الجزء الثالث من حكاية روقه

 

 

وكانت الأمور تسير على خير مايرام حتى كانوا حازم وسمر جالسين وأتى اتصال لسمر 

ردت سمر على التليفون 

سمر:آلو ايوه مين معايا

المتصل :ايوه استاذه سمر معايا 

سمر :ايوه انا استاذه سمر مين حضرتك

المتصل:مع حضرتك المستشفى 

سمر:خير فى حاجه 

المتصل :احنا اسفين ان نبلغك ان زوجك توفى البقاء لله 

سمر التليفون سقط من ايدها 

وسقطت سمر  فى مكانها تبكي وهى تردد مات مات وسبني لوحدى ودخلت فى حالة بكاء هيستيرى 

حازم قام وقف: مالك ياسمر في ايه ومين اللى مات اوعى يكون...

سمر:جوزى مات ياحازم مات وسابنى لوحدى وظلت تبكي وهى على الارص

حازم:البقاء لله ياسمر شدى حالك وتماسكى كده 

واتجه ليها وامسك ذراعها ليوقفها ويدخلها لغرفتها 

قامت معه وهى مازالت تبكي وادخلها غرفتها وارحها على سريرها 

وقال لها استريحى شويه ونامى عشان الصبح بدرى نروح المستشفى نخلص إجراءات الدفن وانا هفضل فى الصاله شويه لحد ما اتطمن انك نمتي وبعد كده هطلع على شقتى 

خرج حازم وجلس فى الصاله وفرد ظهره على كنبة الإنتريه وطول الليل سامعها وهى تبكى حتى غلبه النوم فى مكانه 

ولم يشعر بنفسه الا و سمر  توقظه اصحى يا حازم عاوزين نذهب للمستشفى عشان نخلص الإجراءات 

حازم:انتى لحقتى تنامى شويه دا انا سمعك طول الليل صحيه وبتبكى 

سمر:لا انا منمتش اصلا ما قدرتش انام طول الليل كل ثانيه قضتها معاه مرت أمام عينى 

حازم:وليه بس كده اليوم هيبقى طويل ومتعب عليكى كان لازم تناميلك شويه تريحي ظهرك 

سمر:وهتيحى منين الراحه بس يا حازم يالا بينا 

حازم:حاضر طب ادخل اعملك فطار يسندك طول اليوم 

سمر:ماليش نفس قوم بالله عليك يا حازم

حازم:حاضر هطلع بس هاخد شاور بسرعه واغير الملابس دى 

سمر:خلاص ماشي 

شويه ونزل حازم واتجهوا إلى المستشفى أسرعت سمر إلى الغرفه التى كان بها زوجها ولكنها لم تجده بها 

فسألت الممرضه هو فين 

الممرضه البقاء لله هو اتنقل لثلاجة الموتى بالمستشفى 

سمر:كنت عاوزه اشوفه واودعه لو سمحتى 

الممرضه:حاضر اتفضلى معايا 

ذهب معهم حازم ولكنه لم يدخل 

دخلت الممرضه وسمر ثلاجة الموتى واخرجته لها كشفت سمر عن وجهه وظلت تقبله من راسه وتبكي وتقول له هتوحشنى سبتنى ليه هعيش ازاى من غيرك انا معرفش حاجه فى الدنيا دى الا بيك وظلت تبكى 

فأخذتها الممرضه واخرجتها لحازم حازم حاول ماوساتها وتهدئتها 

واجلسها فى الاستراحه وسأل عن إنهاء الإجراءات وقام بإنهاء كافة الإجراءات وكذلك قاموا باجراءات دفنه وظلت سمر واقفه عند قبره تبكي ولا تريد أن تذهب ظل حازم محاولا ان ياخذها ويذهبوا ولكنها انهارت من بكاء وكأنها غير مصدقه انها لم تراه مره اخرى ضمها حازم الاصدره بأحد ذراعيه محاولا تهدئتها واخذها وذهب إلى شقتها 

واول ما دخل بها لشقتها سقطت من طولها على الأرض فقام بحملها ووضعها على سريرها وقام بإحضار طبيب لها فقام الطبيب باعطائها حقنه مهدئه وكتب لها على بعض الادويه فى مواعيد محدده والراحه 

فظل حازم بجوارها ولم يصعد لشقته فكان يعد لها بعض الطعام ويقوم بأطعامها ويعطيها الدواء وتركها ترتاح ويذهب ليجلس بالصالة 

ويذهب ساعات قليله إلى المتجر يباشر بعض الأمور ويعطى بعض التعليمات التى يجب ان يقوم بها العاملين بالمتجر ثم يعود مسرعا إليها ليتطمئن عليها ويعطيها دوائها فى مواعيده 

وظل هكذا حتى بدأت سمر تتحسن حالتها

واول كلمه قالتها سمر انا متشكره اوى يا حازم على وقفتك جنبى انا تعبتك معايا الفتره اللى فاتت 

حازم:وايه لازمته الكلام ده يا سمر ربنا ياخد بايدك وتقومى بالسلامه 

وبعد ما سمر تحسنت طلب منها حازم ان تقبل عزومته وانه يخرجها لتغير جو بعد اللى مرت بيه ورقدتها فى غرفتها طوال الفتره اللى  فاتت

عادت وتذكرت سمر زوجها 

حازم:خلاص بقى ياسمر ياريت كان البكاء بيرجع اللى مات انتى لازم تخرجى من اللى انتى فيه ده 

سمر :معلش يا حازم سبنى دلوقتى انا لسه تعبانه 

حازم:قومى يا سمر بلاش دلع وكسل وحاول يشدها من ايدها 

سمر:خلاص خلاص هقوم ياحازم 

حازم:انا هطلع اغير ملابسي انزل أجدك جهزتى خلاص 

سمر:ماشي ياحازم

فعلا طلع لبس ملابسه ونزل وجدها لسه بتجهز انتظرها شويه بالصالة وشويه وخرجت له 

حازم:ها تحبي تروحى فين 

سمر :اى مكان اهو نغير جو والسلام

حازم:طب يالا بينا 

اخدها وذهبوا لحديقه على البحر وجلسوا فى الكافتيريا اللى على البحر 

وقعدوا يتكلموا ومن ضمن الكلام 

سمر :انا مش عارفه روقه ازاى متحمله وراضيه ببعدك عنها وعن اولادها ازاى

 دا انا جوزى كان كل حاجه فى حياتى وعدم وجوده فى حياتى هيقتلنى ومخلينى مش حاسه بطعم الدنيا 

حازم:ربنا يعوضك بإنسان يعوضك ويهنيكى 

سمر:نصيبي واخدته خلاص وهو بصراحه ما يتعوضش

حازم:اما بخصوص روقه وازاى متحمله بعدى عشان روقه كل اللى يهمها مصلحتها وبس وأهم حاجه انى ابعت ليها الفلوس وتعيش عيشه مرتاحه وده اللى بيحصل دلوقتى إنما أنا وجودى معاها مش فى حسابتها اصلا دا ولدت وجابت بنت برضو وحتى مالقتش ولا بكلمه كان نفسي تكون جنبي ولا اصلا فارق معاها

وظلوا يتحدثوا ثم أكلوا وانصرفوا 

وتكررت العزومه بينهم مرارا وتكرارا وتقربا الاثنان من بعضهم مع مرور الوقت دون أن يشعرا الاثنين

وفى احد المرات وكان حازم ينتظرها حتى تنتهى من لبسها لخروجهم معا فقررت ان تدخل تأخذ شور قبل أن تغير ملابسها وحازم ينتظرها بالصالة 

سمر دخلت الحمام لتأخذ الشاور وبعد أن خلعت ملابسها وعند فتحها للسخان وبمجرد دخولها البانيو وجدت السخان يشتعل من الداخل فصرخت وشدت ما استطاعت من فزعها ولفت نفسها بفوطه وخرجت من الحمام وهى تصرخ فزع حازم واتجه إلى الحمام وهى خارجه فى نفس اللحظه فاصتدم ببعضهم وسقطت الفوطه وتعرت أمامه فحاولت أن تلتقط الفوطه وتدارى نفسها وعادت تصرخ فى حازم السخان مشتعل بالحمام 

دخل حازم مسرعا وقفل الغاز وانطفىء السخان 

وعاد إليها وهى واقفه فى مكانها مرعوبه فأقترب منها محاولا وضع يديه عليها ليطمئنها ويهديها فأرتمت فى حضنه وقام بضمها بذراعيه ورفعه وجهها اليه ونظر بعينها وكأنه يقول لها أن أصبحت لا استطيع ان اتمالك نفسي وكأنه ينتظر ردها عليه بعيناها 

فوضعت وجهها بالأرض وقالت له احنا لازم نفكر نفسنا انك جوز اختى 

حازم:وهى فين اختك دى كل اللى  يهمها الفلوس وبس انا بقى دم ولحم ومشاعرى تجاهك هتموتنى ماعرفش المشاعر دى اتولدت جوايه ازاى من غير ما احس وبيتهيألى ان اللى تولد جوايه تجاهك اتولد جواكى تجاهى انتى كمان

سمر:بس دا غلط وما ينفعش طول ما انت جوز اختى 

بعد فتره رن الجرس على روقه فى شقتها فتحت وجدت أمامها شخص بيقول ليها ممكن حضرتك تمضى هنا وتستلمى 

روقه:استلم ايه حضرتك غريبه حازم باعت فلوس بالبريد ولا ايه محاولش ليه زى كل مره

الشخص :لا دى مش فلوس حضرتك ولا انا من البريد دا حضرتك

ورقة طلاق ممكن التوقيع بالاستلام

روقه:انت بتقول ايه ورقة طلاق ايه اكيد حضرتك غلطان

الشخص؛اتفضلى استلمي وشوفى فى حاجه غلط ولا صح

روقه:ورينى يانهار اسود الحقينى ياماما حازم طلقنى 

الشخص:يا استاذه اتفضلى أمضى خلينى امشي 

والدت روقه:انتى بتقولى ايه يابت طلقك ازاى يعنى وليه 

روقه:انا عارفه ابن المجانين ده عمل كده ليه دا انا هخرب بيته

الشخص:يا استاذه أمضى خلينى اغور من هنا 

روقه؛أدى امضتى اهى اتفضل يا ابو وش حلو

الشخص وهو نازل على السلم ؛انا مالى انا وشي حلو ولا وحش والله عنده حق يطلقك 

روقه:اعمل ايه دلوقتى يا امى وبناته دول هعمل فيهم ايه ابن الك*لب ده عمل ليه كده دا انا شيله بيته وبناته 

اكيد فى حاجه غلط مش معقوله طقت فى دماغه كده مره واحده انه يطلقني 

انا لازم اكلمه واعرف منه عمل كده ليه 

والدت روقه :طب ما تكلمى اختك وشوفى كده تعرف أي حاجه يمكن اتلم على واحده هناك وقولى ليها تشوف حد غيره يمسك شغلها اللى ما بيطمرش فيه ده 

روقه:طب افرضى انه كان ناوى يبعت مصاريف بناته كالمعتاد ما لو طردته مش هيبعت حاجه هو يبقى موت وخراب ديار 

والدت روقه:انتى فى ايه ولا فى ايه كلميها بس خلينا نشوف فى ايه 

عند سمر وحازم اخر اليوم بعد الانتهاء من المناقشه كالعاده اخر النهار فى أمور الشغل 

حازم:على فكره انا الفتره الاخيره الأمور بينى وبين روقه ما كنتش على خير ما يرام وماكنتش اتكلم معاها فى اى وقت الا وتفضل تكلمني عن الفلوس واللى ببعته ومصاريف البنات واحتياجاتهم 

سمر:معلش حاول انت تظبط أمورك معاها وكل وقت والتانى تقول ليها كلام حلو 

حازم:حاولت كتير ياسمر بس اختك مافيش فى بالها غير الفلوس وبس وانا مش فارق معاها تماما

سمر:حاول تانى ياحازم وان شاء الله الفتره الجايه تبقى كويسه معاك

حازم:ولا فتره تانيه ولا ثالثه انا بعتلها ورقة طلاقها وزمنها وصلت ليها 

سمر قامت وقفت ايه انت اتجننت يا حازم ازاى تعمل كده 

حازم:انا عملت كده عشانه انا بحبك ياسمر وحاسس بحبك ليا يبقى احنا أولى ببعض وأصلح لبعض انما وروقه كل اللى عوزاه الفلوس وانا مش ناوى اقطع اللى ببعته ليها هى والبنات يبقى كده الوضع الصح 

سمر:لا طبعا وضع ايه اللى صح انت اتسرعت ياحازم ليه عملت كده دى اختى اختى انت فاهم يعنى ايه اختى 

انت عاوزها هى وامى يقولوا انى خطفتك منها لا انا ماقدرش على كده 

حازم:اهدى بس ياسمر وفكرى بهدوء احنا هنا قعدين مع بعض علطول وانا مش ناوى ارجع ليهم تانى وانتى مش ناويه على كده برضو ولا ناويه ترجعى تعيشي هناك

سمر:لا كل شغلنا وحياتنا هنا وهفضل هنا علطول 

حازم:طيب وانا بحبك و محتاجك هنا وانتى بتحبينى ومحتاجانى هنا معاكى وروقه عايشه حياتها هناك ومش متأثره ببعدى تماما وكل اللى هممها الفلوس وانا هبعتلها اللى يكفيهم وزياده يبقى ايه اللى غلط ارجوكى فكرى كويس انا بحبك ومحتاجك زى ما انتى محتاجه لى وسواء وفقتى او رفضتى انا خلاص مش هرجع اختك ليا

ولوانتى رفضتى الزواج منى هيبقى خسرنا احنا كلنا كل حاجه وما نبناش غير حرمنا من بعض واحنا أمام بعض وفى عز الحاجه لبعض ارجوكى فكرى كويس قبل اى قرار وكده كده لسه أمامك وقت تفكرى عشان فترة العده رغم انى كده كده بعيد عنها بس كده أفضل ارجوكى فكرى وبلاش تسرع فى الرفض 

سمر:ياترى يا اختى عامله ايه دلوقتى 

حازم:هتكون عامله ايه اكيد كل اللى شاغلها هبعت الفلوس زى ما كنت ببعت ولا هبطل ابعت بعد ما طلقتها 

سمر:لا ياحازم ما تتكلمش على روقه كده دى مهما كان دى اختى 

حازم:انتى بس اللى طيبه انا اللى عشرتها واكتر واحد عارفها 

سمر:ما هى اختى انا كمان وعشرتها انت بس اللى بتبالغ 

لسه حازم هيقول ليها انا هطلع انام ونكمل كلامنا بكره 

رن تليفون سمر 

سمر مسكت التليفون:يا نهار ابيض دى روقه اللى بتتصل عليا اكيد وصلت ليها ورقة طلاقها هقول ليها ايه انا 

رجعت وضعت التليفون وقالت لا انا مش هرد 

حازم :ردى وكلميها عادى وكأنك لسه ما تعرفيش عن أمر طلاقها اى حاجه وهسيبك انا وهطلع عشان تعرفى تتكلمى براحتك ومن غير ما تتلخمى 

طلع حازم وترك سمر فى حيرتها 

سمر:اعمل ايه انا دلوقتى واقول ليها ايه 

انتهى رن التليفون 

سمر:الحمدلله انها قفلت 

ولسه بتتنهد رجع التليفون رن 

سمر :يوو ارد بقى وربنا يستر 

فتحت الخط 

سمر:آااالو

روقه:ايوه ياسمر الحقينى الكل*ب اللى عندك طلقنى 

سمر:تابع

الجزء الثامن من حكاية روقه

 

انتهى رن التليفون 

سمر:الحمدلله انها قفلت 

ولسه بتتنهد رجع التليفون رن 

سمر :يوو ارد بقى وربنا يستر 

فتحت الخط 

سمر:آااالو

روقه:ايوه ياسمر الحقينى الكل*ب اللى عندك طلقنى 

سمر:حصل امتى ده وليه اكيد انتى زعلتيه 

روقه:زعلته ايه هو فين وانا فين عشان ازعله دا حيوان وبعدين انا متصله عليكى عشان قولت اكيد انتى اللى هتفدينى هو عمل كده ليه 

هو مش هيعمل كده الا لو اتعرف على واحده عندك خطافت رجاله 

سمر:واحدة ايه بس اللى اتعرف عليها هو يعرف حد هنا

روقه:انا عارفه بقى ما هو انتى بقى اللى تعرفى لى الموضوع ده 

سمر:انتى متأكده انك مزعلتهوش فى حاجه أصله كان ساعات من وقت للتانى بيرمى كلام كده انك مش فارق معاكى بعده عنك وكل همك الفلوس اللى بيبعتهالك ما يمكن ده اللى زعله وخلاه يعمل كده

روقه:وهى الفلوس دى ليه مش عشان اربى أولاده احسن تربيه ويطلعوا مش محرومين من حاجه ماهو متغرب عشانهم وانا متحمله هنا همهم وتربيتهم اللى ما بيطمرش فيه الحيوان ده بس برضو ده مش مبرر كافى لانه يطلقني ويضحي بيا وببناته

ارجوكى ياسمر تشوفى ايه الحكايه الموضوع فيه واحده تانيه انا متأكده حاولى تعقليه ياسمر وتخليه يردنى بس طبعا من غير ما تعرفيه انى انا اللى طلبت كده عشان كرامتى 

سمر:حاضر ياروقه هحاول سلام 

قفلت سمر الخط ودخلت غرفتها وهى تحدث نفسها ايه اللى انا فيه ده وازاى حبيت جوز اختى انا كده غلط ولازم أصلح الغلط ده انا لازم اتكلم مع حازم وننهى الكلام الفارغ ده 

تانى يوم فى مكتب المتجر 

حاولت سمر ان تغير من طريقة كلامها معاه 

سمر:حازم انت لازم تنهى المهزله اللى احنا فيها دى وترجع الأمور إلى وضعها الطبيعى انت متعرفش الموقف اللى كنت فيه امبارح واختى بتكلمنى وبتقول لى اكيد فى واحده خطافت رجاله اتلمت عليه انا ليه اتحط فى الموقف الزباله ده 

حازم انت لازم ترجع روقه ودا اخر كلام عندى 

حازم:وانا مش هرجع روقه 

روقه بالنسبه لى امر انتهى ولو انتى خايفه من لوم اختك وامك ليكى ادينى فرصه اشوف شغل فى اى مكان تانى وانا هخلصك من الاحراج ده تماما 

سمر:ايه الكلام اللى بتقوله ده ياحازم الكلام مش بالشكل ده ومال ده بده 

حازم:ازاى ياعنى ياسمر الكلام بالشكل ده انا بقولك انا بحبك تقولى لى انا محرجه هما فين واحنا فين احنا ممكن نتجوز ولا هما يعرفوا عننا حاجه دا احنا فى بلد وهما فى بلد تانيه 

سمر :لا ازاى احنا هنروح من بعض فين مسيرهم يعرفوا وساعتها هقول ايه انا ليهم وابرر ده ازاى لا انا اسفه مش هقدر ودا اخر كلام عندى 

دا انت متعرفش الكلام اللى بيتقال لى لما روقه تكلمني عنك وعن سبب طلاقك ليها لا دى حاجه لايمكن حد يتحملها 

قام حازم وقف: معنى كلامك انك رافضه حبي ليكى على العموم انا هشوف لى اى شغلانه فى اى مكان واريحك تماما من كل ده 

بس انا كنت فاكر انك ممكن تضحى زي ما انا ضحيت 

بعد ما وجد حازم ان سمر مش قادره تاخد قرار ومتردده 

شاف شغل فى مكان تانى عند أحد العملاء اللى شغال معاهم وترك سمر لحيراتها ولوحدتها واشتياقها له فهو كان يؤنس وحدتها 

وسندها التى تعودت على وجوده بجانبها خلال الفتره الماضيه وخصوصا انها احست بحبه الحقيقي لها وهى أيضا لا تدرى كيف تسرب حبه لقلبها واستحوز عليه دون أن تشعر وهى تعلم انه كان ليس من حقها 

وكان كل منهم رغم ان قلبهم يموت شوقا لبعضهم الا انهم يحاول كل منهم ان يتجاهل الاهتمام بالاخر رغم ان بينهم شغل لانه يعمل لدى عميل يتعامل مع متجرها 

وكانت روقه كل ما تتحدث مع سمر كانت دايما تجيب سيرة حازم 

وسمر تقول ليها انها أصبحت لا تعرف عنه شيء 

وتسألها طب هو لسه بيبعت ليكى مصاريف البنات ولا بطل

روقه:ايوه لسه بيبعت بصراحه بس انا حاسه انى السبب فى خسارته 

وبدأت روقه تلوم نفسها على طريقتها مع حازم ولكن بعد فوات الأوان 

ومرت الايام كما هو الوضع حتى يوم تفاجئت سمر بحازم واقف أمامها ويقول لها .تابع

الجزء الرابع