا بقولك ايه مش انتى اللى هتقولى لي اعمل ايه وازاى اتفضلى هاتى الترابيزه دي حطيها امام الكرسي وخدى اللاب ده واكتبى ومش عاوزه اسمع غير حاضر انتى اسمك لسه مكتوب بالرصاص يعنى ممكن يتمسح فى اى لاحظه وبعدين تخلصيه فى السريع كده لسه فى شغل متركم كتير 

اخذت سندس منها الملف وجلست تكتب فيه وكلما انتهت سندس من شىء احضرت لها عمل اخر وظلت تجهد بها وتأخذ منها الشغل بعد ان تنتهى منه وتدخل به لعادل 

وعندما يسألها عادل عن شغل سندس 

تاليا: دى خيبه خالص دا انا لسه هعلمها واحده واحده اعمل ايه قدرى بقى 

عادل :ازاى الكلام ده دا الفرع التانى بعتها بعد اجتيازها الاختبار 

تاليا: انا عارفه بقى مش مشكله اتعب شويه كله عشان خاضر عيونك

عادل: وليه ياعنى دا كله لو انتى شايفه انها مش هتنفع نبعت للفرع انها غير مناسبه للعمل بالفرع ونمشيها

تاليا: لا سيبها كده لما اشوف هتتعلم بسرعه ولا هتتعبنا بقولك سيب الموضوع ده ليا وانساه

عشان تعرف بس ان مافيش زينا 

واخذت سندس الامر عنادا وقررت ان تتحمل العمل فهي امس الحاجه الى هذا العمل وخصوصا بعد ان خرج والدها على المعاش والمعاش مبلغ قليل لا يكفى والكل واضع امل عليها وهى ماصدقت انه تم قبولها بالعمل اخيرا

فى اخر اليوم بعد عناء وتعب سندس وانتظارها اى كلمة ثناء من عادل على شغلها طوال اليوم رغم انه اول يوم لها بالعمل ولا تعلم الصوره التى اوصلتها تاليا لعادل عنها 

خرج عادل من مكتبه واتجه لتاليا وقال لها شيء بينها وبينه ضحكت تاليا بطريقه مستفزه وخرج ولم يعر اي انتباه لسندس نتيجة للصوره التى اوصلتها تاليا له عن سندس 

جلست سندس بعد ان كانت قد وقفت عندما خرج عادل من مكتبه ظنا منها انه سيمر عليها ويثني عليها باى كلمه لمجهودها التى بذلته

جلست وهى محبطه وحزينه وزاد الامر سوء عندما تفاجأت بتاليا تعطى لها ملف كبير وتقول لها تقعدى وماتمشيش الا لما تخلصي الملف ده كله كتابه على الكمبيوتر عشان عادل قصدى المدير محتاجه ضرورى الصبح فى اجتماع مع العملاء ويالا انا همشي انا بقى وهبلغ الفراش يقفل المكتب بعد ماتمشي سلام 

جلست سندس وهى تندب حظها هو فى كده ومن اول يوم 

وبدات فى كتابة الملف ولم يمر وقت طويل لتتفاجىء بدخول احد موظفى الأمن 

بعد اذن حضرتك مواعيد الشغل انتهت واحنا عاوزين نمشي 

سندس:طب مافيش مشكله امشوا انتوا وانا هخلص الشغل اللى فى ايدي وهمشي 

موظف الامن:لا ماينفعش حضرتك نمشي ونسيب حد فى الفرع لازم نتمم على كل شيء قبل إغلاق الفرع ونمشي بعد اذن حضرتك اتفضلى 

سندس:طب والشغل اللى فى ايدي ده اللى لازم يخلص ضرورى 

موظف الأمن:والله دا مش شغلى اتفضلي حضرتك انا عاوز امشي انا عندى مواعيد هتأخر عليها 

قامت سندس وقفت واخذت شنطتها وخرجت من المكتب والفراش أغلق المكتب ومشيت 

رجعت سندس لبيت عمها وكان الوقت تأخر قابلها عمها 

عمها:كنتى فين لحد دلوقتى معقوله كل يوم هتتأخري فى الشغل كده 

سندس:معلش ياعمي اكيد فى الاول بس كده وبعد كده الأمور هتتظبط

عمها؛طب ادخلى غيري ملابسك وادخلى المطبخ جهزي الاكل مع بنت عمك ومرات عمك

دخلت سندس غيرت ملابسها واتجهت للمطبخ 

دخلت المطبخ

سندس:روحى انت يا مرات عمي وانا هجهز مع سمر 

خرجت زوجت عمها 

سمر؛ها ايه اخبار الشغل احكي لى 

سندس:مش هتصدقي اللى حصل 

سمر:مش هتصدق ايه 

سندس:فكره الوالد الحليوه اللى حكيت ليكى عنه 

سمر؛اللى قابلتيه فى القطار 

سندس:ايوه ايوه 

سمر؛ماله

سندس:مش طلع هو مدير الفرع اللى استلمت الشغل فيه 

سمر:بجد اما حتة صدفه ايوه ياعم ماشيه معاك حلاوه

سندس:ولا ماشيه ولا نيله دي السكرتيرة بتاعته اللى هشتغل تحت ايدها اعوزو بالله منها عقربه 

لا وايه بتحذرنى الاستاذه

سمر:بتحذرك من ايه اللى يجلها مصيبه تاخدها دى هو انتوا لحقتوا 

سندس:على رايك دي بدون اي مقدمات كده لقتها بتقول لي انا عادل دا بتاعها ومش هتسمح لحد ياخده منها 

سمر:هو طلع اسمه عادل ماشي ياعم بس واضح ان الزفته دى مش سهله الله يعينك عليها 

سندس:دى مطلعه عنى من اولها ومبهدلانى وخدانى على الحامى من البدايه كده 

سمر؛معلش استحملى 

مرات عمهم ايه يا بنات ما تجيبوا الاكل وتعالوا بتعملوا ايه ده كله 

اخدوا الاكل وانجهوا للسفره 

بعد.ان انتهوا من الاكل ونظفوا السفره قامت سمر ومسكت سندس قومى تعالى معايا احنا داخلين غرفتنا يا ماما 

دخلوا الغرفه واغلقت سمر الباب وقالت لسندس ها احكي لى بقى كل حاجه حصلت معاكى وهو افتكرك ولا لا 

وظلت تحكى لها سندس عن يومها الاول حتى ناموا 

وتانى يوم 

دخلت سندس المكتب وجدت تاليا واقفه وماسكه الملف واول ما شافتها كتبتي الملف ولا لسه 

سندس؛لا لسه 

تاليا:ازاى ده المدير عاوز الملف دلوقتى اتصرف ازاى انا يعنى حتة ملف زي ده تقعدى فيه طول اليوم امبارح وما تخلصهوش انا ما ينفعنيش الشغل ده انتى جايه تشتغلى ولا تدلعى 

سندس:اصل موظف الأمن دخل عليا قبل ما اخلص وطلب منى ان امشي عشان يغلقوا الفرع 

تاليا بزعيق:انا مش عاوزه حجج كنتى اتصرفتى 

وأثناء زعيقها لها دخل عادل 

عادل:فى إيه 

تاليا:الظاهر مافيش فايده يافندم سايبه ليها الملف من امبارح ولسه ماخلصتوش حضرتك هتحضر الاجتماع بأيه دلوقتى 

عادل اتنرفز لاهمية الملف :وانتى ازاى تسيبي ملف مهم زي ده لواحده عارفه انها ضعيفه فى شغلها كده 

سندس لسه هتتكلم وتدافع عن نفسها 

قطعتها تاليا:هو انتى كمان هتردي على البيه اقعدي شوفى شغلك 

دخل عادل مكتبه وتركهم وهو يقول لتاليا اتصرفى انا هأجل الاجتماع ساعتين تكونى جهزتي الملف وبلاش دلع

تاليا:حاضر يافندم هعمله بنفسي ساعه ويكون جاهز

ونظرت لسندس وقالت 

عجبك كده يا استاذه سندس اتفضلى اقعدى كملى الملف وبعد كده لما اامرك بشغل تتصرفي وتخلصيه بأي شكل 

جلست سندس وهى هتموت من الغيظ ومش فاهمه هى ليه تاليا بتعمل كده معقول كل ده غيره على عادل معقوله حست بأعجابي بيه بالسرعه دي دي شكلها فعلا مش ساهله خالص

خلصت سندس الملف وقالت لتاليا اتفضلي الملف اهو 

تاليا قربت من سندس ومالت على اذنها وقالت انا حبيت بس اعرفك انا ممكن اعمل ايه ودى ااقل حاجه ممكن اعملها ممكن امشيكى من هنا فى لحظه 

فا انتى أمامك حل من الاثنين يا اما تكونى جايه للشغل وبس وتطلعى من عقلك اللى شوفته فى عنيكى من اول نظره يا اما تشوفى لنفسك شغل تانى من دلوقتى وتفرقينا قولتى ايه 

سندس:انا قولت ليكى من اول لحظه انا جايه عشان اشتغل وبس ومافيش اى حاجه فى بالى انتى اكيد فهمتى غلط 

تاليا:هنشوف ويارب يكون اللى حسيته غلط 

دخلت تاليا على عادل المكتب واغلقت الباب وقالت له اتفضل حضرتك الملف انا ماقدرش على زعلك ابدا خلصته ليك بنفسي رغم زي ما انت عارف ان الشغل كتير عليا وغصب عنى حاولت اعتمد عليها ما هو انا مش كمبيوتر دا انا ماصدقت ان حد جه يساعدنى 

عادل:انا عارف ياتاليا ان الشغل كتير بس لما تديها شغل تعمله ما تدهاش شغل مستعجل ومهم زي ده دي شكلها خيبه خالص انا شايف انها مش هتنفع 

تاليا:ادينى بحاول معاها لسه هنمشيها ونستنا لما يجي غيرها دا انا ماصدقت ان حد جه خلينا نصبر عليها شويه

انت وراك حاجه النهارده بالليل 

عادل:لا 

تاليا:خلاص انا عازمه نفسي على عشاء على حسابك 

عادل:ماشي ياستي 

وظلت تاليا تتلاعب بسندس بهذا الشكل 

وكل يوم ترجع من الشغل وهى محبطه ومهلكه ومتكاده من تاليا 

سمر:ايه اخبار الزفته معاكى 

سندس:زي ماهيه انا زهقت وبفكر اسيب الشغل ده 

سمر:ازاى يابنتى طب وأهلك اللى منتظرين اول ماهيه ليكى دول منتظرين مرتبك بفارغ الصبر 

سندس:ليهم ربنا بقى هعمل ايه يعنى 

سمر:طب وحبيب القلب اللى مسهرك الليل دا انا ماقلقش فى مره من النوم الا والقيكى قاعده سرحانه فيه دا انت واقعه على الآخر

انتى مش حاسه بنفسك ولا ايه  

سندس:وايه الفايده يعنى وهو ولا هنا ولا حاسس بيا خالص 

وطول ما الهبابه اللى اسمها تاليا دي جانبه وبتسوء صورتى أمامه لا يمكن هيعرف يشوفنى 

سمر:خلاص حاولى انتى توصلي ليه وتفهميه اللى تاليا بتعمله 

سندس:هى الزفته دى ماديانى فرصه وبعدين معقوله هيصدقني وهيكذبها دا واضح انها واكله عقله على الآخر دي مش سهله خالص 

سمر:وانتى هتستسلمى بالسهوله دى مش تدفعى عن شغلك وعن حبك 

سندس:لا طبعا انتى ماتعرفنيش 

وفعلا تانى يوم . تابع الجزء الثالث